浜滝

營業中

休息中

呢間位於九龍城嘅居酒屋，位置於橫街內，位置雖不算起眼，但到晚餐時間都有緣緣不絕嘅食客，店內有大量充滿日式風格嘅旗織及擺設，甚有氣氛～餐牌選擇非常多，有拉麵、串燒、海鮮等等。當然唔少得酒！鐵窩日本鰻魚飯 $98   鰻魚塗上鰻魚汁烤到好入味，肉質肥美，口感軟糯，鰻魚汁一啲都唔會偏甜或過鹹！大推！！自家製黑蒜拉麵 $88   每一碗拉麵內都會附上熱石，得以令湯底保持最佳溫度，豬骨湯底本身已經好濃郁，再加上黑蒜油嘅香味，令整體特別香濃，麵條係捲麵，每一條麵都能夠沾上黑蒜！雞肉漢堡串配日本蛋 $28/串雞肉漢堡內有雞軟骨增加口感，加上燒汁黎烤，再沾上蛋黃醬令口感更濕潤～葡萄豚肉燒 $68葡萄豬係期間限定架！！並唔係成日有！葡萄豬係日本宮崎縣特產，採用葡萄皮同種子作為飼料，葡萄豬經烤過後口感亦清爽，肥而不膩和柔軟多汁！肉味特別香，大推～大分直送火炙平目魚邊 $128第一次食平目魚裙邊，肉質非常嫩滑，帶點焦香，配上帶點柚子味嘅醬油汁，非常清新，十分高質嘅一道菜。柚子雞肉串 $22/串雞肉烤得外皮脆身，仲可以保持肉汁，雞肉同柚子胡椒係絕配！一口芝心魚腐 $88店員推薦嘅新品之一，魚腐食落好軟屬，中間

九龍城食店出名多，今日黎搵食，見到呢間舖面細細，但裝修好有日本居酒屋感覺嘅舖頭因為掛住日本🇯🇵忍唔住要入去試吓舖入面都花左心思令人覺得置身日本居酒屋。睇過食評見到大部份都評價食拉麵，今次攞咗正價Menu睇吓有咩特別嘢食先😆食物種類都好多，我哋兩位女士就叫咗啲小食我自己好鍾意食明太子所以見到呢一個就即刻第一時間叫啦「燒明太子」，仲有紫菜同蘿蔔蓉夾住，明太子面頭燒一燒，散發左明太子嘅鹹香，再夾埋紫菜，咬落有明太子爆開嘅口感，真係好似喺日本居酒屋食嘅咁樣。之後再嚟係「海膽芝士玉子燒」玉子燒嘅幼滑蛋香，夾埋芝士，配上輕微火炙嘅海膽，免頭再淋上一層燒汁，呢個配搭係邪惡嘅誘惑，令人食完一舊又想再食多一舊。最後再加個飽肚嘅大阪燒，好有日本大阪嘅感覺，面頭超多木魚花，聞到都流晒口水另外餅底唔太厚，材料充足，一口咬落去，有滿滿嘅蔥花，章魚粒等，10分好味，但食多咗略嫌小小咸，因為有太多木魚花🤣整體由裝修到食物嘅配搭同質素味道都好似日本嘅居酒屋，行過九龍城唔想食咁多泰國菜可以試吓呢一間

今日喺九龍城經過見到有人排隊食呢間，心諗應該都好好食先會咁多人幫襯，所以就同朋友一齊試下，結果果然無令我失望下圖係一口芝士，外皮脆得嚟入面係做到拉絲效果，鍾意食芝士嘅一定要叫呢個！跟住我地叫咗個豬骨拉麵，同其他拉麵店唔同，佢會放舊熱石喺入面一路慶住碗麵，等碗麵無咁快凍，非常貼心另外仲叫咗個鰻魚飯，個石鍋熱得嚟又唔會熱到啲飯燶哂，啲飯又熱又有飯焦，超正！我地仲叫咗個好稀有嘅白鰻魚，佢比起一般鰻魚多骨，但魚肉非常滑身，魚皮亦都有少少脆口，非常好食，果然無嗌錯最後我地仲加碼叫咗個芝士年糕，芝士十分之濃郁，仲要係我最鍾意食嘅年火木廿土火呢個簡直係最佳配搭食飽嘅時候仲有人排緊隊，仲有幾個日本人喺度呢間果然係正宗嘅日式料理店

本人好少有心機寫食評，所以無影到相，但呢個真係唔寫唔得首先兩個人食左:黑蒜拉麵地獄拉麵芝士魚餅炸忌廉薯餅日式餃子1:先講拉麵，個麵無口感，cheap野當靚野， 又唔煙韌又唔粗又唔幼都唔知似乜2:地獄湯底得個辣字，冇層次感好似就咁清湯加d辣味落去，咩味都食唔到總之淨係得個辣字， 餐牌要扮曬嘢又唔知有幾多級數嘅辣畀你揀玩噱頭3:黑蒜拉麵就唔知點解會有腥味，反而沒有蒜味4: 拉麵裏面嗰塊叉燒真係我食過日本拉麵中最差嘅叉燒，又鞋好似食緊擦子膠，我諗都真係幾難整到有擦子膠嘅口感，仲要無咩味道5:好啦到塊芝士魚餅啦，塊魚餅大細就好似你去牛什檔食碗魚片河嘅魚片大少少，厚少少因為裏面會夾咗芝士，但就88蚊兩塊， 性價比低到不得了，因為係店員介紹餐牌裏面冇相睇到，原來係88蚊只得兩塊， 性價比堅係離譜，你咪又係叫貨翻黎後炸俾客食，洗唔洗88蚊賣兩塊咁細塊既野劏人咁既價錢5: 炸忌廉薯餅係呢餐飯裏面最正常食得過嘅小食6: 日式餃子就係普通嘢， 冇咩特別同出面街嗰啲一樣埋單406蚊

我同朋友一向都好鍾意食日式居酒屋，貪佢夠多食物嘅選擇，而每樣食物都細細碟，可以叫到一枱都係食物，啱晒眼寬肚窄嘅我地! 今次嚟到九龍城搵到呢間居酒屋，店內裝修令人好似置身日本咁，連電視都不停播住日本嘅電視節目。三色刺身三色刺身包括三文魚、帆立貝、牡丹蝦，兩個人食就叫個三色已經好夠，呢度嘅魚生夠新鮮，三文魚肥美而帆立貝好鮮甜，牡丹蝦得一隻但足足有手掌咁長。半熟呑拿魚呢個半熟呑拿魚首先賣相好靚，外面薄薄嘅一層金黃色，入面就係鮮粉紅色，食落有表面嘅香口，同時亦有內裏嘅鮮嫩。酒盜芝士呢個酒盜芝士我之前係日本食過，味道一試難忘，但係香港真係未見過有！呢個咁有趣嘅名其實就係講緊魚嘅內臟加cream cheese，啲內臟食落就好似食緊爽口嘅魷魚咁，加上帶點鹹甜嘅醬汁完全唔會有腥味，配上cream cheese一流！串燒方面叫左我最愛嘅雞頸骨漢堡串，點上蛋汁食係絕配。另外仲有個燒柚子雞串，少少嘅綠色柚子汁味道意外地濃郁，清新嘅柚子味可以一洗燒肉嘅油膩。水餃子係日本餐廳煎餃子就見得多，就咁水煮餃子就真係少見，係清淡點嘅選擇。極辛地獄拉麵最後雖然好飽，但見呢個拉麵好出名咁，就一於照叫來一試。最特別嘅地方係拉

九龍城一個美食集中地，很多人都專程來試泰國菜，但其實九龍城美食不止泰國，今次就試了這間日本菜。細小的門口令人很易忽略了，有兩層，下層有不少高檯，像酒吧居酒屋咁，氣氛十分熱鬧，上層則是餐廳，樓底很低加上日本裝飾，很特別。✨炸忌廉薯餅 $48薄薄的炸粉，內裡充滿了忌廉，加上薯蓉和薯仔粒，口感實在又不會油膩。✨北海道直送半熟帆立貝$68初時以為是帆立貝刺身，上菜時才發現是半熟，但大大的帆立具煮得有點過熟，變得太有嚼勁，配上湯汁也算是滿有鮮甜味。✨雞軟骨串 $16燒到剛好，爽脆又有雞味。大愛！👍🏻 ✨芝士雞腿肉串 $22另外試了芝士雞肉串，芝士略嫌不夠溶，再溶點會更滋味，雞腿肉勝在大大件！食得夠爽！✨鐵鍋醬汁烤雞飯 $88鐵鍋上的飯，很像煲仔飯的感覺，但用上日本甜豉油，加上粟米粒，都是不錯的配搭。烤雞厚身而嫩滑，啖啖肉。有點像剛剛的芝士雞腿肉串串燒😂

🎄平安夜和朋友來到九龍城覓食，選了這間浜潼日本居酒屋。來到餐廳門口已見裡面坐滿人，人頭湧湧，看上去餐廳細細，還以為冇位子要轉場，想不到餐廳有第二層，上一層別有洞天，還好有位子！打開餐牌，首先見到各式各種的酒😍不過我們打算有下場，先不喝酒，點了好幾樣小食試試。大分直送火炙平目魚邊$128 熱辣辣送上，一大條魚捲著圍了一圈，夾了一塊來試，一夾即碎，非常軟綿，要小心翼翼輕輕用筷子夾起才可以。沾著wasabi的平目魚塊輕輕的放入口，濃濃的wasabi味首先充斥著口腔，接著是魚鮮味，不誇張，魚肉入口即化，軟綿得很！味道鮮甜，讚！推介！半熟吞拿 $88 看來非常吸引，每件中間都透著粉嫩紅，令人口水直流！大大啖放入口，不是嫩綿的口感，而是厚實要嘴嚼的。乒庫直送活蠔 $48 有生蠔，即叫！大大隻，一啖推生蠔入口，感受生蠔在口中的鮮味，那獨有的海水味令人無法抗拒，蠔本身的甜味滲著海水的鹹味，好好食！燒鰻魚串 $38 鰻魚燒得剛好，有著火炙的焦味，加上鰻魚獨有的鮮甜味，大大塊鰻魚，冇骨，一口吃光一塊，一大享受！浜滝牛油果拉麵🥑 $108最有點一樣較飽肚的主食。這拉麵特別在有牛油果，還打著浜滝自家餐廳的名號

十分別緻的居酒屋，店內擺滿了形形色色的日式擺設，氣氛一流，跟三五好友聚餐的好地方。食物方面有基本的鰻魚飯、窩物刺身等，更吸引的是有比較少見的葡萄豚肉燒、平目魚邊等等，食物款式選擇相當豐富！ 鐵窩日本鰻魚飯• 鰻魚肉口感軟滑香腍、鰻魚汁的味道滲透進了肉內，但是咸度剛好。• 鰻魚和飯之間加了些粟米，吃起來令口感更豐富。• 如果鰻魚汁份量再多一點直至滲透到飯中會更好。自家製黑蒜拉麵• 黑蒜味香濃入味，湯底的油份偏向濃郁，令到拉麵沾滿黑蒜香。• 碗內會擺放著一塊熱石，令溫度得以持續，非常貼心的做法。雞肉漢堡串配日本蛋• 外層燒得帶點焦香、舖上薄薄一層醬油，十分惹味。• 配合香滑的蛋黃拌勻後，增添一點蛋香之餘，口感變得更有層次。葡萄豚肉燒• 極力推薦的一款燒物✨第一次食也是第一次聽到這個名號。來自日本宮崎懸的豬肉，聽說是以葡萄作為飼料。• 肉質極之香嫩充滿油香感，但是油而不膩。感覺不需用太多調味料令豚肉很香濃。大分直送火炙平目魚邊• 平目魚邊肉質嫩滑，細嚼數口已經融化在口腔之中。• 魚肉以帶有柚子味的湯浸泡住，吃的時候可加點芥末，味道會變得更加複雜惹味呢！柚子雞肉串• 雞肉同樣燒得恰到好處，帶點

好耐都冇嚟過九龍城，睇完中醫就要依下個肚。朋友介紹依間， 橫裝好有居酒屋feel， 員工態度殷勤， 食物質素非常ok。 order左自家製黑蒜拉麵，碗內有一塊黑石作保溫用途，非常特別， 味道濃沃不膩， 棉質彈牙，好有咬口； 雞胸軟骨串，香口惹味，夠辣度，送酒一流。其他食物都十分美味，下次一定再來。

約咗朋友放工去九龍城食飯搵好嘢食，經過一間居酒屋，異口同聲都話想食日本野，就入去試一試啦😁。好彩快一步，雖然係平日，坐咗一陣好快已經滿座。打開餐牌樣樣野都想食，店員見到好細心介紹咗幾款食物俾我哋👍🏼。🥢北海道半熟帆立貝 - 果然半熟程度剛剛好，帆立貝新鮮，味道鮮甜，而且仲好大隻添，正呀😋。🥢手燒白鰻魚（店員推介） - 肉質夠彈牙，仲好厚身添，真係好食呀👍🏼。🥢半熟吞拿 - 好似魚排一樣咁厚身，吞拿魚好新鮮。🥢炸忌廉薯餅 - 薯蓉配以好creamy嘅忌廉，甜甜地又幾好食喎🤤🥢原條深海池魚刺身 (店員推介 ~ 🐟一魚兩食）池魚刺身，肉質好鮮甜。食完刺身後，將淨餘嘅魚頭及魚骨拎去炸，粉漿剛剛好，唔會太厚，炸得好金黃好靚，食落去仲好香口，連魚骨都可以食埋，真係好好食好正🤤🤤，本人平時好少食池魚，店員果然無介紹錯😋👍🏼。當然梗係要配返杯啤酒🍻啦，其實店裏邊仲好多酒類可以order，下次gathering一定要介紹朋友，一齊再去食其他菜式😄👍🏼。

兩口子去呢間居酒居晚飯，因為想飲啖啤，點之入去打開餐牌，先發現佢原來間鋪細細，原來食物種類有咁多選擇，睇到真係樣樣都想食，不過得兩個口，唯有每樣嗌少少試吓。北海道直送半熟帆立貝，超大隻，上菜時已經覺得好香，師傅叫我們一定要飲埋個汁，食落口覺得真係好新鮮，好鮮甜，燒到隻帆立貝半生熟好正，同果汁真係好夾，冇得頂。👍🏼👍🏼手燒白鰻魚係店員向我們推介，佢話白鰻魚肉質好爽口，果然冇呃我，肉質又爽又彈牙，燒嘅時間又啱啱好，好好味，老實講，唔係好夠喉🤪🤪見到餐牌有半熟吞拿我就即刻嗌，因為厚切半生熟吞拿魚係我至愛，呢次佢再加黑椒芝麻同蔥配合嚟食，效果都唔差😍😍炸忌廉薯餅，送啤酒一流，而且炸得啱啱好，簡單，不過好味👍🏼👍🏼最後係主菜，原條深海池魚刺身兩吃，魚身就做刺身，肉質鮮甜而且有口感，啲肉真係好甜架，師傅冇比豉油同芥辣我哋，係俾咗一個有子醬汁，加埋個醬汁酸酸地，個味道係非常之配合，勁好食勁新鮮。😎😎之後魚頭魚骨魚尾就會攞去炸，全部係可以連骨食，因為真係揸得好脆好香，一路食一路飲酒真係好爽🤩🤩唔使講，一定會再嚟👍🏼👍🏼

之前在youtube看了一條片，介紹食帝王蟹，之後約好朋友，打電話去訂，隻🦀$2600，三食，頭一食腳刺身ok，二食來料，蟹蓋甲羅燒，d蟹膏苦的，叫了侍應過來叫她試一口，她都發覺出了問題，之後她説：（1.在價錢上減$500，2.可能在烹調上放了過多的海膽，導致有苦味。）三食燒蟹身沒有特別。一份$2600元的食材，不好好烹調以經是死罪，重話有日本師傅在廚房親自操刀，老闆你可以叫他回國再去學下野先回來幫你。我這樣說可能太無禮貌，因為幾年前，我在一間九龍區好高層數的日本餐廳食一條赤睦魚，條魚肉質出現了問題，餐廳的日本師傅他出來一試，第一時間二話不說，立刻去找個垃圾袋倒了這條魚，還有解釋當中的原因，同sorry。其他食物一般，裝修二般，價錢就一流，尖沙咀價。點解我會寫這段文章，因為有YouTuber講到好好好食，可以比美日本高質，高價，神級的居酒屋，我們都喜愛吃🦀，所以無名以來，最後得出來，不外如是四個大字。希望個幾位youtuber的年青人，去多d地方食多d好野先出po，吾好浪費廣大市民健康。

這間「浜滝」在「 為食一條街」的節目播出過，今日和阿仔來九龍城買校服，慕名而來，順便食碗拉麵。店舖面積小巧，以高枱高櫈為主，平日的午膳時間有很多學生幫襯，因為學生的價錢平十元，午市套餐還包一權汽水。拉麵的特色是加了一塊熱石在內，令整碗麵能保持熱度，可能我本身較食得熱，我覺得碗麵本身不太熱，就算加了熱石，熱度也是適中。《黑蒜拉麵》$68 有一隻溫泉蛋，兩塊豚肉，黑蒜味道香濃，麵身軟硬適中。《豬骨拉麵》$58 (學生價) 阿仔的豬骨拉麵其實也是豚肉，沒有豬骨，味道香濃。今次只食了兩碗拉麵，感覺名過於實，下次有機會再試試其他食物。

九龍城本來以為好多泰國菜，但原來日本菜都不少的～這間是朋友介紹的日本居酒屋，還要有日本發出的食物牌照，未食對餐廳已經好有信心！首先是小食，點了瑩光魷魚、海葡萄和酒盜芝士。兩款小食都是偏咸的，個人比較喜歡瑩光魷魚，是有種海水的鮮味，很特別，稱之為味覺新領域，哈哈。之後是明太子三文魚飯、炸雞件和大板燒。明太子三文魚飯的三文魚是直接在飯上燒的，飯帶點焦焦，而三文魚是半熟，肉質不會太乾。炸雞即叫即炸，肉質又滑，不錯～大板燒好正呀，是十分足料的，有魷魚、椰菜、木魚碎等等，所有配料比例又剛好，好吃～

Hamataki is always my bookmarked restaurant which I prepare to revisit at anytime.I usually come here for dinner. Just found that the price and food on lunch menu are super attractive too.Sanma sahimi. The rich flavoured flesh that only available in autumn.Ankimo. Not seeing it very often in HK izakayas but here it is.Speaking of rare, soft roe of cod should probably rank the 1st on the list. Some might find this dish strange. Pity for them coz they’d never know the irreplaceable beauty of it.Ch