淥鼎記

營業中

休息中

同老人家食嘢離不開飲茶，呢間位於觀塘淥鼎記有幾特別喎，可以飲茶食點心、酸菜魚或者打邊爐都得。點心款式好多又有特色，QR code落單竟然見到仲有埋日式料理，刺身、壽司、丼飯選擇，可謂老少咸宜～🌟蟹子龍皇燒賣 飲茶必點，大大粒，多蟹籽，肉質彈牙，好食～🌟抹茶奶皇流沙包貪佢綠色夠特別，奶黃好流心，一咬落去奶黃湧出嚟，但抹茶味卻欠缺～🌟香芋天鵝酥天鵝造型，打卡一流。新鮮炸到金黃色，外皮好酥脆，入面有芋泥同肉碎餡，但鵝頸部份唔知係咩嚟，硬身，唔知食唔食得😆🌟芝士蝦長春卷五條特長春卷，點沙律醬吃好香口，芝士味濃，新鮮炸至金黄色，香脆而不油膩！🌟流心紫薯我最愛紫薯必叫，炸得好脆，一咬下去流心紫薯餡就會流出嚟，好好食😋🌟酥皮鳳梨叉燒包竟然真係有菠蘿，個包好軟熟，菠蘿加叉燒，味道又好夾～🌟鳳瓜排骨日本珍珠飯用珍珠飯又幾特別又好味，唔錯唔錯！🌟芝士玉子燒呢個真係好好食，叫咗三四碟😆 上面燒到半融嘅芝士，口感軟滑同玉子燒真係好夾😋🌟金鉑芝麻卷依家好少酒樓有呢一個，質地幾彈牙，唔會太甜，芝麻味好香～🌟芒果布甸呢個中伏了，雖然份量好多，但係食咗一兩啖已經唔想食，冇芒果味又唔幼滑，自己整可能仲好味😓

九龍東觀塘區一直有很多食肆林立，無論商場或工廈都會找到有驚喜的食物。特別創紀之城或是壹亞太中心多元化程度，令人花多眼亂。早茶美點人人喜歡，今次介紹位於壹亞太中心《淥鼎記》，別以為只有打邊爐的配搭，原來別有洞天。多元化系列可以形容淥鼎記，在場除了打邊爐、又有日本菜、更有點心，同時間多重感受真係第一次，令我眼界大開。週末的早上，點心的食物不算太多但已足夠。蟹籽龍皇燒賣（2件）$18傳統的燒賣大多以四小粒為主，反而創意點心多數兩件為主。飽滿呈光澤的燒賣，皮薄餡靚滿滿豬肉並有蟹籽頂層不俗。蟲草花鮮蝦菜苗餃 （3件） $26晶凝通透的菜苗餃，顏色上已經相當吸晴；蟲草花鮮蝦配上菜苗健康配搭之選，餃皮薄身熱騰騰好吃。蝦膠煎釀虎皮椒 $30平常都會喜歡小食既我，蝦膠煎釀虎皮椒相對地比較健康的。蝦膠彈牙爽口與虎皮椒相當匹配，少許豉油令人津津有味。酥皮鳳梨叉燒包 （3隻） $28即叫即整熱辣辣的酥皮鳳梨叉燒包，深信大人同小朋友都會喜歡，皮脆的酥皮與漲卜卜的叉燒餡，肉汁豐盈內含菠蘿甜香，怎能抗拒呢？銀魚滑雞蒸飯 $38蒸飯都是好多香港人至愛之物，吃過早飯朝氣蓬勃人都會精神多點。雞肉相當嫩滑配上銀魚絲及米飯，

一試難忘嘅淥鼎記一行七人預早訂位直接可以入座訂咗任食套餐小童半價未齊人開鍋之前可以叫熟食有鹽酥雞同幾款涼拌小食樣樣味道都唔錯未開鍋之前已經叫咗兩round好味好味！個人推介鮑汁雞腳主鍋有四款選擇有朋友唔食辣所以叫左酸菜魚走辣，都唔錯😋😋😋接住落嚟嘅就係滿足你眼球嘅刺身拼盤同埋牛小排同海鮮拼盤淨係見到呢度都覺得已經值回票價出邊仲有好多飲品任飲個人最鍾意日式玉露同竹蔗茅根有汽水同紙包飲品嘅選擇配料十幾款亦有三十幾40種火鍋料大家食完都好滿足聽朋友講觀塘分店好過旺角自己決定啦😛

端午節同屋企人晚飯試吓呢間任食，第一次嚟到門口會聞到好香火鍋湯底味。門口迎接嘅唔知係唔係經理，態度就一般，但餐廳嘅侍應服務態度好好。座位都算可以，亦都算衛生，冷氣足夠。而食物有幾款選擇嘅食物（佢係會跟次序出）首先我哋食咗酸菜魚，呢個魚鍋做得好好食，而且魚片好多好滑（辣到可以自己揀）另外有啲小食可以任叫例如雞腳，雞翼尖，炸雞粒。食完酸菜魚佢會上一個魚生拼盤，份量以人頭計，每種款式一件。之後選擇自己要嘅湯底就可以開始食火鍋，佢先會上一大盆海鮮，份量人頭計每人一件（但係當中嘅蜆同埋蝦係可以任食）海鮮拼盤都好新鮮。跟住上一盤好靚嘅牛肉，四人份量都好大碟（呢個牛肉就冇得任食）但係可以自己叫另外任食嘅牛肉，個質量都好好。之外仲可以用手機自己叫任食嘅包括肉類/手打丸….另喺出邊有自助嘅任食配料，品種好多有蔬菜/餃子/麵/菇菌類/丸類…。飲品款式都可以不過雪櫃就唔夠凍了，亦有自家制兩款涼茶，如果酒精飲品就需要另外加錢，最尾有一個細Häagen-Dazs雪糕送。

之前都黎過淥頂記打邊爐,見餐廳早午時有做點心,於是假日黎試下飲茶食點心估唔到星期六午市黎到都爆場,等咗20分鐘先入座電話掃QR Code落單,以為同本時飲茶一樣會開壺茶,點知係一人一個茶包點心的種類同茶樓一樣,我哋叫咗燒賣,菜苗餃,蝦餃,蝦腸同埋個蒸飯燒賣(2粒);大大粒,好飽滿,入面旳豬肉同蝦肉都好彈牙蝦餃(2粒): 外皮唔算薄,但勝在夠煙韌,蝦肉足料彈牙菜苗餃: 入面除咗菜苗仲包咗啲蟲草花,口感唔錯蒸雞飯:雞的份量偏少,多骨,但係個蒸飯底做得唔錯,有雞油香得黎好乾身除咗點心,佢仲有日式丼飯,出於好奇叫咗個親子丼飯,又意外地有驚喜,帶子好大粒好鮮甜,三文魚就正常,而魚子都好新鮮咬落啵啵聲

陰天驟雨陽光一齊嚟，天氣非常炎熱和翳焗。便去淥鼎記食lunch，我以為淨係打邊爐添，原來有點心食。我們便柯打咗五個點心和一個甜品。1）黃金蝦餃皇，雖然只有兩隻，但係大大件，原隻大蝦好彈牙及爽口，個皮有金箔好靚。2）蟹子龍皇燒賣，餡料有好大隻蝦，大大粒燒賣。3）酥皮鳳梨叉燒包，菠蘿外皮鬆軟，叉燒餡多，肉汁juicy。4）黑松露赤螺三文魚酥，個皮好鬆脆，黑松露味道濃烈，配上三文魚螺片簡直係絕配，都幾特別嘅點心。5）香芋天鵝酥，賣相好靚的天鵝。芋頭好香滑加上好多餡料，醬汁又好味濃。6）北海道牛乳燉蛋白，白滑。裝修門面都幾富麗堂皇，我們剛好坐卡位，座位寬敞舒服，剛好對住個大電視。好方便掃QR code落單。整體嚟講，點心係比出面其他酒樓好味嘅，點心都幾特色。性價比高，係唔錯嘅選擇。

好少嬲到要出評。。仲要詳文。。第二次光顧，亦都係最後一次。。一年前光顧過晚市，覺得佢幾好食，今次咁岩去開官塘，即刻訂位再食。。今次食午市，樓下停車場無位，遲咗到，去到門口職員係有講解幾點last order。。可以食到幾點。。一心諗住嚟回味。。所以就算時間唔多都照入。。諗住快食都好。。坐到落去，因為之前食晚市係半自助，叫小朋友出去拎飲品個d。。一個拎咗包裝飲品，一個拎咗汽水返嚟，我同友人研究緊落單，詢問職員，佢先話無放題打邊爐截咗單無喇，得點心，同任選一款酸菜魚呀，雞煲呀個d。。其實我哋係一心想打邊爐，但眼見小朋友已經拎咗飲品，無理由就咁走咗去，咁就算啦。。小朋友揀好食咩，到我同友人揀緊之際，其中一個小朋友突然爆喊，嚇到我以為佢整親。。問極一路都無講咩事，問另一個小朋友，佢話佢飲品俾經理收咗。。咪問經理發生咩事，佢話我哋唔係放題，飲品係要落單先有，我理解既，咁就叫佢照落單計錢，俾返頭先小朋友個飲品佢，唔該！我係好好態度的。。個下我真心以為係一場誤會。。安撫完小朋友，相安無事繼續食。。叫咗剌身，酸菜魚同點心。。剌身，對一間唔係專業既嚟講，期望不嬲都唔會太大。。但未至於差過連鎖壽司店掛？酸

位於觀塘嘅淥鼎記，可以令你嘗盡中日美食！呢間餐廳午市點心非常有特色！今次當然唔少得必食嘅蟹籽龍皇燒賣丶香芋天鵝酥同芝士蝦長春卷，而且係度仲可以食到日式料理，真係可以話係老少咸宜，老人家同年青人都啱食！蟹籽龍皇燒賣去港式酒樓必食點心之一，多蟹籽又啖啖肉，亦唔會一咬就散開。香芋天鵝酥特別嘅天鵝造型，打卡一流。新鮮炸到金黃色，鬆脆可口，而且入面蘊藏咗芋泥同好多豬肉粒！芝士蝦長春卷香脆可口嘅芝士蝦長春卷，混合手打戀蝦膠及豬肉同芝士，新鮮炸至金黃色，香脆而不油膩！日式刺身壽司日式料理方面，點咗油甘魚壽司丶火炙胡麻三文魚壽司丶帶子海膽，厚切嘅刺身，超滿足口感！龍鳳檸樂曾經風靡一時香港嘅飲品，依家可以係度重溫一下呢種味道喇！總結今日，餐廳環境優美，午市點心更具有特色，大家可以一試！

和老公去淥一淥行完個小山即刻由愉景灣出番九龍，相約先生慶祝同住一個月，當然要烚吓烚吓。時間過得真快，食足兩個鐘，狂食牛肉和手打丸，是日精選之中的精選！環境走中式裝潢，座位寬敞，兩人座位可以有張餸菜流動台都方便！.花膠美人鍋有八種可以選擇，我們選的有大量紅棗杞子，花膠都有十多塊，相當補呀。.幾款牛肉、黑豚豬肉片、羊肉，手打丸可以任食！自助區見到都不止40種，幾個飲品櫃！自家製竹蔗茅根飲了兩杯！還有幾款花茶。小食都好多選擇，我們食了麻醬秋葵、雞翼尖、青瓜、木耳，秋葵好好食，夠爽脆！美國安格斯牛肩胛、牛小排、肥牛食了3 round，牛肩胛香濃，牛小排肉質軟嫩，肥牛夠肥美，手打丸也是，彈牙有鮮味！自助區丸太多選擇，萵筍、午餐肉推介，蔬菜盤好新鮮，欣賞！.

📍#淥鼎記 (旺角)旺角彌敦道593-601號創興廣場5樓♡推薦程度: 🌕🌕🌕🌕🌑🔺🔺🔺🔺🔺🔺🔺🔺🔺🔺🔺🔺🔺環境闊落 幾乎全部都係卡位 環境乾淨衛生 坐得好舒服值得一讚係 呢度服務好好 服務員都好helpful 同有禮貌❤️提升左全個用餐體驗👏🏻❣️#小寶套餐 💰$228 (一人)包括有安格斯牛小排，仲有鹿兒島夢幻豚安格斯牛小排不嬲都幾好食😋呢度都唔錯！ 仲要任食添~ 上肉嘅速度都非常快 幾啱我呢個食肉獸❣#自助火鍋配料總共有40幾款火鍋配料，好多常見火鍋配料都冇，例如: 牛筋丸、蟹籽丸、金菇、韮菜餃等全部應有盡有😋材料較普通 但整體味道都可以。❣️飲品有竹蔗茅根、茉莉冷泡茶等自家制飲品亦有汽水、各式各樣的包裝飲品個人認為打邊爐一定係選擇竹蔗茅根😚清熱又解渴🔺🔺🔺🔺🔺🔺🔺🔺🔺🔺🔺🔺🔺

任飲任食火鍋🍲食得真係暢快，可以大吃大喝😂完全滿足晒所有願望😍價錢最緊要合理。今晚湯底點左個美人鍋🥣花膠、花膠、花膠📣男女嘅恩物，仲有紅棗同杞子好足料，火鍋配料好多選擇，牛就必叫架啦⋯⋯唔同國家、唔同部位都有，豬、雞、海鮮等等….另外出去雪櫃任夾嘅丸類、菇類、蔬菜類款式又多又新鮮，飲品種類多到飲唔晒😂尤其自家製竹蔗茅根超好飲👍🏻我個人覺得差唔多食完個湯底特別濃，再放個出前一丁吸晒d湯，簡直世界級正👍🏻

可以透過OpenRice訂座，非常方便！我們一行五人打邊爐，先食酸菜魚，後打邊爐，最可取的地方就是不限時。朋友還未到齊的時候，又可以先點餐前小吃，邊吃邊等。而且打邊爐用的海鮮都非常新鮮，蝦還可以無限點，送的第一盤牛肉牛味也濃郁，一定吃得好飽，以這個價錢開心一個晚上，非常愉快！它的位置位於APM旁邊，交通也算方便，可以搭地鐵到觀塘站，通過APM再行過去，不過我們那天是下雨天，途中也要開雨傘才能過去。

朋友推介這間火鍋所以相約朋友到觀塘店食晚飯。環境方面：一進入食店覺得整齊同企理，座位都比較寬躺。食物方面：小食好好味，特別喜歡鹽酥雞。主菜叫了香辣烤魚及重慶雞煲。烤魚好新鮮雖然味道偏辣但好好味😋火鍋湯底選擇了花膠美人鍋及皮蛋豆腐芫荽鍋，而我們一致認為花膠美人鍋冇得輸👍🏻👍🏻整體食物方面都好滿意。服務方面：今次值得一讚就係女員工嘅服務質素不錯，她們好快速同好樂意幫我們更換碟同碗。而其中一位員工Leo先生真的不得不表揚，他很體貼。事緣我哋向他詢問雞煲是否已可以進食，他雖然忙著其他而一隻手那著別的東西，但他仍然堅持拿著熱的煲蓋，當我主動話幫他拿，他緊張地說：不要呀！很熱的。而火鍋湯底發生小插曲，事緣花膠湯底加了海鮮後突然變了色，這位Leo先生得知後解釋是因沙白蜆有沙所以導致湯底變了顏色，之後他很快速替我們更換。所以今次特意寫食評是表揚員工質素。

星期日帶呀媽去飲茶，之前都成日聽過呢間淥鼎記，但出名係打邊爐，後尾成日聽見佢話有得飲茶食點心，今日終於黎試一試！一入去會經過打邊爐區，好似幾多野食，決定下次都要試吓！坐低左叫茶，但呢度嘅茶係茶包，比較失色咗少少🫣不過點心又唔錯，冇失望喎🤪呢度用QR code落單好方便！✨蟲草花鮮蝦菜苗餃啲餃包得好靚，餃皮小小煙靭，唔會蒸完淋晒散晒👍🏻加左蟲草花顏色特別靚！入面亦有原隻蝦，幾足料！✨醬汁鳳爪味道唔錯，夠入味，同其他鳳爪唔同之處係佢用左粗薯粉墊底蒸！索晒✨五年陳皮牛肉球一拎出嚟係超熱，係岩岩蒸起😚牛肉幾滑，如果有埋腐皮就好喇😍✨酥皮鳳梨叉燒包本身以為係普通菠蘿叉燒包，食食吓食到粒菠蘿，睇返menu先知係真。菠蘿叉燒包🤣幾好，加左菠蘿無咁漏😚個包仲好軟熟👍🏻下次有機會試埋邊爐先🥳

淥鼎記無論晴天雨天都無阻香港人對打邊爐嘅熱愛😛平日嘅6:00嚟到，餐廳已經有唔少客人，果然係人氣餐廳🌀花膠美人鍋-落足花膠，湯底清甜🌀安格斯牛小排-牛小排油花足，牛味濃🌀鹿兒島夢幻豚肉-豚肉肥瘦相間，夢幻組合🌀紐西蘭羊肉片-肉質滑嫩，點麻醬食好正🌀脆鯇腩-夠新鮮，口感爽脆而且無骨🌀鮮雞件-嫩滑雞肉配花膠湯底，食落好滋潤🥰.另外仲有自助區，邊爐必備嘅鴨血、鵝腸、魷魚、丸類、蔬菜菇菌、麵類一應俱全，蔬菜🥬保鮮包裝，乾淨衛生特別推介台式米血糕、魚皮餃同萵苣，好味到我地encore咗兩次🤭.無酒精飲品都係任飲🧃除咗汽水、冷泡茶，仲有自家製竹蔗茅根水，夠誠意🥤鍾意啤一啤的朋友都可以加錢另點啤酒或者紅白餐酒🍻