海雲天

營業中

休息中

從媒體得知呢度有點心放題，又見係酒店的中餐廳，都應該唔會差得去邊，所以好托大地連食評都冇睇就book了位。點知伏到家零一！老實講，食物是OK的，有啲都算好食，但服務真係差到飛起，我們四人舉手舉腳好似求救咁樣成幾分鐘都唔肯過嚟加水，明明是睇到的，要大大聲同佢講先肯過嚟。食到成碟骨頭換一次碟好唔環保咩？叫了幾次換碟點都唔肯過嚟！招牌菜椒鹽鮑魚成個鐘頭都未到，結果冇叫埋單就拎張單過嚟，但係鮑魚都仲未到！唔使旨意有下次！四個人九百幾算好平嗎？我諗仲有好多有誠意服務又好的地方招呼我們的。

1. 花膠鮑魚燉湯，湯清甜好飲，真的不錯，至於湯裏的鮑魚仔和花膠，可吃，但不要要求高2. 燒汁煎帶子皇，果然是帶子皇，很厚身，味道也好3. 珊瑚蟹肉映白玉，珊瑚是蟹子，白玉是豆腐，整個羮沒特別，但要將蟹子混和在羹內才有味道4. 脆皮燒乳鴿，正常，不過不失5. 京式小籠包，味道一般，皮較厚6. 六頭鮑魚伴玉掌，鵝掌淋，鮑魚正常，鮑汁不鹹7. 牛氣迫人飯，好吃，皆因除了有牛粒，還有惹味的臘味，醬油入味又不鹹8. 日式抹茶奶凍，味道👌🏼⚠️但有一事很不愉快🤨，要在這裏說說，由第1道燉湯至第6道鵝掌，都是很快或是連上兩道菜，好像叫你趕着快些吃，那每道菜的溫度當然不是最佳，但最令人十分、非常惱怒的是😡😡😡😡😡，等牛氣迫人飯，足足等了超過一個鐘才上枱，連夢幻組合的抹茶奶凍，當然也要呆等才一次過推出上枱原因很簡單，飯只會炒一次，一次過炒多張枱的飯，一次過起所有的奶凍，不會因應客人吃完之前的菜式而正常上炒飯和奶凍雖然是入住酒店包了的餐，但都不應讓客人足足呆等超過一個鐘😤😤😤😤😤，身為酒店的中菜廳，小家得如此，都是第一次遇到

見到網上介紹 五星酒店「九龍海逸君綽酒店」的「海雲天」做「點心放題」假日價錢 HK$168/位。看似非常抵食，於是立即網上訂購了。訂完之後，再上Openrice 看看食評，才發現評價都不太好，但錢已付，唯有不抱任何期望去試試我們非常準時 12:45分去到「海雲天」，門口已企滿了等入座的客人，看來都幾 Full。由於我們是"最遲到達"，所以只能被安排坐「門口」位置。用餐 90分鐘，一入座就開始計時。點餐只要"嘟"枱面上的 QR code 進入網站就可以自行點餐。從網上評價，食物不是太夠熱～～～ 可能當日非常Full，食物流轉得快，所以食物上枱都熱辣辣蛋撻仔、鹹水角、蝦腸～～～上枱都熱辣辣，食道都不錯蒸點上枱都是夠熱，出晒煙的！！蒸蝦餃、燒賣同海皇餃味道都正常！！ 金錢肚的調味都好味！！「味醬蒸鳳爪」味道都幾好但「女黑金流沙包」郤不流沙，但味道都正常！！放題包的每人一件「蝦多士」、「鮑魚灌湯餃」、「燒鵝米線」我覺得「蝦多士」幾好食上枱熱辣辣，炸得幾鬆脆。「鮑魚灌湯餃」味道都不錯，而且餡料都幾豐富但個「燒鵝米線」就麻麻，份量很少的，燒鵝味道都正常，但米線口感很差，有點硬，沒有彈性「XO醬腸粉

見不同媒體介紹，心想這間不錯的酒店中菜餐廳海雲天，應該值得一試; 一家大小9人，預先購買了復活節期間90分鐘點心放題，大小同價$158(另加茶介和加一服務費)，餐廳環境一流，天氣晴朗，遠眺港島和九龍東，限聚令4人一枱，餐枱間隔寬敞，空間充足。每枱用QR code 落單，落單限時60分鐘，大部分點心可以一件一件落，亦有一份一份的，選擇不算很多，例如腸粉只有炸兩、蝦腸及XO醬腸粉，包只有黑金流沙包和义燒包; 放題包每位1件蝦多士/1件鮑魚灌湯餃/1小份燒鵝瀨粉，蝦多士還可以，鮑魚灌湯餃我媽媽笑稱究竟哪裡找到如斯細粒的鮑魚仔，比平時平價罐頭鮑魚更細，那碗只有幾條瀬粉鵝瀨味道幾好但少得有點唏噓。黑金流沙包幾好味，白糖糕有水準，蝦腸/炸兩/鳳爪/蝦餃/燒賣/牛肉球/排骨/义燒包，一般一般酒樓水準都還可以，炒飯/星洲米比普通茶記更差，糯米飯吃不出是糯米，XO醬腸粉太qq似韓式年糕口感，咖哩魚蛋完全沒有味道，蒜香雞翅超厚炸皮，真的不能吃下去，總結一點都不值比一般酒樓更差，就算更便宜亦不值，更何況每位差不多2百大元，大失所望。幸好每份份量很少，雖然味道不濟，為不浪費食品原則，全部清碟。這餐得著，有人發

在KKday 購買了午市點心放題，和同事一行四人中午12:45到海雲天等候入座。等候嘅人也很多，用了大約5分鐘時間便可入座。入座後，食客可以掃描二維碼手機落單，清晰簡單。餐廳另外附送每人一份炸蝦多士，鮑魚灌湯餃和燒鵝米線。炸蝦多士好新鮮，夠熱脆口又唔會太硬。鮑魚灌湯餃好美味，有原隻小鮑魚。由於燒鵝米線比較普通，所以沒有照相。黑金流沙包好好味，流沙到滿分，甜味適中，包口感軟熟。素菌餃，鮮蝦翠肉瓜餃都好值得推介，包皮比較薄， 餡多。叉燒包都做得唔錯，唔會太溜。蝦餃一睇個貌相就好靚啦，我哋叫咗12隻蝦餃，手工靚，褶紋多，入邊大大粒蝦，爽口彈牙。燒賣都好足料，有冬菇豬肉蟹子！滷水雞腳：雞腳肉多，醬料調教鹹味適中，略嫌溫度不夠熱。KK地價錢158平日12:45時段， 加一茶芥$40， 一共200元左右。知飲茶你計$200一位係比較貴，不過體驗一下都不妨，始終質素有保證。

buffet怪，早午晚Tea,brunch都試過點心放題又點會放過對住海景食點心，食view都正啦～蝦餃夠薄皮，燒賣0K啦~正常野粉果餡多不過皮厚奶皇包一般,唔係我鐘意的流沙，唔夠蛋奶香蛋散推介，脆唔口又蛋香一人一隻鮑魚仔，算啦gimmick野，好過冇糖水紅豆沙ok食得有點趕

第一次去海雲天， 都唔算好難搵，黃埔地鐵行去十分鐘左右 ， 環境舒適潔淨， 仲可以望到海景 因為見到有優惠，原價 $ 680 一位，而家買一送一，所以去試下。 不過要喺某個團購，預先訂咗 Visa 比錢，不能取消 其實食物味道不錯，可惜上菜好急， 未食完就不停咁上，攤到凍哂， 同埋有食物來的時候已經係凍咗嘅 ，好似伊麵同 杏仁茶都係凍嘅。 每味食物吃完才上會好些，因為攤涼了。 胡椒蟹煲很惹味， 燕窩蟹羹同焗蟹蓋都好足料，好多蟹肉 。不過侍應服務仍須有待改善， 好似胡椒蟹有兩煲， 放低就走咗 ， 唔會主動講吓係兩人有一煲，我哋要問另一個侍應。

琴日工作地方比較近餐廳位置，所以終於都去咗試吓點心放題。Book咗食11:00首輪，但大概11:20先去到。由於係星期日，枱都差唔多坐滿，所以就安排坐喺海景另一邊，位置比較闊落。如果星期日想坐海景位，就真係要早半至1個鐘排定位，因為12:30時走，已經見到第二輪12:45等入位嘅人已經企滿大堂。遲咗少少入座，但樓面都好貼心叫我哋第一輪點多啲，呢一期每人送一客燒鵝米線、鮑魚灌湯餃同懷舊蝦多士，米線份量唔多，灌湯餃同蝦多士都可以，蝦夠大隻。之後點心都陸續送到，叫咗酥皮蛋撻、蝦餃、燒賣、糯米飯、鮑汁鳳爪、鳳爪、鹹水角、千島醬鴨胸、砵仔糕、白糖糕、尖椒、黑金流沙包、肉鬆豆腐、川味口水雞、菜心，紅豆沙同埋一個燒餅。電子落單以單點計算或一份計，普遍份量比較少，川味口水雞比較辣，鳳爪黑椒味偏重，糯米飯就比較差，鹹水角餡都好少，酥皮蛋撻皮偏硬，入面嘅蛋就唔錯，砵仔糕都唔太好食。蝦餃皮厚，但蝦夠大隻。個人認為最好食都係黑金流沙包，包夠熱，餡有流沙。整體嚟講，進餐時間都比較趕，但點心都嚟得快，有少少漏單，要再點返，食物質素可以再改善。𝑃𝑟𝑖𝑐𝑒: $420 ($210/𝑝𝑒𝑟𝑠𝑜𝑛, 𝑖𝑛𝑐𝑙. $23

$778出去食兩個人不知可以食得幾好完全唔值 出去黃埔任何一間餐廳呢個價位可以食好多好野無味道無環境 近海邊既枱只有幾張仲要夜晚個海係黑哂 坐海邊其實係乜都睇唔到加上其實好難坐到 啲枱得幾張 好早就full哂餐飯仲衰過屋村酒樓 食得出完全係hea皮 啲staff完全唔係做開酒店既水準大聲講野 無service 粗粗魯魯啲野垃圾到廢事影 大家想伏可以一試 包你後悔莫及

五星級酒店推出任食點心放題，本來都滿心歡喜諗住實有驚喜。可惜最後只有驚無喜，可能係我俾佢「五星級酒店」嘅牌頭呃到，查實佢只係屋邨啲平價酒樓咁嘅質素，無論服務、食物定係QC，只要你無要求，其實都可以接受。先唔講門口嗰位「知客」呀姐態度有幾串，講咗啲食物質素先：蒸飽係暖嘅、炸物係凍嘅、點菜一件嚟一份、調轉一份就嚟一件、啲呀姐唔睇枱號就放啲嘢响你張枱、明明係「揚州炒飯走叉燒」就改個名做「巴馬火腿炒飯」......真係講都講唔晒，總括嚟講食物味道係正常嘅，但你一定唔好同其他屋邨酒樓比較，起碼人哋都會整熱啲食物先上枱，唔似呢間海景酒樓求其揾嘢塞飽你就算。無下次。仲有，多謝門口個知客呀姐串串貢，等我踏入門口嘅一刻間，有如置身屋邨酒樓嘅感覺。

時下咩都興任食🌮🫔🥩🍞🫓甜品、榴槤甚至雞翼放題🍨早就唔係新聞啦今日嚟食嘅係點心放題🥟🥟🥟喺酒店入面，感覺即刻高檔曬環境都真係一流無敵大海景🏝上菜速度又超快基本上落單5分鐘都無就上菜啦仲送一人一碗杏汁燕窩一人一個鮑魚撻同埋一人一個金華火腿夾餅不過價錢一啲都唔平計埋茶錢同加一🤪🤪🤪都要500幾蚊2個人架無計啦，星期六日又貴啲不過overall嚟講所有點心口味較淡口同埋分咗小碟上唔係好夠熱💥💥💥💥覺得好好食一定要推介嘅係胡椒豬肚湯🐷🐖平時出面飲一碗都要幾十蚊宜家任飲胡椒味唔會過重個湯幾鮮甜啲豬肚一啲都唔腥咸菜又夠多我一個人都飲咗2碗另外薑汁湯丸100分雖然湯丸可能係現成嘢但個薑汁好夠味嘅甜又帶辣😍🥰🥰😍好refreshing 蝦餃燒賣鳳爪就正正常常炸兩好脆口但豉油好咸西蘭花都炒得爽口🥦但蒜味唔出，咸度唔夠黃金苦瓜做到苦瓜唔太苦但啲蛋黃咸香未能夠同苦瓜融合有啲失望😶贈送嘅杏汁燕窩...麻麻一嚟我個人好憎杏仁味主觀條件已經減分二嚟質地偏稀有啲水汪汪咁但燕窩係多嘅😌😌😌另一樣送嘅金華火腿夾包又搞出笑料🙃🙂🙃🙂職員有俾個燭台我哋好明顯係要點火熱住嚟食🔥🔥但就嚟食完餐飯都未有人嚟點於是忍唔住叫人埋嚟職

兩星期前，在某網站見到有呢間紅磡海逸君綽酒店中菜廳點心放題，一心諗住點心差極有限。我同朋友11點前到，在門口有大sofa坐陣，跟著登記入座。位置，無可厚非，超級無敵海景，可惜玻璃窗冇點抹，厚厚一層塵。坐低，因為時間有限，所以就快點點心。最初點，都係標準嘢，燒賣、蝦餃等，都算對辦。之後再點一口腸粉、炸兩、皮蛋瘦肉粥。。。。。一食，就立即打個突，突然變咗食冷盤。唉，照食，又點兩份鮑汁鳳爪，甜品食埋，都冇來。侍應問有冇嘢未來，因為呢度用apps點菜，所以有咩未來，點記得？我叫侍應幫忙睇，結果都係冇。食完，除咗上網book時已經prepay 咗$158/位，來到再另外比茶價同加一，即係總共$200/位。茶價同加一，要來到先知。仲有，呢度既服務，比好多一般酒樓再差好多，侍應上菜，係放枱邊，自己放返枱中間。

喜歡吃蟹的朋友，不妨考慮這個買一送一的套餐，選用新鮮越南肉蟹 🔰海雲天三小碟，喜歡叉燒是暖的，還有烤麩和青瓜🔰蟹肉燕窩羹，滿滿的食材在羹內，味道也不錯🔰紅梅雪地鮮蟹鉗，蟹鉗鮮味好吃😋，伴著蟹鉗的是滑滑蒸蛋🔰芝士蟹蓋，芝士味不合我，嘗試了一羹，便給其他人吃🔰星洲黑胡椒蟹，香濃黑胡椒配搭新鮮肉蟹，少許辣，惹味非常😋🔰蟹肉灌湯餃，當然有蟹肉、還有菇粒和其他，味道正常🔰雞油花雕蟹肉伊麵，除了蟹肉，還有炒蛋塊和肉，味道可以最後，還有一小碗杏仁茶，但沒有拍照

只有一位男服務員懂得把點心放在中間，其他三個服務過我張枱嘅都係把點心放在枱邊；甚至一疊三籠鮮茄湯鮮竹卷都係要個客熱辣辣自己分配。相片見到佢就咁放碗紅豆沙左手肘旁邊。告知了經理，希望會改善。

🥟海雲天-點心放題 $168(另加一)✨-一直都好想試點心放題🤤上網見到呢間唔錯，就黎左試試💕-D點心質素唔差👍🏻蝦餃燒賣都大大粒，好彈牙😍我同朋友都忍唔住點左4籠黎食🤣而每人入場都會送一次灌湯餃、芝士焗蟹蓋同鮑魚撻🥧味道都唔錯😋😋鮮排骨竹筒飯、黑金流沙包都幾推介👍🏻👍🏻-總括黎講，呢間點心放題cp值都幾高💕點心選擇都算幾多，食唔哂🤣只係有次點左腸粉，但送上黎果陣係凍左既😅不過有機會都想再食多次🤟🏻