深深甜品

營業中

休息中

以前住深水埗，搬走左都超過一年，今日去黃金買野，順便食埋晚飯宵夜先走。今次講下宵夜先，錢呢個位好似都係糖水舖，叫糖水佬（無記錯的話）。而家呢間新野有得食芋圓，裝修又幾懷舊，所以就試吓。我叫咗豆花芋圓，芋圓做得幾出色，煙煙靭靭；黑糖珍珠好香黑糖味，有啲甜，但配合埋豆花就剛剛好。可惜愛玉就有啲奇怪，好大朕人工檸檬味，食左都唔想吞...... 雪糕就 standard 糖水舖雪糕啦，唔好期望係咩大牌子，大路野不過不失。