深深甜品

營業中

休息中

仙草紫草園($38)-深水埗不嬲都多糖水舖，深深甜品最特別應該係佢既裝修，超懷舊風！而糖水就以台式加港式為主，大大碗性價比都唔錯啦。-司令揀左個仙草紫草原，即係仙草底，配一球紫薯雪糕、芋圓、紅豆、黑糖水晶，賣相黎講非常靚，仙草夠滑，芋圓彈牙，紫薯雪糕個紫薯味好真，雪糕單食好食😛，但面頭有少許桂花，望落就靚但加埋一齊食個味有啲複雜。下次都係配返雲尼拿雪糕穩陣啲🤘🏻。朋友仔食既豆花都唔錯，經過附近不妨試下。

特登過嚟深水埗搵食，見到呢間賣幾甜品好友台灣feel！😜入嚟試一試佢，有驚喜。價錢合理平民化，味道好好味。鋪頭位置唔大間，但係好有復古feel。我同朋友一人要咗一款，我食黑糖珍珠檸檬寒天愛玉，口感青青涼涼，酸酸甜甜，份量都好多^_^。食完又想食。朋友果一碗係雜果仙草凍，生果都算OK，有大量花奶，唔錯食。下次要再嚟。平靚正

食完晚飯同朋友經過附近 見到呢間甜品裝修幾特別就入去試下裏面環境大部分都係香港特色嘅裝飾 用黎打卡都幾靚之後叫咗呢碗芋圓 紫色嘅西米同平時冇分別 芋圓有咬口 但係就食唔到有芋頭或者紫薯味 雲呢拿雪糕冰感較重整體嚟講呢個價錢(~$30)都唔算貴 但係無驚喜 試一次就夠

來到深水埗的深深糖水，聽朋友說這間店既出名，便宜又好食。看了看餐牌，價錢的確便宜而且有新意，有別於其他糖水店，雖然款式是少了一點。於是決定了點了紫玉園。因為我比較喜歡蜜桃的關係甜品來到了，賣相及份量足夠，價錢合理，也是38元。先吃一口雪糕，好特別，紫薯味雪糕內面是有紫薯粒，而雪糕味加上紫薯粒令紫薯味更加昇華。再來吃一吃蕃薯及紫薯芋圓，每一粒都煙煙韌韌，黑糖水晶也十分特別，雖然細粒，但每一口都不覺太甜，反而恰到好處。愛玉作為主體也十分特別，啫喱般的狀態，口感滿足。一餐38元的甜品，十分滿足

每次經過深水埗都一定忍唔住要去依間糖水舖，食碗椰汁西米露加芋圓同埋清心丸先返屋企😝鋪頭入面裝修得好懷舊，好有七八十年代嘅感覺！我每次一定都會叫佢嘅椰汁西米露加芋圓同清心丸😚佢嘅椰汁西米露好足料，差唔多啲西米仲多過啲椰汁🥥另外芋圓番薯圓亦都好煙韌，同埋芋頭味同番薯味都好突出。另外不得不提佢嘅清心丸，可以叫店員分開另外上，咁樣啲清心丸就本身係熱辣辣嘅，然後你加入糖水入邊就造成佢外凍內熱嘅效果，本身我都鍾意食QQ彈彈嘅嘢，所以對住清心丸就更加抗拒唔到😂😂另外佢有個甜品$33都係超抵食，入邊有豆腐花，黑糖珍珠，紫薯西米，芋圓，仲可以加多一樣，食完真係飽到傻！

Black Sugar Jelly, Taro Rice Ball, Tofu with Taro Ice cream - Good! The textures were nice. Especially liked the Taro rice balls. Not too sweet and refreshing for a hot summer night. I would order this again Papaya Soup - Good traditional dessert, Not too sweet. Warms the body. Feels like a healthier option for dessert.

以前住深水埗，搬走左都超過一年，今日去黃金買野，順便食埋晚飯宵夜先走。今次講下宵夜先，錢呢個位好似都係糖水舖，叫糖水佬（無記錯的話）。而家呢間新野有得食芋圓，裝修又幾懷舊，所以就試吓。我叫咗豆花芋圓，芋圓做得幾出色，煙煙靭靭；黑糖珍珠好香黑糖味，有啲甜，但配合埋豆花就剛剛好。可惜愛玉就有啲奇怪，好大朕人工檸檬味，食左都唔想吞...... 雪糕就 standard 糖水舖雪糕啦，唔好期望係咩大牌子，大路野不過不失。

同朋友係附近打完邊爐又想繼續搵個地方傾下計，一於就去食個飯後甜品！深水埗出名多野食，連糖水舖都多，行過桂林街，俾呢間綠色既甜品舖吸引住，入面既裝修都幾有懷舊味道，簡直係instagram-able！我地叫左個芝麻糊同埋一個叁元豆花，芝麻糊我唔係好識食，但好滑，都幾香，另外個叁元豆花一黎到我即刻心心眼，紫薯西米的粉紫色好有少女感覺啊🥰🥰🥰靚到忍唔住相機食先！佢唔係得個靚字，裏面有好多料好豐富，芋圓，地瓜圓，黑糖珍珠，紫薯西米，紅豆，配埋個豆腐花底，好有口感！不過如果個珍珠係大粒啲仲好😄我會再黎幫襯架！

食完晚飯，硬係心思思想食芋圓，深水埗除左康瑞之外，仲有依間開左無耐既深深甜品！一見到佢個招牌就覺得好熟口面，再睇埋佢份餐牌，仲唔係元朗滔滔甜品既分店？舖頭既裝修走懷舊路線，有D似香港舊式既冰室，有一邊牆上掛滿舊式既鐵信箱，影黎打卡真係一流！咁我就嗌左碗叄元豆花，已經有齊芋圓、地瓜圓、豆腐花、黑糖珍珠同紫薯西米！另外再可以四揀一配料：雲呢拿雪糕、愛玉、紅豆跟芒果，咁我就揀左愛玉！有時怕一碗咁多配料既糖水，食起上黎味道會好亂，但係佢又唔會，反而樣樣配料都恰到好處，芋圓好有芋頭既香味，口感煙韌！黑糖珍珠亦都好有黑糖味，珍珠口感偏淋身，食落唔覺頂胃。紫薯西米亦帶有淡淡既紫薯香，再加上帶檸檬味既愛玉同滑嫰既豆花，成碗糖水真係好出色！

係深水埗食完正餐再食甜品是常識吧?深水埗甜品店多不勝數，隨便數都有聰嫂、綠林、糖水佬等等...而深深甜品似乎無其餘幾間開咗咁耐，而佢哋所賣嘅甜品都似乎幾有特色，就係佢哋新出嘅「冰烤紫薯雪糕系列」呢個系列總共有三款選擇，三款嘅相同之處都係每款有一球冰烤紫薯雪糕、地瓜圓mix芋圓以及黑糖水晶。由於個人口味唔太喜歡食紫米，而蜜桃又似乎唔太夾，所以我揀咗仙草紫草園啦呢款除咗上述嘅幾種材料之外，仲有仙草以及蜜紅豆。每款材料份量都好多，地瓜圓同芋圓大約都有十幾粒，質感煙韌彈牙，仔細啲咀嚼仲會食到好細粒嘅芋頭肉。黑糖水晶細細粒，質感似大菜糕，黑糖味道好明顯，亦都頗甜。蜜紅豆都幾香甜，煮得剛剛好，唔會太生令口感偏硬，亦都唔會煮得太爛變成紅豆蓉。而冰烤紫薯雪糕入口的確係有濃郁紫薯味道，每一口都食到紫薯粒，確實係幾特別，至少我係其他甜品店都未見過有呢種甜品出現。為數不少嘅地瓜圓同芋圓順利將我嘅胃容量100%填滿哂！睇黎呢個甜品都係適合同朋友Share

每次深水埗食完晚飯，唔洗講一定要黎呢間整埋碗糖水先叫完美，深深糖水就係黃金附近，唔難搵。呢間糖水鋪裝修行古舊風，雖然坐位唔算好好坐，但係都經常要排長龍，今晚都唔會例外。我最推介就係呢度嘅芋圓地瓜圓👍🏻無得頂，好有芋頭味同蕃薯🍠味，煙煙韌韌咁，好有咬口，最鍾意係配埋芒果🥭同清心丸（其實仲有好多配搭，雪糕、椰果、仙草凍、海底椰、蓮子......等等。）呢度嘅熱食糖水都好好食架，最鍾意係石磨合桃糊同芝麻糊，味道極濃。深深糖水無論凍、熱糖水都係$20-$30，以飯後甜品黎講真係超值抵食👍🏻👍🏻

食完飯最好就係去食糖水！對芋圓特別鐘情，係深水埗除左另一間好出名嘅涼茶鋪有得食之外，都仲有好幾個選擇😋😋入到呢間充滿懷舊氣息嘅甜品店，即刻想試返碗中式糖水！幾個人叫左合桃芝麻糊，芋圓仙草凍，同叁元豆花整體甜品偏甜，連芋圓都有糖，一個人食比較難食哂合桃芝麻糊好飽肚都算香，勝在上菜時夠熱。芋圓仙草凍同叁元豆花嘅芋圓都有糖，再加埋本身嘅糖，就變左好甜啦～🙈🙈芋圓都有十粒，份量都多，但芋頭味就冇乜😅😅叁元豆花可以試埋紫薯西米，都幾特別，口感同一般西米差不多，有好少好少紫薯味

由於某訂餐app做緊promotion，訂餐外送仲平過堂食🙈，所以喺熱辣辣嘅日子下，決定叫糖水降下溫。🥵🥵🔥🔥🔥我哋試咗叁元豆花同黑糖珍珠檸檬愛玉，唔知堂食幾大碗，但外送都幾足料。👍🏻👍🏻外送平均都係$3x-$4x碗，堂食應該更平。我覺得豆花果碗比較好食，因為多啲唔同配料😙😙，包括豆腐花、芋圓、地瓜圓、黑糖珍珠同紫薯西米，另外仲可揀選愛玉/芒果🥭/紅豆其中一款配料。黑糖珍珠比平日珍珠奶茶啲珍珠細粒，口感都幾得意，而紫薯西米好靚🥰，但紫薯味唔算突出。🤔愛玉果碗就真係幾重檸檬🍋味，但口感無咁多層次，只係感覺好大碗啫喱加啲黑珍珠🙈。另外加咗清心丸(圖中白色果啲)，但同平日食開嘅好似唔同咁，朋友都係咁話，哈哈，但唔難食嘅。有機會嘅都會去堂食食吓👍🏻。

Everytime I go to Sham Shui Po I will come to this dessert shop. It has that 50s HK Nostalgia decor, is clean and has friendly staff. I've tried a lot of their desserts but my favourite is the tofu pudding with mixed toppings and ice cream. The dessert is the perfect amount of sweetness without being overbearing, smooth and fresh. With the ice cream it is so good for the summer season! The staff here are always super friendly and I like that there is no minimum charge - you don't feel rushed to

引起我注意的原因之一是店的裝潢，是走香港六七十年代的懷舊風不論是桌椅、地板、牆壁都極具特色，覺得最特別的是收銀那邊另外一個引起我注意的原因是這家甜品店有芋圓！但其實除了芋圓外，這裡還有中式糖水等～可以選擇的款式也頗多喔還有剛好我們坐的位置能看到玻璃上畫了可愛的畫和寫了有趣的詩呢由於一心是想吃芋圓的，所以和妹點的都有芋圓囉豆花紫花園 ($38) - 這是冰烤紫薯雪糕系列可能因為有紫薯肉的關係? 雪糕沒有溶得很快，紫薯味道亦算濃當中還有黑糖水晶、紫米、豆花、芋圓、地瓜圓 這系列有三款，是因為這款有紫米才選的~但沒想到紫米超少 ....倒是黑糖水晶有很多，頗有口感亦不會太甜。豆花也很滑嫩且豆味濃郁~喜歡吃的芋圓&地瓜圓的口感都很煙韌！叁元豆花+芋圓+地瓜圓+黑糖珍珠+紫薯西米 ($33)另外還有四選一的配料，我選的是香草雪糕！不過溶得很快 ...其餘三款可選的是紅豆、愛玉和芒果 (外賣那碗就選了愛玉)黑糖珍珠並不是很大粒，不過都是很有咬口！西米是透明紫色的，但吃著沒有紫薯味道喇整體來說，兩碗都很不錯～推薦大家在深水埗看完玩具可以來吃吃看！