清心齋 (已結業)

整得好食嘅糕點而家唔係隨處可見，但係呢間我都成日幫襯，佢除咗有糕點，仲有齋滷味食，經常我也會買回家加餸。由細食到大嘅砵仔糕呢度都有得食到，但係好可惜只有黃糖味，想食白糖味就要再尋覓一下，佢嘅紅豆夠晒多，食嘅時候唔會覺得好粉好硬，口感又夠彈牙，甜度適中，啱晒我用嚟果腹。另外桂花杞子糕都做得唔錯，出邊茶樓食嘅通常一夾就爛，但係呢度師父果然唔同，整得好實，感覺似啫喱夠煙韌，透明嘅琥珀色見到處處佈滿桂花碎，味道清甜透心。