海悠

營業中

休息中

特登過嚟觀塘駿業街熟食中心朝聖覓食，估唔到真係有驚喜，$68就食到手臂咁長嘅瀨尿蝦環境：⭐️⭐️⭐️1/2整體都乾淨光猛，好有大排檔嘅風味，聽到廚房煮嘢鑊氣嘅聲音，仲有一班熱鬧打工仔一齊圍爐食lunch嘅感覺，正～食物：⭐️⭐️⭐️⭐️咁啱撞正炸子雞已經賣晒，真係好想試吓呢款名物，不過都叫咗幾個小菜試一試。清蒸3A瀨尿蝦 $68上到枱真係個個都望住我隻….瀨尿蝦，因為真係成隻手臂咁長，真係冇試過午餐就整返隻瀨尿蝦咁正，剝咗殼好厚肉，仲有膏，嫩滑鮮甜秘製蟹黃醬海皇炒飯 $58香噴噴上枱真係令人食指大動，蛋漿包住每一粒飯好乾身金黃色，蟹黃醬夠咸香，撈埋啲飯食就一流，配料有蝦、八爪魚、小元貝、瓜粒，lunch放返個break食個靚炒飯，下晝元氣滿滿黑松露滑蛋炒蝦仁 $58高水準滑嘟嘟嘅滑蛋超嫩滑，蝦仁都幾大粒，仲有少少蟹柳，黑松露味道超濃郁，撈飯特別香咖喱崩沙腩 $78咖喱係略帶東南亞風味並不是傳統港式咖喱，香料味濃郁唔辣嘅，崩沙腩真材實料啖啖肉，冇諗過份量咁多，每人食三四嚿都仲有剩總結:孖住幾個舖位都係佢哋嘅，就知道佢哋幾爆啦，廚房同職員都好忙碌，打工仔爭分奪秒記得追一追自己個餐，我覺得都好合理，服務員

首先我哋叫咗招牌秘製蟹黃醬海皇炒飯（$58），呢碟炒飯真係勁吸晴🤤，上面有一大坨蟹黃醬，鹹鹹地，香濃到爆！記住一定要撈勻啲蟹黃醬同啲炒飯一齊食，咁樣味道先至夠均勻，勁惹味～炒飯入面仲有蝦🦐、帶子、魷魚，飯炒得粒粒分明又金黃，好似打咗燈咁靚，食落口感滿分！👍然後，我覺得必點嘅一定係黑松露滑蛋炒蝦仁（$58），呢碟真係性價比之王！黑松露香氣十足，滑蛋嫩得嚟又好香濃，完全係我心目中滑蛋嘅標準💯！蝦仁份量超乎想像，唔係得兩三隻應酬你，係多到你會覺得好滿足嘅嗰隻～鍾意食滑蛋嘅朋友千祈唔好錯過呢款，會後悔㗎！😋最後試埋脆米金沙炒翠玉瓜（$98），雖然價錢有啲貴，但翠玉瓜好爽甜，加埋鹹蛋黃炒到香噴噴，仲有啲脆米點綴，口感同味道都幾特別～如果你係鹹蛋黃愛好者，呢碟可以試吓！不過，未必係每次都會點嘅嗰隻啦😂。總括嚟講，呢間餐廳嘅炒飯同滑蛋真係好值得推介，價錢又唔算太高，食完有啲想再嚟試其他菜式添！🍚🍳✨

黑松露滑蛋炒蝦仁蝦仁肉質頗有彈性，滑蛋超級滑，喺我喺屋企點都煮唔出嘅樣子。配上黑松露嘅香味，成件事好夾。秘製蟹黃醬海皇炒飯呢個飯鑊氣好夠，啲飯應該係好似中學家政老師教，用隔夜飯炒，炒完係呈一粒粒嘅狀態。本身個海鮮飯有魷魚、元貝、蝦仁等高級食材已經好鮮味，加埋蟹黃提鮮真係無得輸！脆米金沙炒翠玉瓜份量好足，翠玉瓜清甜配上鹹蛋黃味道又幾有新意，加上有啲脆米口感都幾特別，餐牌標示呢個菜係自家研發，我最欣賞廚師會跳出框框，走出comfort zone 去試新嘢！

駿業熟食市場有好多選擇🫢呢間小炒鑊氣好勁，聽到廚師炒餸的鑊氣聲…🔥秘製蟹王醬海皇炒飯，好香口 好鮮味👍🏻而且非常足料，大人小朋友都喜歡。黑松露滑蛋炒蝦仁，黑松露好香，蛋好嫩👍🏻連埋蝦蟹柳一齊食，非常滋味。金沙炒肉翠玉瓜都幾特別，清甜翠玉瓜配鹹蛋黃醬，味道幾夾，令到翠玉瓜更鮮甜✨蒜蓉粉絲蒸龍蝦，好喜歡佢個豉油蒜蓉汁，調得好味✨粉絲吸咗啲蒜蓉汁，非常香好味。整體食物好味，價錢好經濟，喺觀塘返工真係可以嚟試吓，都幾多位。

今次嚟到呢一間小店，係社交平台見到好多人介紹店員都好熱心幫忙💜今次食咗海膽炒飯同埋炸子雞，兩樣嘢食都好有鑊氣！！！份量好大，海膽炒飯嘅海膽醬好鹹香，撈埋啲飯食勁夾呀！炸子雞今次配咗米線，個湯都勁鮮甜，炸子雞個皮又好脆，啲雞係超鮮嫩，非常推薦大家嚟呢間小店食

試過幾次lunch，都覺得好正，好有鑊氣，好想試埋dinner。佢lunch出名可以$68食瀨尿蝦或者係龍蝦，諗住夜晚實冇呢個優惠喇，點知喜出望外，個老闆仲話只要佢哋買到靚嘅海鮮，就一定有，不過就先到先得。椒鹽瀨尿蝦大大隻大個隻手掌，只係$68 ，仲要彈牙有膏，絕對唔係買啲霉嘅海鮮，真係值得一讚👍🏻除咗特價食品，我哋仲嗌咗椒鹽鮑魚、椒鹽脆鱔、燉湯、豆豉鯪魚油麥菜、辣子雞、蠔都食咗兩款，不過我哋鍾意蜜餞蠔多啲、同埋生炒骨。碟碟都好大碟，有鑊氣，食唔晒，要打包。雖然環境一般，喺街市入邊，但性價比高，值得去！

終於去試左觀塘熟食市場人氣店-海悠$68 就有半隻蒜蓉粉絲蒸龍蝦咁抵食，一於就試下🤭估唔到有成隻手掌咁大，肉質彈牙👍🏻好厚肉～加埋蒜蓉粉絲😍絕配另外朋友大推秘製蟹黃醬海皇炒飯，好足料～炒飯粒粒分明，加埋蟹黃醬，鹹香十足，勁大碟，可以2個人share黑松露滑蛋炒蝦仁滑蛋炒到好嫩滑，蝦仁新鮮爽口，仲加左蟹柳，勁好餸飯脆米金沙炒翠玉瓜依到個金沙醬好creamy~加埋爽脆翠玉瓜，幾特別總括cp值幾高，下次要再黎試佢個炸子雞🤡

今次食左幾樣食物，感覺還算不錯。首先係黑松露滑蛋炒蝦仁，超級滑，蝦仁彈牙，味道唔錯。接著就係秘製蟹黃醬海皇炒飯，醬汁濃郁，有帶子、蝦、蟹柳等等配料，飯粒吸收得好好，海鮮都幾嫩滑。個飯量係超級大，最初以為會食唔晒，但實在好惹味，食食吓又食得晒 。最後試咗脆米金沙炒翠玉瓜，翠玉瓜炒得幾好，口感清脆，金沙醬味道幾特別，唔會太膩，仲有啲香脆感。整體來講，今次的餐廳選擇都幾不錯，食得開心。下次有機會再嚟食瀨尿蝦！

莫名而來，失望而回。地方環境已有心理準備，但是實在太差，地面油漬甚滑，行路步步為型。手機落單，確認後樓面送上訂單，不到半分鐘已經送上燒雞半隻，太快！心知不妙，一睇雞皮已經摺，預製侍上，差過快餐店。妙齡伙記拿著個芝士生炒骨，黑著面問你哋有無叫過生炒骨？心想妳先查看訂單有無，而不是高聲查問。再者，叫另一年輕伙記要一碗白飯，她說你自己在手機加單，心又想，妳可以在電腦上幫我加單更快今時今日咁嘅食物質素和服務態度，古仔點呼籲都無用，難怪餐飲業無得救。

《抵食海鮮小店🌟》———————————————-#海悠 🌊-觀塘有唔少隱世小店，早排搵食專登入到去熟食市場入邊，呢間舖頭差唔多霸晒成層，夠晒地道，主打性價比極高嘅海鮮小炒，來貨新鮮🦞-🦐 清蒸瀨尿蝦非常巨大既瀨尿蝦，啖啖肉真係食得好滿足，外殼香脆，瀨尿蝦肉鮮嫩多汁，只係清蒸都已經好好食😋-🖤 黑松露滑蛋炒蝦仁黑松露蛋炒得非常嫩滑，加上彈牙蝦仁，同蟹柳好豐富，黑松露香氣明顯，搭配得唔錯😌-另外我哋仲嗌咗碟蒜蓉炒翠玉瓜，份量十足，味道清爽，再配一碟桂花海皇炒粉絲作為主食，份量十足，夠晒飽肚🤭-⭐價錢參考：桂花海皇炒粉絲：$58黑松露滑蛋炒蝦仁：$58蒜蓉炒翠玉瓜：$68清蒸瀨尿蝦：$68🍌 抵deal 指數：7/10

朋友帶左我黎呢間位於觀塘熟食市場好有人氣既餐廳食飯，一入到去差不多滿座, 見到餐牌既招牌炸子雞已經賣哂了, 下次要預訂先得, 我地叫左幾款野食:*特價3A椒鹽瀨尿蝦瀨尿蝦都幾大隻, 店家已預先將中間殼剪開，方便剝殼。瀨尿蝦食落肉質實而彈牙, 入口啖啖肉, 配埋椒鹽十分惹味, 絕配啦*秘制蟹黃醬海皇炒飯炒飯炒至粒粒分明又夠哂鑊氣，配搭主角秘制蟹黃醬, 好香蟹黃味, 加上蝦仁, 蛋, 魷魚, 一齊食, 口感相當豐富*桂花海皇炒粉絲粉絲上面放滿蟹肉絲好鮮甜, 粉絲炒到好有穫氣又夠味, 調味剛好, 不會太乾或太濕, 我種意呢款炒粉絲*黑松露滑蛋炒蝦仁黑松露好香濃，蝦仁大而爽口，炒蛋嫩滑, 餸飯一流

今日想跟大家介紹一間位於觀塘駿業熟食市場嘅小食天堂，名為「海悠」。呢間餐廳雖然唔大，但卻充滿咗濃厚嘅人情味，非常受附近居民嘅喜愛！黑松露滑蛋炒蝦仁 $58呢道菜真係非常推介！滑蛋嘅綿密質感加上新鮮蝦仁，仲有黑松露嘅獨特香氣，令每一口都充滿驚喜，實在令人胃口大開！桂花海皇炒粉絲 $58如果你鍾意海鮮，呢道桂花海皇炒粉絲絕對唔可以錯過！粉絲吸收咗海鮮嘅鮮味，加上桂花嘅香氣，口感滑順，真係一試成主顧！脆米金沙炒翠玉瓜 $98最後呢道脆米金沙炒翠玉瓜，色香味俱全！翠玉瓜嘅清脆口感配搭上香脆嘅米，令整道菜既有層次又非常好味，真係好食到停唔到口！

因其炸子雞而想去食，本身一早已WhatsApp 留枱預留咗隻雞，八點三叫餸，等咗好耐都冇人執枱，叫幾次先有。一直等等等，等到九點幾有個呀姐入黎，同其中一張枱講無雞要轉另一個菜，成間房就順便問個呀姐仲有個炸子雞未黎。結果成間房4張枱都未有，有枱仲話佢七點幾落單，個呀姐先話唔好意思，廚房唔知，冇晒喇。大家都驚訝，點解冇又冇人講，留咗又冇。講句唔好意思就浪費大家等成個鐘。這些的質素太差。非常失望， 不會再幫襯。

喺觀塘駿業里熟食市場裏面一間大排檔，菜式全部都好大份，味道又超夠鑊氣，招牌避風塘瀨尿蝦勁新鮮肉質彈，有手臂咁長，而且價錢好親民，炸子雞更加係皮脆肉嫩，有好多特色嘅菜式味道出乎意料好食，價錢實惠，菜式一啲都唔敷衍，正呀🙂‍↔️

今次去咗觀塘人氣食店海悠，試咗幾樣招牌菜。粉絲蒸龍蝦，龍蝦肉算新鮮，彈牙有咬口，粉絲吸收蝦汁，增添唔少鮮味，但粉絲略嫌有啲油膩。鮑魚蟲草雞湯，湯底味道醇厚，雞肉同鮑魚嘅口感都唔錯，飲落暖笠笠，不過感覺藥材味可以再淡啲。黑松露蝦仁炒蛋，黑松露香氣明顯，蝦仁大粒，炒蛋滑嫩，搭配得唔錯，就係黑松露嘅味道稍蓋過蝦仁鮮味。大大隻瀨尿蝦，新鮮度冇問題，肉質飽滿，但剝殼有啲麻煩。環境方面就比較普通，服務態度中規中矩。總體嚟講，海悠有可取之處，但都有改進空間。