泰象館

營業中

休息中

九龍城好多泰菜館，今日一試泰象館。去到七點半開始要排隊了😳炸蝦餅拼魚餅 $82即叫即炸，熱辣辣。蝦餅彈牙，唔會一咬即散個隻，炸至外層金黃脆口，顏色深啲嘅係魚餅，味道好特別，好有冬陰公風味，帶少少辣，再蘸上泰式甜酸醬，好醒胃🥰椰青焗海鮮飯 $100個飯好大碟，好震撼，飯塞滿成個椰青，面頭再有一整碗，兩個女仔嘅話一定食唔晒😂，成個飯都好有椰香味。有青口，魷魚，提子乾等，鐘意椰汁飯嘅就唔好錯過。馬拉盞炒椰菜苗 $69翠嫩清甜，調味剛好，唔食得辣都食到，炒得好惹味，食落又唔會好油膩，🤤龍眼冰 26有數粒龍眼，清甜解渴。青檸梳打 26清新解膩

良久沒有約會飯腳 剛好大家都在九龍城區 來個久違的泰聚會九龍城是不少泰國聚居之地 所以有不少正宗泰菜餐廳同超市加上依家屯馬線開通了 想去九龍城食泰菜真心幾時更方便了網遊下搵到呢間好評不斷既泰象館炸雞卷雖然說不上厚實 不過口感豐富彈牙 味道亦算相當不錯沾上泰式甜酸醬味覺就更棒了 味道變得更有層次蛋包鮮蝦金邊粉外層是薄薄既蛋絲 賣相不俗 揭開後份量亦不算少特意加左日本紅薑 令整體既酸味略為重了 食落就更開胃金邊粉炒得乾身唔笠口 加點青檸汁更顯泰式風味亦令整體不會太油膩泰東鴨肉生菜包鴨肉份量夠多 雖然食落肉質唔算嫩滑不過勝在味香濃厚 肉汁豐滿加上用左好幾款不同香料 味道突出之餘仲好惹味配合健康既生菜 將鴨肉既油膩感減輕 清新好味熱菊花薑蜜飲落是清甜菊花味略嫌薑味比菊花甜度遮蓋了若可以少甜一點就更好熱洛神花蜜輕微洛神花味道 帶點少酸香甜其實飲落感覺頗清新同樣地若可以少甜一點會更好

疫情之下無得出國玩，而又想食泰國野的話，就緊係去有小泰國之稱嘅九龍城搵正宗泰國野食啦，見有間餐廳好多人排隊捧場等位食，好受歡迎，所以我都唔執輸今次簡左呢間泰象館。冬蔭海鮮清湯平時飲得多都係顏色好鮮艷好濃嘅普通冬蔭功湯，今次就試一款清湯，好有驚喜，係冇普通冬蔭功湯咁濃烈，但帶一點清甜，冇咁辣得黎酸味會更加出，如果你唔鍾意咁濃烈嘅話呢款清湯岩晒你啦，而佢海鮮都好足料添。明爐青檸蒸烏頭魚食泰國嘢我就最鍾意食呢一味，一嚟佢上枱有一個咁有泰國特色嘅魚型爐賣相已經好靚，呢度仲要唔係得個樣，隻烏頭真心好食，魚肉結實飽滿，魚身有光澤，魚味濃無泥味。而配上嘅泰式酸辣汁好好味，加埋係爐上高慢火熱住黎食，保持個熱度，超級好食！蛋包鮮蝦金邊粉呢碟炒金邊係我食過咁多間泰式餐廳中最好食，一般餐廳會炒得好乾，但係呢一度炒得來好油潤，唔會太乾身，而且味道好好，配埋蛋皮賣相一流！

屯馬線開咗，就約飯腳去九龍城食飯，真係好方便，宋皇臺站一出就到九龍城，好快就到今日訂左位的泰菜館。係Openrice 見呢間都多好評，我同飯腳又未試過，而且出面又無分店，所以就揀咗呢間試下啦好彩有訂位及行快一步，入到去已經係最後一張枱，後面到的人要等成十幾分鐘才再入座呢，Lucky我地今次無叫蝦餅魚餅，反而叫咗炸雞卷，味道都討好，脆脆的腐皮包住雞肉，如果餸酒都唔錯。平時都係食豬肉生菜包，但見到佢有鴨肉生菜包，所以馬上叫來試試，估唔到有驚喜，好食喎！ 鴨肉有口感，而且整體好夾，有檸檬葉及洋蔥的香味加少少辣，好有層次的口感，令人想一食再食。這個好快就食晒。而且鴨肉中還有一些炸豬皮裝飾，但炸豬皮混在鴨肉中，可能食左都唔發覺，如果保持脆脆會更好。蛋包鮮蝦金邊粉賣相ok, 蝦有彈性，而且有一片片的豆干，整體味道ok, 青檸汁一定要記得加，加左味道層次會出色多些。我同飯腳都選了熱飲作結，我選了洛神花蜜，飯腳選了菊花薑蜜。係一個好的作結。埋單出門口，無加一，正！呢餐食得好飽，也好開心可以同飯腳傾下近況。 最正係好快又可以走回屯馬線，返屋企快左好多

今日去九龍城食泰國菜，呢間人山人海好彩有book 位。晚飯有單點的菜式，也有二人套餐等等可以叫，我們叫了幾個單點的菜式分享吃。先叫了泰式生菜包，可以選擇雞肉豬肉牛肉，選了大家都喜愛的豬肉。剛上台的時候冒煙，即叫即整的。山菜有很多塊包上了給了香茅秘製醬汁的豬肉粒，豬肉半肥瘦不會很乾很柴，很好吃。另外叫了串燒拼盤共有6條，有雞肉串豬肉串牛肉串。都是即叫即整的，肉汁非常豐富，最欣賞個醬汁加入了花生粒，10分惹味，也很有咬感。另外叫了個菠蘿海鮮炒, 原個菠蘿上的，菠蘿用上了新鮮的菠蘿肉，very juicy! 海鮮都有蝦肉魷魚等用了10分豐富，毫不手軟！呢間泰國菜性價比十足，太飽沒有叫甜品，下次來試埋個芒果糯米飯！

而家個個都話屯馬線開通，九龍城美食區會變得好方便。但係其實我本身就住喺附近，已經成日落嚟九龍城食泰國菜。呢一間泰象館已經係我經常嚟幫襯嘅好地方，性價比真係高，因為佢價錢唔貴好合理，而且份量好足，款式又超級多款。次次嚟到都唔知叫乜嘢，因為樣樣都想食。今次兩個人同朋友一齊過嚟食，介紹咗去食呢一間～朋友話想食芒果糯米飯，我就鍾意食青咖喱豬肉，仲叫咗一個柚子沙律，同埋一份串燒同埋薄餅。柚子沙律嘅柚子肉好大粒，好有肉，而且好甜同埋成碗都好惹味，比起出面普遍嘅柚子沙律做得更出色，佢嘅花生料做得好脆口而且好濃味。青咖喱做得幾好，奶香椰香好濃，而且材料都好多喎。有好多茄子仔同埋豬肉片。我哋仲叫咗一份薄餅來送咖哩，一份薄餅又8片，雖然每次都覺得唔夠喉，但係兩個人已經夠晒飽。串燒都好大串呀，比我想像中大串。沙嗲醬都做得好好味，有花生碎碎粒。員工禮貌同埋服務都唔錯，好快留意我哋有冇食完，清理碟子。5星為滿分*😋美味：⭐️⭐️⭐️⭐️💰價錢：⭐️⭐️⭐️🛋環境：⭐️⭐️⭐️⭐️⭐️🤵‍♀️服務：⭐️⭐️⭐️⭐️🚶‍♀️回頭：⭐️⭐️⭐️⭐️🏠餐廳：泰象館 (九龍城)📍地址：九龍城城南道48號地下🍽菜色：#littleapplebean泰國菜

今日同個仔去九龍買書，行一陣就話肚餓，仲要挑剔食泰國嘢😒唯有過去泰國餐廳集中地，九龍城啦。經過一間叫泰象館，有人排隊等開門，唔使諗，肯定有啲料，一於入去試下。環境方面：舊區地方，但乾淨企埋，冷氣夠😃服務方面：啲職員好有禮貌，執枱前亦禮貌地問下先執，食午餐又提醒我哋可以加少啲錢食個炒菜，唔使full pay食物方面：我明點解有人等開舖，因為真係幾好食，仲要好平。我哋叫左雞肉湯金邊粉，個湯底精神，雞夠滑豬頸肉炒飯，好夠味，乾身，好食👍飛天通菜，小小辣，夠味，菜亦新鮮，我哋跟餐本來叫一碟，後尾加碼要多碟，必食👍😋魚餅加蝦餅，魚餅正常，蝦餅精神，爽口👍鹹寧7，傳統鹹寧，下火一流青寧梳打，正常，但細杯咗啲最後叫咗個芒果糯米飯外賣俾老婆，佢好快食晒，無留俾我食😒佢淨係話好好食嗌咁多嘢，埋單311，抵正😍絕對可以翻飛

泰國近日疫情嚴重，重遊無期，懷念泰式風情唯有到九龍城走一趟。是夜到泰象館大快朵頤。馬拉盞椰菜苗，菜葉嫩綠爽口，醬料微辣，份量適中不油膩，百吃不厭。香葉辣椒炒海鮮，種類不少，海鮮結實彈牙，甜醬油中和辣感，金不換保持嫩綠，高質小炒。Pad Thai 外表滿分，酸甜開胃，豆乾和甜菜甫增添嚼勁，加上蝦仁和花生碎，是泰菜的經典家常菜。燒雞翼表皮香脆，加上香茅同醃，我鐘意食。甜品芒果糯米飯，熱騰騰奉上，果肉香甜無碴，加上熱椰奶和軟稔糯米，轉瞬清碟。

一向都知道九龍城出名食泰國菜, 依家有屯馬線就更加方便去宋皇臺覓食！ 上嚟openrice做完功課, 決定嚟呢間試下！ 幸好當日我哋好早到, 一坐低冇耐出面即刻開始有人等位😲 以為餐廳只係有樓下，原來樓上都仲有座位㗎！樓下嘅裝修就應該泰式啲，不過full咗，我哋就坐樓上，比較簡潔～ 實體餐牌， 因為我哋坐咗上層，店員唔係成日喺度，所以落單就自己寫低喺紙仔，然後再撳鐘叫店員上嚟收～ 我哋兩個人食咗約HK$300，無加一🤗飲品📌金不換菠蘿沙冰有驚喜！飲得出係用新鮮金不換榨出嚟嘅！加埋菠蘿嘅鮮甜味，呢個飲品嘅配搭第一次試！📌芒果沙冰係用新鮮芒果加冰榨出嚟，消暑解渴，正！沙律/串燒📌泰式鹹蟹木瓜絲沙律青木瓜沙律就食得多啦，呢個加咗咸蟹，原來係生蟹！加入咗生咸蟹汁。都幾大碟～📌燒物都幾香口！尤其是燒雞翼，超級大隻！唔知係唔係火雞翼嚟嘅呢！？超多肉食！主食📌蛋包鮮蝦金邊粉基本上見到枱枱都有叫！蛋網做得幾靚，金邊粉就略為比較淡，可能因為我同朋友都比較重口味，哈哈！飽肚之選。

抵食二人晚餐之超值之選$298無須加一👍👍👍👍食到攬住個肚😂😂😂😂——————————-➡️酸辣鳯爪沙律：足料鳳爪、足料配菜、食泰式鳳爪，一定要配料足、呢度滿滿嘅配菜，吃時又爽又好味😋有芹菜、芫茜、洋蔥🧅、辣椒🌶️蕃茄、蘿蔔、生菜🥬、蔥……等等配菜👍足料足味、隨了配菜多，鳳爪一樣咁多😋————-➡️明爐清湯烏頭魚：每一款餸菜都好足料，烏頭魚🐟好大條，入面嘅配菜亦都好足，有菇類別，蘿蔔、辣椒🌶️、芹菜、粉絲…..每一樣都好豐富，魚肉又夠滑溜，湯亦夠甜、加有泰國香茅配制，令成個魚🐟吃起來更添上一份色彩的好味道⋯⋯😋———————-➡️咸魚炒芥蘭：芥蘭炒得嫩，咸魚又濃香，上枱時已經香.氣散發，聞到已經開曬胃😀———————-➡️泰東豬肉生菜包：豬肉碎調的味道適中，配有紫洋蔥🧅的香和爽口，新鮮的生菜🥬咬落卜卜脆，與肉碎包裹吃更是鮮甜又爽😋————————-食..拍…寫已經成為我，生活中的一部份鍾意食…鍾意拍…鍾意寫..留下美食回憶🥰—————————-

今日突然想食泰菜 諗起九龍城特別多泰菜食所以就嚟到位於九龍城嘅泰象館，佢嘅人流都算偏多，我哋都喺門口等咗陣先入到去。坐低之後侍應好好咁拎咗盆熱水俾我哋洗碗碟，咁首先我哋第一道嘅菜就叫咗炒椰菜苗，佢的確炒得幾出色，菜唔會炒到好乾而且仲有少少甜味，之後就叫咗個豬肉生菜包，佢嘅生菜好大塊而且豬肉碎炒到偏辣好香，用嚟開胃好好食，好推薦大家可以試吓，之後到主菜我哋叫咗個干炒海鮮河，依個主菜10分出色， 10分入味而且海鮮都唔少好抵食，再之後就嗌咗半份燒雞，燒雞一拎出嚟已經聞到好香，食落口更加係肉汁飽滿。整體而言，我覺得泰象館真係一個唔錯嘅泰式選擇，因為價錢合理而且食物質素亦都好好，尤其依家有埋地鐵站去食都10分方便。

踏入九龍城見到好多雜貨店、小食店、按摩店都有泰國人騅埸，滿足一下去泰國嘅心😭 今次約埋三五知己去「泰象館」食個泰式晚餐，好容易搵，離遠已經見到招牌。冬蔭功湯(小)($82)四個人剛剛好一人一碗，見到個湯紅卜卜，果然辣味非常足夠，仲有大蝦，非常惹味。小食拼盤($138)有齊四款不同小食啱晒我哋呢啲貪心鬼，有齊炸蝦餅、炸魚餅、炸春卷同埋炸雞卷。小食熱辣辣係非常重要，仲要炸得一啲都唔油膩。燒豬頸肉($85)個醬汁絕對係靈魂，辣得黎係會食唔停，又可以中和豬頸肉嘅油膩感，好容易一食就食左大半碟。黃咖哩雞($78)+薄餅($27)初初見到碗細細，但份量非常足夠，咖喱伴簿餅一早食哂，最後仲有叫多碗白飯添。蛋包鮮蝦金邊粉($76)特別鍾情嘅炒金邊粉係每次食泰國菜必點菜式，擺碟非常有心思，見到賣相已經忍唔到口。明爐青檸蒸烏頭魚($148)見到個價錢就知抵食，但絕對唔係將貨就價，就算最尾食到好飽都要清哂佢。

今晚晚餐又想食泰國菜，於是來到九龍城城南道的泰象館。來到餐廳，見到正有人等位，好在不用等太久，就可以入座，餐廳裝修是非常特色的泰國風格。今晚要了3個菜式，酸辣鳳爪沙律、香葉牛肉碎撈飯及泰王秘製鰂魚。酸辣鳳爪沙律$68酸辣鳳爪沙律醃得夠味道，酸甜酸甜帶著小辣，沙律菜配著爽口的鳳爪食，更為惹味！香葉牛肉碎撈飯$65食泰菜，很喜愛點這個香葉肉碎飯，今日揀了牛肉，泰式菜也比較講究擺盤，看落有點西餐feel，牛肉碎配著豆角香葉，炒得很入味及惹味，配飯食非常滋味！泰皇秘製鰂魚$178這個泰皇秘製鰂魚很吸引我，於是點了這個菜，上枱見到一整條魚的鰂魚，面上鋪滿了青木瓜沙律，味道酸酸甜甜又帶辣，鰂魚切開大小適中的一片片，經炸過酸甜帶香脆，配著酸甜的醬汁及惹味的木瓜沙律，刺激味蕾勁惹味！再配埋個冰凍的可樂，食得當真很很美味！！

今日約埋好耐冇見嘅舊同學，大家都咁啱話想食泰國嘢，於是再嚐呢間九龍城泰象館。記得大約一年幾之前已經幫襯過一次，仲記得上年係搭巴士過嚟呢頭，因為上年屯馬線仲未開通到九龍城一帶，今次再臨可以用鐵路出入，出入方便咗唔少。我哋呢一日去到大約係夜晚七點鬆啲，門口已經有條長長人龍，果然鐵路係有助帶旺一區嘅人流。舖頭有啲泰式裝修~~蛋包鮮蝦金邊粉($76)賣相相當靚仔，一層薄薄地嘅蛋絲拉成網狀包住熱辣辣嘅金邊粉，酸酸甜甜好鬼開胃，夠晒泰式風味。串燒三拼(豬、牛、雞) ($85)三種肉類，豬肉、牛肉、雞肉各兩串，肉類最緊要唔會燒得太柴太老，外表焦焦哋，蘸埋醬汁簡直perfect！飛天通菜($62)食泰國菜必點，飛天通菜！師傅大火猛炒好夠鑊氣，味道控制亦出色，整體食落極度惹味。飲品方面，點咗一個椰青($39)同埋一杯金不換菠蘿沙冰($30)。

自從屯馬線開通後，去九龍城嘆泰菜變得很方便，收工想一面嘆一面睇奧運，當然要找間氣氛正的落腳, 泰象館是其中一間我經常光顧的泰菜，這次在這裏見証香港取得劍擊金牌，意義重大，一定要紀錄一下！喜歡經常光顧原因當然是因為這裏的食物質素每次也保持水準！每次吃泰菜也必點冬陰功湯！酸酸的很開胃，先喝過再吃其他食品會令胃口大開！這裏的海鮮冬陰公大蝦新鮮，肉質爽脆，湯底有蝦頭的鮮味！ 馬拉盞通菜也是我熱門之選，這裏用的馬拉盞味特別濃！ 與我在泰國本地吃的味道很相近！令人懷緬疫情前可以經常去旅行的日子！今天吃特別一點的主食，芒果蟹肉炒飯，食材感豐富，有腰果，甜甜的芒果和鮮味的蟹肉！炒飯夠火喉！還有泰式燒魷魚！以鮮魷魚原隻香燒！帶點炭燒味！正再加一杯椰汁珍多冰，飲品不會過甜充滿濃厚椰汁味！再乾一杯祝賀香港！