深深甜品

營業中

休息中

喺深水埗食完飯鍾意食芋圓嘅我當然要食返個先返屋企啦最近開咗呢一間深深甜品見買相唔錯就入咗去試啦我叫咗一個招牌嘅芋圓配上芒果粒佢嘅芋圓好大份 而且每粒都做到好煙un唔會有粉 而且入面有少少芋頭粒嘅感覺非常好食 但由於太大份嘅關係我都食唔晒仲要捧住個肚走呢一間芋圓價錢非常相宜大家經過深水埗一定要試一試！

深水埗有好多間糖水舖，但我特別鍾意呢間，呢間糖水舖裝修走懷舊風，舖頭裏面有啲復古嘅裝飾，好有特色。我叫左呢個叁元豆花配香草雪糕，份量十足，有芋圓、珍珠、愛玉、雪糕。芋圓好Q彈，珍珠亦煙靭，啱晒我呢啲煙靭控😍 愛玉入口滑溜，豆腐花清甜。總括黎講性價比高！

今日黎到深水埗食飯，順便試下好多人推介的深深甜品，之前食過出名芋圓的康瑞甜品，見好多人話差不多水準，終於黎一試！同男朋友點了叁元豆花, 因為紫薯用料所以好多紫色，都好靚😍豆腐花做底，都幾滑, 唔炒，但加左炒炒煉奶, 會有點甜, 加埋芋圓、地瓜圓、黑糖珍珠, 都幾煙韌，當然同康瑞比，我覺得仲有少少距離，不過呢到勝左多料同地點方便，想幾時食都得～自選配料揀左愛玉幾清爽👍🏻👍🏻紫薯西米唔得得個樣，以為係好多色素，點知幾有驚喜，真係有紫薯香👍其他糖水價錢就2十幾蚊都有交易，性價比都幾高🤣

係深水埗食完飯搵糖水食成日都好多人黎食，今次黎到都要排下隊嗌左碗芒果仙草凍+芋圓地瓜圓芒果新鮮好甜，仙草好滑最推介係芋圓地瓜圓，煙韌度岩岩好，亦都好有芋頭同蕃薯味👍🏻值得一試👍🏻

之前見好多人推介的深深甜品, 我地終於去左食啦, 睇下同康瑞甜品有咩分別先🤔🤔店內主打中式糖水, 第一次去點了訪問度好高的叁元豆花, 一黎到係覺得成個賣相都好靚😍主要以豆腐花為主, 豆花幾滑, 但豆味欠奉, 加了少量煉奶, 會帶點甜, 配料有煙韌的芋圓、地瓜圓、黑糖珍珠, 細細粒的紫薯西米都帶出淡淡的紫薯香👍仲有同自選一款配料(香草雪糕/愛玉/芒果/紅豆),我地就揀左平時較少見的愛玉, 口感似啫喱, 幾清新冰涼的感覺~😌總體黎講, 覺得康瑞甜品係更勝一籌, 芋圓相對更煙韌點, 又平d, 性價比較高, 但2間食落的路線有點不同,深深甜品的選擇比較多, 一碗甜品都有好多配料大雜燴, 可以一次過大飽口福, 增加口感🤣同地點較為方便, 一出地鐵行幾步就到, 係黃金商場附近, 其他糖水價錢普遍 $20-30, 所以我地依然會再去試埋其他XD🤣但如果想主攻芋圓, 就建議都係康瑞甜品啦XD🙈🙈❗️睇更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.h

成日去深水埗都係食芋圓今次終於轉下口味試吓食一啲其他嘅糖水我係黃金廣場附近搵到呢間深深甜品我叫咗一個愛玉入邊係有一啲檸檬同埋有一個可樂糖一開始以為個可樂軟糖會同呢一碗愛玉唔夾但係食落去發現其實比想像中好味感覺好清新

話說呢期天氣都幾熱，小編就同女朋友上咗嘉頓山度睇風景，行完山睇風景都好攰就去咗呢一間心心甜品度食嘢啦，呢間甜品店開下晝三點嘅，大家去嘅時候要注意時間啊，小編帶咗碗西米露，正確來講係鮮雜果西米露同富足馬蹄清心丸，女朋友就Order左一款有芋圓嘅甜品，不過全名就唔記得咗係咩啦。甜品一上到枱嘅時候本人就好快食晒一碗，果然消暑一流，前後用咗唔使10分鐘就食晒兩碗野啦，女朋友嗰碗都幾大碗都差唔多食咗10分鐘，味道不錯，去開深水埗嘅時候不妨試一試啦。

[📍香港篇🇭🇰] 叁元豆花[📍Hong Kong🇭🇰] Doufuhua Dessert 充滿台灣🇹🇼風味既叁元豆花，以豆腐花做主角，再加埋芋圓、地瓜圓、黑糖珍珠、紫薯西米，再自選一款配料加落個糖水度！4揀1：香草雪糕/愛玉/紅豆/芒果🥭 我就揀左香草雪糕，天氣太熱要食個雪糕🍨涼一涼😁😁紫薯西米好特別，食落有淡淡既紫薯味，唔係周圍有得食🤪🤪環境行懷舊feel，就連menu都搞搞笑，係本教你如何叫糖水既天書😂😂 中式糖水係主打，款式好多選擇，價錢一D都唔貴，都係$20-$30左右，好抵食😙😙

一進店內，已被其裝潢深深吸引。店舖裝修具香港特色，並走懷舊路線，以營造出當時六七十年代的風格。除了一般的港式糖水，這裡亦有潮式糖水及台式的芋圓、仙草、豆花可供選擇。小編於是選了鮮雜果仙草凍，另再加配芋圓地瓜圓（一般糖水店只有雜果涼粉供應，這裡難得有我愛吃的仙草配搭，當然要點來嚐嚐！）水果給的份量挺多的，加配的芋圓大概有6-7粒。芋圓地瓜圓是台灣直送的，吃下去有淡淡芋頭香跟地瓜香，口感煙韌；水果方面，芒果不酸，瓜類亦有其應有的甜度，而仙草凍的份量也不少，甜度剛好，就算晚飯吃完過來吃一碗感覺也不會太飽濟。會再來光顧的。

深深甜品走懷舊風，主要賣傳統中式糖水，再cross over台式甜品~價位唔高，幾抵食！🔥石磨芝麻糊(凍) $20🔥一上枱，香氣撲鼻，色澤烏黑。鐵羹𢳂起，見到係竭身。即使係凍食，入口依然有濃郁芝麻味，亦唔會過甜，幾好😋一定唔係用粉開，唔會好似鼻涕咁😂🔥椰果檸檬愛玉 $27🔥酸酸甜甜，係一種清新冰涼嘅感覺~ 椰果唔會好甜，煙韌有咬口。🔥叄元豆花配愛玉 $33🔥呢碗大雜燴有芋圓、地瓜圓、豆腐花、黑糖珍珠、紫薯西米同愛玉。芋圓同地瓜圓都煙韌有味，唔會成舊粉咁。愛玉繼續清爽。豆腐花中規中矩，唔會太粉。黑糖珍珠同紫薯西米就唔太有食材嘅味道，主要增加口感🤣Feast Level: 🔥🔥🔥🔥/5

深水埗不嬲都係平民美食天堂，最近係黃金電腦中心附近開左間 甜品店，頗有名氣，吸引到我同朋有們一齊黎試一試。整間鋪不大，走舊式風格，別有味道。糖水以中式為主, 著名的有 珍珠芋圓豆花，桂花圓子 etcetc.叁元豆花紫色西米，黑糖珍珠，軟糯芋圓, 滑嫩豆花 配合在一起，加上Vanilla 雪糕，為炎熱既晚上降一降溫。 味道ok, 但對於平時台茶飲微糖的我，覺得還是有點甜。木瓜雪耳燉桃膠桃膠雪耳偏爽口，木耳熟透，入口即溶。味道清潤。

深水埗美食團又出動深水埗長沙灣係我成長既地方 就算長大左都會返去食野今次試下都叫新開既糖水店先開係糖水佬對面 仲有附近有長期排隊既綠林 依間深深糖水仲站得住腳 應該都唔差既我相信由於晚餐食得好飽 所以5位朋友都只係叫左3款糖水其中一個係咩叁十豆花係店員推介佢有好多配料 係好新穎 $32有黑糖珍珠 紫薯西米 芋圓 同埋雪糕 下面有豆腐花 溝出黎既味道唔錯既 好重我喜歡既黑糖味 但感覺係一pat pat 我覺得質感上奇怪既紫米露清心丸 $27 紫米露本身味不濃 好淡 我個人本身喜歡低糖 但都覺得偏淡 有位朋友喜歡甜既 佢就覺得冇味 不過佢入面有清心丸加左分 我覺得有返d 甜味 依碗糖水可以叫合格啦 姚膠燉雪耳木瓜 依個最好味 甜度正常 朋友讚木瓜好甜 又唔係好淋 當中亦都有好多料 最正常整體而言 深深糖水可以食既 因為價錢平而唔太好味都可以接受 但短期唔會再食大多都係中式既糖水 如果要多d 選擇 會再幫襯下

今次試下呢間既芝麻胡同概汁西米紫米露。芝麻比較苦，可加多些少糖，20碗大大碗，ok既。賣相好似拉花咁，味道都唔差，唔會太稀戓太結，甜度都係差少少，不過少甜健康d唔錯吖

早放同朋友食下午甜品基於早一兩粒鐘食左蛋糕，而家食返啲冇禁甜嘅糖水。桑寄生蛋茶走蛋 (又話走左蛋會多啲蓮子，但我唔覺😅) ，($22），另加（$7）加清心丸。蓮子清甜，桑寄茶應該有落冰糖，但飲到底好有茶味，唔太甜 👍👍👍而清心丸有咬口，可能因為加落桑寄茶而令木薯粉味唔太重。不過都不錯。朋友點果碗有芋圓地瓜圚珍珠愛玉紫薯西粉露豆花，食左一啖試試，糖水底略甜，但芋圓地瓜圓好有芋頭同蕃薯味，口感煙韌唔淋，都可一試 (當然有其他更好吃的芋圓店，但未必有愛玉食）每張枱都有叁豆花設計。我見鋪頭行懷舊路線，係堅拎返啲舊嘢出黎擺，好真 😍(有彩色晾衫竹😂)失唔失戀黎食都好😂😂😂(坐得耐，縱然店員見我地食完收埋我地啲碗，但都冇趕我地走 😊）

一間想試好耐嘅芋圓甜品店, 記住記住記住星期二佢地係休息架～～～因為我中過一次招第一次食當然貪心眼食個真係乜都有嘅款式先啦, 唔係講笑, 整個甜品豆腐花做底, 面層加滿了芋圓,地瓜圓, 黑糖珍珠, 紫薯西米以及自家製的愛玉! 店主好有心思, 黑糖加紫薯加果凍完全係我至愛的口味, 就咁睇都唔難想像口感同味覺都有好花心的享受至於熱紅豆沙加芋圓是友人的至愛, 試了一啖香濃的紅豆沙及芋圓, 熱食同凍食的芋圓完全是兩種不同的口感, 應該也是不錯的選擇👍