海言どんぶり専門店

營業中

休息中

因為颱風關係成功執雞，星期六都可以walk in dinner。朋友一路都有推薦由壽司源出嚟自立門戶開高級魚生飯專門店既言師傅言師傅表示喺香港，好少專門吃高級魚生飯既餐廳，大部份都係做omakase ，所以佢就決定做高級魚生飯一我地叫咗2個海言廚師發辦魚生飯(特上)、江戶前散壽司(特上)，再加兩個前菜 - 醋鯖魚紫菜卷、碎切池魚刺身對比一般魚生飯，海言既魚料種類多、新鮮，好似食壽司咁，再配合佢嘅醋飯，真係食過返尋味

海言どんぶり専門店由開業至今都一直人氣高企，言師傅更加係日本名廚見城俊二入室弟子，以omakase丼飯作招徠，唔怪得一位難求前菜附上沙律、茶碗蒸、味噌湯沙津用上時令蔬果，茶碗蒸個蛋好滑好好味呀，味噌湯濃味得黎又唔會話過咸海言廚師發辦魚生飯-特上選用了15款時令刺身，海膽、三文魚籽、帆立貝、石垣鯛、鯖魚卷、鱸魚撈左鮑魚肝醬、油甘魚、中拖羅、大拖羅、炙燒北寄貝、炙燒銀鱈魚、炙燒梭子魚、沙甸魚等，店員會逐一介紹魚生同食既先後次序，由生到熟既食法，每款都新鮮美味海言廚師發辦魚生飯-上呢款相對特上既魚生係有稍微分別，三文魚籽、帆立貝、鯖魚卷、鱸魚撈左鮑魚肝醬、油甘魚、中拖羅、炙燒北寄貝、炙燒銀鱈魚、炙燒梭子魚、沙甸魚等，壽司飯係用上北海道七星米 & 夢美人米就知道師傅對飯都十分講究整體食物都新鮮高質，店員亦都好親切，唯獨是時間分配就有點美中不足，師傅精心製作需時，再加上有時間限製，變相食既時間唔多，所以食得好趕下🙈

2日前預約了平日一點半， 到達後仍然是全店滿座， 地方雖然較細 ，但整體很整潔。服務好，服務員們很耐心地介紹食品。刺身新鮮， 飯亦質感適中，份量足夠，甚至有點多，吃得很飽🤣一定會再來

同事介紹咗呢間魚生丼專門店，並且告知超難預訂，於是提早一個月book咗位過嚟嘗鮮。店面以淺木色為基調，感覺好簡潔舒服，地方唔大但坐得唔迫。睇完menu, 點咗個海言招牌嘅廚師發辦魚生飯特上，附送沙律、茶碗蒸同味噌湯。沙律好新鮮唔馬虎，茶碗蒸好滑又夠料。魚生飯真係不得了，擺設得好靚，一共有15款刺身，全部都係師傅逃選最時令嘅食材，完全感受到師傅對食材既一絲不苟。店員會一一介紹每款刺身同建議食用次序，當中有海膽、三文魚籽、金目鯛、吞拿魚、大拖羅等等，有啲我都唔記得咗係咩名堂件件都非常新鮮，好高質，食完真係回味無窮一碗魚生飯$430雖然真係唔平，但係食到咁高質既刺身其實係物有所值，都要偶爾犒賞下自己嘅

由朋友介紹海言～一直都想去試，終於book 到位，同朋友慶祝生日🎂⋯⋯非常期待😚，當到達餐廳時，看到室內的設計，簡潔，日系風格🥰🥰待應非常有禮同細心💕感覺真好～ 我們order 了～ 1）生蠔🦪 （非常新鮮甜美）2）牛舌 （不過不失）3）沙律 （非常爽脆新鮮，係令人食慾大增）4）吞拿魚飯 （非常驚喜，如果係吞拿魚愛好者，呢個可算係，香港最好食嘅一個）5）海言招牌飯 （如果第一次去食，我覺得呢個係好值得一試）6）店員推介嘅有氣清酒 （好特別，好容易入口😘，好似飲汽水咁😂）食完飯後，感覺真係好開心🥳⋯⋯終於搵到一間好用心，又真材實料嘅日本菜，一路食一路感受到，廚師對食材的要求用心👍🏻👍🏻唯一有一點，我係覺得欠一個甜點🍮例雪糕⋯⋯感覺會圓滿些🥰🥰

恭喜海言一週年!🎉特別限定推出了光物丼! 作為光物愛好者 見到即book!😻—🍚 海言光物魚生飯 DonChiChi鰺 | 鰯 | 小肌 | 鯖魚卷—鋪到滿滿的光物魚料…仲有左舊鯖魚卷😍更使用了島根縣的DonChiChi池魚! 一見到成碗鋪得咁靚 咁滿 即刻心心眼😻細心的言師父為左令到大家更滿足 準備了厚切 薄切 碎切 三種不同口感🤩食極都未食哂…..魚仲多過飯！ 今次真係可以吃個夠! 非常滿足!👍一定會再來的😊希望keep住有光物丼🙏

由海言剛開業到而家，食過大約十次😺😺最抵食一定係廚師發辦魚生飯（特上），$430可以食到十幾種魚料、師傅亦都會跟season俾最好既食材客人🫡 如果有特別野唔食，都可以落單前通知staff，佢地都好樂意幫忙江戶前散壽司（特上）魚料比廚師發辦少，但勝在係有味飯🤣如果當日去到唔算好餓，我通常都會叫呢個🍚除咗魚生飯，醋鯖魚卷亦係必點🙈 $80有兩件，絕對係佛心價錢😂 如果要講餐廳嘅缺點，就係門口太細真係有啲難搵😵‍💫

一序難求嘅魚生丼專門店，想book收工後6:30PM食，係要早一個月上佢地個website book枱加落訂。個門面係幾隱蔽，由繁華嘅威靈頓街入去行落一段樓梯之後，就好似去咗另一個世界咁，店舖入面好光鮮，主色調係用木色，感覺好乾淨。Confirm Booking之後，店員會帶你去座位嗰度，之後好細心咁幫你拉岀坐位下低個籃，再指示隨行手袋可以放響個籃度，帶完你去座位之後，好快就會送上兩杯熱茶，放低menu後，佢哋會俾少少時間客人消化一下個Menu，再問係咪第一次食，從而再介紹，落單之後，都會再問有冇對任何食物敏感。成餐飯整體都好滿意，有機會都會再嚟食。

可以拍晒心口話係我係香港食過最好味最難忘一定會再訪嘅魚生飯🥰🥰🥰 雖然真係難book 但係值得！餐廳位於中環 裝修設計簡約低調 俾人一種溫馨小店嘅感覺☺️ 當晚叫左海言特上廚師發辦魚生飯(HKD430) 同埋醋鯖魚紫菜卷(HKD80) 兩款食物質素💯完全對得住個價錢 以前我非常討厭食魚生飯 因為通常魚料質素非常參次 魚料同飯嘅比例唔啱 導致食到後面好多飯剩落黎😢 但海言嘅魚生飯係唔會有哩個問題 所有魚料都非常時令新鮮(當晚有秋刀魚 香箱蟹 同其他時令魚料）保證你每次去都有唔同嘅驚喜☺️☺️ 係廚師發辦林立嘅中環 海言諗到一碗結合廚師發辦精粹嘅魚生飯 一個字：掂！！

當Omakase開到周圍都係, 試下丼飯都係一個唔錯既選擇. 餐廳全日都供應同一款menu, 除左佢地最受歡迎既廚師發辦魚生飯外,仲有好多各款丼飯. 不過係一位難求既情況下難得來到當然都係試返佢既signature🥰‣ 廚師發辦魚生飯(特上) ⋆ $430魚生飯共有15款魚料,貝類, 白身魚, 小肌, 火炙至魚膽拖羅都有齊哂. 廚師發辦該有既佢都有齊. 魚生整體新鮮, 唔會有太多調味. 最欣賞佢既白身夠鮮甜同埋赤身拖羅等都好厚切!!佢個set仲會有沙律,茶碗蒸同味噌湯(正常味道)‣ 醋鯖魚紫菜卷 ⋆ $80/2件加左佢既鯖魚卷🤍🤍味道100分!!好建議加配

Booked this after seeing it for a while, forgot since it was actually quite hard to book when they first opened.This is the OG Porker location which is very near where we live. All the seafood was very fresh and it was helpful that the sashimi items were explained and what order to eat them in. Tea was served frequently (perhaps because we sat at the bar) and everything was very fresh. Love eating chirashi bowls since there's a large assortment of everything! Really wanted to try their 1 year an

𓍯 Mikoto Donburi 海言 𓂃 𝗧𝗵𝗲 𝟭𝘀𝘁 𝗢𝗺𝗮𝗸𝗮𝘀𝗲 𝗦𝗮𝘀𝗵𝗶𝗺𝗶 𝗗𝗼𝗻𝗯𝘂𝗿𝗶 𝗲𝘅𝗽𝗲𝗿𝗶𝗲𝗻𝗰𝗲 @mikotodonburi 🍣 Nestled in a basement floor on 𝘊𝘦𝘯𝘵𝘳𝘢𝘭’𝘴 𝘞𝘦𝘭𝘭𝘪𝘯𝘨𝘵𝘰𝘯 𝘚𝘵. is the ever-so-popular Donburi joint known for its 𝘰𝘮𝘢𝘬𝘢𝘴𝘦 𝘴𝘢𝘴𝘩𝘪𝘮𝘪 𝘥𝘰𝘯𝘣𝘶𝘳𝘪𝘴 🎣 you get served a specially-curated & seasonal selection of sashimi, served on a bed of 𝘏𝘰𝘬𝘬𝘢𝘪𝘥𝘰 𝘠𝘶𝘮𝘦𝘱𝘪𝘳𝘪𝘬𝘢 𝘳𝘪𝘤𝘦 seasoned with vinegar 🍚 Opted for the 𝘋𝘦𝘭𝘶𝘹𝘦 𝘖𝘮𝘢𝘬𝘢𝘴𝘦 𝘚𝘢𝘴𝘩𝘪𝘮𝘪 𝘉𝘰𝘸𝘭 that comes with 15 varieties of sashimi 🐟 each tended to with a diff kind of knife skill as well as with

· 海言廚師發辦魚生飯 (特上) $430每月1號開放下一個月booking 絕對值得等待既廚師發辦! 揀左最貴嗰個 食材比起(上)個一款刺身類型少4-5種 份量少啲同埋無咁矜貴 eg. 無拖羅無白子 可以根據個人喜好選擇 當日有14款刺身 真心每一款都超級好食 食材新鮮 刺身好鮮甜 即使平時唔係好食三文魚帶子同蝦呢啲常見刺身以外既魚 都全部清晒 仲要係覺得每一款都超正! 推薦!🫡✨飯會附送茶碗蒸同沙律 茶碗蒸正常發揮夠滑夠嫩夠料 店鋪空間較細 不過要讚店員既態度好到傻 解釋得勁詳盡 耐心有禮貌 service好好! 已經book定下一次再食🥹另外亦有一款江戶前散壽司 個款係用盒rather碗去裝 同樣係刺身丼飯 但江戶前會選用壽司醋飯 加上芝麻紫菜醬油等調味 刺身品種與數量都同廚師發辦(上)個款差不多! —————————————————————😋 𝘵𝘢𝘴𝘵𝘦? 9/10 🥳 𝘦𝘯𝘷𝘪𝘳𝘰𝘯𝘮𝘦𝘯𝘵? 7.5/10🤑 𝘤𝘱 𝘷𝘢𝘭𝘶𝘦? 8/10🤩 𝘳𝘦𝘷𝘪𝘴𝘪𝘵? 9.8/10—————————————————————📍 海言どんぶり専門店中環威靈頓街55號地庫

食物：嗌左個omakase don set, 15款時令刺身，真係相當出色！旨味大爆發🥲除左個don，成個set有沙律、茶碗蒸、味增湯，飯哥以揀多少，唔夠可以添。我揀左少飯，最後食晒已經好飽，所餐真係好滿足。服務：服務態度好好呀，員工除左細心同熱情，感受到經理係好有經驗既，親切又有禮貌既服務態度令我一個人黎食飯成餐都食得好舒服。價錢：正路價，一個人埋單$4xx，出面去啲好普通既刺身飯貴既都要$3xx, 哩到係有名鮨店中環地段加上成個set有其他野，唔算好貴。環境：係basement行左落好多層，店面不大，一般鮨店size, 都是木為主的設計，都舒適的Overall: 非常滿足，加上我係好好彩係佢一搭正6點開門walk in,佢咁岩8點前仲有位，而我又一個人，真係十級好彩，竟然唔洗book都食到，加分！

去年年中開業的廚師發辦魚生飯，因好評如潮，亦迅速成為了預約困難店。當然也吸引了我來朝聖一下，亦好好彌補一下繼上月後的別鄉之苦。.幸運地安排到坐在吧枱前的位置，一暏師傅不同刀功，亦見證著每一碗魚生飯的誕生。.✥ 招牌海言廚師發辦魚生飯 特上 $430師傅詳盡介紹多於15款的時令刺身，而且會講解食用次序。色彩繽紛的魚生飯，非常吸引，當天刺身包括：海膽、三文魚籽、帆立貝、深海池魚、針魚、金目鯛、甘鯛、鱸魚配鮟鱇魚乾、鯖魚、吞拿魚、大拖羅、吞拿魚粒、貝柱配明太子、太刀背、銀鱈魚、螢光魷魚。刺身新鮮得讓我有置身於日本的感覺。✥ 江户前散壽司 特上$370朋友點的，就是想點些與別不同的。同樣地由多款時令刺身而成，呈現在四方型的和式方盒，相當別緻，據說這種方盒從前也是用來招待貴客才會用的。 散壽司飯底混合了薑絲、芝麻、木魚，味道更豐富。當天刺身包括：海膽、真鯛、水八爪魚、小肌、池魚碎切、金線鯛、吞拿魚、章紅魚、大拖羅、梭子魚、三文魚籽、帆立貝。兩款丼當中的搭配都相當不同，別出心裁。每一碗魚生飯都相當精緻，猶如藝術品一般，讓我都不捨得吃下去。可是既然吃下了，就有重回欣賞的必要了(•̀ᴗ•́)و