深深甜品

營業中

休息中

香港地道的糖水店不多，大多都是迎合年輕人和潮流的西式、日式和韓式甜品。今晚走到食肆眾多的深水埗，雖然眼見有多間連鎖式甜品糖水店，但似乎沒有那種親切的懷舊感，再走到桂林街看到這家門面有特色的「深深甜品」便吸引了我過去，細看餐牌上有大半都是傳統糖水，裝修又大玩懷舊，很有感覺，一於試試！職員介紹他們想持堅保留港式地道糖水文化，材料重質重量不馬虎。《桑寄生蓮子蛋茶 $22 （熱）》眾所周知寄生蓮子煮蛋是很好的滋陰養顏糖水，而且味道也很好, 不會是藥材味，而且對女性周期性不適也有舒緩的作用，我當然要點碗來補一補！蓮子份量多又稔，沒有苦澀味；糖水甜度剛好，易令人接受；而雞蛋都很入味至變成深啡色。《清心丸配綠豆 $22》最喜歡清心丸煙韌彈牙，咪道微甜不寡；開邊綠豆中混有薏米，很清潤的感覺，適合現時的秋冬天氣！整體來說深深甜品價格抵食又有質素，值得支持！

依家地鋪租金貴已經係定律，每格階磚都係錢！今日去左深水埗嘅一間糖水舖，唔止有裝修，有好多影相位，都係一啲舊式香港嘅用品，例如月曆，信箱等等，很有懷舊嘅味道！ 對於甜品扺擋能力係零嘅我，見到個menu 真係唔知選邊款，唯獨有一個叁元豆花係做緊promotion, 一碗有豆腐花，芋圓，地瓜圓，黑糖珍珠，紫薯西米，而且可以：香草雪糕，愛玉，紅豆，芒果四選一都係$33,極之抵！！！我再叫左我心愛嘅清心丸！第一次食紫色嘅西米雖然紫薯味道唔出, 但係見到個樣咁靚都開心啲! 黑糖珍珠甜甜地有少少綿花糖味, 豆腐花分量多, 仲有香嘅豆味同埋十分滑溜. 清心丸煙煙韌韌, 由細到大我都好鍾意食鍾意清心丸, 見到呢度有十分開心! 其實一次過食到咁多心頭好,仲有唔同嘅味道和口感, 都只不過係40蚊, 真係好耐冇試過啦!

食物賣相絕對是吸引一個未曾幫襯過之顧客來的主要目的, 一個色彩繽紛的大集碗就是我今次來的目標、 目標早已鎖定故此在門外看了三二一秒便已(中 )入店內。。裝修設計貫以一般懷舊裝飾， 綠與白的懷舊地磚加上陳陳舊舊、 就彷如跌倒入時光隧道六七十年代的屋邨店內， 餐廳大部份九成都是中式糖水， 既然已鎖定目標所以亦不作他求~要來一碗叁元豆花HK$33.裏面包括有紫薯西米/黑糖珍珠 /豆腐花/芋圓與及地瓜圓, 另外還可以在四款額外配角中選一款( 香草雪糕/愛玉/紅豆與及芒果) 自己面揀選了最偉大路之紅豆~咬在口中的芋圓與地瓜圓煙韌度無庸置疑,不過香氣卻感欠奉、 再往底層的豆腐花身上移， 亦同時敗畢於此豆腐花也是吃不出豆香味道、 唯獨可以讚的可能就是那細細的黑糖珍珠， 黑糖味道甜香、珍珠亦烹煮得有彈性， 紅豆就如目測相片中一樣~整體以這碗色彩燦爛的糖水而言, 個人只覺得好睇、好吃度只屬一般、 在香港要找得到一間製作芋圓好吃的店舖其實真是有點難度？

一行10人搵深水埗搵糖水！記得年幾前食過佢地元朗分店既經驗十分差🤦🏻‍♀️但朋友話佢食過深水埗lee 間覺得唔錯🧐比朋友說服我比多次機會佢🤔夜晚11點人流正常既，唔洗排隊，一入就有位坐椰汁西米露加芋圓 (芋圓+$7)芋圓正常但唔係算係有"驚為天人"既感覺不過不失咁law店員有問朋友加唔加淡奶如果喜歡淡奶既朋友可以叫佢加🤣桃膠腐竹馬蹄露馬蹄幾爽口唔錯👌🏻叁元豆花比上次印象係好左既，算易搵位同好坐一班人吹水既😂不過如果要排隊我唔會首先考慮

走懷舊風嘅餐廳對我嚟講係特別吸引嘅！一入到嚟，已經俾啲裝修及檯凳吸引住！叄元豆花配芒果 ($33)隨便睇吓個menu，已經知道係要食呢個！一碗有齊我最愛嘅材料，仲洗諗嘅？！成碗都好足料，芋圓及地瓜圓味道夠濃，雖然唔係超級彈牙，但非常有咬口感，起碼掟人都會反彈返嚟，而且唔甜；黑糖珍珠味道好濃郁，但如果冇咁甜會更好，不過口感煙韌，咬得好過癮；紫薯西米口感就好喇，不過紫薯味唔係太濃；仲有滑溜嘅豆腐花，加埋新鮮芒果，整個組合無得輸，啱晒好貪心乜都想食但又揀唔到食乜嘅朋友

深水埗出名多好野食, 所以我放假都成日去深水埗食野架~食過豬膶麵後, 覺得肚仔仲有空位剩記得朋友講過話附近有間叫"深深甜品"糖水便宜又貨真價實所以就同朋友提議食個糖水潤番吓 深深主地港式糖水, 芝麻糊合桃露更是石磨, 相當足料 另外仲有芋圓食呀, 都好多款選擇~ 價錢方面個人覺得幾平、幾抵食, 十零廿蚊就有一款, 以後放左工都會多啲落黎幫襯下~ 呢款甜品真係相當吸睛呀!!! 係芋圓豆腐花黑糖珍珠糖水呀! 只係HKD 33 就有齊豆花, 芋圓, 地瓜圓, 黑糖珍珠, 紫薯西米 另外可再選一款: 香草雪糖, 愛至, 紅豆或芒菓 超正呀! 忍唔住了, 立即點了一客!!! 嘩, 賣相超靚, 紫色好好好靚呀!! 材料望落去好豐富呢~ 味道方面, 真心唔錯, 好好食呀! 底下鋪上了厚厚既豆花, 又香又嫩滑又夠豆味 上面就放左黑糖珍珠鮮奶, 另一半放左紫色既紫薯西米 黑糖珍珠好鬼死煙韌, 唔會太硬, 軟硬度剛好 而紫薯西米就好特別, 雖然西米味唔重, 但配埋Q彈既芋圓同地瓜圓真心正 香草(雲呢那)雪糕都超好食!!!!個人覺得有少少焦糖味 整體來講呢客甜品真心好食又高質! 之後我們又

遠年陳皮紅豆沙 紅豆軟腍 起沙 甜度適中👍紅豆粒粒分明🤤豆香叁元豆花 料多 最岩咩都想食咩都想試嘅吃貨😂😂有豆腐花做底 配搭芋圓 地瓜圓 黑糖珍珠 紫薯西米 再配個雪糕🍦超正！ 紫薯西米幾特別 淡淡紫薯味 不錯👍清香！

冇幾耐之前loop instagram見到呢間《深深甜品》啲糖水賣相超級引激發起我嚟幫襯佢嘅衝動,所以今日阿肥就帶咗我出深水埗覓食喇。嚟到之後我發現呢個地舖之前都已經嚟過,而之前都同樣係一間甜品舖嚟,咁就應該係易咗手啦,連名都改埋,新裝修成為一間極具舊香江情懷嘅主題甜品店,頗有特色。連餐牌都整到成份秘衱咁,創意滿分睇完之後就決定咗要嗌番幾碗傳統糖水。蛋白杏仁茶湯丸($31蚊),呢碗熱食不得之了,杰身嘅蛋白份量充足,再加上運用杏仁味香濃嘅杏仁茶撞起之後攪著吃更為有口感,一啲稀溜嘅感覺都冇,正宗做法並無取巧。另外湯丸有芝麻餡料,煙韌好味桑寄生蓮子蛋茶($22蚊),平時我都好小點呢款糖水因爲覺得好多地方都整得冇乜味道,但見呢幾日秋風起都想滋補一下。估唔到深深甜品會咁用心去煲出呢一款養生之物,桑寄生茶濃郁回甘,蓮子剥咗不特止仲會抽清埋中間啲心出嚟,味道仲要十分香甜,女仔飲用好補㗎鮮雜果仙草凍($30蚊),往往呢種產品都逃唔出阿肥嘅手掌心鮮雜果包含咗西瓜+芒果+哈蜜瓜三款,全部都係佢嘅至愛,仙草凍並唔係普通涼粉,而係正宗地道台灣口味,口感爽滑嘅𥖁型仙草凍呢！另外仲有Q彈椰果配襯住,味道甘香帶甜非

今日放工同同事去咗黃金電腦商場, 點知我都執到啲筍貨, 兜咗兩個圈腳又攰又肚餓, 本來想食碗出名嘅車仔麵, 點知兩間都勁多人排隊, 朋友話想同事話想搵間舒舒服服坐仲好唔好同人逼, 見到呢間新開嘅糖水舖我哋就入咗去.見到有好多唔同款式嘅糖水同埋甜品, 真係花多眼亂, 沒有太費神去選擇食什麼, 睇到有補腰嘅合桃糊, 就點做呢一款, 仲加咗$7, 要咗桃膠.合桃糊食到係即磨嘅, 有少許一粒粒嘅合桃碎，都幾夠濃同埋算係傑身, 同埋份量都幾大, 唔會細細碗咁, 夠飽肚，原來合桃多吃會抗抑鬱同降膽固醇，很是健康！桃膠個色都幾襯碗合桃糊，桃膠口感爽滑煙韌, 它是一種天然的健康食品，內含有豐富的氨基酸，能促進膠原蛋白被人體吸收, 兩者都好有益補身！今日好開心，電腦商場又執到筍嘢，又食到美味有益嘅糖水，甚是滿足！

咁啱晚飯後黎開深水埗買電話卡，同朋友幾個人想搵個糖水舖坐一坐。見到呢間深深甜品新臉口，就貪新鮮黎試一試。呢間甜水店既裝修係行懷舊路線，牆壁上仲要貼上九龍皇帝曾灶財的字，真係好似返去以前70-80年代咁。我哋總共點咗三款糖水－蛋白杏仁茶、叄元豆花、薑茶湯圓。蛋白杏仁茶蛋白杏仁茶好濃郁，完全唔似有啲舖頭係用即沖粉開既味，口感好順滑甜度適中，推介。薑茶湯圓送到枱前已經聞到濃烈既薑味，有五粒湯圓，不過味道就普普通通啦。叄元豆花港式風格糖水舖食台式風格既糖水？有點兒格格不入的感覺。但就我所見有很多人點這款糖水，一於跟一跟大隊先。呢個糖水好豐富，入面有齊豆腐花、芋圓、地瓜圓、珍珠、紫薯西米。另外仲可以免費跟多個配料四選一，我哋一個揀咗愛玉、另一個揀咗紅豆。呢碗糖水超足料，成碗漲卜卜咁，好推介餓底既人去點，咁大碗都只係$33。整體黎講質素都OK，最緊要係都幾抵食，可以一試。

今日係又一城食完晚餐意猶未盡, 一行三人好想去食糖水, 事源我地3個都係CITY畢業, 想當年住HALL成日落SSP食糖水吹水, 今晚就想懷愐一下, 所以我地決定去SSP食!!! 好耐未黎過, 除左好耐歷史既糖X佬, X記之外, 見到呢間新野, 深深甜品!!梗係要試下新野LA, 間野係SSP黎講裝修真係算唔錯, 佢有一種懷舊FEEL, 但好乾淨整齊, 安排左坐卡位, 舒舒服服。我地有2個人都叫左佢既主打 叁元豆花 $33, 另外一個人就點左個 即制蛋白杏仁茶 $24, 跟住再叫左個 薑茶湯丸 $18 SHARE食!!!!!嘩!!好豐富呢!! =]野食好快到, 講返個 叁元豆花, 賣相好靚, 碗面鋪滿左4樣主要食材, 分別係芋圓+地瓜圓, 黑糖珍珠, 紫薯西米同埋另外有4種配料可以選1款加上去, 有香草雪糕/愛玉/紅豆/芒果, 我揀左紅豆, 底下就係滑滑既豆腐花。芋圓同地瓜圓都好煙UN我最中意, 紫薯西米同平時西米好似差唔多, 紫薯味唔太突出, 至於黑糖珍珠比起平時食既珍珠細粒, 所以雖然望落好多, 但食落都唔會起飽超濟, 我揀既紅豆好粉好甜, 帶領左全碗水既味道。底下既豆腐花真係滑,

上次過來食完糖水之後一直記掛在心中，最近秋風起開始好乾燥，我又把他帶來了深深甜品他點了一個木瓜雪耳海底椰加湯丸，木瓜好大塊，雪耳比較爽脆。冰糖糖水好清潤，啱曬秋冬開始乾燥時節滋潤一下自己個心和肺。最近胃氣不舒服我自己點了一個薑汁湯圓,薑汁味好重,湯圓有五粒粒大大粒。湯圓皮薄餡靚,黑芝麻好香好滑。食飽飯後，一碗甜品甜入心，好滿足。滿分為10分(1分最低，10分最高)食物：8.5環境：8衛生：8服務：8價錢: 8.5舒適度：8總分：8

深水埗一向都充滿著性價比高的餐廳，但甜品屋就比較少了。碰巧在深水埗逛完黃金，吃完門亭若市的劉森記之後，想吃碗糖水，就來了這家深深甜品吃東西了。還記得當年在外國自己用粉充開芝麻糊吃，再加數顆湯圓，已經覺得非常好吃，還可以一解思鄉病，現在想起來也是令人懷念。又再一次看到，當然要點同一樣的東西，核桃糊拼芝麻糊+湯圓，這種港式配搭實在令人想起以前的日子。這兩溝非常濃郁，令我完全記得當年不停實驗不同的水：粉比例，找出最佳濃郁度的日子，因為太稀的芝麻糊就吃不到那種真味了。外加的湯圓大大顆，雖然只有兩個，但皮軟餡多，芝麻多得一咬就漏出來了！下面的薑汁簡單夠辛辣，非常提胃。

已到10月中，天氣仍帶悶熱，便與深水埗好友到附近特色甜品店，點碗糖水吃~店內裝潢以懷舊香港為題，有舊式鐵郵箱、六七十年代的大型收音機、綠白色的階磚地板，還有玻璃窗上的塗鴉等，皆具特色，打卡📸一流!石磨芝麻糊湯圓，芝麻糊以傳統石磨研磨，口感滑順細緻，嚐到濃厚香醇的黑芝麻味，加配雲呢拿🍨，口感味道更富層次!其中黑芝麻湯圓圓潤飽滿，外皮軟糯，內餡甜美，為黑芝麻糊添上一份甜蜜感覺~芒果西米露，入口絲絲細滑，奶味溫順，加入鮮甜芒果粒及西米豐富口感，果香四溢，甜香不膩~另加配桃膠及海底椰，爽滑煙韌，桃膠有養生美顏的作用，而清甜的海底椰有止咳潤肺的功效，健康美味之餘，亦能豐富糖水的口感。整體價錢大眾化，甜香不膩，健康味美~ 眼見還有很多款口味選擇，下次再與好友來品嘗~😋

糖水店越開越多，但價錢也越來越貴，普遍都至少三四十元起跳，可質素卻不成正比。這天竟在深水埗區遇上一間平靚正糖水店，十零廿蚊便有一碗高質糖水，份量又多，確實物超所值，值得推介。糖水店打造成七八十年代的模樣，懷舊風格中又不失玩味，好有心思。環境新淨，整潔企理，座位之間不會擠迫。到處都是充滿集體回憶的裝飾和擺設，例如九龍皇帝的仿書法、舊式信箱和玩具等，濃厚的本土情懷，是為香港人而開的糖水店。連餐牌都設計成古代秘笈般，好有創意。傳統中式糖水已買少見少，就算有都製作較馬虎，好高興這店供應多款港式糖水，更重要是功夫非常到家，完全跟足傳統做法，一絲不苟，保留到從前的風味，讓客人吃到回憶的感覺，好高水準。石磨核桃糊湯丸非常出色，質感好稠身，吃糊就是該有漿口的感覺，濃度好高，啖啖核桃香，非常濃郁香滑，切切實實是認真用心石磨成糊的味道，完全不像出面的開粉製成的劣質貨色，值得欣賞。加上兩大顆的圓圓湯丸，芝麻味香濃，皮薄滑而餡綿密，相當棒。桑寄生蓮子蛋茶好有古代宮廷料理的感覺，茶色濃而清，不會好甜和好稀，茶香滋補。內有大大隻又入味的原隻蛋、非常清甜的蓮子和紅棗，真材實料。桃膠腐竹馬碲露滿滿的一大碗，賣相精美，