清心齋 (已結業)

🌿清心素 素食糕點☘️今次買左佢嘅其中4款糕點🎂分別芝麻糕、馬豆糕、芒果西米糕同紫芋糕🍡佢哋仲有紅棗糕 桂花糕馬蹄糕等等🍢.🔳芝麻糕◼️佢嘅芝麻味好濃✔️比之前嘅生隆餅店更加濃🥳食落有芝麻嘅質感❤️好挺身嘅糕點嚟🙆🏻‍♀️回頭率💫： 🌕🌕🌕🌕🌑. 🐺馬豆糕🌞入面係綠豆黎💚但陣豆味唔算濃 比較淡口🙈淡淡嘅椰汁味會滲出黎🥥都係比較挺身嘅糕點🙆🏻‍♀️回頭率💫： 🌕🌕🌕🌘🌑. 🥭芒果西米糕🥛呢款嘅西米有好多😍啖啖都會食到好多西米😋芒果味亦好甜 🥭但多啲芒果會更加正🤤食呢個好似食緊芒果西米露咁👍🏾不過轉左做糕點版😂回頭率💫： 🌕🌕🌕🌕🌗.🍠紫芋糕🟣佢有陣好香嘅芋頭味🌬食落亦都好滑😻有少少芋頭蓉嘅感覺🙌🏻食落唔算太甜👍🏻個色好靚而味道都好出色嘅糕點😽咁多個之中我最鍾意呢款💜回頭率💫： 🌕🌕🌕🌕🌖.

呢個星期又突然之間凍咗好多啦，咁多位有冇做好保暖啊🥶🥶🥶出面天氣凍冰冰，本來想食手卷駅既壽司嘅，最後都縮沙去食個豆腐花暖下胃🤣🤣下個星期暖番少少我會即刻沖去食㗎喇🥲🥲等我！好啦嚟到禾輋咁又食豆花又或者其他中式點品當然係要幫襯清心齋啦嘻嘻☺️☺️買咗個八蚊雞嘅豆腐花好抵呀，落咗黃糖，即刻係附近坐低開嚟食。傳統豆腐花最緊要就係重黃豆味，哈哈呢間唔錯可以再翻焯🥰看舖嘅兩位小姐好好人呀，順手我又訂埋新年糕點， $68一底咋係傳統賀年糕嗰啲款，有興趣都過嚟睇吓啊😊😊

今日返到屋企見到我阿媽買咗清心齋的糕點返嚟食。咁我就好奇問佢點解會買，然後佢答我見到啲糕點又大嚿又靚所以就想買返嚟試吓。跟住我食完之後都覺得幾好食可以推介下比大家🤤🤤🤤首先，芝麻糊💁🏻‍♀️💁🏻‍♀️我覺得佢呢個好香芝麻味同埋佢嘅口感好濃郁。我阿媽話買佢返嚟嘅原因係因為見到佢標榜着自己用石磨芝麻所以先會買來試吓。但係佢都冇令到我哋失望，因為佢個芝麻糊好滑。跟住就係芝麻糕，既然買得芝麻糊咁就一次過試埋芝麻糕睇吓有咩分別。佢個口感好爽口好似食緊芝麻卷咁樣😂😂😂😂 (呢個形容雖然有啲奇怪)但係佢真係唔知點解可以整到一種爽口嘅感覺而且有好濃郁嘅芝麻味。😂😂😂

成日經過都會見到呢間舖頭 但係今次係我第一次幫襯 估唔到就遇到驚喜😝尤其係糕點類嘅產品 買咗三樣嘢 冇一樣係唔好滿意 加埋價錢都叫合理 所以絕對有下次😃我大推紅棗糕 食落去自然 口味唔人工 食落去清甜 質感幾Q彈 唔會笠痴痴好黏口 第二鍾意就係桂花杞子糕 不嬲都好鍾意桂花味甜品 有好清新嘅花香 唔會好甜 杞子味唔算重 好似食緊啫喱咁 幾好味最後就係芝麻糕 有少少似以前食開嘅舊式芝麻卷 口感Q彈 爽口 味道比以前嗰兩款更濃郁 不過食完就幾飽下總結嚟講 糕類產品都好出色 店員有推薦我買埋豆漿 下次會再試埋其他嘢

同事曾推介過她的家附近有間清心齋的豆漿和豆腐花好正, 每次聽到她説, 我就流晒口水😂。 今日因為要攞文件给我同事簽名, 终於可以前來一嚐。我點了豆漿, 原來豆漿可以要求要無甜或者少甜，我自己就揀無甜，覺得個豆味很突出，仲有好香豆味, 而豆漿嘅質地比較濃厚幼滑。豆腐花亦做得相當出色，好重豆味，質感好滑，加左小小黄糖還帶出豆香味, 拎到手嘅時候仲係熱辣辣，雖然拎到上同事家有少少涼左，但係味道都依然保持到。我還買了馬蹄糕, 芝麻糕, 紅豆糕各一件。馬蹄糕粒粒馬蹄清甜爽脆，不會覺得加左好多糖。而芝麻糕既芝麻味十足，芝麻味很濃厚, 亦很煙韌柔軟！至於紅豆糕，唔會甜得過份，紅豆粒粒很有咬口, 散出淡淡红豆香味，口感都唔錯。同事果然沒有介紹錯, 回家時我又專程去買了一些糕點給家人開心享用。

平時太趕唔夠時間買嘢食填肚，我都會買幾舊糕點擺喺袋裏邊，隨時隨地可以食。位於沙田嘅呢間齋舖，一向我都幫襯開。我最鍾意佢嘅豆腐花係呢度嘅招牌，佢採用左有機黃豆，而且每日新鮮製作，我最鍾意嗌碗，熱辣辣豆花夠晒香濃豆味，非常滑嫩。紅豆糕同馬豆糕味道都正，馬豆糕出邊比較少有，佢整得香甜又好味，椰汁味好出，口感綿綿的。另外紅豆糕真係有好多紅豆，豆香又夠，食完成舊都唔會覺得甜膩，足料又夠健康，咁好食我會一次過買多啲。另外仲有香芋糕，外表夢幻紫色，有好多芋泥同芋粒，口感似慕絲，入口夠軟滑溜，係女仔最鍾意食嘅糕點。

之前端午節去左呢一間鋪頭買左個齋滷味試下 入面個酸甜根唔會太酸又唔會太甜 我覺得恰到好處 我以為佢個咖喱根會好辣點知一啲都唔辣仲好有椰汁味仲有個蠔油根亦都唔會太鹹 最重要的是佢唔會太淋 除左買鹹食我仲買左彩虹椰汁糕 佢用左唔同顏色嘅啫喱再加椰汁做糕底椰奶做一個唔同顏色的配撘 買到翻屋企之後我個侄仔係咁話要食😂😂😂😂😂 仲有紅棗糕佢口感好煙靱和有一種清甜的味道 而且姐姐都好好人不斷咁推介和解答我的問題唔會厭我煩 🥰😂 想揾邊款岩自己都可以問下姐姐

今日落街幫阿媽買嘢嘅時候見到係街市入面有一間專賣糕店嘅舖頭 諗住買返幾舊糕點和糖水返去屋企當甜品咁食1️⃣ 芝麻糊 : 食落feel到有好大重芝麻味同埋食落好細滑唔會食到沙嘅感覺2️⃣ 芝麻糕 ：同樣都係有好重嘅芝麻香味而且佢個感覺係好爽口3️⃣ 紅豆糕 : 個紅豆糕又唔會話特別甜而且佢加咗好多紅豆入去所以有好重嘅紅豆味 如果好鍾意食紅豆嘅人我特別推介呢一款糕點🤩4️⃣ 香芋糕 : 呢一款糕點係紫色 佢嘅紫色真係好靚 搞到我係咁幫佢影相😂😂😂😂 而且呢個香芋糕入面有芋蓉和芋粒 所以會有好重的香芋味同埋好有咬口

整得好食嘅糕點而家唔係隨處可見，但係呢間我都成日幫襯，佢除咗有糕點，仲有齋滷味食，經常我也會買回家加餸。由細食到大嘅砵仔糕呢度都有得食到，但係好可惜只有黃糖味，想食白糖味就要再尋覓一下，佢嘅紅豆夠晒多，食嘅時候唔會覺得好粉好硬，口感又夠彈牙，甜度適中，啱晒我用嚟果腹。另外桂花杞子糕都做得唔錯，出邊茶樓食嘅通常一夾就爛，但係呢度師父果然唔同，整得好實，感覺似啫喱夠煙韌，透明嘅琥珀色見到處處佈滿桂花碎，味道清甜透心。

今日經過沙田街市見到有一間舖頭賣糕點又好似幾出名咁就走咗去試吓 我買咗佢一個黃色砵仔糕同埋芒果西米糕試首先黃色砵仔糕咬落去嗰種質感唔係粉沙沙 而且個砵仔糕有好多豆同埋好大粒 我覺得佢個甜度都OK唔會話太甜 之後輪到佢嘅芒果西米糕 呢個糕點係令到我覺得最驚喜嘅地方 因為我估唔到佢會喺入面加芒果肉 佢令到個糕點有好重嘅芒果味同埋增加左成個糕點的口感 (可能係因為我好鍾意芒果所以我對呢一個糕點特別有印象🥰) 雖然鋪頭位置唔近地鐵站但係都值得行過去一試🤪

有老友大力介紹咁就緊係去try try呢家中式甜品店，買左第一樣係紅棗糕，因為平時係街好少見幾特別咁，個口感比較煙韌，散發住淡淡好香既紅棗味，甜度又啱啱好，每一口都有好清甜天然既味道，應該好啱媽媽爸爸既心水。第二樣我試左香芋糕，都係因為佢幾特別而且粉紫色好靚好吸引眼球，中間又有芋頭粒同有芋頭蓉，令到口感更加豐富，質感似mousse好細滑，店員話吸引到好多女客人買架，男仔都可以買黎哄下女朋友 下次等我試下馬蹄糕同埋招牌豆腐花先，聽朋友介紹都好正好好味咁

最近有街坊介紹左呢間鋪頭俾我，同我講話呢度啲豆腐花抵食又好味🤩所以今日去街市買水果兼買埋豆腐花自取返屋企慢慢嘆～去到舖頭發現呢到原來唔單止得豆腐花賣，仲有好多唔同款式嘅甜點，難得嚟到就買埋糕返屋企試吓吧😌我買咗馬蹄糕同埋芒果西米糕。馬蹄糕好爽口，食落有一片片馬蹄係裡面，馬蹄味十足，有陣陣清香既感覺。糕點既口感很好，咬落去唔會溶溶爛爛既感覺，而且一打開包裝就食得，好方便，用來做早餐都唔錯。另外一款芒果西米糕都幾好味，好香芒果味，一啲都唔酸，係新鮮香甜既芒果，咬落去都算幾多汁嘅。而且咬落去有大量西米，加埋椰汁好似甜品咁😚最後講返豆腐花，估唔到份量都幾大碗，真係好香豆味，質感都幾滑，難怪街坊極力推薦呢間嘅豆腐花俾我，的確係唔錯喎！

禾輋街市清心齋唔算好多人識，但我個人食左咁多次都覺得佢水準一路都keep到，都整得幾好味咁，填飽左我同屋企人唔少既肚子，於是就幫佢打個好評啦。第一樣要介紹就係佢既蘆薈椰汁糕，佢既椰汁糕底有好重好香濃既椰奶味，which is我最中意佢既其中一個特點，甜黎得又好香，香味俱全，佢地mix埋蘆薈粒係中間就令到成個口感更加清爽，個人都好中意蘆薈淡淡既清甜味，而呢個甜品2樣都有曬簡直就係完美哈哈，仲有砵仔糕，香芋糕同埋馬豆糕等等都好好味架！

住喺沙田咁耐都唔知呢度有間清心齋🤣之前喺深水埗有朋友請過我食一次芝麻糕，覺得幾好味，芝麻味十足，口感又好爽口。我一直都想再食返，但係深水埗又太遠，點知原來沙田禾輋有分店，實在太方便啦🤩今次除咗買芝麻糕之外，我仲試埋芝麻糊、香芋糕、蘆薈椰汁糕同紅棗糕🤩當中我最欣賞就係芝麻糊，大大碗，份量足，味道亦相當好，性價比好高。聞落去已經好香芝麻味，熱辣辣咁樣食特別香特別濃，不過食完好有飽肚感，所以兩個人share食就會更好😛蘆薈椰汁糕都幾好，好啱當飯後甜品，蘆薈同椰汁都幾match~又唔會好甜。紅棗糕同香芋都ok，食得出真係好足料，而且唔會好甜好膩，都算係色香味俱全。唯一美中不足嘅就係街市環境，冇得坐低慢慢食，而店員姐姐都幾有禮貌，好熱情咁同我介紹每款食物。店員姐姐話豆腐花都幾多人買，我下次會試埋佢哋嘅豆腐花😛

今日經過沙田見到呢間主打糕點嘅小店，有各式各樣傳統糕點，仲有我最愛ge馬蹄糕，就買咗幾件黎試下👀順便買支豆漿解渴，因為天氣實在太熱啦😅呢度嘅豆漿真係好重豆香，入口好香濃。值得一讚ge係有少糖同無糖兩款選擇，因為我媽咪唔可以食得太甜ge野，所以就買咗一支無糖ge豆漿俾佢~ 就算無糖都唔會淡茂茂，豆味仲更加突出左tim!馬蹄糕一直都係我最愛！以前細細個去酒樓嘅時候成日都要嗌一份黎食😄清心齋ge馬蹄糕入口清香，馬蹄好爽口，兼且無加任何香精，好健康咁。紅棗糕同砵仔糕都唔錯，兩款嘅口感都好煙靭，尤其係紅棗糕，紅棗味道香濃，但係又唔會有好假個種甜味，食落係感覺舒服ge味道。而砵仔糕有好多粒紅豆，食落幾Q彈，口感唔錯😆亦都唔會太甜！希望遲啲可以出埋白色嘅砵仔糕，呢個係我兒時回憶黎😄我覺得呢一間ge豆類製品都幾有水準，嚟緊都會繼續支持小店！