深深甜品

營業中

休息中

已到10月中，天氣仍帶悶熱，便與深水埗好友到附近特色甜品店，點碗糖水吃~店內裝潢以懷舊香港為題，有舊式鐵郵箱、六七十年代的大型收音機、綠白色的階磚地板，還有玻璃窗上的塗鴉等，皆具特色，打卡📸一流!石磨芝麻糊湯圓，芝麻糊以傳統石磨研磨，口感滑順細緻，嚐到濃厚香醇的黑芝麻味，加配雲呢拿🍨，口感味道更富層次!其中黑芝麻湯圓圓潤飽滿，外皮軟糯，內餡甜美，為黑芝麻糊添上一份甜蜜感覺~芒果西米露，入口絲絲細滑，奶味溫順，加入鮮甜芒果粒及西米豐富口感，果香四溢，甜香不膩~另加配桃膠及海底椰，爽滑煙韌，桃膠有養生美顏的作用，而清甜的海底椰有止咳潤肺的功效，健康美味之餘，亦能豐富糖水的口感。整體價錢大眾化，甜香不膩，健康味美~ 眼見還有很多款口味選擇，下次再與好友來品嘗~😋

糖水店越開越多，但價錢也越來越貴，普遍都至少三四十元起跳，可質素卻不成正比。這天竟在深水埗區遇上一間平靚正糖水店，十零廿蚊便有一碗高質糖水，份量又多，確實物超所值，值得推介。糖水店打造成七八十年代的模樣，懷舊風格中又不失玩味，好有心思。環境新淨，整潔企理，座位之間不會擠迫。到處都是充滿集體回憶的裝飾和擺設，例如九龍皇帝的仿書法、舊式信箱和玩具等，濃厚的本土情懷，是為香港人而開的糖水店。連餐牌都設計成古代秘笈般，好有創意。傳統中式糖水已買少見少，就算有都製作較馬虎，好高興這店供應多款港式糖水，更重要是功夫非常到家，完全跟足傳統做法，一絲不苟，保留到從前的風味，讓客人吃到回憶的感覺，好高水準。石磨核桃糊湯丸非常出色，質感好稠身，吃糊就是該有漿口的感覺，濃度好高，啖啖核桃香，非常濃郁香滑，切切實實是認真用心石磨成糊的味道，完全不像出面的開粉製成的劣質貨色，值得欣賞。加上兩大顆的圓圓湯丸，芝麻味香濃，皮薄滑而餡綿密，相當棒。桑寄生蓮子蛋茶好有古代宮廷料理的感覺，茶色濃而清，不會好甜和好稀，茶香滋補。內有大大隻又入味的原隻蛋、非常清甜的蓮子和紅棗，真材實料。桃膠腐竹馬碲露滿滿的一大碗，賣相精美，

秋涼滋潤糖水@深深甜品深水埗桂林街46號恆安樓地下C舖傳統中式糖水正氣養生，入秋皮膚同喉嚨好乾，一於食碗補下。有中式同台式，岩曬我，而且仲好抵食,大部分都係十幾廿十元啦！蛋白杏仁茶好用心機，把中國杏仁磨碎再過濾渣，帶出芳香再加入滑溜溜的蛋白，同樣滋潤又美味，輕鬆喝完一大碗，真材實料。好濃郁，入口甜度適中。蓮子蛋茶，女生喝有益，對月經好架。甘甘地又有蛋補充蛋白質，有益糖水之選。十幾蚊絕對係抵架！食完餐專登坐車來食湯

蛋花馬蹄露是少有的中式糖水店有提供的，不太甜很好味呢！看一看，超多料呢！簡直可以當晚餐哦！雪耳， 馬蹄粒， 令這糖水更有口感 ,蛋花也令美觀不小，甜到又適中。 超讚一定要試呢

去深水埗點可以唔識食「深深」甜品，佢哋擅長整嘅係中式糖水，啱晒鍾意養生同埋美顏嘅朋友。入到去鋪面好似去咗80年代啲地攤，設計好有味道。用上深綠色嘅牆色，仲有啲大排檔櫈仔坐。玻璃上面仲寫有溫馨小提示，提醒食客要食多啲暖身嘅甜品，好似番薯糖水，嚟緊佢哋都會整，非常窩心。首先我哋叫咗個桃膠腐竹馬蹄露，裡面嘅桃膠數量好多，馬蹄又好爽口，切成長方形條狀。腐竹散落在糖水當中，就像腐竹蛋白糖水一樣，形成蛋花的模樣，吃過以後感覺很養生，清甜清熱。另外叫了一個叁元豆花，這個比較貼近年輕人的口味，因為這個糖水十分多元化，餡料豐富，包括豆腐花、芋圓、地瓜圓、比較熱門的黑糖珍珠、紫薯西米。另外配料方面可以任選，四選一，分別是：香草雪糕、愛玉、紅豆和芒果。愛吃台式甜品的你真的不容錯過！每樣餡料的數目很多，珍珠鋪滿在豆腐花上面，香草雪糕慢慢在當中溶化，涼浸浸的感覺好贊，加上竽圓等均很有咬口，令人百吃不厭呢！結帳每人只是$40，非常經濟實惠。

通常晚餐食得唔夠飽，心底裡就會有個惡魔拉咗你去食甜品，今日就去咗心心甜品，呢間甜品舖外面睇好有80年代懷舊嘅風格，但係佢裏面唔單止會買傳統嘅中式糖水，仲有近排好興嘅台式芋圓添！作為煙靱控梗係要嚟睇吓究竟有冇傳說中咁好食啦！一坐低就已經決定咗要食佢嘅叁元豆花，裡面有豆腐花、芋圓、地瓜圓、紫薯西米同埋珍珠，配料我就揀左紅豆。佢嘅豆腐花都好有豆味，不過護院同地瓜圓相對就比較淡口，不過係口感上都做得唔錯架。整體性價比十分高，$33有咁多配料乜都試暈，試問仲有咩可以批評丫？而且最值得一讚嘅係佢不設最低消費，所以對減磅中嘅女友來講可以share嚟食，一解佢無得食甜品之苦呀！

今日放假，落街買完野之後就想食糖水，就去依度試下。叫左個腐竹馬蹄綠豆爽，味道比較清淡，不太甜，不太嗜甜的朋友可以試下。碗糖水都好足料，一啲都無偷工減料。價錢只係$22碗，真係好抵食。

成日去深水埗同長沙灣食甜品，但都冇去過依間深深甜品糖水店👍🏻原來係新開，裝潢設計都好有港式懷舊風味，雖然大部份提供都係典型糖水，但都有幾款特色糖水，所以就入去試下啦1. 叄元豆花(跟香草雪糕)（$33）🍨一睇就覺得好吸引啦，一碗有齊豆腐花、芋圓、地瓜圓、黑糖珍珠同紫薯西米😍仲可以喺香草雪糕、愛玉、紅豆、芒果四款當中再揀一款材料，咁緊係揀雪糕啦🤣🤣🤣芋圓同地瓜圓都好有黏糯感，黏硬適中；而黑糖珍珠口感非常煙韌，又黏滿重重黑糖香；紫薯西米令我更驚喜，紫薯味好濃，但又有西米口感😍加堆豆花同雪糕一齊食，不一樣的溫度，不一樣的口感，帶比我多重嘅感受彤樂評分：9/102.芒果西米露＋雪糕＋愛玉（$26＋$8＋$5＝$39）一碗唔算豐富嘅糖水，我加到佢變豐富😂芒果酸酸甜甜配上有煙韌口感嘅，而且加$5就有份量超多清甜嘅愛玉真係好正，配上香草雪糕層次更豐富😋彤樂評分：8.5/10

中秋節夜晚, 去完公園玩完燈籠行完街, 諗住深水埗應該最多嘢食, 就去睇下有冇糖水食啦。 由於食開嗰間好多人, 咁試下新嘢啦。坐正門口(風閘口)位, 唔係幾好受。 門外開張枱招呼吸煙人士, 啲煙攻返入嚟舖頭, 非常難受。不過冇辦法, 唔通投訴人吸煙咩。環境狹窄, 坐得好迫夾。裝修佈置係有特色, 但係對「舒適」都冇乜作用。老婆, 點了一個凍嘅<潮式腐竹馬蹄露>, 無。改為叫 <雪糕仙草凍>, 仙草的味道古古怪怪, 雪糕只有雲呢拿。唔好食, 食咗少少就放棄。我就穩陣啲, 叫一個熱<石磨合桃糊>, 傳統嘢, 一般般。男侍應, 服務唔錯。

呢間糖水舖新開嘅時候已經好想試但次次想食呢 一係撞正佢休息一係就正餐食得太飽已經食唔落😂但身為甜王點可以唔試下所以就算今晚趕住返屋企食飯都要買碗外賣返去😤本身想叫真可樂嗰個點知原來無得外賣最後叫咗黑糖珍珠檸檬愛玉 $28 (外賣加1蚊)返到屋企都成一個鐘後一開賣相就一般啦 叫做正常係有粒熊仔糖點綴一下食落去又估佢唔到喎黑糖味夠 好清甜 可能係因為加咗檸檬 所以好fresh 珍珠就好煙韌 放咗成個鐘都無翻生 愛玉就本身係d無乜味嘅嘢所以夾埋d糖水就啱啱好🤔好大兜食極都未食完如果覺得太甜可以篤下塊檸檬如果覺得唔夠甜又可以再浸下粒熊仔糖食完好滿足下次要試埋個真可樂同芋圓

去完黃金經過見到間新糖水店，睇門面好似唔差，好有特色好懷舊風，就同朋友決定入去試下啦！一坐底唔係睇食咩先，係觀摩一下間店既擺設先啦，每樣擺設都好懷舊好靚。佢地既餐牌都十分特別又有創意我叫左個叄元豆花入面包括左好多野：豆腐花、芋圓、地瓜圓、黑糖珍珠、紫薯西米，另外仲有香草雪糕、愛玉、紅豆、芒果 四選一既配料俾你揀，我就揀左香草雪糕我另外仲加左個桃膠呀！全都係我想食既野黎，黑糖珍珠細細粒煙煙銀銀好彈牙，香草雪糕又滑又軟，豆腐花都好滑好好食，整體唔會太甜，我一個人都食得哂份量剛剛好

深深甜品位於深水埗桂林街，喺深水埗地鐵站D2出口行過黎好方便的哦。呢度環境以鐵皮信箱同埋仿古圓桌圓椅做襯托，富有舊香港往日風味仿效著舊香港特色外，亦造出高質素既甜品餐牌上有各式各樣甜品選擇，老少咸宜仙草凍西米露仙草凍同西米露甚少混為一談，但合起黎又出奇地夾同幾好食！仙草凍冰涼香滑最啱大熱天時食，消暑解渴一流而西米露已經充滿口感之餘，重點係唔會過甜，啱晒怕肥嘅我！微微清香，口感嫩滑亦好啱老友記品嚐👴🏻👵🏻

食完lunch 個肚仲有d位梗係要食埋甜品la揾左陣見到呢d好 old school叫深深甜品門口已經好有feel好鬼懷舊 感覺在出面 睇個menu都吸引我gogooo個menu好似d古代 武林秘笈咁我就叫左呢個 配愛玉 再加海底椰呢度仲有好多好多甜品俾大家選擇呢度d佈置都好old school好大排檔feel呢個叁元豆花 好足料有黑糖珍珠 豆花 芋圓 地瓜圓愛玉 小西米 仲有椰果睇見都覺得 滿足 好足料而食落ge味道呢黑糖珍珠 夠晒黑糖味而且都係細粒珍珠 份量都好多芋圓 地瓜圓 都好煙軔 每款都有幾粒 但唔會唔夠因為都大大粒而愛玉都食到好d lemon味而豆花 同 小西米就在底部要撈起先見到他們總結 好滿足 好飽

💜深深甜品💜今晚同男朋友黎到深水埗食地茂腸粉😂然後直落去左食甜品😉黑糖珍珠檸檬愛玉 ($27)黑糖珍珠好好咬口原來愛玉即係啫哩，清清淡淡咁，感覺好fresh😋加上少少既蜜糖，甜甜地好食。仲有一隻Gumby bear 訓左係塊檸檬上面，真係cute cute!叄元豆花 ($33)豆腐花、芋圓、地瓜圓、黑糖珍珠、紫薯西米 配 香草雪糕除左黑糖珍珠外，緊係有主菜豆花！豆花好滑口，唔會好碎。加上芋圓同地瓜圓，好好𡁻頭。仲可以配雪糕或者其他配料。十分之足料！鋪頭裝修好懷舊，有懷舊收音機做收銀，頭頂有晾衫竹，裝身有信箱等等既70/80年代既風味！

這日跟深水埗地頭蟲好友吃完飯意猶未盡，想找個地方下場繼續吹水，問好友有沒有好介紹，她說最近桂林街開了間新糖水店，門面看起來好過癮，可以一齊去試試。本人很喜歡試新餐廳，當然答應啦。去到發現都幾多人，等左一陣位。餐廳走懷舊香港風，裝飾處處見心思，餐牌做成是秘笈樣子，書名「如何叫甜品」牆上旗幟標語是「養生有益，專治失戀」都讓我們忍俊不禁，會心微笑。有基本港式糖水，或者潮式台式，朋友選了黑糖珍珠檸檬愛玉加芋圓($35)小熊糖躺在檸檬上，小小的趣味。愛玉不錯，滑溜，但略嫌不夠檸檬味，自己榨了小熊片檸檬後更好；最怕放久或未煮透的硬珍珠，這裡不會，軟棉棉滲甜味，但同整體唔夾，加在別款會更好。芋圓地瓜圓也不夠煙韌，可以更好。整體有口感，不會太甜太酸，都算可以。-我選了腐竹馬蹄清心丸加雪糕（$37）只因一向愛吃腐竹雞蛋糖水，見有特別版便試試。結果比想像中還好吃。腐竹同馬蹄好夾，都係清淡清香類，清心丸無味但好煙韌，唔錯；成碗軟爽Q都齊哂。整體味道好合拍，各不搶戲，但有豐富口感。喜歡～ 暗暗決定下次呀媽煮腐竹糖水自己加球雪糕。