海雲天

We were expecting a very delightful dinner with my relatives as the dinner was planned weeks ahead. Maybe expectation is too high and it ended up very disappointed. Certainly the hairy crabs were overrated, size was extremely small, the tastes were unacceptable. Peking ducks were cold and the wrappers were not warm at all. Other side dishes were very stingy and not unpresentable. Totally disgusting. Definitely will not visit this restaurant again as I felt no wonder people are going to Shenzhhen every weekend. Good luck to Hong Kong restaurant !…查看更多

食左30隻，蟹需細隻但隻隻爆膏，好食，薑茶好飲，餸上得快，環境清靜望海景，員工有禮貌，有免費泊車2小時，片皮鴨及春卷都好食，鮑魚及泰式碗仔翅得一客，會再食多次。…查看更多

早前同老友去黃埔逛街，食飯時間到，朋友突然提議話：「不如試下海雲天啦，好出名嘅點心廳，一路都聽人話佢點心超正！」大家都抱住好高期望，興沖沖咁衝落去。點知一入門，環境都幾靚，裝修得幾有格調，仲望住維港添。點心上枱，熱辣辣咁黎，蝦餃皮薄係薄，但餡料好似欠咗少少彈牙，味道平平無奇；燒賣就不過不失啦。最好味係蘿蔔絲酥；皮脆，裡面都有足料嘅蘿蔔絲。但整體嚟講，只係一般市井茶樓水平，絕對唔值呢個價！朋友都搖頭話：「聽講咁勁，原來都係咁樣？」最激氣嘅係腸粉事件！原本嗌咗碟腸粉，侍應送上枱，點知只得一件？！我問下，佢支吾咁話：「哎呀，廚房同事搞錯，俾咗點心放題嘅份量畀你哋。」好啦，誤會可以原諒，佢話會即刻重新整過，我哋都忍住等。點知等左20分鐘，腸粉都未嚟到，再催侍應，佢先話：「依家廚房先開始整，要等多10分鐘先得。」多10分鐘？！原來依家先叫廚房再整？最後我哋索性埋單走人，最後埋單$190/位，性價比低到爆燈！總括嚟講，海雲天真係名過於實，環境同名氣拉滿，但食物同服務都跟唔上。點心唔夠驚喜，侍應態度麻麻；寧願返去街邊老字號茶樓，起碼平靚正。…查看更多

「九月圓臍（乸），十月尖（公）」。農曆九月適合吃蟹乸，此時蟹黃飽滿；農曆十月適合吃蟹公，此時蟹膏豐腴。 農曆九月食，正常呢個時段應該蟹乸蟹公都會食齊，食店提供竟然全部都是蟹公，一隻蟹乸都沒有，雖然是任食，但竟然一隻蟹乸也沒有，是一隻都沒有🫢，而且蟹還很細隻，大約3両左右大小，有一半蟹還不太新鮮，質素麻麻，對此非常失望。雖然任食預左蟹會細隻而且質素會參次不齊，但實際比預期想像為差，所以非常失望。平台購買任食大閘蟹套餐要4位以上才送一隻乳鴿，每人可分享1/4部位，2位就沒有，因為套餐提供食物很少，怕不夠吃，所以自費下單額外點了一隻滷水乳鴿，味道普通。唯一可以讚是片皮鴨味道不錯。薑茶夠熱但薑味不足，不夠薑。…查看更多

🍽️食物方面： 150mins任食大閘蟹💲530🦀頭一輪OK 之後嗰啲臭臭地偏細隻 冇得揀公乸 上菜太慢🥇油鹽焗大閘蟹 🥈藥膳大閘蟹 最熱辣辣🥉避風塘大閘蟹 唔算好辣 幾鹹仲有清水大閘蟹 豉油好甜好怪🦆片皮鴨 好油 / 唔熟 有血水🍞鴨崧脆多士 冇乜味 好少肉碎 🥛大良鮮奶卷 脆脆地 😖涼瓜炆鴨件 肉嫩 超苦苦瓜☁️芥末雲耳仔 怪味似擺咗好耐🫔麻辣鴨絲春卷 假假哋嘅味🫚補暖薑茶 超甜好辣每人一份🆓滷水乳鴿可以拎走/菇+鮑魚/泰式酸辣翅📷打卡方面：海景🔈環境方面： 大間酒樓 多位 有啲凍 💬其他資訊：海雲天📍 九龍海逸君綽酒店2樓💰KKday$448+雜費, 人均💲530ℹ️外賣盒收$5…查看更多

今次揀咗喺黃埔嘅海雲天度食大閘蟹，佢哋有個150分鐘嘅任食大閘蟹套餐，佢哋嘅大閘蟹有四款整法:清蒸-原汁原味，主要食蟹入面嘅鮮味避風塘-佢哋主要落咗辣油同埋薑蔥炒，食落辣辣地係幾惹味嘅油鹽焗-新鮮熱辣焗出嚟嘅時候超好味，佢啲鹽唔會太多，調味啱啱好藥膳-上枱嘅時候好香嘅藥材味，呢一款大閘蟹仲會特別浸住喺藥材湯入面上枱，但係食落去就比較淡佢哋嘅大閘蟹係比較細隻嘅，不過因為任食，所以大家都食咗好多隻，而且亦都試咗好多唔同味道，呢度煮得都幾好食。而且上菜時間適中，唔會等得太耐。京式片皮鴨-都係另一個重點，即叫即整，啲鴨都幾好味，外皮好酥脆，不過配搭嘅醬料同配菜就少咗啲選擇。呢個套餐仲會每人送一盒蠔皇鮑魚金錢同埋泰式酸辣翅，隻鮑魚都算大隻，而且鮑汁煮得好好味！另外仲有前菜同小食可以任叫，最後真係食到好飽。員工都好多同服務態度唔錯，佢哋會經常幫我哋換碟，令到我哋食完嘅殼唔會積得太多…查看更多

本人太太於2025年9月12日於KKday購買了兩張1折點心任食套票，預備於9月14日享用。KKday的商品說明裡面說明了客人可以"選擇"加購商品頁內其他方案拼單，並沒有標明"必須"兩個字。偏偏後來海雲天員工Whatsapp本人，要求"必須"購買$198方案作為拼單(i.e. 1張1折+1張$198)。本人跟太太兩個人就需要購買兩張$198，可以講幾乎抵消了餐廳提供的所謂1折優惠。本人認為海雲天此舉已經違反商品說明條例，此等巧立名目的生意手法實有欺騙及誤導消費者之嫌。本人雖然可以獲得套票退款，但已經非常無癮。…查看更多

前幾日同朋友去咗「海雲天」試佢哋嘅2小時任食蒸海鮮，主打蒸蠔、鮑魚同蟹腳。餐廳環境幾好，座位寬敞，燈光柔和，坐得幾舒服，適合一班人聚餐。服務都算唔錯，店員有禮貌，上菜速度合理，唔會拖太耐。 食物方面，選擇算係基本，有蠔、鮑魚、蟹腳、蜆、蝦等，但質素就一般。蒸蠔size中等，不過有部分唔夠飽滿，鮮味普通；鮑魚細隻，口感偏韌，唔算好鮮甜；蟹腳肉質尚可，但略嫌雪藏味重，唔夠鮮美。其他配料如蔬菜同醬料就正常，無特別驚喜。 整體嚟講，如果純粹想食飽同試下任食蒸海鮮，可以一試，但對海鮮質素有要求嘅話就可能會失望。價錢中等，性價比算合理，不過未必會encore。 …查看更多

誤信買一送一中菜放題，除咗服務幾好之外，所有食物都比兩餸飯質素低，蟹腳無味或者死咸非常之極端，蒜蓉蒸鮑魚完全無味道，點醬汁都難以接受！蜆好多沙，入口即吐！黑椒牛柳粒真的比兩餸飯所賣的難堪，實在想像不到這是出自酒店中菜廳的，蒸蠔都是沒有味道而且不夠熱好奇怪，最奇怪係白灼蝦，大部分蝦殼都非常之軟但是蝦肉沒有霉不過也是完全沒有味道！唯一解釋就是從樓下自助餐廳把熟蝦扔進滾水灼熱上碟吧…總結就是與其去這間中菜廳食所謂中菜放題不如把$706到其他酒樓！至少不會質疑自己是否失去味覺。…查看更多

係KKDay買左2小時無限任食「蒸蠔、松葉蟹腳、蒸鮑魚」海鮮放題，極度失望。首先，上菜速度極慢都算喇，食物仲要冇温度。唯一係熱嘅，剩係得例湯，清水例湯。諗住食佢個蒸蠔，點知個殼係凍嘅，舊肉係暖嘅。啲點心燒賣菜苗餃都衰過出面酒樓。其他嘢食都係又凍又難食，想搵樣好食啲嘅嘢食到飽都無。見到邊啲人推薦依間嘢就自己睇路喇。而家一路打字一路返緊去買嘢食連埋加一茶芥400蚊一位埋單。五星級嘅價錢，茶記不如嘅質素。…查看更多

因為臨近母親節，所以帶同家人一起去食，心想是洒店中餐部，會有一定水準，但一進去己經發覺中伏，坐低用qr code落單，看宣傳有20多款食物選擇，但落qr code部分只有十款左右，其餘是外面自取，落單後食物一些十分鐘來了，試食幾款鵝腸，麻辣鷄，超细蒸鲍魚等等，全是普通，什至可用難食形容，蒸蠔二十多分鐘送來，不難食，可用不錯形容，但需時很久才送來，其餘食物，例如蟹腳(非常咸)白焯蝦是莓的，其餘也是可用垃圾食物來形容，唯可好食的是红荳沙及因為實在太難食，我家的嫲嫲面如灰黑，所以另外再叫一蝶鲍汁蚊伊麵给她起，所以問女仕應取menu，但說没有，但可幫我們落單，那便下單(我們也有錯，心想二百元之內)但埋單加埋一是三百元，最後總结是屋邨酒樓服務，食物仲衰過屋邨，我本人是沒回內地消費的，所以明白為什麼那樣多港人不留港消費。。。。…查看更多

今日一行13人預早慶祝母親節，這是在酒店兩小時的中式海鮮自助餐，客觀分析及評分打從我第一碟到最後一碟我也是食白灼蝦，簡直是中伏了。以海鮮為買點的食物款式不多，擺放食物很有問題（用兩隻碟提供長腳蟹、一盤沒有加熱浸著水的白灼蝦，不幸中大幸不是食凍蝦、菜心不是翠綠色、魚是炸魚柳、炒飯是沒有餸的鼓油炒飯吧）食物不新鮮、凍蟹咸得很緊要還有腥味及蒸蠔有沙有臭味，所以只有食白灼蝦感覺會安全及衛生點，以上是我個人食後感受。本身很想再仔細描述各項細節，沒時間多講，實在是失望的嘗試也是失策的嘗試。…查看更多

野唔覺好食，出個19優惠懶係平咁，啲職員態度差過澳牛茶記，你想去受氣就去啦，咁嘅價錢，北上消費好過佢，人哋態度又好過你，間野又大過你 ，海鮮又鮮過你 ，唔會好似你咁比錢受你氣lo選擇少，唔新鮮，職員差，唔算平，又唔方便，最主要係員工態度欠錢咁個個，連覆whatsapp果個都串過碼頭咕哩，你想試呢個一星級服務態度就去啦，食完包你成肚氣，飽全日唔洗再食，想減肥瘦身就去，包你瘦幾磅，想去感受下一星級服務，就去啦…查看更多

件事非常簡單，早前我經優惠訂購平台以$298 快閃價購買海雲天海鮮餐講明提供“鱈長蟹腳”所以$298 位我覺得物超所值，期待去食鱈長腳蟹。但優惠訂購平台近期推出快閃價$188 “松葉蟹腳。今天我去到酒家發現並沒有提供“鱈長蟹腳”，貨不對版。我行去收銀處問一個女士，請問你哋邊個係經理？她問我咩事，我話我在優惠訂購平台買的是“鱈長蟹腳”，女待應竟然欺騙我呢啲就係嗰啲蟹，我話鱈場腳蟹同松葉蟹腳係唔同。佢走去找男經理講：果個女人話......（我感覺一啲禮儀都冇，識唔識講有位女士）。我：你哋呢家提供係松葉蟹腳。但我買的套餐是鱈長蟹腳。後來男經理話：我哋有權更改，係優惠訂購平台寫錯。我：我之前買的$298 是“鱈長蟹腳”價錢比現在我套餐$188/位，每位相差$100。我話會向優惠訂購平台投訴你哋貨不對版。佢即刻叫我唔開心可以唔食，退返錢比你。我：我特登揸架車過嚟食飯！依家你咩意思？叫我走唔好食呀！男經理仲要越講越大聲，引起其他食客注目，目的想我難堪，要我知難而退！明明係你哋公司做推廣$298 打正排頭提供“鱈長蟹腳”，因為被“鱈長蟹腳”吸引我先會買，你哋呢個推廣未完，就推出另一個價廉$188 松葉蟹腳。變相令食客造成損失，我同經理講：你放心！我一定會同優惠訂購平台投訴你們貨不對版。#大聲說話、印起其他食客注目，故意令我難故意令我難堪，想我知難而退！呢啲行為真係不知所謂，自問我係客人都沒有發爛渣，身為酒家一個經理，處理手法極有問題！絕對唔會介紹呢間畀朋友。只有蒸蠔合乎期望食物質素差提供速度慢經常冇嘢食要等沒有我購買的“鱈長蟹腳”違反商品條例海關可以跟進！我比$298 食$188 的推廣，請問該酒樓這樣手法合理嗎？…查看更多

餐廳有一個賣點，就是210度欣賞無敵維港海景，一邊看維港夜景一邊品嘗美食，太棒了。「蟹之約會」八道菜盛宴：海雲三小碟、蟹肉燕窩羹、芝士焗蟹蓋、紅梅雪地鮮蟹拑、星洲黑胡椒蟹、雞油花雕蟹肉伊麵、蟹肉灌湯餃及精美甜品。🌟海云三小碟｜燒腩仔皮好脆，木耳配酸薑口感爽脆 ，酸薑酸酸甜甜，十分開胃的前菜。🌟蟹肉燕窩羹｜好有蟹鮮味，而且啖啖燕窩，口感順滑。🌟紅梅雪地鮮蟹鉗｜蟹鉗啖啖肉，雪地原來是指蛋白，清淡的蛋白配上蟹汁芡好鮮味🌟蟹肉灌湯餃｜好喜歡這個湯，溫暖的湯汁滑過我的喉嚨，一股舒暢的感覺蔓延開來，入口鮮甜不油膩，灌湯餃大大件，入面還有花膠。🌟星洲黑胡椒蟹｜色香味俱全，選用了新鮮肉蟹，蟹肉結實鮮甜，好新鮮，味道偏香港人口味🌟雞油花雕蟹肉伊面｜面軟硬適中，口味比較清淡…查看更多