海言どんぶり専門店

營業中

休息中

星期六日中環都唔會好多人返工，喺中上環行非常舒服，晚飯時間突然想食日本野，經過見到海言，一間喺地庫隱蔽嘅小店，睇套餐牌好似唔錯，於是入去試吓。店員推介咗海言廚師發辦特上刺身飯和特上江戶前散壽司，我哋就叫咗每人一個試吓。兩款海鮮丼米飯底都唔同，刺身飯用上醋米飯而江户前散壽司，就更加配上少量紫菜，日本生薑，芝麻嘅飯底，突顯到餐廳對於米飯都非常用心，套餐仲會附上沙律茶碗蒸及櫻花蝦麵豉湯。廚師發辦刺身飯嘅刺身係用上時令食材，包括抽刀，鰤魚，新鮮希靈魚，金目鯛等等，質素非常高，比起其他動不動都過千元嘅廚師發辦更加高質。江户前散壽司就會用上傳統魚類食材，仲會有香港人俗稱嘅紅衫魚日本稱之為金線鯛，腐皮玉子燒等等。兩款刺身飯各有特色，呢個價錢食到咁高質嘅海鮮丼飯真係冇得輸，餐廳如果將佢轉為傳統廚師發辦，收費再貴幾級絕對冇問題，非常推薦。