淥鼎記

營業中

休息中

淥鼎記無論晴天雨天都無阻香港人對打邊爐嘅熱愛😛平日嘅6:00嚟到，餐廳已經有唔少客人，果然係人氣餐廳🌀花膠美人鍋-落足花膠，湯底清甜🌀安格斯牛小排-牛小排油花足，牛味濃🌀鹿兒島夢幻豚肉-豚肉肥瘦相間，夢幻組合🌀紐西蘭羊肉片-肉質滑嫩，點麻醬食好正🌀脆鯇腩-夠新鮮，口感爽脆而且無骨🌀鮮雞件-嫩滑雞肉配花膠湯底，食落好滋潤🥰.另外仲有自助區，邊爐必備嘅鴨血、鵝腸、魷魚、丸類、蔬菜菇菌、麵類一應俱全，蔬菜🥬保鮮包裝，乾淨衛生特別推介台式米血糕、魚皮餃同萵苣，好味到我地encore咗兩次🤭.無酒精飲品都係任飲🧃除咗汽水、冷泡茶，仲有自家製竹蔗茅根水，夠誠意🥤鍾意啤一啤的朋友都可以加錢另點啤酒或者紅白餐酒🍻

之前來過晚市任食火鍋覺得幾好，今次就帶媽咪放假來飲茶全場都好爆滿~拿左飛等左20分鐘左右都算快就有位QR code自助落單~方便又衛生🥟黃金蝦餃皇~皮薄又無荀岩晒口味😋皮面仲塗上一筆金泊🍣帶子海膽~新鮮好味，係非日式食店來說，呢度算高水準🍤芝士蝦長春卷~超多芝士，食到停唔到口🥠黑松露赤螺三文魚酥~皮就甜甜地配埋濃濃的黑松露三文魚，兩者恰到好處好夾🫑蝦膠煎釀虎皮椒~彈牙的蝦膠加埋薄薄的虎皮椒係我最愛，每次飲茶必點🍥蟹子龍皇燒賣~平時好少食燒賣~呢間又幾好食

/ /旺角新分店淥下淥下🥘呢間之前係觀塘都食過，要再encore!!見到旺角呢間裝修好別緻超多款式可以選擇😍😍小寶套餐😆❤️叫左個麻辣湯底，超濃又香！！安格斯牛小排x鹿兒島夢幻豚超過40種火鍋配料仲有八款唔同嘅前菜！安格斯牛小排美國安格斯牛肩胛鹿兒島夢幻豚紐西蘭羊肉片正啊！可以瘋狂食肉啊！！！肉質都好有咬口，肥瘦均勻鮮脆鯇魚肉 好新鮮！鮮雞件手打鯪魚丸自家製涼茶(⁎⁍̴̛ᴗ⁍̴̛⁎)超鍾意❤️係冷泡茶呀！仲有綠豆沙飲品可以清下熱！📍 淥鼎記 (觀塘)觀塘觀塘道414號壹亞太中心8樓

我入坐時要求要等窗邊架位，職員竟然叫我再重新取飛。我再多問：如果重新取飛再排過，是否一定給我窗邊？但職員卻說不一定。咁又叫我重新取飛！分明玩顧客！😡好彩我再多問一句，否則就不停白等！😤至於食物質素不錯的，我叫了酸菜魚及三文魚酥。魚很滑，三文魚酥亦好味。只是服務質素有待改善！

平時係淥鼎記打邊爐就多，但原來呢間都可以飲茶，而且仲有好多款式嘅點心！一人一個茶包用熱水沖，落單係自助形式，非常方便😊星期一至五茶芥每位$8，星期六日公眾假期就$9😙▪️黄金鮮蝦餃王（2件）$18賣相好吸引，入面啲蝦都係大大粒，好juicy!▪️蟹籽龍皇燒賣（2件）$18超大粒，面頭有啲蟹籽，好有口感！▪️高橋蘿蔔糕（6件）$24造型同一般蘿蔔糕唔同，食落幾脆口，好味😋▪️黑松露赤螺三文魚酥（3件）$36黑松露愛好者必叫，超香黑松露味，仲有三文魚粒係上面，酥皮好鬆化香脆🤩另外仲點左春風得意腸粉 $36同古法黑蔗糖年糕 $24，年糕唔會好甜，口感煙韌😛叫左個熊仔奶茶($18)同冰鎮咖啡($12)，個熊仔奶茶勁得意☺️果個熊仔係奶茶冰，將啲奶茶倒落去個杯度就可以keep住奶茶夠濃，唔會比啲冰沖淡😛另外個冰鎮咖啡都好好飲😛

晚市開返，就諗住再黎呢間觀塘最強火鍋尋找記憶中的味道。一如以往服務態度非常好，好有禮貌，而家次次黎都保持到食物質素好新鮮，餐具環境都好清潔，而且全部都係大卡位，坐得好舒服。我叫左一邊沙嗲湯底，另一邊就係養生鍋。我個人比較喜歡養生鍋，好多藥材。食物方面，今次既牛小排好好味，又新鮮，真係任叫唔嬲，非常抵食。另外脆鯇腩都好好味，食魚最緊要新鮮，而呢間就正正係食材新鮮方面做得好足，而家次次食海鮮都好滿足，不停叫，食到飽先走。

-🔸黃金蝦餃皇 $18🔸高橋蘿蔔糕 $24🔸蟹子龍皇燒賣 $18🔸杞子高湯鮮竹卷 $26🔸滑捋捋鴛鴦腸粉 $26🔸酥皮鳳梨叉燒包 $28🔸鳳爪排骨日本珍珠飯 $38-唔講都唔知原來淥鼎記午市係有點心食，今日lunch就同同事去食返一盅兩件。飲茶必食燒賣同蝦餃都幾高質素，蝦肉鮮味彈牙，而且件件都足料，大大粒。酥皮鳳梨叉燒包係迷你菠蘿包內有叉燒餡，比普通叉燒包正。鮮竹卷好鮮甜，而且餡料爽脆新鮮。蘿蔔糕切成一口尺寸，熱辣辣炸起，必食呢！腸粉叫咗雙色腸粉好特別，連甜醬麻醬食一流。最後叫咗多個蒸飯開心share夠晒滿足！

款式多，雖然看似火鍋店，但是前菜已經把你吃飽了，其實任食的火鍋可以叫的種類真的很少本來set入面嘅野已經好飽加一人頭一個400左右但有個黑衫經理，名字M字開頭1.我想要生菜，佢話有再拎比我我到賣單都冇食到，但離開時見到雪櫃有2.話換碟，馬上拎走馬上拎返嚟到我地走佢都係冇記得呢件事3.賣單前問我哋要咩味嘅雪糕賣完單坐咗好耐都冇得食問咗四五次，最後佢話乜嘢人都係要咁等如果我哋真係急嘅話佢即刻入廚房拎俾我哋如果一台客追咗你四五次，你覺得急唔急？既然可以即刻做到嘅嘢點解會甩單咁多次有時候扮出嚟嘅熱情，真係唔需要只要你實實在在做好味道品質出單準成度就已經夠，食一餐飯，空頭支票太多我唔介意自己去攞菜，我都係度等緊但係你又要好熱情咁叫我返埋位話你要幫我到最後我都食唔到，因為我信你，我以為未出貨如果自己真係冇記性真係唔好對咁多台嘅人做承諾然後吹你四五次到你有印象先肯去做，我真係冇必要呢度食物係唔錯，但係性價比不高尤其係偽善的服務態度$400自助火鍋，選擇真的很多無第二次

呢間淥鼎記本來喺觀塘都係一間幾出名嘅火鍋店，但原來除咗招牌火鍋之外，早同午市仲有得食創意中式點心✨同日式料理（？）🤣🤰🏻覺得整體質素都唔錯，大家都可以試吓陪👴🏻👵🏻去食🌖抺茶奶皇流心包$30真！流心奶皇包，一咬就流晒出嚟🤣要小心燙口⚠️但抺茶味可以話係零👎🏽所以可以當佢係普通奶皇包咁食🤣🌖黃金鮮蝦餃皇$19正常水準😂皮夠薄餡都夠飽滿👍🏽🌝松露叉燒腸粉$32每件腸粉上面有少少松露，松露幾香同腸粉都幾夾，腸粉皮亦夠薄👍🏽如果比多少少松露會更好🌖蟹子龍王燒賣$19燒賣肉質彈牙，唔會太多肥肉☺️👍🏽燒賣亦唔會蒸到過哂龍👍🏽🌖五年陳皮牛肉球$28講到5年陳皮咁誇張🤣即管試吓，係幾香同幾好食嘅，不過都係同平時食開嘅差唔多🤣🌖蛋煎糯米夾$32呢碟🤰🏻都係第一次見🤔用蛋煎香過都幾香，夠足料所以食一舊都幾飽肚🌝刺身（帶子海膽/油甘魚/吞拿魚）估唔到會有刺身🤣呢度刺身都算幾新鮮，特別推介帶子大大粒都幾鮮甜👍🏽總結：呢間嘅點心平均黎講都係有水準之作，而且價錢唔算貴，所以性價比都算高👍🏽

⭐️⭐️⭐️📍淥鼎記 (觀塘)~ 爵爺套餐 ($358)• 日本直送時令刺身• 美國牛小排• 豪華海鮮拼盤• 酸菜魚• 6款錦繡前菜• 40多款火鍋配料🍴冬天凍冰冰最啱就係打邊爐，一坐低店員就叫我地揀頭盤，有雞煲/酸菜魚/椰子雞/烤魚 四揀一，最後就揀咗酸菜魚嚟試，點知原來係超級大盤🤭，有好多魚塊、蓮藕片、芽菜、紅薯粉、萵苣，都幾足料，味道唔差嘅不過都幾油😖食完酸菜魚，店員就再放低咗一大盤刺身，有4款刺身，為食妹唔食刺身所以comment唔到，朋友仔話啲刺身都算新鮮嘅食完呢兩樣野為食妹已經飽咗六七成😅，套餐仲有6款小食可以任叫，我哋就叫咗個鹽酥雞試下，炸得幾酥脆，唔錯唔錯👍🏻終於嚟到打邊爐嘅部份喇，海鮮拼盤好大盤，有鮑魚、蝦、扇貝同大蜆，全部都好新鮮鮮甜😋，跟住又有一大碟美國牛小排，啲雪花都幾靚，食落幾軟腍幾有牛味🐮，湯底揀咗藥膳湯同蕃茄湯，不過味道普通啲唔太突出餐廳仲有一大個雪櫃放滿火鍋配料任拎，又有自家製飲品都係任拎😏整體來講成個套餐有好多野食，都幾抵食嘅，不過味道無咩驚喜，不過不失啦—————————⭐️⭐️⭐️💲💲💲

重點係職員態度十分惡劣， 又唔問人哋食乜嘢係咪打邊爐... 一嚟就開咗茶畀我哋我就以為打邊爐放題包埋嘅， 當我哋單落點個雞煲就鬧話我地冇同佢講(因為唔打邊爐食小菜要收茶位)。其實呢啲好應該入咗嘅時候就問清楚食客😪 食材肉類唔可以講上盛，可以接受。但個雞煲汁太稀入唔到味將近埋單時候收哂人啲QR code ，出到去收銀又反問我點解冇枱號。 呢間嘢啲安排真係十萬個黑人問號最主要真係服務方面好趕客，三百幾唔會要求比到酒店級嘅Service 但至少有正正常常嘅態度。平時落樓食茶餐廳仲服務態度仲好過呢間野!!

蒜酸指數：❤️❤️❤️❤️小編其實真係好中意食酸菜魚 所以今次黎到向來食酸菜魚都好出名嘅淥鼎記💛果然係無失望嘅😆1. 招牌淥鼎記酸菜魚🐟我係點左1-2人份中辣酸菜魚 有得叫一碗飯🍚同一碗米線🍜以為同朋友share食會岩岩好 但我想講碗米線真係好大碗 連大胃開嘅小編都食唔晒 真係唔好意思 有啲浪費🤫不過我地係食哂盤酸菜魚格 啲湯送飯仲一流添😋而且唔單止啲魚啖啖肉無骨又嫩滑💋就連啲配角蓮藕同菜瓜都好入味👅仲有 食酸菜魚又點少得寬粉呢◻️晶凝通透又彈滑 真係好好食 不過我就厭寬粉份量比較少 我寧願要少啲米線 都想要多啲寬粉🤪2. 蒜泥白肉🐷呢碟我十分推介大家黎食🤩呢度嘅蒜泥白肉同平時x哥個啲唔同格🙈雖然我都幾中意x哥嘅白肉 但呢度嘅蒜泥係好creamy 好fresh嘅感覺🌱而每塊白肉都會夾住一塊爽脆嘅青瓜🥒食落一啲都肥膩 由蒜泥到白肉到青瓜 一層一層口感分明 真係好好好食格🤣

見好耐都冇打邊爐，冬天就最啱食暖粒粒嘅打邊爐啦！所以約埋男朋友一齊試下呢間淥鼎記，我哋揀咗呢個堂主套餐，有任食海鮮加任食牛！🔥餐前小食有鹽酥雞，鮑汁雞腳，芝麻醬秋葵，全部都係任食架，喺啲湯未滾之前食住等啱晒！🔥花膠湯底叫左個比較養生嘅紅棗杞子花膠湯底🔥鮮蝦、韓國蠔、沙白蜆海鮮方面嗌咗呢幾樣，蝦好彈牙，韓國蠔夠甜又大隻，沙白冇沙好鮮甜！🔥安格斯牛小排、美國安格斯牛肩胛🔥其他火鍋配料其他火鍋配料全部都係自取，其中比較出色嘅係佢嘅雲吞同埋鳳城水餃，兩樣入邊都有好大隻蝦，另外比較特別嘅係有豬血糕，有啲台灣風味！🔥自家製飲品有竹蔗茅根水、無糖綠茶紅茶

今晚同媽咪黎淥鼎記打個邊爐，原來我地都好耐無兩個人食飯喇！放題形式，牛肉海鮮可以係手機app落單，出面仲有自助區，十幾款蔬菜，丸同水餃，麵區仲有出前一丁添！飲品都係出去拎，連常溫飲品都有，仲有竹庶矛根，用隻透明杯裝住，睇得又好飲。湯底我揀左花膠美人鍋，鐘意佢夠滋潤呀嘛！花膠份量十足，幾抵食。落單食左海鮮，蝦、帶子同蠔，牛就食左牛小排，加埋台式米血糕、貢丸、稻庭烏冬、蔬菜，已經好飽！埋單都係2百幾蚊一位咋

難得放假就約屋企人飲下午茶, 屋企人話APM旁邊既亞太中心開左間新酒樓, 就一於上去試下。上到去見到門面佈置金碧輝煌好似好靚咁, 入面環境又幾好, 有卡位又夠闊落, 有落地玻璃透光感覺舒適又更有空間感。望真D原來依度晚市係主打火鍋, 有酸菜魚, 雞煲等等, 而中午就主打點心飲茶, 岩哂啦屋企人又中意食酸菜魚, 就叫個二人餐再加少少點心睇下咩料。酸菜魚大大盤賣相吸引, 即刻試啖湯, 濃濃既酸菜味, 加上少許香辣, 味道又幾好! 魚片冇骨啖啖肉, 滑溜冇腥味, 份量頗多, 好味! 配米線食一流, 湯底都唔會浪費。唯一可改進之處係希望佢有個爐一路滾住黎食就會更好, 因為一凍左就失色D。點心就叫左香竽天鵝酥, 紅棗棉花雞 同埋蟹籽燒賣皇。香竽天鵝酥就係竽角, 賣相討喜, 炸得香口酥脆。紅棗棉花雞有紅棗既香甜, 魚肚收埋哂係底, 食下食兀原來份量都幾多, 正! 蟹籽燒賣皇大大粒, 好多肉餡, 必點之一!屋企人對個酸菜魚同D點心都好滿意, 話搵日黎食火鍋!