清心齋 (已結業)

今日返到屋企見到我阿媽買咗清心齋的糕點返嚟食。咁我就好奇問佢點解會買，然後佢答我見到啲糕點又大嚿又靚所以就想買返嚟試吓。跟住我食完之後都覺得幾好食可以推介下比大家🤤🤤🤤首先，芝麻糊💁🏻‍♀️💁🏻‍♀️我覺得佢呢個好香芝麻味同埋佢嘅口感好濃郁。我阿媽話買佢返嚟嘅原因係因為見到佢標榜着自己用石磨芝麻所以先會買來試吓。但係佢都冇令到我哋失望，因為佢個芝麻糊好滑。跟住就係芝麻糕，既然買得芝麻糊咁就一次過試埋芝麻糕睇吓有咩分別。佢個口感好爽口好似食緊芝麻卷咁樣😂😂😂😂 (呢個形容雖然有啲奇怪)但係佢真係唔知點解可以整到一種爽口嘅感覺而且有好濃郁嘅芝麻味。😂😂😂