見食評話ok就走去試今晚試咗個$238 雞煲加邊爐， 個雞煲居然係暖的 ，唔使加熱，好在得幾嚿雞唔係真係多謝佢， 雞皮大過塊雞肉，打邊爐得牛板胛放得入口 ，其它都係肥膏 多過肉，見到都唔想食 ，嗌咗沙嗲串完全難食， 冇沙嗲味的， 其它泰式小食 我唔覺得好食，完全冇意欲encore， 跟住出面 所有火鍋配料 真係畀出面一般打邊爐差 款式又少 ，連基本嘅豆腐我見到冇， 菜都唔新鮮仲要得一至兩款菜， 我6點20分入去食7點10分就走，我未試過40mins食完一餐打邊爐， 唯一可取啲泰式飲品任飲。

2023年1月18號星期四去食 yamm Dinner Buffet, 已去過好幾次但今次嘅質素真係差到 不得了 ，首先海鮮 生蠔細到冇肉食的， 龍蝦細隻兼霉的， 長腳蟹鹹到死，青口冇味的，翡翠螺還可以，熟蝦又係霉的， 麵包蟹居然冇膏的， 最好食係瀨尿蝦真的好甜，刺身最好食，燉湯也可以， 甜品種類太少， 花膠鮑魚 都好味 有蛇羹糯米飯都上算可以， 有金蠔但實在太鹹了， 其他熱盤一般，最值得一贊就係生日 會有一個完整蛋糕送及香檳，但食物質素真係越嚟越唔掂。

12月22日冬至8pm去咗荃灣小方糖成間舖只坐滿一半，8pm落order叫了2碗芋圓番薯湯圓糖水，睇住隔離台同我哋一齊嗌食物，食埋走埋 都830pm, 我哋 兩碗 都未有，就叫侍應問，侍應先應我冇番薯， 跟住我就火都嚟就同佢講點解8pm我哋落order時唔同我哋講冇蕃薯？ 我話厨房應該冇要早啲出聲，唔係等個客8：30pm追單先講，個侍應仲講佢815pm返工所以唔知道，所以而家咪同我講囉 ，我真係火都嚟埋， 呢間嘢啲員工做有36唔做有36 真係不知所謂

朋友食過介紹去北京道1號功德林，第一次光顧這間功德林, 環境ok, 食物尚算可以, 但齋舖嚟講佢算偏貴， 同朋友慶祝生日食飯， 我哋745pm叫咗個套餐加多幾碟餸，到845m有兩碟餸仲未出溜單，到9pm出埋2碟餸出埋我哋買去嘅蛋糕出嚟，個蛋糕我哋係冇叫拎出嚟的，我個蛋糕 就咁擠咗喺隔離枱自助式去拎蛋糕拎碟拎叉冇人招呼，但係要收你個切餅費$150,功德林收10pm的， 9：20pm催埋單9：30pm 個經理走埋每一枱去講我哋收工喇， 但係佢哋收10pm的 ,我真係未試過一間服務質素差到咁嘅舖頭, 唔怪得知假期前都成晚只係坐得六成位。

昨晚12月8日去The Market食Dinner Buffet 真心 失望 ，一入去枱與枱之間逼到行出去拎野食都要左閃右避， 第一轉出去諗住拎海鮮 得龍蝦 生蠔 長腳蟹 蜆 青口 熟蝦 係得咁多， 連麵包蟹 虎蝦 翡翠螺 鮑魚 都冇， 熟蝦仲要霉霉地 ，生蠔細隻到冇肉食， 長腳蟹冇味， 龍蝦一般 ，熱盤款式 普通過普通， 椰菜花 居然可以整得難食的， 牛仔骨堅韌 ，南瓜 可樂餅， 刺身得六款 ，三文魚冇味， 帶子 大大粒但完全冇鮮味，八爪魚 ok好爽好食，北寄貝 乾+ 萎縮 完全唔新鮮，甜蝦 ok，吞拿魚冇食， 講真一個buffet 連加一$ 1020 完全冇一樣 你會encore 再食, 貴價嘅嘢食都冇，種類又少例如鮑魚花膠麵包蟹虎嘏都冇，平野食例如串燒點心又冇， 真係有少少搵笨 甜品真係得 榴槤 甜品 好食 其它甜品都款式真係好少。 昨晚嘅經歷 真係 完全唔值呢個價 超失望。 the market畀我印象真係不值， 唯一一讚就係員工服務。