深深甜品

營業中

休息中

黎到深水埗黎個平價美食之地，上至小食，小菜，串燒，下至甜品，一應俱全。果日返完工做完GYM之後，就諗食正餐，但係已經好夜，所以係附近食個串燒之後就搵甜品食。本身有一間食開的甜品鋪，不過已經無做，機緣巧合之下，就黎左呢間深深甜品。去到門口見到都有幾個人係到排，不過好才我地兩個人有位可以直接入，我地叫左叄元豆花(跟香草雪糕)同埋芒果西米露＋雪糕＋愛玉。叄元豆花(跟香草雪糕)，呢一碗有豆腐花、芋圓、地瓜圓、黑糖珍珠同紫薯西米。呢D一睇就知係女仔叫架啦，哈哈!芋圓同地瓜圓黏硬度好適中；而黑糖珍珠有重重黑糖香味，令我諗起呢排非常愛歡迎的黑糖珍珠奶茶，另外紫薯方面，紫薯味好濃，擺埋哂一齊個口感好多層次，好爽。芒果西米露＋雪糕＋愛玉，呢個係一碗個個糖水鋪都有既選擇，不過佢有得加配料，我加左雪糕＋愛玉。加$5就有大大份量甜甜地嘅愛玉真係好抵，撈埋落西米露更加好食，雪糕一樣好食。成碗糖水甜度適中，唔會過甜，值得再去。

夜蒲深水埗，行下行下想喫返個甜品，附近都幾多糖水埗，但見到深深甜品，裝潢有懷舊特色幾得意，於是入左去。望下個餐牌好多野揀，有傳統手作嘅，又有港式fusion嘅，睇到眼花繚亂，心大心細。呢D時候梗係問店阿姐有咩好食啦。阿姐人好好，又親切。佢話傳統嘅芝麻糊係自己磨，心機野，可以食下。另外珍珠檸檬愛玉，同叄元豆花都好多人嗌，五顏六色，最啱D人鐘意打卡 😂 我都好鐘意打卡架，阿姐一眼睇穿我，於是我嗌左叄元豆花。豆花一大碗，配料組合本身已經有黑糖珍珠、紫薯西米、芋圓、蕃薯圓，之後仲可以自選一項配料，我揀左芒果 😋 珍珠充滿黑糖味甜甜地，紫薯西米粒粒分明，顏色又好睇。芒果算甜。芋圓、蕃薯圓又好食。而最重要嘅係，豆花超軟滑，加晒配料同花奶，好好食 🤤 令人深深愛上。雖然幾大碗，但已經唔想同人share 😆

用殘舊郵箱、舊玩具等等作裝飾。環境很有老香港情懷。食物又如何呢??叁元豆花 33芋圓、地瓜圓、黑糖珍珠、紫薯西米、紅豆，雖然每樣食材味道都不盡相同，但配豆腐花同食，全部都係 Perfect Match. 黑糖珍珠檸檬愛玉 + 加芋圓 27+7去台灣旅行都有食過愛玉，但由始至終我都唔知係乜嘢。原來係一種台灣特有的植物果實，不含糖、熱量低、清熱消暑。(Google 再次令我長知識)當晚天氣非常熱，食咗有檸檬香味的愛玉，的確有消暑效果。配埋 Q 彈黑糖珍珠、芋圓、地瓜圓，真係 Happy Friday…Overall 整體沒有太多花巧款式，但全部食材都有質素，而且價錢合理。相比好多集團式甜品店，絕對有過之而無不及。好食、抵食、值得再食…

早前深水埗電腦節，逛了一陣。嗰日天氣好熱，喺高登電腦商場附近，發現有呢一間甜品店，點左一個珍珠愛玉檸檬嘅甜品，幾清新，啲珍珠軟硬度適中，而糖水亦唔太甜，配搭唔錯。

早陣子到深水埗買東西，太早吃晚餐的關係，才8時多已經感到有點餓，便決定吃個甜品再回去。上Openrice 找到最近這間應該是新開不久的深深甜品，便決定試試。甜品店的裝潢設計頗有港式懷舊風，座位之間的空間很足夠，不像一般甜品店那麼迫。一坐下便看到這個，一碗有齊我想吃的，太吸引了，就點這個吧。叁元豆花 $33賣相真的很美，相信難免會有添加食用色素。真的頗大碗，內有豆腐花、芋圓、地瓜圓、黑糖珍珠及紫薯西米，還有4選1自選材料，我要了雪糕。芋圓、地瓜圓的口感不錯，有黏糯感，煙韌好咬，不會太粉太黏或太硬，甜度亦剛好。黑糖珍珠很重黑糖香，口感煙韌有彈性，不過對怕太甜的我來說略甜了少許。紫薯西米的紫薯味濃得有點人工，但口感味意道很好。不過墊底這個豆花真的又香又滑，且不會很甜，夾著偏甜的珍珠和西米有平衡作用。鮮雜果西米露 $30這裡的甜品看來都是偏大碗的。說是雜果，但其實只有芒果和西瓜，還有椰果，不過水果的量是不少啦，西米也不會太軟太硬。雖然仍有改進空間，但整體質素算不錯，而且價錢便宜，服務亦好，這些小店，值得支持一下呢。

黑糖珍珠檸檬愛玉 (加芋圓): 此糖水店老闆娘說這碗東東很正宗, 整碗材料都是made in TAIWAN!!! 黑糖珍珠很QQ, size是小顆的, 愛玉口感很軟嫩, 有入口即化的感覺, 證明它們是真愛玉!!! 是真愛玉!!! 是真的愛玉!!! 芋圓也很QQ, 整個甜品口感又軟又Q!!! 再配上清新的檸檬汁和糖水, 酸酸甜甜又冰冰感覺, 消暑良品, 讚!!!

去食糖水係同朋友吹水嘅好活動。同朋友仔去完黃金行，見開咗間特色糖水鋪，有中式糖水，價格又實惠，一於去食下先！有正流行嘅滋潤養顔桃膠配木瓜雪耳，桃膠原本冇乜味，配上清甜嘅木瓜雪耳，清新健康。見每檯都點招牌豆花雪糕芋圓珍珠，我都唔執輸，大大嘅一碗，乜都有, 全部都係手工嘢唔係罐頭貨，特色紫薯西米又靚又好食，黑糖珍珠，細細粒甜度咬口都滿分！手工芋圓地瓜圓香糯可口，仲有滑滑豆花底同雪糕，異常豐富我未食過清心丸，佢地話係親手做，特別有咬口，配合清甜糖水，一試便愛上

不嬲食開深水埗綠林的甜品，今日路過見到對佢對門開左間新店也在賣甜品，湊個熱鬧幫襯下。店鋪裝修走懷舊風格，幾有情調。試左佢個潮州糖水，真的嚇一跳。真難食！綠豆爽非常硬，冇煲過咁，糖水真的甜！死甜！除左甜就是甜，太誇張了，店家應該要改善一下了。

一連幾天既電腦節 當然要出深水埗買下電子產品💻 掃完貨就去坐低抖下食碗甜品🍮餐廳好有懷舊既感覺 睇住一件件細細個玩過既玩具 食住糖水 有一刻好似回到過去 好想回到我最掛念既童年😆身為潮州人既朋友話要食返碗家鄉的特式糖水 清心丸係夏天必食既糖水 煙韌軟糯既清心丸煮熟左之後色澤變得晶瑩透白 咬落去好似橡皮糖 配埋滋潤清熱既腐竹馬蹄 最適合呢個炎熱既夏天☀💦💦凍食既馬蹄口感爽脆 還有煮溶左既腐竹 非常解渴和透心涼! 我最鍾意佢唔太甜 食完唔會甜到溜😬而我就叫了叄元豆花 賣相好吸引 有齊豆腐花 芋圓 地瓜圓 黑糖珍珠 可以在香草雪糕 愛玉 紅豆 芒果這4樣中選1樣作搭配 而我就簡左香草雪糕 大大球既雪糕好有雲呢拿味 撈埋滑嘟嘟豆味濃既豆腐花食味道層次更豐富 珍珠好彈牙有咬口 芋圓煙韌 好香蕃薯🍠味 西米紫色好靚呀 細細粒帶有紫薯味 好得意 整體黎講 $33好抵食 算係深水埗性價比高既甜品鋪

早幾日同老公又出左去深水埗黃金果邊行下，天氣太熱啦，我行到頂唔順，要搵個地方坐下，見到有間裝修到好懷舊既糖水店，諗都唔諗就直接入去啦😝，入到去見到d裝修都係懷舊既，感覺唔錯👍🏻，服務員都好好禮貌，1）木瓜雪耳燉桃膠，不太甜👍🏻，個桃膠係好爽口，而木瓜唔會太冧，味道剛剛好，唔錯👍🏻，2）叁元豆花，呢一個可以配雪糕🍦、愛玉、紅豆同埋芒果，我地選擇左紅豆，而入面本來就有芋圓、地瓜圓、黑糖珍珠、紫薯西米，材料非常多👍🏻，黑糖珍珠、芋圓同埋地瓜圓都彈牙👍🏻亦都不太甜，整體黎講，可以一試

今晚同朋友喺黃金行完街食完飯，當然要食埋甜品先夠滿足，見到這間裝修懷舊的”深深甜品”，被吸引了，而且客人都不少，當然要試下。入內見到不少懷舊擺設。看看Menu，有傳統的港式糖水、養顏滋潤糖水、潮式糖水、各款冰凍糖水和我最愛的芋圓珍珠等台式甜品。叁元豆花 $33 + 清心丸$5材料豐富，款式多樣，份量好足，香港好少糖水舖有清心丸，當然不可以錯過，當中有豆腐花、芋圓、地瓜圓、黑糖珍珠、紫薯西米、香草雪糕和加配的清心丸，豆花嫩滑；芋圓煙韌有口感；最愛的清心丸當然正；地瓜圓、紫薯西米和珍珠都不錯，配上香草雪糕，口感味道都十分豐富，好滿足。愛玉西米露 $23 + 清心丸$7 + 仙草凍$5 + 洋薏米$5而我朋友就點了愛玉西米露，再加上清心丸、仙草凍和洋薏米，驚喜的是原來後加的材料全部都係分開上，好似變左两碗糖水咁，份量好足，朋友話超抵食，下次再嚟食其他款式。

在深水埗食下午茶，之後到這間新的甜品店試一試！地點好方便，近地鐵站！行2-3分鐘就已經見到！滿滿的客人品嚐甜品！用中文字寫在木板上！簡單不花巧的裝飾及設計，但却給客人友善親切的服務態度！有家的感覺！甜品糖水有熱有凍，有傳統也有台灣式的，不用去台灣都可以品味到！1. 椰果檸檬愛玉黃色又透明！好大碗好靚的顏色！愛玉在台灣旅行經常飲的愛玉冰，喜歡它QQ的口感；這個有酸酸的檸檬味、又帶甜甜的味道，好清新好適合夏天哦！椰果好有咬口，好多纖維；還有一片檸檬及小熊仔糖作裝飾，好可愛！2.桑寄生蓮子蛋茶：好大碗！好多料哦！有：紅棗、蓮子、蛋！桑寄生茶好香好濃郁，味道剛剛好！我喜歡這裡的甜品不會太甜膩！蛋都好入味又香濃！這個甜品最適合女仕們品嚐，可以補身又暖胃

晚餐過後，行經深水埗，心血來潮想吃個甜品，走著走著發現了這家新開的深深甜品，我們二人又來試試新店吧！店內裝潢走港式懷舊風，餐牌設計也不馬虎呢夏日炎炎，本來打算吃個綠豆爽，怎料已經售罄！好可惜！然後我們點了叄元豆花加芒果，餡料有珍珠、芋圓、紫薯西米、豆花。個人不太欣賞紫薯西米，既沒有紫薯味，口感亦有點粉狀。整體味道算是合格啦，奶的份量有點多，吃到一半就開始飽膩了。黑糖珍珠檸檬愛玉，比較偏甜，加多點檸檬汁會更好、更清新一點。

食完飯緊係要食糖水! 係咩原因令你飽到想嘔都仲繼續食呀? 因為女人有第二個胃呀!個個懷住少女既心情，但有著師奶既身型，緊係要繼續食，怕什麼!?深深甜品有特色既未必係糖水，係裝潢一定係舊年代既綠白色階磚相間，仲有唔少舊款電器同櫈，幾有懷舊感但位置會比較逼，因為始終地方細黑珍珠芋圓豆腐花紫米露豆腐花同紫米露幾好味，黑珍珠有d軟過頭，但煮得夠入味芋圓反而一般，唔夠q彈，一咬就咬得開木瓜雪耳+桃膠味道一般都係糖水味，始終唔夠自己屋企煮得好味桃膠反而開始多人食用，聽聞同柯膠都係補身野黎檸檬黑珍珠愛玉愛玉同仙草都係一樣質感，係成分唔同，所以味道有少少差別特別在於用左檸檬，好少見有糖水用檸檬，今次第一次食落幾清新~重點係芝麻糊一見我點芝麻糊朋友都叫我做老人家但芝麻糊係甜品中唔太甜既一類，我唔太嗜甜食落口超綿，我會俾99分!因為食落除左夠滑夠香夠濃，甜度亦適中仲要冇一粒粒一舊舊既粉係入邊，呢個效果真係比較難做外邊好少糖水鋪可以煮得冇粉粒，即使有既都比較稀，好似水咁呢度既芝麻糊真係正正正正正

深水埗實在很多美食尤其是甜品店一條街都有數間心大心細之時看到了這間新開張不久的「深深甜品」。店舖面積雖小但用上舊式香港食店的裝修和擺設反而多了一份莫明的親切感。餐牌上的配搭頗多。二人點了兩款。《叁元豆花 $33》已包括有豆腐花、芋圓、地瓜圓、黑糖珍珠和紫薯西米。另外四款配料中免費添加其中一款，我選擇了香草雪糕。如果還想添加配料的話可以加錢，我就另外加$5添加了有口感又比較健怡的洋薏米。主角芋圓、地瓜圓做得不錯，彈牙有口感，亦有淡淡芋香和蕃薯香。豆腐花滑溜有豆香，整體完全不會飽膩。想再滋補一下於是點了熱食的《木瓜雪耳燉桃膠 $29》，另外再加$8添加了坊間比較少機會能吃到的清心丸。木瓜清甜，雪耳份量多，燉桃膠口感爽滑。清心丸煙韌彈牙，咪道微甜，下次想吃清心丸就不用再去九龍城了！