清心齋 (已結業)

去沙田探朋友，佢介紹話樓下街市間甜品店幾好似就帶我去試下，店鋪位置可能比較僻，唔太近地鐵站，但為左食好西，還是推介大家黎支持一下小店的！全部甜品都keep住有雪櫃凍住夠新鮮，我自己揀左招牌豆腐花果然好好味，滑溜溜又暖luplup飲落個胃到好舒服，店員保證係新鮮製作，而且豆味好香，配埋黃糖食別有一番滋味。另一樣係香芋糕因為平時好少見，最近中意左食芋頭味既食物就試下，粉紫色既賣相已經吸引左我，淡淡的香芋甜味，真材實料仲有芋粒做餡料，值得一試！