泰象館

營業中

休息中

同朋友經過九龍城，決定又想再食泰國菜。明爐青檸蒸烏頭魚HKD 148 烏頭魚份量不少，都頗大條。 用明爐的好處就係魚會越食越熱,唔會吃到後期變凍冰冰， 好適合最近變冷嘅天氣。 魚肉細緻不會太乾，沒有太多細骨， 酸味味之餘又有少少辣味點綴，魚鮮味十足， 旁邊的椰菜更加係吸收了醬汁和魚味， 分外美味。黃咖哩雞HKD 78黃咖哩甜耶耶，十分適合送飯，雞肉十分嫩滑，唔會鞋。原個菠蘿海鮮炒飯HKD 84炒飯十分足料裏面有海量的菠蘿肉，還有魷魚，提子乾，肉鬆，腰果。 口感味道十分豐富，有爽脆，有煙韌， 有甜，有酸， 真係一道“百感交集” 的炒飯，值得一試。龍眼冰HKD 26有龍眼的清甜味， 適合解膩。

九龍城出名多泰國菜，有時真係唔知點簡好。見到個門口覺得呢間咁多人食，靠直覺呢間應該係好食架! 我地叫左個香辣豬肉碎飯，呢個飯都幾辣下，所以食落好惹味，會令人好想係咁撈飯食。之後仲叫左個馬拉盞炒通菜，通菜炒得好爽口，唔會太老淋曬，呢個又係好岩送飯。我地仲叫左個燒豬頸肉，好多鋪頭成日整到豬頸肉好韌，但呢到完全唔會! 肉質係好SOFT ，而且佢係燒到個邊邊脆脆地，個汁係酸酸地，所以沾埋食落好開胃。同埋個豬頸肉份量都幾多喎，$70-$80都真係幾抵食。野飲就試左泰式奶茶，茶底都幾濃，仲好大杯，朋友就飲左椰汁冰，椰汁味好重!

網上好評試下，吃完無什麼特別。😋😋價錢偏貴，九龍城仲有好多選擇。😘😘串燒大串燒得麻麻，食唔到香味柚子沙律🥗唔錯，大大舊抽子，好甜，但唔無紅肉。😃最好係飲椰青，好甜又大個。蝦醬炒通菜：太林，獲氣唔夠，偏鹹。

成三四年冇黎過9龍城 今日老豆話想食泰國野 就陪左佢黎呢間叫泰象館既餐廳食 一黎到果陣已經見到入面好多人 心諗應該質素唔錯咁我地就叫左個冬陰公海鮮湯暖暖胃先!! 個湯味道好濃郁飲得出完全係真材實料 之後壽地叫左個串燒拼盤豬牛雞各兩串 當中雞串係最好食  d肉勁滑 牛同豬都唔錯算係中上 最後我地一人叫左一個飯!! 一個泰式蝦醬炒飯 一個泰式肉碎飯兩個味道都好好 算係一間高質素既泰國餐廳 價錢都算抵食!!有機會都會再黎食!!

呢間咁既垃圾餐廳, 同女朋友兩個人夜晚食食下, 無啦啦叫人調位, 方便佢接張4人檯。一早問左佢 新調既位係咪冷氣位 唔想比佢吹住, 又唔出聲, 格硬逼你調, 最後坐左過去 凍到PK, 叫佢較番細 又做樣扮野, 想叫野食睇menu , 成日就收左本menu, 一味係咁接客趕趕趕, 搞到happy 既星期五都勁無引, 最後同女朋友 打包走 一肚氣 , 一定唔會再去!!! 最後一話打包 即刻拿張單來叫埋單, 錢就識收, 服務態度認真麻麻, 一定唔會再去, 從來未試過食飯食到咁

每次食泰國菜都會嚟到位於九龍城這間泰象館，由於這間店舖經常爆場所以每次都要訂座，喜歡這裏價錢親民，每碟菜式都炒得好有鑊氣👍生蝦刺身$98生蝦一碟有五隻，隻隻都好新鮮好厚肉，配合蒜頭同泰式酸辣醬，好美味，這碟菜式是食泰國菜必點的！燒豬頸肉$85豬頸肉份量不少，切得好薄所以口感不錯，肉質肥瘦適中所以咬落多汁不會太乾，配埋酸辣醬食，更加提升肉的味道。泰式乾炒海鮮河$70海鮮材料有鮮蝦、魷魚、芥蘭和青口等，全部切得細細粒容易入口，鮮蝦和魷魚爽口彈牙，河粉炒得好有鑊氣，不會太油膩，加入辣椒醬一齊食更加惹味！

每隔一段時間就好想食泰國菜，難得今日放假就到九龍城泰象館食餐好既👍入到店舖裝修環境雖然不大但坐得好舒服，牆上貼着餐廳推介食物的照片，方便客人選擇！冬陰功（小）$82一鍋大約有四小碗，大約有兩隻開邊蝦，蝦頭帶有小小蝦膏，蝦肉新鮮爽口彈牙，湯底酸酸地辣辣地，好適合而家凍凍地嘅天氣，飲完非常暖胃！炸蝦餅$79蝦餅有四件，外皮炸至金黃色，咬落熱辣辣，每一啖都食到蝦肉，爽口彈牙，加入酸甜醬一齊食味道更佳！三味炸鰂魚$148師傅刀工一流，把原條鰂魚起晒肉再炸，方便客人食，魚骨炸得香脆，魚肉切得好薄，魚好嫩滑，配料有青紅椒及新鮮菠蘿🍍醬汁酸酸甜甜，食唔停口！最後飲杯西瓜冰，涼浸浸，好滿足！

上次嚟食過，覺得佢口味正宗，價錢又實惠，仲唔收加一，好抵食💗而且店員態度好友善親切，依次再嚟食返餐嘆下泰菜😊🔶青芒沙律 $63份量都好多，沙律汁味道濃郁，辣度酸度都幾勁～非常開胃醒神🥳多重口感👍🏼唔覺唔覺好快食晒💗🔶明爐青檸蒸烏頭魚 ＄148真係好鍾意泰式食蒸烏頭～呢度嘅蒸魚湯底都好正💗酸酸辣辣又鮮味，烏頭大條啖啖肉，肉質鮮嫩👍🏼🔶海南雞飯 $63都好大碟，鍾意佢個油飯，好香口又唔會太膩。海南雞件大大件，配以秘製辣汁～滿滿東南亞風味👍🏼🔶龍眼冰＄26透心涼之選～龍眼肉都好多，甜到剛好，清甜又解膩。提提大家這裏只收現金喔～

屯馬綫開通真高興！之前覺得去九龍城食好遠，返屋企又麻煩，宜家有左鐵就應該多左機會去食。九龍城第一站梗係食泰國嘢喇！__________________________🔹明爐青檸蒸烏頭 $148👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ⭕️都幾大條下，上枱時已經差唔多熟，放多一陣都滾到卜卜聲，好多唔同香料，又芫茜又辣椒又檸檬又酸菜，建議等佢滾多一滾先食，入味得黎魚肉都仲係好嫩，如果稍微酸多少少，味道會更好.🔹炸芝士蝦丸 $90👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌一碟四大粒，即叫即炸，上枱已經切開左，漏晒啲芝士出黎，上枱時熱辣辣，要快手襯熱食.外皮脆口, 蝦肉幾彈牙，中間勁多芝士，仲要勁拉絲，不過芝士味唔算好濃，亦唔會膩.🔹紅咖喱雜菜$74👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ❌紅咖哩裡面既香茅南薑檸檬葉等既香料味道好出，同時食到椰奶味，紅卜卜顏色又鮮艷，望到已經有啲餓.雜菜配料都幾多款，有秀珍菇，泰國茄子仔，芥蘭，長豆，蕃茄仔，紅咖喱理應比青咖喱辣度低，可能為咗令辣到更低，俾唔食得辣既人都食到，餐廳仲加左菠蘿令味道更m

最近開左屯馬線多左同朋友黎九龍城食野，咁岩搵到一間性價比高嘅泰國菜，又係港鐵站附近，緊係要試下喇🥰餐廳都提供網上取票，門口都多人排隊🤓但流量都快，我地好快就有位😎餐廳設計都幾有泰國風情😆食物方面都幾多元化同地道👍🏻原個菠蘿🍍海鮮炒飯，上面勁左肉鬆同腰果，飯粒炒到金黃色，配埋鮮菠蘿粒，味道好夾，當然仲有勁多海鮮配料😍炸蝦餅，外脆入面係滿滿嘅彈牙蝦餅😋芒果🥭糯米飯係黑白糯米相拼，芒果好甜🥳配埋椰漿好夾😍椰青🤤味道鮮甜，好清涼解熱👍🏻

自從九龍城有左MTR之後, 真係好方便~依家食泰國野都容易左=]呢幾日, 我同好友黎到泰象館食DINNER, 呢間真係好抵食, 不設加一.我地叫左碟海南雞飯、泰式乾炒河(雞),  仲叫左個煲仔翅~海南雞飯既雞肉滑滑，點埋特製既辣椒醬拌著吃，勁可口!! 泰式乾炒河(雞) 份量都幾多, 炒得好有鍋氣, 而且入面仲有蛋, 唔會好碎, 加埋一齊口感豐富好多, 味道都較香同濃味, 食得好滋味!煲仔翅入面真材實料, 真係有翅係入面, 仲加入芽菜取其爽口，正～OVERALL 價錢非常抵, 而且好正宗. 下次會再黎!!

呢輪去開九龍城，就諗起太多美食，泰國菜係我首選，今晚就嚟嘗試食泰國菜啦。明爐烏頭清湯$148~嘩，條烏頭真係好大條呀！魚上面鋪滿粉絲 ，金不換，肉鬆，辣椒絲等等香料，熱辣辣入口小小香辣，好正呀。焗椰青海鮮炒飯$100~成頂高帽咁，好多飯呀，要小心啲用匙羹 拔嚟食，好香嘅椰青味好滑，仲有一片片嘅椰青肉可以食，不過海鮮就比較少啲。清炒通菜$62~簡單一碟菜，廚師手勢一流。青檸梳打$26~食完濃郁嘅嘢梗係飲番杯清清淡淡嘅青檸梳打啦。爽呀～金不換菠蘿沙冰$30~呢個真係招牌呢！金不換菠蘿沙冰，入口清香菠蘿味出色。

自從有屯馬線🚆出九龍城食飯超方便，今晚即興自己一條友去食泰菜🤭我比較喜歡细間泰國菜館，夠地道夠住家feel麻😁所以揀了呢間泰🐘館，入到餐廳都算光猛，座位唔算多，不過店員都親切有禮👍🥬泰東生菜包 $79食泰菜必食😋食生菜包最緊要個生菜新唔新鮮，豬肉炒得夠唔夠香，呢度係都整得唔錯，生菜塊塊都新鮮翠綠👍🐔海南雞(半隻) $85肉質都算嫩滑，雞皮唔會好肥最愛秘製海南雞辣醬汁😋勁正😆不過我都係喜歡冇骨海南雞肉多d🤭🥤龍眼冰 $26吃完又濃味又辣🌶🌶最好叫杯龍眼冰，超级爽，又多龍眼肉又唔會太甜好啱我口味😋

九龍城一向都有很多泰菜，找一間正宗泰菜餐廳試一試，因應新的屯馬線通車後，到九龍城吃飯真的十分方便，這次選了「泰象館」，它十分接近宋皇臺站B3出口，門面十分地道的泰式風格，地方雖不大但座位闊落，坐得舒服，又有泰式的裝修。餐廳餐牌菜式多元化，更有素菜的菜式選擇，價錢經濟，難怪朋友說假日十分滿座！先來一個泰式小食！炸蝦餅春卷，有各四件，每件大大粒，春卷餡料又多又厚，有芋頭所以很香，炸得香脆可口又夠熱，蝦餅炸得金黃，內脆外軟；蝦餅同樣外脆內軟，蝦肉爽口彈牙，蝦味很香夠熱，配上泰式辣醬更有風味！咖哩選擇十分多，有黃、青、紅，椰汁咖哩等等，同時配牛、豬或雞肉，我選了椰汁咖哩配雞肉，帶有微微椰奶香味，雞肉絲嫩滑，加上四季豆的口感爽口，香茅味不會過濃，很不錯！有出色的咖哩汁當然要配上白飯及薄餅！將咖哩汁淋上薄餅，完全發揮到色，香，味！薄餅不加汁吃時，更香脆可口！蝦醬椰菜苗實在炒得出色！菜苗炒過後保持到翠綠，不會過油，同時富蝦醬獨特的香味！夠鑊氣用心炒之選！最後加上一個椰青來解渴！椰青汁很清甜，大大的一個，椰肉口感香滑爽口，在這個天氣下十分之清新解暑！非常解油膩！整體來說，這晚飯性價比十足，同時食物質素

黎到九龍城食晚飯，首選一定係泰菜，泰象館係其中一間我最鍾意既餐廳，呢度嘅泰菜相當地道，絕對有置身泰國嘅感覺。冬陰功係我每次嚟到道別點嘅，超足料，香茅味十足，入面嘅海鮮都非常新鮮。豬肉生菜包豬肉份量非常多，但有微微嘅青檸味，相當開胃。飛天通菜食泰國菜一定唔少得嘅飛天通菜，通菜嫩綠，加上刺激嘅辣椒去炒，食到停唔到。炸蝦餅炸魚餅雙拼蝦餅同魚餅都係即炸，熱辣辣脆卜卜，加埋甜酸醬，絕對係正宗泰國風味。蛋包泰式炒金邊粉賣相非常吸引，外層用蛋包住，睇得出廚師嘅心思，金邊粉口感煙銀，非常推薦。食泰國菜又點少得青檸梳打，仲有期間限定嘅芒果沙冰，最適合大熱天時用黎消暑。