泰·初夏

營業中

休息中

這間泰國餐廳位於荃灣的愉景新城，主打泰式火鍋雞煲放題，店內環境寬敞舒適，裝潢以簡約的木系為主，純白色牆身擺放不少綠色植物，感覺悠閒舒適，適合多人聚會。逢星期一至五11:30至17:30五人同行一人免費，外賣自取可享九折優惠。晚市時段分為三款級別的套餐，可選90分鐘或者120分鐘。泰初夏之雞煲+牛板腱火鍋放題 - $238/位(90分鐘) 湯底方面，五款每日新鮮熬製真材實料，奶白色的椰汁雞湯有一股清爽的酸辣滋味，並帶有濃濃的香茅香氣及順滑的椰香，毫不油膩； 泰式清湯清澈不油膩，有清爽的香料味。雞煲方面，肥美飽滿的鮮雞件嫩滑多汁，有著濃郁惹味的泰式醬汁，辣度更可選走辣。肉類方面，精選牛板腱中間有一根透明的嫩筋，脂肪少肉結實，軟嫩清爽；澳洲250日穀飼卡樂Beef油花豐富帶少許筋，紮實帶點嚼勁，相當有層次；西班牙栗心豚肉片脂肪分佈勻稱，肉味香濃肉汁香甜四溢；牛胸爽是牛胸前肋骨上的一塊細小的筋膜類肌肉，不但不油膩還十分爽口。小食方面，墨魚滑和蝦滑鮮甜爽滑，有少許爽脆的蟹籽；即叫即燒的串燒有牛肉、豬肉及雞肉，嫩滑多汁而不乾柴，淋滿惹味的沙嗲醬；豬頸肉鮮嫩又脆口。自助區方面，金黃酥脆的炸物包括雞翼

之前和同事聊天，同事提及食過一間名為「泰•初夏」的泰式火鍋幾好，向筆者大力推薦。於是，今天筆者就約了朋友過來試試。今次在午巿時段抵達，所以點了這個午市60分鐘定量火鍋，分別有5款肉類可選。湯底選擇鴛鴦鍋，分別點了椰汁雞湯和冬蔭功湯底。椰汁雞湯入口充滿椰香，帶一點酸味；而冬蔭功湯內放有香茅、辣椒、檸檬葉等香料，味道酸辣惹味。定量火鍋套餐下，西班牙栗飼豬梅片、澳洲M7牛胸腹2款肉各有150g。M7牛胸腹肉薄切，口感軟嫩；而西班牙栗飼豬梅片同樣入口柔嫩，豬肉味頗為香濃。肉片和2款湯底都好搭，好索湯頭的精華香味。除了定量的肉類，餐廳還設有自助火鍋配料專區。丸類、菇菌、蔬菜、麵類都應有盡有，其中菇菌盡索椰汁雞湯、冬蔭功湯2款湯底的味道，十分惹味。火鍋以外，亦有多款熟食小食任取。炸物類有炸蕃薯球、春卷、炸雞卷和炸雞翼，身為雞翼控的筆者忍不住狂encore雞翼。配合泰國主題，還有泰式鳳爪、木瓜沙律等小食。泰式鳳爪口感爽脆，酸酸辣辣好開胃。甜品不但有平時放題常見的蛋糕、雪糕，還有泰式糕點：椰汁西米糕和千層糕。千層糕口感軟糯煙韌，椰香味濃郁。飲品就掃QR Code下單。筆者點了龍眼冰，不過就稍嫌略甜了一

成日去打邊爐，泰式火鍋都係第一次食，愉景新城呢個美食沙漠終於有新餐廳開🥹▪️雞煲+牛板腱火鍋$238/位湯底可以揀兩款，我就揀左沙嗲同比較泰底嘅椰汁雞湯，沙嗲沙底濃郁，椰汁雞湯帶香茅青檸嘅味道，幾清新雞煲無限任食，可以揀辣度，雞件炸過，亦都厚肉，蘸滿醬汁幾入味火鍋肉類可以揀牛板腱、卡樂beef(牛五花）、牛胸爽同豚肉。牛胸爽唔係間間打邊爐都有，口感爽口！小食仲可以叫泰式豬頸肉、豬手、串燒、薄餅等，一次過滿足晒去泰國菜想食嘅嘢自助區有其他火鍋配料可以拎，熱食就有泰式小食，春卷、香茅雞翼、雞卷、薯角等任拎，香脆可口😚甜品方面就有泰式椰汁糕同千層糕。拉椰糕口感軟糯，唔會太甜。椰汁西米糕帶陣陣班蘭香，口感軟滑飲品推薦試下佢地自製嘅香茅茶，清甜消暑。另外可以任叫特飲，仲有盲盒可以揀🤣飲左盲盒，顏色夢幻，味道就係椰汁冰。另外仲飲左椰島雪香、菠蘿梳打同檸檬蘆薈綠茶，正常發揮

食到一肚氣我BOOK咗母親節中午12點, 12點左右到, 等勁耐都入唔到座, 唔係餐廳冇位, 係前面有好多人排隊, 而要入座係一定要喺門口揀個餐, 湯底同CONFIRM食幾耐時間終於排到我時已經係12:15, 點知問我介唔介意分枱坐, 佢明明有一排枱係吉咗, 而我哋仲要係BOOK 咗枱, 同埋母親節一家人食飯有冇理由叫人分開坐到入去坐低等咗15分鐘, 個火鍋都未到, 我再問, 計時架喎, 遲咗上咁點計到食野, 勁少選擇, 個雞煲超垃圾, 係炸完既雞做雞煲, 又唔脆, 肉又難咬, 出面自助攞野食既勁少選擇, 啲炸魚皮全部都係淋既。最正常係出面既韓國雪條, 牛x 系列好食好多, 價錢仲要差唔多

餐廳位於愉景新城, 主打泰式雞煲火鍋放題, 這間火鍋湯底款式有五款, 其中冬陰功及椰汁雞湯底是店內招牌之選✨肉類是無限供應, 自行掃ǫʀ下單, 圖文並茂、非常方便, 有系統完全沒有漏單情況,值得一讚, 非常方便👍🏻我們選了套餐ʙ - 泰.初夏之雞煲 + 牛板腱火鍋放題湯底選了冬陰功及椰汁雞湯底, 冬陰功醇厚濃郁帶點鮮甜, 而椰汁雞啖啖椰香、清爽不油膩帶點酸, 味道層次很豐富雞煲🐔(可自選辣度🌶️)雞煲有大量的辛香料, 雞肉非常入味啖啖肉、醬汁濃郁, 雞件還可以無限添加, 非常惹味精選肉類🥩精選牛板腱、牛胸爽、澳洲250日穀飼卡樂ʙᴇᴇғ、酒嫩雞件及西班牙栗心豚肉片
最喜歡精選牛板腱, 牛味濃郁, 沾上湯汁一流,最特別有泰式冷盤小食、串燒及泰式甜品, 更多達十六款精選特飲, 特別推介榴槤雪香, 全部都可以任飲, 絕對是大滿足😍店員服務很好, 環境設有多個卡座, 枱與枱之間空間感十足, 上菜有效率又不停來回主動收碟, 很適合一大班朋友聚會, 性價比高, 值得再回顧💕

好耐無打邊爐，係愉景新城商場入面搵到呢間食火鍋放題仲有雞煲，係商場入面好方便，呢間餐廳係食泰式味道，一入餐廳會揀定鴛鴦火鍋嘅湯底，面火鍋配菜醬油都係自助形式。種類選擇多，而肉類，手打丸類同飲品之類都可以手機落單，夠曬方便。👍🏻餐廳枱與枱之開都會有唔少空間，坐得舒服。._.🍲90分鐘火鍋放題(雞煲+牛板腱) 套餐🍲鴛鴦湯底(沙嗲+椰汁雞湯）鴛鴦湯底可以一試過試曬兩種口味，仲可以轉換一下口味，有成90分鐘食，必定夠食。✨️肉類薄砌碌一碌已經食得，又香又夠味！再加埋個雞煲，件數好多，香矛味重，外表香脆肉質腍身，食埋雞煲的確好滿足。🍲飲品選擇都多，仲有特飲可揀，我覺得呢間上菜速度都幾快，整體感覺食得好滿足。._.

預約12：00食火鍋，一開始入座混亂，在場有顧客由11：30等到12：00都未能入座，沒有預訂的顧客反而能先入座。入座後15分鐘，火鍋湯底才送上，但所有火鍋食材在點餐30分鐘後才送上，白白浪費2小時任食時間。而惠顧的火鍋套餐附送的海鮮桶，在最後30分鐘時才送上，但當時胃的空間已再放不下食物了。自助熟食方面，eg 雞翼，薯角，千層糕幾乎夾完就沒有，好似不會refill一樣。唯一好處是飲品很快就送上。總括而言，食物及飲品質素唔錯，但出餐速度有待改善（同場加映：在場惠顧普通午市的顧客，憤怒投訴海南雞飯點了30分鐘後，才被告知海南雞飯已售罄，白白浪費時光）若大家進入此餐廳進食，最好有一定的飽腹感才好惠顧🤣🤣否則好容易會hangry!!

最近聽到朋友同我講話佢食過一個好抵食嘅任食火鍋，仲要係泰式添好似好少見到，所以今日就等我去試吓啦叫咗個泰.初夏之雞煲 +牛板腱火鍋放題首先入座前就揀選湯底先叫咗個椰汁雞湯底同埋芫荽皮蛋湯底椰汁雞湯底係酸酸地好開胃好清新芫荽皮蛋湯夠正宗雖然係任食，但係啲牛肉都好新鮮顏色超靚 而每一次落單店員都送足夠嘅份量俾我哋肉類就係經手機落單仲有好多唔同種類嘅特色飲品同埋熟食添呀精選牛板腱 澳洲250日穀飼卡樂Beef 兩種牛都好有牛味 肥瘦均勻牛胸爽比較少見好特別 開頭以為佢係肥膏 原來食落係好爽脆架 充滿豐富嘅骨膠原西班牙栗心豚肉片 - 豬嘅味道都好濃郁仲可以任叫酒嫩雞件 不過太多嘢食我哋冇叫到大堂外面仲擺放咗自助任食區 有各種蔬菜丸類 選擇好多特色飲品方面，我哋叫咗青檸梳打 凍檸茶 龍眼冰 仲有榴連雪香全部製作都係好有誠意架 都好好飲🤤熟食方面叫咗串燒有牛豬雞選擇 仲有泰式豬手 炸各種丸類個豬手滷得好入味，腍晒好味 串燒都好有特色泰式雞煲個味道同傳統嘅雞煲唔同係有啲酸酸辣辣 幾開胃雞煲都係可以任食㗎😍😍再唔夠，仲可以再出去自助區嗰度攞香茅茶泰式甜品、炸物 、西式甜品、仲有好多唔同款嘅雪條可供選擇

今日我同男朋友想食泰國嘢就去試吓呢間泰式火鍋放題叫左set C 120分鐘坐低嘅時候 上面冷氣機滴水😅 個爐又勁嘈 環境好迫但都諗住試吓啲嘢食啲炸物還可以 係熱嘅但佢個豬頸肉唔知點解要加粉炸成舊澱粉咁 又成碟油 好難食😅諗住算啦 其他嘢應該唔會好差點知佢個豬手好似人哋食剩嘅頭頭尾尾咁完全冇呢度啲人講得咁好食食到呢度已經好冇胃口安排又好混亂 有人比雞煲我哋 咪以為個set包埋個雞煲又生又難食都算 個經理俾個海鮮碟我哋嘅時候就話佢啲同事比錯咗 應該係冇雞煲 我就覺得佢哋安排好混亂 湯底都叫做OK 唔會好淡茂茂嘅 有冬陰功味但M7牛都可以咁難食 又肥又難咬嘢飲淨係飲得落青檬梳打 全程好難受唯一食得落就係個鳳爪沙律唔會再有下次

見食評話ok就走去試今晚試咗個$238 雞煲加邊爐， 個雞煲居然係暖的 ，唔使加熱，好在得幾嚿雞唔係真係多謝佢， 雞皮大過塊雞肉，打邊爐得牛板胛放得入口 ，其它都係肥膏 多過肉，見到都唔想食 ，嗌咗沙嗲串完全難食， 冇沙嗲味的， 其它泰式小食 我唔覺得好食，完全冇意欲encore， 跟住出面 所有火鍋配料 真係畀出面一般打邊爐差 款式又少 ，連基本嘅豆腐我見到冇， 菜都唔新鮮仲要得一至兩款菜， 我6點20分入去食7點10分就走，我未試過40mins食完一餐打邊爐， 唯一可取啲泰式飲品任飲。

平時食港式、台式、日式火鍋就多，泰式火鍋真係第一次試，知道荃灣愉景新城開了一間價錢便宜的泰式火鍋店，名叫泰‧初夏，立即去試下。今次試了set B，90分鐘泰•初夏之雞煲+牛板腱火鍋放題，成人價$238，小童會$148，長者$188。餐廳座位寬敞，設有落地玻璃，大量卡位，坐得舒服，食物款式多，而且新鮮，有質素保證。肉類有五款任點任食，精選牛板腱、澳洲250日榖飼牛卡樂Beef，肉質軟腍，牛味濃。另外仲有西班牙栗心豚肉片、酒嫩雞件，肉質入口嫩滑。仲有平時打邊爐好少見的牛胸爽，位於牛心臟旁邊的一塊脂肪膜，呈白色，含豐富骨膠原，又香又爽脆的口感。湯底可選冬陰功湯、沙嗲湯、椰汁雞湯、泰式清湯或芫荽皮蛋湯。今次我就選了鴛鴦湯底，揀選了椰汁雞湯和冬陰功湯。奶白湯頭混合雞湯和椰奶，微辣之餘亦多一份甜香，泰式冬蔭功酸酸辣辣，特別開胃雞煲可揀小辣/中辣/大辣/唔辣。雞煲熱氣騰騰，香氣撲鼻，材料有南薑、香茅、檸檬葉、炸蒜及乾蔥。雞件啖啖肉，肉質嫩滑，十分掛汁，非常入味，而且雞煲是任添任食。另外二維碼小食火鍋配料仲有泰式串燒（豬牛雞）、薄餅、豬頸肉、泰式豬手、炸墨魚丸、炸魚餅、炸貢丸、炸龍蝦丸、炸牛丸、炸墨丸

我最近去了泰·初夏 - 泰國地道餐廳晚市專做火鍋放題，價格親民，選擇多樣，而且店內環境寬敞舒適！🥰套餐包括了雞煲+牛板腱火鍋放題，確實捧着肚子走。湯底方面有多款自選湯底可選擇，我們選了鴛鴦鍋有芫荽皮蛋湯底和冬陰功湯底。🍲芫荽湯底清清地有幾塊皮蛋，如果嫌不夠香可以自己加芫荽🌿調味🤣 而冬陰功湯底則酸酸辣辣，非常開胃，最適合煮肉類。另外，附送了一份小辣雞煲味道香口，蔥蒜炒得入口不錯🌶️四款不同的肉類可以任點任食🥩牛版腱是我最喜歡的，牛味濃郁而且稍微有點嚼勁🤤穀飼卡樂Beef是澳洲250日穀飼養育的牛肉🐮，質量非常好😎西班牙豚肉片🐷顏色鮮艷，厚度均勻，入口快熟且容易咀嚼😚牛胸爽軟滑爽口，油脂分布均勻，口感一流👍🏿酒嫩雞件則是不太濃烈酒味的雞肉🍗，非常嫩滑😋有多款丸類、魷魚🦑、牛柏葉、蔬菜🥬和雜菌🍄等配料可選擇，當然等不及肚子餓，可先品嚐一些炸物，比如炸雞翼、春卷和薯角等等，還有泰式冷盤無骨鳳爪和沙律🥗連特色飲品也是任點的，好驚喜😍但我個人更喜歡飲自助香茅茶，香茅味道濃郁，甜度適中，非常消解油膩的感覺🍵泰式甜品當然不可缺少椰汁糕還有蛋糕仔和韓國日本進口的雪糕雪條任食，這點都已經好吸引🍮🍨🤤

今日同朋友去咗泰·初夏打邊爐泰初夏之雞煲+牛板腱火鍋放題雞煲用冬陰功醬調製, 大大舊雞件索晒啲醬汁, 夠晒入味火鍋有五款湯底選擇, 冬陰功湯底超多香料, 好開胃; 椰汁雞湯底, 呈奶白色, 味道偏酸肉類有牛胸爽, 有油脂香味, 口感非常爽口;澳洲250日穀飼卡樂Beef, 牛肉脂肪分布平均, 肉味香濃, 酒嫩雞件非常嫩滑, 精選牛板鍵, 牛肉厚薄適中, 整體質素唔錯除咗以上肉類, 亦可以任食串燒, 甜品, 同任飲泰式特飲, 仲有自助區域, 有蔬菜, 丸類, 菇類等火鍋配料

是晚到左泰初夏打邊爐，七點多來到，剛好有幾枱人入座，等左一陣就到我地了😊揀左雞煲+牛板腱90分鐘放題，$238一位，如果怕唔夠時間食，佢有$120分鐘揀，都係$278，價位貼地👍揀完湯底店員就帶位入座，坐左牆邊一張卡位，濶落好坐喎，出去睇下自助區有咩食先，炸物、泰式沙律同糕點等，差不多拎光了😂見店員入緊廚房拎新嘅出黎，咁等陣再出黎啦。先上雞煲，一次性無得添食的。雞件係泰式口味，酸酸辣辣帶香料香味，好味噃😋而且同火鍋爐分開上，唔使食完雞煲先打邊爐，咁幾好🤭呢度只提供鴛鴦鍋，揀左冬蔭功湯同芫茜皮蛋湯底。冬蔭功酸酸辣辣有椰奶香，芫茜鍋的芫茜味夠濃，兩個湯底都好味。呢個餐嘅肉有牛板腱、牛胸爽、西班牙豬肉、醉雞件，仲左次一級的卡樂beef，兩款牛肉都有食，但我就覺得牛板腱好食啲，無咁肥同牛味濃啲😋最重要嘅賣點係呢度嘅泰式小食😘牛、豬、雞肉串嘅串燒都好好味，燒得香口唔乾身，香茅味入晒味勁正。另外燒豬頸肉又係正，香口肥美。泰式豬手必叫😍軟腍入味，好食過唔少食泰小菜嘅舖頭。一路食小食又一邊打邊爐，正😆食左咁多肉去食下菜先，是晚有西洋菜喎，仲有油麥菜、唐生菜同娃娃菜等，其他火鍋料有冬瓜、南瓜、雜菌、丸、

我揀左 Set B 90分鐘雞煲+牛板腱火鍋 已經非常滿足😋兩位就已經可以叫鴛鴦鍋底 唔洗加錢幾欣賞個椰汁雞湯 酸中帶甜 好清爽開胃👍🏻👍🏻👍🏻用嚟烚D肉類幾好架火鍋配料一應俱全牛板腱肉質鮮嫩 入口軟糯牛胸爽係我第一次食 幾得意 有D脂肪又爽爽地咁卡樂Beef 同西班牙豚肉片都很不錯再嚟嘅係海鮮類嘅蝦滑 口感彈牙 鮮甜可口韭菜餃好香韭菜味除左火鍋外 餐廳仲提供左雞煲同各式各樣嘅熟食😆泰式雞煲帶少少酸甜味 無出面食嘅咁咸雞件都算新觧 一D都無雪藏味我地仲叫左牛肉同雞肉串燒、炸墨魚丸、炸魚餅等呢D熱食唔單止豐富左火鍋嘅口味 亦都為用餐體驗增添左更多樂趣出面仲有自助吧都好吸引架 所以都攞左幾款小食試下🤤木瓜沙律清新爽口 泰式鳳爪多汁 炸雞翼夠酥脆火鍋嘅各種蔬菜、丸類、芝士腸、炸魚皮、響鈴等應有盡有對於中意甜品嘅朋友 更有各種口味嘅雪糕雪條可供選擇見好多人攞住條西瓜雪條好得意 所以我地都攞左 係好香甜嘅西瓜味 唔錯唔錯😛飲品都好多款好正架🤩有唔同嘅梳打、茶類等我地叫左乳酸梳打、荔枝梳打、檸檬蘆薈綠茶、凍檸茶清爽得嚟唔會太甜 同泰式火鍋絕配雖然咁形容好奇怪 但我覺得呢一餐幾多姿多彩🤣火鍋同雞煲都