我揀左 Set B 90分鐘雞煲+牛板腱火鍋 已經非常滿足😋 兩位就已經可以叫鴛鴦鍋底 唔洗加錢 幾欣賞個椰汁雞湯 酸中帶甜 好清爽開胃👍🏻👍🏻👍🏻 用嚟烚D肉類幾好架 火鍋配料一應俱全 牛板腱肉質鮮嫩 入口軟糯 牛胸爽係我第一次食 幾得意 有D脂肪又爽爽地咁 卡樂Beef 同西班牙豚肉片都很不錯 再嚟嘅係海鮮類嘅蝦滑 口感彈牙 鮮甜可口 韭菜餃好香韭菜味 除左火鍋外 餐廳仲提供左雞煲同各式各樣嘅熟食😆 泰式雞煲帶少少酸甜味 無出面食嘅咁咸 雞件都算新觧 一D都無雪藏味 我地仲叫左牛肉同雞肉串燒、炸墨魚丸、炸魚餅等 呢D熱食唔單止豐富左火鍋嘅口味 亦都為用餐體驗增添左更多樂趣 出面仲有自助吧都好吸引架 所以都攞左幾款小食試下🤤 木瓜沙律清新爽口 泰式鳳爪多汁 炸雞翼夠酥脆 火鍋嘅各種蔬菜、丸類、芝士腸、炸魚皮、響鈴等應有盡有 對於中意甜品嘅朋友 更有各種口味嘅雪糕雪條可供選擇 見好多人攞住條西瓜雪條好得意 所以我地都攞左 係好香甜嘅西瓜味 唔錯唔錯😛 飲品都好多款好正架🤩 有唔同嘅梳打、茶類等 我地叫左乳酸梳打、荔枝梳打、檸檬蘆薈綠茶、凍檸茶 清爽得嚟唔會太甜 同泰式火鍋絕配 雖然咁形容好奇怪 但我覺得呢一餐幾多姿多彩🤣 火鍋同雞煲都真係有泰式風味 仲有好多出面食唔到嘅熟食同飲品

Cwb嘅好野永遠都食唔完咁 今次去左A.T.A.S 呢間新加坡餐廳 幾特別 🇸🇬 🦐麥片老虎蝦 勁 勁 勁大隻嘅老虎蝦 滿滿香脆嘅麥皮鋪左喺面 原來兩樣野都幾夾 口感豐富 正啊😋 🐷白雪牛油骨 呢個係我人生第一次食 好有趣🤣 豬嘅肉質唔會太韌 易咬 痴住骨嘅位置特別正 竟然配上牛油、椰絲同奶粉 又幾香啵 🍚叄岜炒飯 佢地介紹話係新推出嘅就一於試下 炒飯粒粒分明 有鑊氣喎👍🏻 有幾種配料 包括特製沙嗲醬、魚仔花生、酸瓜 撈埋炒飯同海鮮一齊食都幾鮮味 🧋喺飲品方面 玫瑰露恐龍同熱煉奶茶都係出色嘅選擇 玫瑰露恐龍甜得嚟都有清新芬芳嘅感覺 飲左都心情愉悅D🤣 而熱煉奶茶濃郁香醇 A.T.A.S 唔單止係份量十足 更加帶出獨特嘅新加坡風味 令我哋味蕾有嘅新體驗😛😛

又試新野 嚟到油麻地一間樓上鋪 估唔到有間咁高級嘅英式復古風餐廳——House 000 Bistro 🇬🇧 三文魚牛油果他他 煙三文魚搭配著牛油果嘅滑順口感 再加上微微嘅檸檬香 清新怡人 絕對係一道完美開胃嘅appetizer 😋😋 松露蘑菇湯 & 南瓜湯 兩個湯都好濃厚🤤 分別由新鮮蘑菇同南瓜blend出嚟 特別係松露蘑菇湯嘅松露嘅香氣迷人🥰 慢煮黑豚梅扒配威士忌黑魚子奶油汁 黑豚梅扒經過慢煮處理 肉質鮮嫩👍🏻 搭配威士忌黑魚子奶油汁 味道層次豐富 卡邦尼意粉 意粉彈牙有咬口 配上濃郁嘅卡邦尼醬同煙肉 唔錯 日本雞泡魚乾 風味十足 配酒幾正架😌 德國紅酒 帶有少少甜味 酒香同菜餚相得益彰 凍檸茶就清新解膩 最後甜品係Vanilla Ice Cream 雲呢拿味香濃 上面仲放左少少金箔 咁高級得唔得架🤣 呢間餐廳唔單止氣氛浪漫 高級精緻嘅食物都好適合約會架~

前幾晚我哋嚟到TST山林道嘅Whatsup Cafe 呢度嘅環境令人感覺舒服😌 裝修以白色同木質為主 簡約得嚟又文青 店員服務態度都好nice 而且價錢都合理 所以都介紹下比大家 我哋今晚揀咗兩個dinner sets同一份小食 每個set都包括主食、沙律、餐湯同是日飲品 🦞波士頓龍蝦配白松露忌廉意粉 出色嘅係少有地連波士頓龍蝦嘅龍蝦味都幾濃 好惹味 真係想食多隻啊! 意粉滑順帶有淡淡嘅松露香 🐟低溫煎焗挪威三文魚柳 煎得啱啱好 保留咗三文魚本身嘅鮮味 點埋佢個醬更可以提鮮又開胃 🥗沙律同餐湯都不過不失 沙律用個玻璃樽裝 幾得意 份量都唔少 餐飲我地揀左凍飲 – 白桃烏龍🥤 清涼解膩 有淡淡嘅白桃香氣但唔甜嘅 🍟黑松露香脆薯角 薯角外脆內軟 亦都無油益味 都幾多黑松露 $68咁大份抵食啊!😋

御滿屋日本料理位於荃灣大鴻輝 係荃灣最受歡迎嘅放題餐廳之一 食物多元化同質素唔錯👍🏻👍🏻 刺身 選擇多樣 我叫左新鮮嘅三文魚、劍魚腩、油甘魚同帶子、赤蝦等等 每一款都保持住鮮甜嘅口感 尤其係佢哋嘅赤蝦同帶子 勁大隻啊勁甜啊😍 壽司&手卷 特別推介佢哋嘅蜜柑真鯛壽司 肉質都夠實夠新鮮 而海膽手卷係絕對不能錯過嘅🤤 海膽味道濃郁 雖然係手卷 但係飯都唔會太多 燒物、炸物同料理都非常出色 特別中意佢哋嘅蒲燒鰻魚 夠厚身 肉質鮮嫩多汁 每一啖都令人滿足 蒜蓉燒生蠔同鹽燒海蝦都可以一試😛 飲品、清酒、梅酒、甜品、小食、雪糕係自助嘅 雪糕雪條有Movenpick同埋Häagen-Dazs架😍 御滿屋嘅價錢相宜 8點半後只需$258 就可以盡情享用超過70款日式料理 性價比超高！

上星期嚟到屯門泳池附近食個晚餐 The Bay係一個位於屯門嘅隱世寶藏🔮 當你行入呢間餐廳 彷彿踏入咗一個神秘嘅美食世界 充滿著舒適嘅氛圍同用心製作嘅美食😌 烤西班牙豬鞍扒🥩 個扒肉質鮮嫩多汁 一啲都唔乾 值得大大力讚 外層烤得啱啱好 肉汁留係度 每一啖都令人滿足 牛油果蕃茄醬意粉配大虎蝦🦐🍝 意粉彈牙有咬勁 牛油果蕃茄醬好fresh 平時分別都好中意食牛酒果同蕃茄 原來呢兩樣配搭埋一齊都好正🥰 再配上2隻大虎蝦 肉質夠爽 同埋真係好大隻 真係一碟令人回味嘅pasta👍🏻👍🏻 無激素雞翼🐥 雞翼肉質鮮嫩 外層香脆內裡多汁 想食D香口野都幾適合叫 除咗食物 餐廳嘅飲品都相當出色 百香果蘋果梳打同士多啤梨香橙梳打🍸 兩款都非常清爽 口感細緻 會分別飲得出唔同水果嘅香味 真材實料 絕對係一個完美嘅配搭 The Bay留低比我嘅印象係一個用心製作、唔貴又隱世嘅美食寶藏 下次經過都會再食!!😋😋

Arcadia係一間位於銅鑼灣登龍街嘅天台bar&restaurant 呢度嘅環境真係唔得了 好fancy🥰 仲可以望到靚靚嘅海景 好chill 我地叫左1個appetizer + 2個main + 2杯野 Appetizer: 生牛肉他他伴黑松露配10年陳醋 見到有生牛肉他他 即刻無懸念叫左佢😋😋 黑松露嘅味道雖然唔重 但就足夠點綴出生牛肉他他嘅鮮嫩 配埋陳醋落多士上面 就更加有層次 Main: 香煎深海比目魚配檸檬刁草忌廉 深海比目魚嘅煎得恰到好處 魚肉鮮嫩多汁 比目魚本身嘅魚油勁香 配埋酸酸甜甜嘅sauce Must try!!👍🏻 Main: 香煎澳洲和牛伴鵝肝醬 我地叫左medium 嚟到真係medium🤭 (拿 出面好多餐廳都會變左medium well架) 真係食得出澳洲和牛嘅肉質鮮嫩多汁 搭配微熟嘅鵝肝醬 帶嚟豐富嘅滋味 好啦 終於講到大家最好奇嘅drinks 嗰杯咁燦爛嘅cocktail係off menu嘅 店員推介就一於試下啦 果然🤩🤩🤩 佢叫一千零一夜 係一款清酒cocktail 淨係上檯時店員幫手製作呢個咁靚嘅效果已經不得了 佢入口清爽 酒精味道唔重 (但酒精濃度應該都唔低 慢慢飲啊) 相反百香果、蘋果、茉莉花同接骨木花嘅香氣就好迷人😍 另外仲叫左杯Mocktail – H.L.S 飲落似芒果椰奶 味道香濃而不膩 絕對係一個唔錯嘅non-alcoholic選擇 餐廳特色不僅僅在於美食同精緻嘅飲品 仲有獨特嘅環境 設計感覺又奢華又舒適 仲可以揀望到海嘅戶外座位 餐廳而家仲提供嘅新款 cocktail 以及全新的 tea set啊 呢度幾岩同幾個閨蜜慶祝 又或者同另一半於燭光跟笑意𥚃談談童年提及理想🤣

喺旺角搵到間主打天婦羅嘅人氣居酒屋試下 呢餐真係充滿驚喜同非常滿足!❤️ 海老穴子天丼 大大塊新鮮海老同穴子 炸得外酥內嫩 配上鬆脆嘅天婦羅衣 每一啖都係鮮甜豐富嘅味道 再配上微微咸嘅特製醬汁 令人回味無窮😋 特盛海鮮天丼 除左海老外 仲有其他各種獨特嘅海鮮 好似那歌魚、鱚魚、帆立貝 目不暇給之外 一樣咁新觧惹味😚 兩款天丼份量都好多 每樣天婦羅都係大大塊 無論係視覺定係味覺上都十分滿足😆 幾值得欣賞嘅係佢地個天婦羅衣 好鬆脆就不在話下 仲食到有蛋味 又唔會有油益味 好好食啊!!🤩 唐揚魷魚鬚 呢個小食不過不失 夠香脆 唔會炸得過耐 魷魚依然有彈性👍🏻 見到呢度有玻璃樽裝可樂 同朋友就忍唔住一人叫左一支 爽爽佢😆 呢間居酒屋細細 但好多人排隊架 如果想食嘅記得預返時間早D去排喇!

好少嚟觀塘 咁啱有機會就試下觀塘上少少嘅呢間日本野🎌 入到餐廳 裝修令人立即感受到濃厚嘅日本風情 串燒 — 鹽燒雞皮、鹽燒雞腎、汁燒雞肉🍢 雞皮夠香脆 其他都唔會太鹹 保留到雞肉本身味道 原隻活赤貝刺身🐚 係今晚我覺得最正嘅野!😋😋 幾鮮甜 咬落又夠厚同爽脆 值得一試 壽司八貫盛配加洲卷🍣 叫個壽司盛就最好 唔洗諗 試到唔同壽司 以握壽司為主 最好嘅係佢壽司飯唔會太大舊 色香味俱全 唔錯唔錯 個set仲搭配個迷你烏冬 (其實都唔迷你 所以呢個set share食都OK) 每條烏冬都索曬昆布湯味 日式餃子🥟 上檯時金黃酥脆 記得快D食啊 清酒煮蜆 蜆肉隻隻都有肉地 有個好細火嘅爐仔keep住佢夠熱 又唔會煮得過熟 玉子燒 香滑細緻 都幾甜下 可以當埋甜品食haha 呢度座位都算闊落 坐得幾舒服😗

又嚟到屯門 搵D隱世好野食🤤 喺盈豐附近唔起眼嘅角落 呢度嘅環境唔大 但係樓底高有空間感 食物新鮮 有驚喜👍🏻 我哋叫咗兩份dinner sets 每份套餐有三樣野+茶/咖啡 (可加錢配其他飲品) 🥗當日頭盤係煙三文魚沙律 清新爽口 🫕湯就係牛肝菌湯 係blend左牛肝菌整成嘅 夠晒濃郁 講埋兩個main啦 🍝海膽蟹肉意粉 食材都新鮮得嚟 意粉上面嘅海膽同蟹肉鮮味十足 D汁掛晒喺每一條意粉上面 勁正 🦑龍蝦汁意大利飯配燒原隻日本魷魚 龍蝦汁味道濃郁 配上燒得啱啱好嘅日本魷魚 味道更加突出 飲品方面我哋點咗芝士奶蓋水蜜桃烏龍同芝士奶蓋芒果四季春🧋 兩杯飲品都非常清新 芝士奶蓋嘅質感好creamy 茶同水果味道又清新返 令飲品唔會太膩 價錢屬於中上 每人200幾左右💰 但食得好飽同好滿足😋 可以一試💁🏻‍♀️