清心齋 (已結業)

去街市買開餸又口痕想買啲野食下，見到呢間好似幾多人買咁就一於比個機會佢哈哈。我先買左馬蹄糕試味先，真係幾好食喎，賣相黎講透明的，see through咁幾靚，有陣清香淡悠既味道我個人幾中意，咬落去好正因為馬蹄夠爽口，爽爽聲，全部切左片，職員話係全部手工製作無添加架添！跟住細妹又話肚餓就打包左個彩虹椰汁糕返屋企食，佢見到就話好靚因為有啲彩色啫喱料，七彩顏色咁哄得佢幾開心，椰汁糕有着香濃既椰子奶味，正，仲有啲生果味，不論大人小朋友都應該幾中意食，大家可以試下！

天氣慢慢轉返熱熱地，去街市行個轉想點啲甜品食下爽一爽😋😋，鋪頭門面都幾企理，擺設又整齊，燈光足夠夠光猛都幾重要，先睇得清楚啲甜品幾靚哈哈😻我揀左芒果西米糕😁😁，的的色色幾精緻，佢係椰汁做糕底，超級香濃既椰香味，完全啱曬我呢啲勁中意食椰味既人，佢中間都夾住有新鮮芒果肉，整體一食落口同時有啖啖既芒果同椰味，芒果少少酸甜的感覺好醒胃，西米又有吱吱好得意既口感，店員仲推薦我試下馬豆糕🤤🤤聽到我中意食椰味，同樣好香濃啊，食落去口感唔會太粉狀，所以我都買左幾件返去比屋企人食，佢地都讚話好好味。

去沙田探朋友，佢介紹話樓下街市間甜品店幾好似就帶我去試下，店鋪位置可能比較僻，唔太近地鐵站，但為左食好西，還是推介大家黎支持一下小店的！全部甜品都keep住有雪櫃凍住夠新鮮，我自己揀左招牌豆腐花果然好好味，滑溜溜又暖luplup飲落個胃到好舒服，店員保證係新鮮製作，而且豆味好香，配埋黃糖食別有一番滋味。另一樣係香芋糕因為平時好少見，最近中意左食芋頭味既食物就試下，粉紫色既賣相已經吸引左我，淡淡的香芋甜味，真材實料仲有芋粒做餡料，值得一試！

不嬲都好鐘意食糕點，嗌咗芝麻糕，紅棗糕，砵仔糕同埋香芋糕，味道都出乎意料地幾好！芝麻糕個芝麻味道到好出，食落去個口感好爽口，好濃郁嘅芝麻味！砵仔糕都足料，好多紅豆，係童年回憶既味道，真係好懷念！因為我已經好耐冇食過咁有質素既砵仔糕啦！香芋糕都好真材實料，真係會食到有芋頭粒，好重芋頭味，鍾意芋頭嘅人就啱晒啦。而我最鍾意就係紅棗糕，好有紅棗嘅清香同甜味，煙煙韌靭咁，唔會話太過甜，食到唔停口！除咗糕點，仲嗌左一支豆漿，有無糖同少甜揀，我揀咗少甜，甜度啱啱好！豆味重幾香，食完糕點飲埋都飽晒！

好少會食齋，但聽人講係良心店就一於黎支持下！店入面既糕點真係原汁原味，香港人味道！正～👍👍今次買左係出面少有賣既桂花杞子糕、彩虹椰汁糕、芒果西米糕、同香芋糕同埋買左豆漿黎飲～小店價錢但真係差唔過大集團既質素～😍杞子糕原粒杞子係入面，淡淡桂花香、晶瑩剔透😆；香芋糕用新鮮芋頭粒磨成蓉，口感軟滑伸有陣陣芋香。不過最過隱都係彩虹嗜哩粒配搭椰奶既彩虹椰汁糕🤣🤣，有別於傳統風味，果香搭配椰奶，配搭新鮮又繽粉！而芒果西米糕芒果味同椰奶味都好重，淡淡黃香色，讓人賞心悅目。呢杯豆漿都唔錯，老板同我講豆漿係佢地自家製造非常新鮮，豆味好重，而且飲落去真係十分濃厚。不過我覺得有d太甜哈哈哈哈哈🤭，早知飲無糖既，飲完豆漿同食埋糕點，其實都真係食左一餐咁飽哈哈哈～

豆腐花係香港唔算難搵，但係好食又滑又濃豆味嘅真係買少見少，唔少齋舖都有賣豆腐花，但係呢間嘅豆腐花真係食完會番唔到轉頭除咗豆腐花之外，紅豆糕都做得好好，呢間嘅紅豆糕口感好特別，唔係平時食開嘅又硬又乾嘅口感，而係綿密嘅，加上甜度啱啱好，突出咗紅豆嘅香芒果西米糕都好令我驚喜，因為佢係用新鮮芒果整，平時食嘅芒果糕都只係用粉整，會落新鮮芒果真係好少見，加上椰奶味真係高質蘆薈椰汁糕更加係會令你不停Encore，蘆薈粒嘅清爽口感同香濃嘅椰汁糕互補番，口感特別

呢排都係留係屋企多，一係就落街市買餸。今次係我第一次幫襯清心齋，估唔到都幾有驚喜，樣樣野都質素唔錯，而且每樣料都好足夠，小朋友好鍾意食。五色齋滷味有齊五款齋鹵味，岩曬貪心既我。我最欣賞係酸齋，個調味岩岩好，越食越開胃。而咖哩根係唔辣既，又有椰汁香味，岩小朋友食。香芋糕好足料，口感滑潤，很香，很糯不油腻，香芋味濃郁，而且幾抵食。砵仔糕得紅豆味，超級多紅豆，口感幾彈牙，而且食曬成舊都唔會太甜。下次試埋其他糕點先😋

點咗芒果西米糕、彩虹椰汁糕、桂花杞子糕同豆漿，本人較喜愛吃芒果和桂花味嘅食物，芒果西米露糕係利用椰汁糕底, 而且椰奶味香濃, 仲有西米配新鮮芒果肉，而且芒果好甜，超級好味。而彩虹椰汁糕我係俾佢個外貌吸引，都係椰汁糕底, 配上彩色啫喱粒, 色彩繽紛, 而且都幾好食。桂花杞子糕可見佈滿桂花，有十分濃郁的桂花味，口感似啫喱，味道清甜。仲有自家製豆漿, 佢哋採用有機黃豆, 有少糖和無糖兩個選擇, 就算有糖尿病都可以飲，而且豆味香濃, 豆漿質地非常濃厚，十分推介

很久沒吃過齋了，適逢星期一，路過禾輋街市的「清心齋」，就索性來個Green Monday吧！從網上得知，「清心齋」既支持反送中，近日又幫手送口罩，絕對是間良心小店！望望餐牌，便點了份五色齋鹵味。大的30元，小的20元，既然只差10元，那當然要個大吧！話明五色，當然有五款齋鹵味，包括酸齋、豉油齋、咖哩齋、齋鴨腎和齋叉燒。店員細心將五色齋放在外賣盒，方便我帶返家。每一款齋都非常入味，尤其我最愛的酸齋，非常惹！一盒簡簡單單，已經足夠我當晚餐，十分飽肚！

買左芋頭、紅豆、桂花同椰汁蘆薈四款口味全部都好好味，甜度啱啱好，雖然好大件，但因為太好食，一次過食晒四件，完全唔覺得漏強烈推薦芋頭味 口感似混合左嘅mousse同啫喱 一入口已經滿口芋泥味8蚊大大件，大過酒樓兩件仲要買三送一 好抵食

沙田禾輋街市內有一小店賣甜點和齋點，賣的食物不太多，但試過它的糕點後，必會再來幫襯，因各件糕都是原汁原味，不會加入太多糕粉。糕點$8一件，但買三送一，即是$24四件，比較化算。～杞子桂花糕賣相悦目，透明的糕內藏有紅色原粒杞子和淡黃的桂花。味道清香，不會過甜。～芒果西米糕芒果的甜配上淡味煙韌的西米粒，出來的効果非常好。糕底是椰汁糕，非常討人。～馬蹄糕清甜可口，糕內的馬蹄片非常爽脆。～紅豆糕原粒紅豆煮淋了，藏在煮成紅豆沙的糕內，成為回味無窮的糕點。這店的門面亳不起眼，但卻真材實料地做出一試難忘的甜點，就像以前媽媽手造的糕點，真是難得。

已經好耐冇食番呢種小時候嘅味道、而家真係已經好難搵到、但今日比我發現原來仲有、好回味嘅小時候糕點味道、馬豆糕、紅豆糕、芝麻糕、馬蹄糕、桂花糕、全部都好好味、😍食得出店主嘅用心製作😋

又平又好食！小朋友特別鍾意個彩虹糕😋買咗啲返屋企當小食，覺得又健康又好味！我自己仲試咗椰汁糕馬豆糕，好食又唔會好甜。佢哋啱啱新開張，啲Staff都好好人喺度介紹每款食物！

上星期日去沙田踩單車，經過禾輋邨街市見到問口旁有一間清心齋，很乾淨企理。於是去買一些齋試下。一食就發覺D齋，非常健康。不會太甜。味道很好。糕點非常清新。甜到烚到好似。石磨豆漿，非常健康不會太甜，豆腐花非常滑。壽包又好健康不會太甜，我覺得樣樣都很好，如果真的要揀一樣最好就食係馬豆榚，老闆話冇防腐劑，係一間健康良心企業，不喜歡甜嘅香港人很值得去，環境乾淨，又寬敞。完全不似置身於介紹。近期領展改善街市呢個街市係非常之好。呢間齋鋪喺，入口第一個位，又健康又清新，又乾淨。

經過禾輋街市見到有一間新開嘅齋鋪，買咗齋同糕點返屋企同老公食！(齋大盒$30，糕點$8一件，買三送一)齋有酸齋、咖喱齋、蠔油齋及齋鴨腎，味道不會太濃，自己最喜歡齋鴨腎！糕點有很多款式揀咗四款：棗蓉糕—紅棗味濃，不太甜芝麻糕—好濃郁芝麻香味椰汁蘆薈糕及椰汁芒果西米糕—清香椰汁味、味道清新，老公最鍾意椰汁西米糕！總括呢講食物樣樣都好好味，份量十足，價錢又優惠仲好新鮮添！還有其他不同嘅甜品，如豆腐花、芝麻糊、芒果布甸等等⋯⋯下次再去試吓其他食品！😋😋