海港酒家

營業中

休息中

因為疫情嘅原因, 喺英國提早番黎嘅表弟自我隔離咗一個月之後, 我地終於可以同佢去佢掛住咗好耐嘅飲茶!可能係星期六嘅關係, 今日喺茶樓嘅人都好多, 我地大概都等咗20分鐘先入到去.見到餐車呀E都係照舊周圍送餐.餐單蒜蓉蒸鮮魷 (精點)魷魚好入味, 亦都食得出好鮮, 不過個汁就好油.翡翠筍蝦餃王 (特點)蝦餃嘅size偏細, 而且個皮好厚.櫻花蝦煎薄撑 (精點)薄撑入面嘅料唔多, 味道冇咩特別.鮮竹牛肉球 (小點)牛肉味幾重, 可以再嗌!黑金流沙包 (中點)蘿蔔千絲酥 (大點)養顏紅棗糕 (中點)唯一比較好食嘅點心!雞蛋叉燒腸 (大點)香煎蘿蔔糕 (大點)無味嘅蘿蔔糕...紫心香芋丸 (中點)脆皮鮮奶卷 (中點)好似食咗成淡油入口, 一D鮮奶味都冇, 好失望!埋單4個人食到好飽, 星期六飲茶黎講都算幾抵! 但食物整體黎講真係太油, 食物味道亦只係一般, 下次飲茶應該未必番黎!

同朋友飲早茶，之前喺觀塘一直到只識去APM嗰便嘅酒樓，今次有朋友帶，去左旁邊嘅亞太中心，先發現原來呢度有好多唔同嘅食肆。今次早茶就嚟咗海港酒樓。我哋三個人飲茶，如果唔介意搭枱嘅，基本上係早上10點幾呢啲時間，一入到去就有位錯。兩年我哋想自己一張枱，所以就攞飛，大概等左15分鐘就有枱。唔知係咪海港嘅特色，一入到去就聞到好大浸漂白水味我之前去過幾間海港酒樓，都係呢就未，其實真係唔係幾舒服，漂白水味太強烈。嘢食方面都算OK，佢呢個腸粉都好好食，入邊有脹卜卜既蝦，最近亦都好滑，另外原水國亦都好新鮮好趣，整體嘅食物尚算滿意。

好彩一早book左，六七點黎到已經坐滿人，今日仲要係平日夜晚🙈枱枱都食長腳蟹，當然我地都因為長腳蟹而黎😆今晚得返4-5斤嘅蟹（$168/斤），都👌🏼啦，食落都好滿足🤤我地仲叫左半隻燒鵝（$208），味道都唔錯，不過隻鵝無咩肉，得啲皮😅我地仲叫左羊腩煲，個羊腩煲味道唔錯，份量唔算好多，而且好多都係瘦肉，不過$168，送埋菜，價錢都算合理。啲甜品值得一試，大部分10幾蚊，個楊枝金露好足料，焦糖燉蛋大大碗，椰汁紅豆糕👇🏼，兔仔樣好吸睛，味道就一般，但唔太甜。

為家人餞行要食返餐好，於是嚟到觀塘嘅海港酒家食長腳蟹🦀。阿拉斯加長腳蟹🦀每斤$228，聽落都幾貴，但食落就知到抵👍🏻。客人揀完蟹，職員會將佢撈起稱重報重量，ok嘅話就可以揀煮法。清蒸長腳蟹肉質飽滿，蟹肉當然清甜🤤🤤。值得一讚係內臟清得好乾淨。兩斤半嘅蟹大概夠三個成年人食👨‍👩‍👧。至於小菜粉麵味道都唔錯，但就唔一一點評。唯獨是瑤柱炆伊麵全碟得幾絲瑤柱，太過吝嗇喇😵🤦🏻‍♀️。

陪伴友人到觀塘廣場購物，當然晚上也在觀塘區。大家也想舒適一點，最好就是酒樓，於是來到一亞太中心的海港酒樓。步出電梯，就是酒樓內，大廳很闊落，水晶燈明亮不耀眼。只得我和好友二人，侍應招呼我們坐下，送上茶水，很快就簡單的選擇兩個菜式。或許我們到的時間還早，餸菜也很快送上。炸子雞(半隻)，雞皮金黃色，濃香的南乳味，皮脆，肉嫩滑口，雖不算是什麼特別，以一般酒樓的茶式已經不錯，可算是合格的要求味道。清蒸海斑，與炸子雞是一套優惠套餐，非常合二人享用。清蒸保持魚的鮮味，肉質較實，卻又很滑嫩，沒有過熟的現象，能保持魚的味道已經不錯。飯後要上甜品，燉蛋及兔形紅豆糕。燉蛋稍甜，卻沒有過甜的感覺，入口仍算香滑，蛋香味十足。兔形紅豆糕很可愛，紅豆雖不多，紅豆味比想像中豐富，糕點本身並不太甜，凍食卻仍有口感。酒樓的甜品，一向不會太突出，可是這兩個卻有點意外驚喜。海港酒樓一向以價錢大眾化，卻又一定質素及份量，走大眾化口味路線，雖不是高級食府，從來都是性價比為高，為港人喜愛連鎖酒樓。

唔夠半個月，又來海港食蟹真係好鮮甜，無得頂丫Book左6:30, 閒日都9成滿座，可見幾吸引。好似大部分人都會叫蟹得4個人，想叫隻細啲的。但點知細極都4斤以上。我地稱左隻4.3斤的。隔離兩個人嗰隻都4.2斤上枱喇。。。大到呢，長輩們見到都好開心🥳。我地叫左兩碗白米飯撈蟹膏好好味丫啲腳的肉好飽滿，一梭梭的，勁彈牙，又好鮮味食到成手都有海水的鮮味丫。另外叫左兩個小菜，粉絲煲同魚肚浸絲瓜。個粉絲煲有味菜，椰菜，粉絲，冬菇，櫻花蝦，芹菜等。整得唔會太乾身，有少少辣，幾和味另外個浸絲瓜有蝦乾，冬菇，魚肚。個上湯都幾好味𠺢。我地食淨好多蟹，來多兩至三個人先食得曬因爲食隻腳都飽喇，而且佢個身都好多肉打包都打左大半盒蟹肉丫一定可以encore

閒日中午1230左右啦 兩大一細去飲茶大廈搭𨋢排晒長龍，都有少少驚飲茶要等位上到7樓～ 好野～唔洗等位！個場好大，坐到9成full 不過可能lunch time打工仔比較多，限時限候要返返公司，所以冇咁多人lunch選擇飲茶點心唔錯 選擇正常春卷同埋「薄撐」太油喇夾起左 個碟成攤油如果唔係特別鍾意食，真係可免則免另外叉燒腸腸粉好軟滑，不過⋯凍既⋯第一次落單嘅時候叫左八樣嘢，其中有四五樣都冇黎落第二次單叫其他嘢食，就唔使5分鐘全部黎曬咁就叫樓面睇睇第一張單啲嘢係咪落漏咗，鬼咩⋯佢根本就冇入機不過大家都食到好飽，所以由得佢兩大一細都食咗10個點心😆😆😆😆😆😆飲茶果然係一個好好嘅選擇咩都可以食啲又可以不停傾計依間野都坐得幾舒服普普通通飲餐茶，算OK啦

今日媽媽生日，約左啲親戚一齊食飯，總共6個人，我地一行6人去左觀塘廣場15樓既海港酒樓，第一次去呢間，媽咪話想試下就決定去😂😂坐底後發現有好多野食，價錢都吾貴。跟住有個服務員行過黎介紹我地套餐，又真係幾抵，因為叫套餐會免茶位同免加一服務費👍🏻👍🏻我地叫左個超值海鮮套，驚吾夠食，重叫多個特價孖寶燒鵝同白灼蝦。😊上菜啦，先飲碗例湯，湯料都可以食埋，而且個湯焞得吾錯，好清甜👍🏻👍🏻跟住啲菜陸續上埋，全部都幾大碟，重好好味👍🏻我要讚下個龍蝦伊麵，煮到好似卡邦尼意粉咁，勁好味，芝士味又濃😘最後緊係食蛋糕啦，祝媽媽身體健康👍🏻👍🏻5個人食，埋單都吾駛$1000，抵到爆😂

首先，服務真係好差。落單既野漏左，叫佢職員加返，答應了之後回頭又忘記，白白等了十幾分鐘。一條龍躉6.05開始落單，一直到7.50先上。上了之後竟然還是半生熟的，d肉都癡實條魚。我地叫佢翻熱，佢竟然話因為魚太大條啦，你地又催，唔熟都好正常。態度真係好惡劣，快兩個鐘一條蒸魚都上唔到，催幾次都好正常，我地其他餸都食完，坐到成個人凍嗮。差評！我係海港fans，但以後不再去呢間，寧願去遠少少既觀塘廣場，我相信富臨酒家一定好過黎間海港

12月係相約家人和好友飯聚的peak month. 因為target食長腳蟹，而海港的$228/斤就是我們的目標。在找了多區海港之後，俾我發現觀磄呢間可以book 7:30, 所以我們就決定去觀塘店，其他一係book 6:30， 一係book 8:30, 我估因為訂價平，要翻兩次枱吧。首先，長腳蟹係完隻蒸，完隻上，所以一定冇俾人𠱓左一兩舊走😆食落係新鮮既，D肉冇黏殻同好彈牙。八個人，一人一隻腳啱啱好。而其他餸菜也同樣不錯，尤其係龍蝦伊麵，隻龍蝦食得出唔係神仙貨。對我來說，是中價連鎖酒樓首選。

每年聖誕節🎄都會同朋友聚在一起食個飯。食西餐一定好多人，所以決定去食中菜。早前見過海港酒家做緊阿拉斯加長腳蟹$188一斤優惠，立即打電話去訂枱。揀左隻5斤重🦀🦀清蒸好新鮮即叫即劏，肉質結實彈牙，味道鮮甜斤兩十足大大隻啖啖肉另一推介燒鵝半隻外皮香口鬆脆脂肪唔多，唔會食到一口油既感覺，肉質嫩滑龍躉兩食個人比較喜歡炒西蘭花🥦個款魚肉好滑好鮮味。為十一，十二月壽星慶祝唔食蛋糕食壽桃包即叫即蒸大大個好足料。

Christmas lunch 與同事，味道不錯👍🏻選擇不少，叫左13籠點心，一個大鍋米線，7個人食$82，都食到好飽🌝炸物類既點心比較好食！其他與出面d酒樓都係差不多🙂

今晚舅仔請食飯，便相約來到觀塘的海港酒家吃皇帝蟹，每斤都是188，非常抵食。不過每隻蟹都衹是重4公斤，用花雕蛋白蒸，味道一流，由於不太大，四個人剛剛好吃。招牌燒鵝例牌，味道好，皮夠脆。古法那餐雞煲翅，翅的份量有六兩，四人剛剛好可以分得勻，湯底味道很好。蒜蓉粉絲蒸元貝，元貝的肉都算大，味道不錯。

唔知係咪本人太耐冇飲早茶..所以唔知到底要同門口個職員報人數定自己搵位當日同係外國黎嘅親戚去飲茶一上到去就同門口接待員講人數佢冇講任何野仲要反我眼.. 🤡之後阿媽好快同我講我地自己去搵位最後要入到房先有位..一坐低就馬上睇下點心紙當日樓面睇落人手應該幾短缺...我只好行出房遞紙松露野菌腸..一啲松露味都冇改番做野菌腸會比較貼切腸粉皮幾有彈性..唔錯鮮蝦菜苗餃, 蘿蔔絲春卷菜苗餃個皮好彈牙, 蘿蔔絲春卷就係蘿蔔酥變化版兩樣點心都係我喜歡嘅鳳爪排骨飯.. 好正.. 姐姐落豉油應該一秒都冇我同媽媽食開清淡冇所謂但親戚要拎番腸粉碟啲豉油倒落個飯到..🙈雙拼燒賣..只係試左牛肉球個款食落竟然有少少泰國風味可能係落多左檸檬葉🤔鹹水角併煎堆..煎堆入面黑芝麻餡好爆鹹水角中規中矩啦其實野食係可以同幾抵但接待位職員個口面真係令人無言觀塘飲茶選擇咁多價錢亦差唔多..相信點都會有間服務態度好嘅🤷🏻‍♀️

觀塘食肆林立，有大大小小嘅餐廳，但要揾一個可以：多人食、跨年齡、合各人囗味、可以圍住傾計嘅地方，都係會揀返飲茶最合適。公司有同事要離職，大家嘅「最後午餐」揀咗海港，主角話想一齊傾計又可以坐耐啲位置喺One Pacific Centre(APM隔離)，一到Lunch time就大排長龍等升降機，因為樓上有唔少餐廳。我地都等咗10分鐘先上到酒樓預早2日訂咗枱，唔洗等位就即時入得~點心選擇都幾豐富，另有午市優惠點心同套餐必叫點心：金磚豆腐，豆腐外層薄而鬆脆，略略灑上胡椒、鹽等調味，內層豆腐滑溜，豆味香濃。真係外脆內軟，令人食個不停第二必叫：胡麻醬脆燒茄子，就咁聽個名以為係普通加好多醬料個啲燒茄子，但原來係切條再炸，後加調味同麻醬。茄子熱辣辣咬落去係有汁流出嚟，外層鹹香惹味，加埋胡麻醬調味，香濃不俗都係第一次食到依個配搭，估唔到有驚喜！第三必叫：黑金流沙包(一籠三個)外表黑蚊蚊加埋金筆點綴，顯得別緻矜貴。食嘅時候要小心啲，因為流沙奶黃會湧出嚟，真係好誇張，三隻都100%流沙。奶黃餡香甜，賣相囗感同味道都好不錯十分推薦另外有叫金紗銀蘿腸，腸粉皮包住薄脆粉同蘿蔔絲，冇炸兩咁油膩，比較清新。軟滑腸粉