深深甜品

營業中

休息中

之前有一晚同一班朋友去左大埔燒野食，男友一句話，忽然想食糖水，咁我就捨陪君子啦，話說我已經飽到喊一黎到見到唔洗排隊即刻衝入去，男友話呢間成日要排隊。我地今次好彩！入到去，覺得呢度嘅裝修好靚，好懷舊，我好喜歡呢啲風格，就算食物唔夠打卡，環境都夠影一餐。男友叫左真。可樂檸檬愛玉凍，而我就叫左熱嘅腐竹馬蹄清心丸。個愛玉凍入面有一堆可樂沙冰，好有思樂冰嘅感覺，愛玉凍好滑，檸檬味都算自然，成個甜品酸酸甜甜，好開胃，唔heavy,好岩夏天食，或者食完飯好飽嘅時候食。而我果個，一上到枱嘅時候，我知我一定會食唔哂，因為佢呢度嘅腐竹糖水唔係我鐘意果啲，煲到溶哂無渣果隻，呢度仲係見到一片片嘅。呢碗野，好足料，每一啖都食到馬蹄，清心丸，但唔知係我太飽定係唔係我杯茶嘅關係，我食左半碗就食唔落了。但整體黎講，佢味道係開差的。呢間我認為係近期我食過最有heart嘅糖水舖，一定會回頭試埋佢其他野

大家去開深水埗，我都幾推介這間 — 深深甜品。我第二次幫襯，也是鍾情紅豆沙加芋圓（$18+$7）我試過其他店的芋圓，無乜味，一舊粉糰咁，但深深甜品的芋圓很有芋圓味，配合紅豆沙，味道超好，紅豆沙也不會太甜太漏，講適中，配合芋圓都不是好飽，真的值得一試。平時食完晚飯，在這裡食食甜品傾傾計，也是個很好的選擇。另外，它的裝修很懷舊，被牆的裝飾吸引：寫上「專治失戀，養生有益」😂有沒有失戀都可以去食，生活中仍需要一點甜☺️

甚少到深水埗，週五同朋友食完飯，當然要順便再食！見當時人唔多，而且裝修特別，就決定一試。價錢比外面市區較平，而且選擇亦不少，偏向中式，上菜速度亦快。分別有桑寄生蓮子蛋茶，薑味蕃薯糖水，芝麻餬拼紅豆沙加清心丸，芝麻餬拼綠豆沙，以及招牌芋圓。薑味蕃薯，薑味濃，有辣味芝麻餬味道唔假，有小小即磨粉味，推薦加清心丸最大驚喜係招牌芋圓，有豆腐花係底，而且十分濃豆腐味，唔會無味，珍珠用了黑糖煮最後芋圓好有彈性有足料芋頭味總括而言，真係相當有驚喜，本身諗住隨便去一間糖水店坐下，比左個happy ending

《👴🏻如何叫糖水？》今次試左喺深水埗嘅一間裝修比較懷舊嘅糖水舖。店舖內四周圍都有打卡位，環境非常吸引，餐牌亦都好特別，封面好似一本武林秘笈，糖水選擇都算多，例如有近期好流行嘅芋圓/其他中式糖水。#叁圓豆花 💰33睇圖覺得好滿足，有豆腐花、芋圓、地瓜圓、黑糖珍珠、紫薯西米、仲可以喺四款當中（有雲尼拿雪糕、愛玉、紅豆同埋芒果）加多一款。芋圓大大粒好煙韌，份量都算多，食落唔算好甜。黑糖珍珠而家見到個名都驚，因為驚太甜同埋會太滯，所以忍唔住要走珍珠🙍🏻紫薯西米好普通，只係普通紫色嘅西米但冇紫薯味。但始終豆腐花加埋芋圓既感覺唔係好夾🤔食我估好似有種好油嘅感覺，香草雪糕球算合格。整體黎講，性價比都算高，因為一碗糖水入邊有咁多款材料，可以滿足晒鍾意食珍珠又鍾意食芋圓既你地🤭

之前經過見到呢間好似食熱既糖水為主 都聞落好香 今次終於去試下第二款凍既糖水😋😋 今次見到佢個招牌推薦係壹元豆花 當然唔係講緊個豆花一蚊啦😂 佢呢個豆腐花係有芋圓 有西米 細既珍珠 仲有得簡芒/紅豆個啲😋 講下佢啲芋圓先 真係好有咬口 好彈牙 整體加埋其他 都好好味 食完面個啲 下面就係豆花😛 不過呢 我就建議一路食上面既芋圓 同時夾啲豆花 咁樣去到最後就唔洗食淨係豆花😂😂

夜晚係附近食完文記 同朋友想搵下糖水食 順便傾下計 我又未食過深深 作為芋圓fans 所以黎試下~ .裝修幾特別 但座位幾逼下 會撞到隔離... 今次嗌咗叄圓豆花，椰香西米紫米露 加芋圓.叄圓豆花$33 有豆腐花 芋圓地瓜圓 黑糖珍珠 紫薯西米 配芒果碗野真係好普通 所有配料都中規中矩 芋圓地瓜圓味道好淡 芒果又酸 .椰香西米紫米露$20 加芋圓地瓜圓+$7好香椰汁好香！但紫米露好稀 好似溝咗好多水咁 又冇乜口感 味道okay但真係太稀 .深水埗咁多糖水舖 俾我寧願食 康瑞/甜圓坊 價錢平啲又好食啲~

黑糖珍珠檸檬愛玉黑糖味冇，檸檬味就超大，愛玉正常，珍珠都係，冇話特別q/彈牙。呢個麻麻唔推薦。亝元豆花因為好鐘意芋圓，地瓜圓。所以叫咗呢個，芋圓，地瓜圓很q,但唔重芋頭同地瓜味。豆花夠滑。

每次係九龍區食完晚飯，只要個肚尚有空位，我都一定會提議朋友去深深食糖水！為既就只有一樣野，就係叁元豆花😍就算佢menu上有幾多選擇我都離唔開佢～真係無敵叁元豆花本身由芋圓、蕃薯圓、黑糖珍珠、紫薯西米同豆腐花組成，包一種配料（四揀一：雲呢拿雪糕 / 愛玉 / 紅豆 / 芒果）我多數都係雪糕同愛玉之爭，愛玉有淡淡檸檬味會清新啲，所以正餐飽得濟就多數揀配愛玉～😛佢既芋圓同蕃薯圓都勁重芋頭蕃薯味，口感一流唔會太硬亦都唔會一pat野咁冇𡁻口，$33一碗唔算特別平，但一定物超所值！👍🏻出面果啲冇味又淋既好似食梗麵粉咁...😣最鍾意係佢個豆花底配西米，令你食每一啖都有唔同層次感受到，煙韌嫩滑同爽口，有心機既糖水舖真係要大力推介！👍🏻👍🏻👍🏻

食完晚飯同朋友行左轉街，就轉場去食甜品。經過呢間深深甜品，未食過，睇過menu 又ok 喎，就入左坐。頭先食飯有啲油膩，而家甜品就想食清啲，揀左檸檬珍珠愛玉，果然好清新！朋友鐘意食芋圓，呢度既芋圓口感還好，但味道就幾香，都唔錯。

店子裝潢係懷舊style, 我中意！所以就成功吸引左我入去試一試喇🤣.呢碗芋圓組合 $33有芋圓、黑糖珍珠、紫薯西米、豆腐花同雪糕，都幾豐富架！芋圓數量算多👏🏻夠煙韌！黑糖珍珠好夠味😋紫薯西米好特別！顏色又靚又搶鏡！味道吾會假🤣👌🏻不過豆腐花就麻麻喇，同想像中有出入🙊.後面果碗係合桃拼黑芝麻糊 $24然後我加左芋圓 $7Haha 係咪好似吾太match 咁呢，其實還可以的，為左過芋圓癮，吾理咁多啦😂所有糖水都可以另加芋圓的！🤣.

深水埗真系好多又平又好食的小店，今次要介紹的就係呢間裝潢好有80年代風味的甜品店 <<深深甜品>>。深深甜品既裝修行懷舊路線，一行入店內就見到掛了掛了不少港式懷舊物品，好特別好有心思呢望住餐牌上面近五十款甜品，有選擇困難症的小妹用左足足十分鐘終於簡到兩款甜品!!!!!!!!!叄元豆花<$33+2(雪榚))>呢碗叄元豆花吾簡單呢，有齊豆花, 芋圓, 地瓜圓, 黑糖珍珠, 紫薯西米，加兩蚊仲可以整多球香草雪榚!!!味道方面，一個字，正!!!!!!特別想讚下佢個豆花，好嫩滑又夠豆味，好食到停唔到口呀!!!上面就放左黑糖珍珠鮮奶, 另一半放左紫色既紫薯西米其次要讚下個芋圓, 地瓜圓，好煙韌Q彈， 又有淡淡既芋頭地瓜味，芋圓仲有芋頭粒TIM，好味道YEAH~加埋其他配料一齊食，好有層次感，一D都唔單調呢。三十五蚊食到咁高質的甜品好開心呢!台式仙草凍加芋圓地瓜圓 <$20+7>相比叄元豆花，呢個台式仙草凍加芋圓地瓜圓 就真系有D遜色喇 >_<仙草幾滑溜，一開始食覺得幾正，但系食多啖就覺得陣味有D單調....芋圓同地瓜圓

本身特意來回走走睇下高登周圍所有甜品舖邊間值得一試！最後俾呢間特色小舖既甜品舖裝修特色而吸引！可惜。。不僅服務差，味道還是一般般！簡直食完唔止失望，還有沮喪!😖由拎飛等位，職員已經服務差到極！從未試過有一間餐廳既職員可以咁差！直情係幫餐廳倒米！而且其中一名職員黑面黑到全世界得罪佢咁！寧願間餐廳唔請人好過！最無奈係明明企左向門口等位，佢識對住我講無位又不停放其他人入黎！咁其實派飛作用係咩？又唔叫飛、又唔記得客人到場既先後！最重點當時餐廳都唔算多人等！只係前後得3堆客（每堆2個人）！最後係再問佢點解可以放晒其他人入，然後先俾位我！！😡😡😡而且一點歉意都無！簡直從來無試過去管理加服務咁差既地方！其實服務差都唔緊要，最重要等位入場唔可以錯！食物方面，由於只是被門口曾經多人向度等入座，深感好奇想一試！就入去叫左「叄味豆花」試下！味道很普通！只有芋圓跟地瓜圓比較ok，很有芋圓味/地瓜味！其他配料包括西米、珍珠、香草雪糕都無特別，而且香草雪糕好怪，好似假雪糕！而且無香草味！還有豆花很差，太多石膏粉！建議大餐牌可加多一點相片，會更加吸引！其實餐廳服務差都不是重點，但需要安排一個有公平的等位制度！否則得

我成日食深深係因為我有好多芋圓控朋友我又唔算係超中意食芋圓所以我食咁多次都未試過自己叫一碗叁元豆花xd無理由食咁多次深深都無食過叁元豆花咁失禮所以我今次決定入鄉隨族啦～聽落好似好行咁但食落又真係好好食喎芋圓真係有芋味地瓜圓真係有地瓜味呢個好重要因為成日食芋圓同地瓜圓都係一樣味我一直都唔知點解要咁分除左顏色靚d之外原來味道係真係有分別令到碗糖水多d味覺層次架！原來咁多人食係有原因真係好encore-able

已經食過幾次，價錢唔算貴，有一定份量，每個選擇都應該穩陣😆之前夏天食台式冰配芋圓，都唔錯。上次食左桃膠，質感有趣，今日凍天都係叫碗熱的。傳統芝麻x 紅豆沙 + 紫米清心丸。一黎，心諗咁黑嘅？搞番就見番個紫色～～～ e 間糖水都幾足料，紫米好咬又唔會太甜，清心丸都有唔少，好好咬！又有d 甜味～($27)而紅豆mix 芝麻同會好甜，不過紅豆比較出色，有陳皮香。而芝麻就差左少少芝麻糊個種油香。（$22)e 間keep 住都有人，但又唔洗排隊👍🏻

愛玉仙草凍($25) + 芋圓地瓜圓($7)仙草滑溜又煙韌 一吸就滑入口 而檸檬愛玉就有啲失色 檸檬既味道唔自然 有啲似香精味😐加配既芋圓同地瓜圓都整得幾好 軟硬度適中 明顯食得出芋頭同地瓜味 仲食到啲芋圓有芋頭粒添🤡評分：7/10...........................椰汁西米露($18) + 芋圓地瓜圓($7)可能係愈簡單既野愈難整🤔啲西米淋到好似煲左幾個鐘咁 一啲咬口都無💀唔知係突然失水準定不嬲都係咁😶好彩有啲芋圓咬下評分：5.5/10