清心齋 (已結業)

不嬲都好鐘意食糕點，嗌咗芝麻糕，紅棗糕，砵仔糕同埋香芋糕，味道都出乎意料地幾好！芝麻糕個芝麻味道到好出，食落去個口感好爽口，好濃郁嘅芝麻味！砵仔糕都足料，好多紅豆，係童年回憶既味道，真係好懷念！因為我已經好耐冇食過咁有質素既砵仔糕啦！香芋糕都好真材實料，真係會食到有芋頭粒，好重芋頭味，鍾意芋頭嘅人就啱晒啦。而我最鍾意就係紅棗糕，好有紅棗嘅清香同甜味，煙煙韌靭咁，唔會話太過甜，食到唔停口！除咗糕點，仲嗌左一支豆漿，有無糖同少甜揀，我揀咗少甜，甜度啱啱好！豆味重幾香，食完糕點飲埋都飽晒！