清心齋 (已結業)

天氣慢慢轉返熱熱地，去街市行個轉想點啲甜品食下爽一爽😋😋，鋪頭門面都幾企理，擺設又整齊，燈光足夠夠光猛都幾重要，先睇得清楚啲甜品幾靚哈哈😻我揀左芒果西米糕😁😁，的的色色幾精緻，佢係椰汁做糕底，超級香濃既椰香味，完全啱曬我呢啲勁中意食椰味既人，佢中間都夾住有新鮮芒果肉，整體一食落口同時有啖啖既芒果同椰味，芒果少少酸甜的感覺好醒胃，西米又有吱吱好得意既口感，店員仲推薦我試下馬豆糕🤤🤤聽到我中意食椰味，同樣好香濃啊，食落去口感唔會太粉狀，所以我都買左幾件返去比屋企人食，佢地都讚話好好味。