泰象館

營業中

休息中

泰象館（九龍城）#九龍城一向是泰國餐廳的集中地,自從開咗地鐵站後,我同老公多左去嗰度食嘢,果日我哋見到有間-----泰象館,門口很多人在排隊等位,一於入去試下。#餐牌菜式多元化,甚至有素菜的菜式選擇,價錢合理。1）蝦餅拼魚餅$82：即叫即做,熱辣辣,兩樣都大大塊,非常厚實！蝦餅新鮮彈牙爽口,虾味濃；魚餅正宗泰國口味,魚肉混入豆角,而且檸檬葉和香茅的味道突出,帶有少許微辣,蘸上泰式酸辣醬一起進食,非常惹味😋2）乾炒海鮮河$70：有鮮虾、鮮魷、青口、芥蘭和紅蘿蔔片等食材,與寬闊河粉一起炒,非常有鑊氣！寬河粉吃起來更滑溜,襯起蘿蔔片和芥蘭,口感更富層次。3）原個菠蘿海鮮炒飯$84：用原個菠蘿承載着滿滿而大碟的炒飯,用料豐富,絕不手軟。飯面鋪滿肉鬆和腰果；海鮮方面則用了鮮魷、鮮蝦和青口等新鮮材料,再配上新鮮菠蘿肉一起去炒,菠蘿的甜味與海鮮的鮮味混在一起,令人垂涎欲滴,吃起來很有咬感,值得推薦。4）椰青$39：椰青非常大,內裏充滿鮮甜的椰青水,飲起來非常清甜解渴。5）椰汁冰$26：飲品不會過甜,有濃濃的椰汁香味,好飲。

今日成35度，去到九龍城已經熱死🥵但是如果我同一班朋友專門來咁偏僻的地方食到美食，就ok。可惜唔係，入到餐廳，見到環境極差，一群烏蠅🪰不停圍住張台飛。叫左蜂蜜百香果茶，結果只是一杯大概只有15粒百香果籽+清水既淺黃色混合飲品完全無蜜糖味，而且味道極淡。之後叫左串燒、黃咖喱、明爐魚（魚肉煮太老）串燒同咖哩就同其他泰國餐廳無咩分別。服務方面極差，限時90分鐘，男老闆於60分鐘時就過來催我地食快d，過多10分鐘再催一次。。如果係住附近既人，其實可以考慮其他泰式餐廳，因為見到九龍城有非常多的泰國餐廳，幾乎每條街都有幾間。（雖然我估環境都唔一定好）

屯馬線通車多咗去九龍城搵食， 尤其平日放工， 搭多一兩個站就超多地道美食， 比喺大型商場更多選擇。:今晚嚟到「泰象館」， 門口keep住有人等位，都幾旺場。冬蔭功湯(小)$82每次食泰菜都會叫冬陰功湯。 唔算好辣， 酸得嚟好醒神， 勁多料，香料十足，味道層次 都在水準以上。海南雞飯$63海南雞肉質嫩滑， 雞皮好爽唔肥，啖啖肉。 油饭軟熟唔油膩。 秘製海南雞醬汁更是精髓所在， 酸酸辣辣好開胃。金不換菠蘿沙冰$30打碎的金不換混合菠蘿沙冰，味道出奇地夾， 好啱口味， 感覺比用薄荷葉更清新 口味更獨特! 很喜歡這杯泰式特飲， 味道超正！！椰青$39非常清甜， 夏天飲很解暑。泰國濕炒海鮮河$70濕炒都勁有鑊氣， 熱辣辣！ 海鮮餡料好豐富，有青口，蝦仁， 魷魚， 還有芥蘭，蘿蔔，湯汁甜甜地 ，闊可粉口感唔錯～燒雞翼串$18， 好入味， 雞皮微微烤焦好脆口， 肉質依然嫩滑juicy. 

難得閒日來到久違的九龍城, 一定要食泰國菜吧. 因為太少到這區, 隨意地選擇了1間門口比較多人排隊的餐廳一入門, 餐廳氣氛非常熱鬧, 餐廳不算很大面積, 整體氣氛都很高漲, 連電視聲都給掩蓋了.青咖哩牛肉+薄餅上枱已經香氣撲鼻, 份量2人用非常足夠, 牛肉是滑牛片, 不錯, 亦沒有太多根. 青咖哩非常香濃, 多層次的香料中帶甜, 辣度十足, 惹味!! 不過同時食到汗流浹背淋上薄餅, 簡直係最佳拍檔泰東生菜包乾蔥辣椒等香料, 運用適宜, 令肉碎啖啖充滿香味, 亦沒有過多的肥肉, 生菜份量都足夠食整碟肉碎芒果蟹肉炒飯份量十足, 大大碟. 飯炒得粒粒分明而油潤, 芒果及蟹肉亦配合非常好, 加入腰果粒更有泰國風味總結: 整體都係抵食味美的泰國菜, 令人仿佛到訪夏日的泰國般

屯馬線開通咗，去九龍城食嘢，可以搭地鐵宋皇臺出，方便咗好多呢頭真係好多泰國雜貨店，行下行下，見到呢間餐廳門口幾多人等位，一於試下，等咗一陣就有位。叫咗蛋包鮮蝦金邊粉$76個蛋網面超靚，一叉入去，蝦仁大大隻。金邊粉帶有甜，酸，鹹的味道，伴碟有青檸， 唧咗少少青檸汁上面，更有清新感覺想食炒飯，但唔想食菠蘿炒飯，肉碎飯呢啲，見到有泰象館招牌炒飯$93，就叫咗一個原來又係蛋網面，一樣係咁靚。炒飯裏面好足料，有魷魚，扎肉，青口，提子乾，等等，還有很多脆腰果伴碟，果然係招牌炒飯，好味串燒三拼(豬牛雞)$85每款兩串，熱辣辣，香噴噴，肉質又唔會話嚡口，本身肉質夠惹味，其實唔點沙嗲醬都好好食天氣咁熱，一人一杯凍飲青檸沙冰$30 沙冰真係透心涼，青檸味又夠清新。椰汁珍多冰$29食泰國嘢飲椰汁冰好順理成章。呢度出菜好快，侍應們動作敏捷， 突然感受到一股獅子山下的精神， 到了老地方，人也特別懷舊起來

平日去食，午餐超級抵！$40幾蚊就有交易，多選擇，仲有野飲，包龍眼冰、汽水、泰式黑咖啡、泰式紅茶！可加錢轉其他特飲。▶️泰式金邊粉$44睇落去較濕潤，食落又唔會太濕，酸味好夠，大大碟。有櫻花蝦、蛋、豆腐等等！▶️海南雞飯$50油飯夠香，雞份量都幾多。點泰式辣醬食，更好味！▶️跟餐加$35 有飛天通菜通菜辣辣地幾惹味，都幾香辣下！▶️生菜包$79鍾意佢夠多生菜，唔怕唔夠包！肉碎揀咗豬肉，少少辣又香，包菜食夠清爽！飲品揀咗椰汁珍多冰及咸檸七，夏天飲爽呀！

朋友好鍾意食泰國菜，呢日放工就同佢去左九龍城食泰菜，好耐之前都食個呢間餐廳一次，依家就專登帶埋朋友一齊食。打開餐牌，見到有幾多選擇。我地點左菠蘿炒飯，呢間泰國餐廳好好啊，除左傳統既泰菜，佢仲提供素泰菜既option，好似呢個菠蘿炒飯就係其中一樣，炒飯落左好多香料同埋薑黃粉，好惹味，仲有菠蘿、烤腰果等配料，正！另外仲點左冬蔭公湯，酸酸辣辣既冬蔭公好地道，湯入面有好多泰式香料，味道豐富！最後點埋清炒通菜就夠哂健康。新鮮椰青好好飲！

天氣熱，食返啲刺激嘅，是常識吧！泰國嘢絶對係首選 九龍城咁多泰國菜，見呢間好評咁多，就擇呢度咸蟹仔木瓜沙律，非常地道，只有鍾意或討厭 I like 炒通菜，咪就係炒通菜囉 😅脆豬肉條夠脆，送酒一流！不過記得要趁熱食，你懂的燒大頭蝦，又新鮮又有羔，正呀加埋呢杯金不換菠蘿沙冰，完美埋單400 ... 唔怪得咁多好評

九龍城泰國菜九龍城有很多泰國菜館，特別喜歡這間。食物品質有保證，價廉物美。我們點了：生蝦刺身：生蝦新鮮，肉很厚。配搭的泰式辣醬非常惹味。椰汁雞湯：看起來是椰汁味很重的雞湯，但是實際上是辣辣的雞湯！湯裏面放了很多辣椒跟南薑，辣得很刺激。泰式濕炒海鮮河：河粉炒得剛好，炒得均勻而不鬆散，都掛上濃濃的醬汁。配菜的蔬菜非常新鮮，海鮮有魷魚、蝦和帶子，肉質彈牙，而且份量很多。這裏食物有質素，Staff 很有禮貌，地點方便，值得推介。

屯馬線開通後，九龍城真係好熱鬧，今日就特登坐地鐵過嚟九龍城食泰國嘢，順便睇下個宋王臺車站🤭，泰國餐廳真係數之不盡，今日就簡咗有人氣嘅泰象館，星期一六點幾就開始排隊啦。炸蝦餅拼魚餅 $82魚餅嘅味道好似係泰國食咁，好正宗，香茅味好出，又微微辣，蝦餅都好出色，熱辣辣蝦肉又彈牙，配埋泰式醬嚟食非常好。 咖哩炒大蜆 $158大蜆分量都算好多，全部蜆肉都好鮮新，又厚肉，最抵讚係完全冇沙，香濃嘅咖哩配埋大蜆已經係好吸引啦。泰式乾炒海鮮河 $70炒河大碟又炒得乾身，河粉夠煙韌，仲配埋各款海鮮，啖啖都食到海鮮，感覺超值😋

九龍城係泰國菜館集中地，好多大大細細泰國菜館，屯馬線開通，去九龍城揾地方食泰菜更加方便，順便可以去宋皇臺站睇下歷史文物😄，出咗港鐵站行幾分鐘，見泰象館好有泰國色彩，剛剛開門營業，就食呢間啦😀餐廳有唔同午市套餐選擇，另外可以叫沙律、小菜、串燒、甜品同特色泰國飲品，午餐價格相宜，💰42起，轉特色飲品加💰5起就得👍酸辣豬頸肉沙律豬頸肉切薄片，沙律菜有洋蔥、芹菜、生菜絲，加酸辣醋撈勻，鍾意食辣嘅朋友最啱😉串燒三拼豬、牛、雞肉串燒各兩串，燒到微燶，有炭燒味，三款都好食，唔會燒得太乾，冇肉汁，蘸埋特色沙爹醬食，更好😋泰式炒金邊粉金邊粉酸酸甜甜，炒得幾乾身，有鑊氣，有好多芽菜同肉絲😋飲品要咗椰汁珍多冰，冰涼清甜😉，食埋有芋粒同粟米粒嘅甜品椰汁西米糕，完滿嘅午餐🥰

到九龍城辦完點事，就在附近午餐這區有小泰國之稱，就選了在城南道的 。 幸好早一步到餐廳不用等位，坐位尚算舒適。這區的价格都比較貼地～午餐套餐都很抵食！我們選擇了散叫～ 點了～椰汁雞湯 78元椰子味道濃郁，雞肉份量多，原來湯底都比較辛辣！愛嚐辣的會喜歡。海南鷄半隻 85元味道平平雞肉有點淋，點上酸辣醬汁惹味。薄餅27元+蒜茸包27元香脆可口！串燒三拼(豬牛鷄) 85元燒得香口，三種以牛肉比較實和乾了一些。肉串點上惹味醬汁很好味！泰式紅茶 26元/杯重口味！勁甜！是泰國特式吧！

又來九龍城啦，屯馬綫通車後第n次喇。朋友想食『海南雞飯』，又見到牆上推介，㨂咗『炸芝士蝦丸』，我今天只係想食少少嘢，『薄餅』就最啱啦，而10次又9次必叫的『芒果糯米飯』亦在我嘅清單里，再睇吓少咗飲品，又有D炸嘢，叫沙冰來降火都唔錯，於是叫咗『菠蘿沙冰』和『西瓜沙冰』，呢两樣嘢絕對係熱辣辣天氣的恩物。『炸芝士蝦丸』意想不到的大份，但真係幾新奇嘅，未試過係泰國餐廳食過，芝士有拉絲，邪惡得來又好鬼香口吖，海南雞如果係新加坡店食，通常跟3種sauce，但泰國鋪就得一種，一大碟泰式風味sauce，試吓唔同口味幾好。『芒果糯米飯』芒果有一大個，好甜，椰汁另上幾好，可以自已調校出自己喜歡的口味。

今日又思鄉病發，突然間好想食泰國菜，梗系去九龍城(香港小曼谷)尋找他鄉的味道啦。屯馬線通車後真系方便好多，以前約親同事放工去食佢地都話交通吾方便，宜家無藉口啦～泰象館都有一段時間無去，每次去食門口都有人等位，除左食物保持到水準外，重要系吾使加一，宜家食晚飯吾使加一嘅地方真系少之又少。冬蔭功湯，大頭蝦🦐都有羔架，味道剛好，吾會太辣🌶泰東生菜包，酸酸辣辣好開胃招牌咖喱炒羔蟹，爆晒羔呀🤩🤩🤩，超正💯食泰國菜點少得蒜蓉包，芒果沙冰。

今晚係宋皇台站B3出口出來搵食，朋友始終都係喜歡吃泰菜，附近都真係好多選擇，但朋友就推介了這間，因她之前食過味道同份量都唔錯！行過兩條街就到，位置都算方便，晚餐時間要在店外等，晚飯時間餐廳內都多人，等了陣入去坐下已經可以落單，因為在門口等時已經望吓餐牌，點了個鮮魷魚沙律、串燒三拼、再加蛋包鮮蝦金邊粉同埋泰式濕炒牛河，落單快，出菜都快，鮮魷魚沙律個名雖然係沙律，但鮮魷魚嘅份量真係多個沙律好多，辣辣地嘅汁加埋爽口彈牙嘅鮮魷真係十分醒神嘅開胃菜！串燒三拼內有牛、豬、雞，配埋個秘製沙爹汁，入口香軟味道濃郁，個人較喜歡串燒牛，口感較佳味道濃！蛋包鮮蝦金邊粉，用上蛋皮包住了煙韌彈牙嘅金邊粉之餘，內裡還有爽口彈牙嘅鮮蝦，夾埋一齊入口一樣充滿口感！泰式濕炒牛河，亦一樣好味，個湯底味道濃郁，加埋軟滑牛肉片同吸收了湯底嘅河粉，味道十分配合！兩個人哩個組合絕對足夠有餘！