泰·初夏

營業中

休息中

食物整體都ok,熟食及小食吾錯，今次試左set B 90分鐘，有個小小的雞煲都幾好味，串燒不會太乾，唯一不足或失望之處是湯底(今次食冬陰功+沙爹湯)，不似其他食評所講的濃湯，非常之淡口無味！所以湯底必須改善

泰式火鍋店真係好少見到荃灣有，最平$179 90 分鐘set A牛肉、豬肉任食係基本，重點推介係佢泰式沙嗲雞牛豬肉串任食呀，仲有泰式千層糕椰汁西米糕甜品、小食、泰式木瓜粉絲沙律，泰式鳳爪，仲有炸物春卷雞翼都係自取任食，還雪糕雪條放題。佢最出色係泰式豬手，泰式串燒真係好好味，出邊仲有韓國辛辣麵，如果喜歡食公仔麵嘅朋友真係唔好錯過啦，飲品方面佢有即沖港式同泰式嘅飲品，泰式奶茶好唔錯，仲有香茅茶自取呢個都係一讚，店員服務態度都好好，本人絕無廣告自費去食評，但我推介大家夜晚去食會比較好，因為食過一次午市放題價錢一樣，可能我2:30嘅時間去到我係最後一格火鍋客，出面嘅食物甜品就冇再補充，有少少失望啦，但係我覺得唔想浪費食材我係可以接受嘅

泰菜一向都是我的最愛，試過泰色火鍋後也立即愛上了，能以酸辣惹味的冬蔭公湯作為打邊爐湯底太幸福了吃火鍋我個人比較喜歡任食火鍋，因為可以一次過滿足多個願望，非常適合眼闊肚窄的女生們。在愉景新城找到這間吃泰式火鍋放題的店，有三款火鍋放題套餐，我們選了「雞煲+牛板腱火鍋放題」套餐😍愉景新城是親子商場，每逢假日都充斥著一家大細來商場。這間店環境雅緻，空間感充足，推嬰兒車也不覺擁擠。自助區已令人相當興奮除了火鍋配料，還有我最愛的泰色小食：蝦片、鳳爪、木瓜沙律和粉絲沙律，款款我都超愛吃。相對外面的泰式酸辣小食，這裡的味道較甜甜的，小朋友吃也不會太辣太刺激。還有多款熟食提供，今次就先試了豬頸肉和豬手，因為要留一點位置吃雞煲和火鍋呢。豬頸肉烤得很香，單吃也很美味；豬手亦滷得夠入味，正。開始吃今晚的主菜：雞煲份量剛剛好，不會吃的太飽而吃不下其他東西。醬汁味道亦夠惹味濃郁。終於到今晚的主角：火鍋。湯底當然選泰色湯的代表：冬蔭公及椰汁雞湯。冬蔭公湯亦較外面的甜，不太辣，適合小朋友試；椰汁湯有陣陣椰香味。肉類試了牛板鍵、澳洲穀飼牛和西班牙豚肉片。牛板鍵牛味濃郁，而且不會太肥；豚肉片入口鬆軟，亦很好吃。這裡的飲品

泰初夏位於荃灣, 係一間以泰式火鍋為主題嘅餐廳 - 佢哋嘅$278午市放題套餐真係物超所值～ 首先食咗雞煲, 都係無限量添加, 再有泰式打邊爐！有牛板腱、牛胸爽同豚肉等多款選擇, 仲有多款泰式食品包括炸物串燒等可以揀。湯底方面, 泰初夏提供咗多種選擇, 我就揀咗泰式冬蔭功湯同椰子雞湯, 味道濃郁, 超有泰國風味，特別係冬蔭功湯, 酸辣適中, 配合各種食材同泰式醬汁, 非常唔錯 (ps豬比牛更有驚喜呢！)值得一講嘅係除咗火鍋食材, 泰初夏仲提供咗特別嘅泰式甜品, 好似椰汁糕同斑蘭千層糕, 甜而不膩, 係完美嘅餐後甜點。整體嚟講, 泰初夏嘅午市放題套餐唔單止選擇多, 質素亦唔錯, 餐廳環境舒適~ 推薦俾所有鍾意泰式火鍋嘅朋友！

今日番左荃灣同屋企人食飯見天氣又涼左見到屋企附近商場有任食火鍋D牛仲幾靚一於就試下這家餐廳環境舒適讓人感覺輕鬆愉快這裡的火鍋放題包括多種肉類和海鮮，特別值得一提的是他們的牛板腱、牛胸爽和澳洲250日穀飼卡樂Beef，都讓人期待。❤️牛板腱 牛板腱肉質鮮嫩油花分布均勻煮熟後口感滑嫩味道醇厚❤️牛胸爽 這道菜的肉質相對較厚口感嚼勁十足搭配火鍋的湯底更加美味牛胸爽的鮮甜味道令人驚喜❤️澳洲250日穀飼卡樂Beef 這款肉品的質量非常高油脂豐富煮熟後肉質柔軟入口即化❤️酒嫩雞件 雞肉部分選用了酒浸過的嫩雞肉質鮮嫩多汁經過火鍋煮制後雞肉更顯鮮美❤️西班牙栗心豚肉片 這道豚肉片肉質細膩帶有淡淡的甜味火鍋煮熟後口感豐富搭配湯底後風味更加突出💁‍♀️泰·初夏 (荃灣)👣荃灣青山公路 - 荃灣段398號愉景新城2樓2030號舖

知道 #荃灣 開咗間 #泰式 #邊爐 想試好耐 終於的起心肝😋我哋揀咗$278雞煲加牛板腱火鍋放題餐 120分鐘 鴛鴦湯底唔使額外收費🤙🏻揀咗 #冬陰功 同椰子雞湯😚 兩個湯底配王子麵非常好食🤩一開始店員會將各款肉類都上一轉 牛胸爽好特別🦬望落去似脂肪但食落又有爽口嘅口感 啲牛肉豬肉都好有肉味 而且啲肉份量好多 我哋最後冇再加過肉🥩#雞煲 係另外分開上 份量唔算好多 都係過下癮 主要 #打邊爐 為主🐣出面有自助配料區同熟食區 生炸雞翼好有誠意😍香芋炸彈都唔錯😚 #甜品 有泰式糕點🇹🇭芝士蛋糕🧀同多款 #雪糕 #雪條 忍唔住啪咗3條 #榴槤 雪條…另外可以order泰式 #小食 強烈推介串燒（豬/牛）沙嗲醬好濃花生味 而且即叫即整熱辣辣🤩嘢飲有泰式特飲 其中有一個盲盒幾特別 我哋揀咗試吓 味道都幾好 但唔透露咁多 大家可以自己試吓嗌🤭湯底未必有港式嗰啲咁足料 但整體感覺都幾好 係有機會會再試嘅餐廳😼

在網上預約 ，職員非好和熱情，帶我們入座， 熱盤方面雞翼和炸肉丸非常好食，自助飲品有夏姑草和班蘭茶， 火鍋配料方面豬牛雞都不鞋和有肉味， 其他炸豬頸肉 ，炸魚餅， 豬雞牛串燒加埋沙嗲醬 ， 熱辣辣非常好味， 我們 encore 了幾次,從沒漏單，非常之快 ，泰豬手非常淋滑， 飲品方面 有梳打飲品綠茶飲品 泰式奶茶 泰式飲品 起碼有20款選擇， 有榴槤西瓜雪條 ， 尤其是西瓜雪條非常好味 ，最驚喜家中有人生日， 餐廳突然播放生日歌曲為我家人慶祝， 全餐廳一係唱歌， 還送上蛋糕， 我們全家人十分開心， 我們會再次幫襯和推介朋友， 因為餐廳出品十分出色， 性價比很高 ，每人只是二百幾元的價錢有120分鐘的美食，相當抵食， 今日很少泰國美食會有放題， 所以我會極力推介

之前睇過有碗話碗介紹都想試下呢間泰式火鍋 除左打邊爐都可以食泰菜 生意難做 而家仲加埋港式風味 連雞煲都係任食 泰港式火鍋放題🤓環境光猛座位闊落都幾多人一大班朋友黎食😯🥘雞煲+牛板腱火鍋放題($278)呢個係第二級嘅餐 最平嘅餐$218 會少左雞煲任食 牛板腱同埋牛胸爽 咁我覺得比多$60都值嘅🤭🤭 再比多$60就有澳洲M7牛食🤤😙肉肉先讚左呢度嘅肉係又大塊又厚 食兩盤都飽曬 尤其牛板腱係好厚肉脂肪唔多 啖啖肉而牛味又濃 想食啲脂肪味就要食牛胸爽了 未見過咁大塊嘅牛胸爽 不過牛胸爽唔係脂肪黎 我專登查過究竟牛胸爽係乜東東 係一種軟組織 聲稱有骨膠原😂😂雞都好腍滑 雞煲雞就惹味啲 但邊爐雞就再滑啲 兩樣都好食 可以瘋狂食雞補充蛋白質🤣🫔泰菜可以order嘅有串燒同埋一啲魚餅 自助區就可以拎啲粉絲同埋蝦片椰汁糕嘅 整體唔算有好多熟食泰菜可以食 不過質素就唔錯 畢竟佢地平時都有做non邊爐嘅泰菜嫁😉🥟火鍋配料菜嘅種類都多 同丸都refill好快 特別想讚牛丸 超爆汁 最突出嘅配料 😬🍹飲品飲品係搶分位 好多泰式飲品之餘想飲港式都得 椰汁泰奶乜都有 想飲番華田檸水又得 少甜走甜都得 我飲左幾杯

在荃灣愉景新城的泰初夏餐廳，這次的用餐我選擇了火鍋放題，搭配了香濃的雞煲還有幾款泰國甜品和不同的牛肉料理，整體的味道和服務都滿意。火鍋的湯底有多種選擇，我選了鴛鴦鍋底分別有泰式酸辣湯配椰子雞煲兩款的湯底，酸香可口，襯托出新鮮的食材。食材包括有一些海鮮、各種蔬菜和不同款的豬柳雞。牛肉，特別是牛肉，肉質鮮嫩，搭配上自製的調味醬，個人覺得湯底不會太鹹，吃完也不會覺得口渴。雞煲也是另一道亮點，雞肉煮得入味，主要餐廳有提供無火煮食爐，想吃的時候隨時把它炒熱再吃趁熱吃特別好吃。餐後的泰國甜品是我覺得比較有驚喜，特別是椰子糯米飯，口感綿密，有一種在泰國吃的風味。服務方面，餐廳的員工態度熱情，隨時準備提供幫助，讓用餐氛圍更加愉快。總體來說我覺得都值得一試。下次再來荃灣時，也歡迎大家來這餐廳試一試！

晚上嚟左新開嘅餐廳食雞煲打泰式邊爐。叫左泰初夏之雞煲，加牛板腱火鍋放題，兩個鐘任食邊爐。食物飲品除左係qr code落單，外面仲有個自助bar拎前菜、蔬菜、飲品。/雞煲就揀左小辣，味道似中式辣炒雞煲，雞肉幾入味，肉質同味道都正正常常。/邊爐湯底揀左椰汁雞湯底同沙嗲湯底。椰汁雞湯係泰式偏酸味個種，幾泰式風情。沙嗲湯底夠濃厚，最後煮個公仔麵幾正。/任食邊爐嚟講食物選擇都幾多，熟食都有多種串燒同炸物，雞肉串燒得唔錯，有炭香味。自助bar嘅蔬菜都幾新鮮，仲有多種配菜夾。飲品選擇都多，有茶飲同梳打水嘅調飲，仲有啲泰式飲品，椰汁香濃。

荃灣愉景新城呢間”泰·初夏”嘅火鍋放題性價比真係好高😳Set B 90分鐘”泰 . 初夏之雞煲 + 牛板腱火鍋”放題套餐只係$238/人😍仲已經好多野食，夠晒豐富❗一開始黎咗無限任食嘅雞煲🐔呢個雞煲仲係泰式口味，夠晒特式😝套餐任食嘅牛板腱🥩夠晒薄，牛味出，涮幾秒就食得❗之後可以自助區拎火鍋配料同各款泰式小食！QR code 落單仲有其他配料同泰式特飲😍呢度嘅🍹特飲仲全部都有得揀甜度同冰量😳整體服務仲好好tim

呢日同呀女去愉景新城玩，經過見到有任食泰式火鍋好特別😍環境泰式設計，大大卡位坐得舒服😌親子友好餐廳！.點了set B 泰.初夏之雞煲＋牛板腱火鍋放題，雞煲香辣十足啖啖肉相當惹味😋再揀左冬陰功個椰子雞湯底打邊爐，泰式口味好正！任食牛相當開心🥳出面的自助區可以有多款丸和蔬菜，最特別係有泰式小食例如泰式鳳爪、泰式粉絲、蝦餅，仲有泰式甜品椰汁糕😍.用qr code落單一樣搵到泰式小食，竟然有泰式豬手😍最驚喜飲品，泰式和港式奶茶都有，仲有各款特飲！最後一定要留肚食日本雪糕，開心🥳

今次去了荃灣愉景新城一間泰式火鍋叫泰.初夏，環境寬敞，設有卡位我地揀左set B 120分鐘鷄煲🐔+牛板腱火鍋🥩🥘放題 $278揀了椰汁鷄湯加芫茜皮蛋椰汁鷄湯帶來濃郁的椰香🥥，並增添了天然的甜味😗芫茜皮蛋湯底味道清香可口😊卡樂🥩肉質軟腍，牛味濃郁牛板腱🥩牛板腱肉色鮮紅，口感滑嫩，脂肪比例適中豚肉片🐷質地細嫩，油花分布均勻，味道不錯😆牛胸爽🐮爽嫩鲜甜😙初之鷄煲🐔鷄肉鮮嫩入味，揀了BB辣，辣度適中😋酒嫩鷄件🐔酒嫩鷄件口感滑嫩，帶有酒香😛薄餅🍕口感酥脆又煙韌，食落幾開胃😌鮮蝦滑🦐鮮蝦滑口感滑嫩又彈牙😋椰島雪香🥥清爽的飲品，濃郁椰子的香味初夏盲盒賣相吸引，口感絲滑，加入椰果，口感更佳蜂蜜蘆薈綠茶🍹清爽口感，結合了绿茶的清香、蜂蜜的甜美😊有蔬菜區，雪條區，醬料區，其他火鍋配料自助區，甜品區有千層糕，椰汁西米糕，Tiramisu🍰

第一次見主打泰式嘅打邊爐🤩 9秒9就入座了😌中午12點鐘 餐廳勁多人埋單🤨🤨咁多人咁早食完🧐🧐揀左中間個choiceSet B泰初夏之雞煲+牛板腱火鍋放題有雞煲 有火鍋😍 通通任食任飲🐽120分鐘🐔雞煲係另一個煲上 唔洗食完雞煲先加水打邊爐👍🏻👍🏻配料十分充足 夠哂惹味😋🥘火鍋湯底：冬陰功 + 椰汁雞兩個湯底都超出色👍🏻👍🏻冬陰公帶酸帶辣 椰汁雞係用左椰汁酸 好特別嘅酸😋兩款湯底都超開胃 野食都唔洗再配醬油🥩呢個餐肉類選擇有5️⃣款精選牛板腱牛胸爽卡樂Beef酒嫩雞件西班牙栗心 豚肉片卡樂Beef會偏肥一點 牛板腱較有口感豚肉嘅紋路好靚 好味😋🥬蔬菜 + 🍡丸類基本嘅菜同丸都應有盡有仲有牛柏葉食🤩🤩牛丸超多汁‼️超高質‼️🫔熟食類有少量炸物係自助區 另外掃碼點仲有啲炸丸 串燒🍢串燒醃料味比較重 炸丸係幾正 但係爭左泰式辣醬😂🧋飲品料有中式咖啡茶 亦有泰式選擇自助區有個香茅茶 幾特別 可以試下👍🏻🍰甜品類有泰式糕點 西式蛋糕 雪糕雪條種類多到試唔哂🤪餐廳除左打邊爐 仲可以揀午餐見到好多人食All Day Breakfast 好似好吸引咁😍餐廳仲突然播生日歌 原來生日有優惠😮😮職會仲會一齊唱埋生

近排泰式火鍋都幾熱門，我覺得最主要係因為可以一次過滿足晒食泰國菜嘅慾望！包括冬蔭公、串燒、泰式沙律、椰汁糕、泰式飲品！呢間泰式火鍋牛板腱套餐就$238一位（90mins），都算經濟。💪🏻 冬陰公、椰汁雞湯底冬陰公湯底有酸辣，亦有椰汁香！而椰汁雞湯底亦都有椰汁香及香茅味！💪🏻 精選牛板腱、澳洲250日穀飼卡樂Beef、牛胸爽、西班牙栗心豚肉片牛板腱嘅肉質都算淋，有微微牛香。卡樂Beef牛脂肪相對較多，所以再淋身啲！而牛胸爽口感似一片肥膏嘅感覺。豚肉片都肉質都幾淋。💪🏻 泰式雞煲除咗火鍋，亦都有泰式雞煲可以任食，雞煲味道香茅及魚露味較重，幾惹味😝 同坊間嘅雞煲好唔同！💪🏻 泰式串燒餐廳亦有泰式串燒任食，豬、牛、雞沙嗲都有齊，而且都燒得幾香口😋！另外，泰式豬手，豬頸肉，炸魚餅呢啲泰式小食都會有齊！💪🏻 火鍋配料餐廳嘅配料都有齊基本打邊爐配料，如：響玲、牛丸，午餐肉等都有，亦有墨魚滑、蝦滑等！蔬菜款式都幾齊全！💪🏻 泰式沙律、甜品、飲品餐廳亦有泰式鳳爪、沙律等，甜品亦有椰汁糕、斑蘭千層糕！而且泰奶、青檸梳打、椰島雪香等泰式飲品亦有齊，最特別係呢啲飲品可以完全走甜，唔洗怕糖😂味道：7/10性價比