泰皇閣泰國菜館

營業中

休息中

九龍城出名泰國菜多，今日就揀咗間網上風評比較好的。1️⃣菠蘿海鮮炒飯HKD 82📝 海鮮炒飯送到嚟已經十分之香菠蘿味，入面有鮮蝦同魷魚，飯亦粒粒分明，為整個晚餐添色不少。2️⃣青咖哩牛HKD 78📝青咖哩一開始係甜，甜到最尾有少少辣，味道層次十分之豐富。3️⃣鐵板蠔仔煎蛋HKD 90📝 上菜嘅時候熱辣辣， 豪仔數量都好多，亦都好大隻，沒有腥味。4️⃣馬拉盞炒椰菜苗HKD 70📝 椰菜苗十分爽脆，配合馬拉盞嘅鹹鹹香香， 令人回味。5️⃣椰青HKD 33📝 椰青十分清甜， 飲落十分之透心涼，令人一啖接一啖， 十分之解飯餸嘅油膩， 裏面嘅椰子肉很嫩滑。整體: 飯餸質素唔錯， 椰青尤其出色。

屯馬~開通~真的很興奮~自從屯馬線通車，去九龍城方便咗好多以前食來食去都係嗰幾間餐廳懶得發掘新嘢食🥲依家方便左時間多咗就可以慢慢行所以就試到新野啦🤣琴日就同男友去左九龍城食泰國嘢冇特別揀餐廳諗住行到邊食到邊見到泰皇閣門外人山人海梗係要去湊熱鬧啦😎😎炸蝦餅拼魚餅即叫即炸嘅蝦餅同魚餅上枱熱辣辣😆蝦餅好彈牙！炸得好香口😋魚餅好似係自家製既咬開仲見到d魚皮😂溝埋香料夠晒惹味！燒豬頸肉小妹好怕食到柴皮豬頸肉好彩佢既豬頸肉燒完仲保留到肉汁🥳配上酸微微小小辣既醬汁非常好味喲🤣冬蔭功估唔到佢小份既冬蔭功都幾多大概都有4碗😎佢酸辣味平衡得幾好飲落唔會辣喉嚨會追住黎飲配料有蝦同蘑菇菇蝦就麻麻地新鮮！芒果糯米飯造型擺得好靚係花花既形狀🌸椰漿唔係好甜濃稠度亦岩岩好！而芒果就有d酸🥲搞到成件事就偏酸。並唔覺得自己食左甜品🥲我地仲嗌個椰青飲下🥳雖然唔係好甜，但勝在夠凍岩晒食完飯即刻下下火🤙🏻

帶媽媽嚟九龍城食泰國菜，今次揀咗泰皇閣泰國菜館嘅原因係早排喺FB見到佐敦嘅「糖X雄」極力推介，所以就一早Book mark定要試呢間餐廳。今次就點咗四樣嘢食，包括：- 柚子沙律- 炸蝦餅拼春卷- 蝦醬炒椰菜苗- 泰式乾炒海鮮河而媽媽就點咗杯香茅青檸茶個柚子沙律嘅柚子好香甜多汁，夠哂新鮮。炸蝦餅拼春卷就即炸夠哂香脆，而蝦餅就好彈牙。蝦醬炒椰菜苗嘅椰菜苗就比想像中年紀大咗少少，不過蝦醬味夠哂補救返泰式乾炒海鮮河一食就真係覺得似喺泰國食嘅一樣，特別係河粉嘅闊度，香港好多所謂嘅泰式炒河都只係用普通河粉炒就扮泰式，但呢到係用超闊嘅河粉嚟炒，可以沾到更加多嘅醬料味道，真係搞到越嚟越想去返轉泰國。

又係時候去食泰菜咁梗係揀九龍城啦加上而家去九龍城咁方便今次就去咗泰皇閣啦舖頭細細但係成個泰國感覺好濃烈其實呢度嘅菜式有好多元化不過兩個人就簡簡單單嗌咗個酸辣鳳爪，菠蘿炒飯.海南雞同埋兩個椰青首先呢度嘅上菜速度都幾快麻辣鳳爪加埋特製汁酸酸甜甜加埋沙律開胃而且份量都叫多菠蘿炒飯首先個外型好吸引用上新鮮嘅菠蘿肉同埋唔同嘅海鮮飯炒得夠乾身海南雞就叫左半隻海南雞做到皮爽肉滑特製嘅海南雞醬有少少偏辣啱晒愛好辣嘅人士再加埋兩個冰凍嘅大椰青又清甜又解辣本身啲餸都多所以兩個人食完就真係好飽啦係滿滿嘅泰式風情既地下食泰菜又係美好的一頓最後仲發現依間係會定期派飯既黃店，再加分

嚟到九龍城，又點可以唔食泰國菜呀！😂難得嚟到呢間幾受歡迎嘅泰國餐廳，居然唔需要等位就入得啦！太好啦！🥳.「燒安格斯牛肉」（青檸）$110🍽：好似比較少喺泰國餐廳見到呢樣菜，幾特別，賣相都唔差。青檸配上醬汁嘅牛肉，味道當然係清新、酸辣咁，牛肉熟度剛好，所以肉質都唔錯。推介！👍🏻.「鐵板蠔仔煎蛋」$90🍽：我覺得有啲過熟，味道一般，但都食得出啲蠔仔係新鮮嘅。.「蛋包鮮蝦金邊粉」$75🍽：炒得都恰到好處，份量算多，鍾意個蛋皮。😜.「芒果沙冰」🍽：多到就滿瀉，每次食泰國菜都幾乎必叫嘅，無得輸！滿滿的芒果味。🥭值得一講嘅，由於我哋係坐近門口位置，好多人出出入入，個門經常又拉又關，其實好影響個食嘢同啲冷氣流失。再加上餐廳係有第二層，職員係需要不停出菜上去第二層。所以如果可以揀，就千祈唔好坐近門口！

屯馬開通，去九龍城食泰國菜更方便，坐車到宋皇臺站一出即達！沙嗲串燒（豬/雞/墨魚丸/雞腎）半打最多可叫3款，我哋叫咗豬肉、雞肉。雞肉ok，但豬肉燒得有點乾，沙嗲醬味淡偏花生醬，少了點辛香料味道。紅咖喱（豬/牛/雞），因為朋友唔食辣，串燒叫咗豬同雞，所以試紅咖喱+牛，可惜肉質好韌。紅咖喱味道正常，有幾多蔬菜。食咖喱點可以冇薄餅（$26）size 較細件但鬆脆，點咖喱汁食好味蛋包鮮蝦金邊粉，啲蝦算大隻但只有4-5隻，冇乜其他配料，金邊粉味道唔錯，甜酸味道好開胃。

📍泰皇閣 ，九龍城 Kowloon cityweekend 傍晚5點幾6點已經大排長龍！！建議大家都係早幾日book位😅 注意‼️鋪頭只收現金 。🦀咖喱軟殼蟹 $ 218軟殼蟹配法包。配埋咖喱一齊食真係一流👍🏻 好多蛋花係咖喱裏面。一啲都唔辣。個人希望佢可以重少少咖喱味同辣味多啲。🐟 燒盲鰽 $140肉質超級滑！！入口即溶😍 超新鮮同完全無腥味。條骨超易起。非常推薦👍🏻🍚 泰皇閣招牌炒飯 $90海鮮炒茄汁底飯。炒到粒粒分明。就算係茄汁底都唔會酸。其他小食叫左生蝦同酸辣鳯爪都唔錯。但個羊架就燒得太燶同有啲乾😅 不過整體都唔錯。

突然好想食法包蘸咖喱，即刻行動去九龍城食泰國菜🇹🇭呢間黃店生意非常好，想去嘅可能要預早啲時間等位或者book定先好啲💛·<泰式木瓜絲沙律> ʜᴋᴅ 58比起其他炸嘅泰式小食我更鍾意食青木瓜沙律🥗夏天食就更加開胃，酸酸甜甜易入口😙仲有唔少脆花生同蝦米仔提鮮🦐·<蛋包鮮蝦金邊粉> ʜᴋᴅ 75Pad thai又係另一樣我好鍾意嘅泰菜。鮮蝦爽口不過無乜蝦味🦐蛋網煎得好完整🍳金邊粉味道偏甜，不過有啲過濕同油，份量唔多不過建議多啲人share就無咁油膩啦😎·<青咖喱雞> ʜᴋᴅ 78 今次嘅目的就係食咖喱配法包🤓咖喱味道唔錯，雞件係用咗雞髀肉所以唔怕乾柴🍗雞肉份量都唔少㗎😚咖喱偏稀，唔係我心目中想蘸法包嘅質地，但係味道好食，都好易滲入麵包🥖食完法包之後仲淨低好多咖喱，我地又加多個白飯撈汁🤣·<蒜蓉法包> ʜᴋᴅ 28法包抹上蒜蓉牛油烘到金黃色，就咁食都覺得香，蘸埋咖喱就更好食🍛·<馬拉盞炒椰菜苗> ʜᴋᴅ 70馬拉盞帶啲蝦膏嘅味道🦐食落都唔會太濃味 。椰菜苗偏硬脆，如果可以淰多少少就更好🤏🏻·生意極好嘅黃店💛未坐暖張

最近成日想食泰菜嘅咖哩，正好約咗朋友食飯，佢又鐘意食泰國菜，就一齊嚟咗九龍城覓食，順便搭吓新開嘅屯馬線😆我地平日大概19:15嚟到，等咗40分鐘先有位，不過餐廳門口有座位可以坐住等，仲有大風扇，相信夏天都唔會太辛苦。食泰菜當然要食生菜包。呢度嘅生菜包香料味較重，另外仲加咗啲炸紅蔥頭，令生菜包食落更香口，肉碎有超多，我哋食哂啲生菜都仲有半碟肉碎剩，如果有多啲生菜就好啦😆咖哩炒青口exactly係我想食嘅味道！青口total有6-7隻，隻隻都好大隻；咖哩一啲都唔辣，入口偏甜，濃杰度啱啱好，好適合撈飯😆 我哋唔想食咁多飯就嗌咗薄餅，薄餅甜甜哋，同咖哩好match，但食哂薄餅都仲有好多咖哩，所以又嗌咗蒜蓉包一齊食，蒜蓉包好脆，但同薄餅比的話我覺得薄餅同咖哩襯啲😋overall非常滿意，兩個人食到好飽埋單都只係$300，性價比好高，下次一定會再幫襯！

就喺屯馬～開通～真的很興奮嗰日去 超多人嗰日又超焗 等咗一粒鐘多啲又熱又肚餓 feel到全身嘅汗腺喺度沸騰緊🔥好彩去到臨界點有位坐又有風扇涼終於到我哋但係好黑仔 被安排坐門口位佢係手動趟門 閂咗門室內係好涼快嘅但一開門啲熱氣就湧入嚟 瞬間變熱啲人仲要出出入入🔥🔥喺嗰晚 亦都體會到香港都唔少自私嘅人🤨開咗門唔閂返就走咗去成晚就熱熱凍凍熱熱凍凍咁係腦細會真心著重閂實對門人手貌似嚴重不足因為租埋隔離一樓 3個姐姐又樓面又門口又上樓點餐等咗15分鐘先有人理🔥🔥🔥上菜等咗15分鐘先嚟第一道菜黃咖喱豬肉 $78💁🏿‍♀️呢間啲咖哩係稀到湯嗰款個人鍾意竭啲嘅多啲 可以點蒜茸包嚟食好彩最後無叫😂😂😂佢個味都ok 豬肉都夠淋 份量適中燒豬頸肉 $80🙆🏿‍♀️好味😋 好入味 再加埋少少焦又唔係好濃咁樣個汁都唔錯👍🏿泰皇閣招牌炒飯 $90🙆🏿‍♀️其實係上次由菠蘿炒飯換咗呢個因為小妹想再食先再嚟 果然係招牌！👍🏿👍🏿👍🏿賣相好之外 入面都用咗唔少海鮮去炒有青口 蝦🦐 魷魚🦑 等等而啲飯用茄汁炒 好重茄味一啖接一啖唔停口嘢食係好味嘅 不過建議大家避開食飯時間去或者住附近就外賣啦但小妹無咩事都係去返第2間度食算😂😂

想食泰國菜通常都會嚟九龍城，見到一間良心泰國菜，雖然人山人海要排隊但係都係值得嘅。原先好想食生蝦刺身但係原來已經賣晒，望住隔離枱喺度食真係好唏噓，下次我要早啲嚟希望食到。酸辣鳳爪沙律 $68酸辣鳳爪分量多，其實對我來講都幾辣，不過算係辣得過癮。爽脆嘅鳳爪，而佢啲配菜洋蔥都吸晒啲醬汁味道，濃濃嘅泰式風味。冬陰功（小） $78冬陰功我哋叫咗小辣，淡淡的蕃茄酸味同埋椰汁香，配上泰國米香料，好耐冇飲過冬陰功。泰皇閣招牌炒飯 $90佢係係泰式炒粉嘅炒飯版，有啲茄汁酸酸地味，加埋上面嗰一片蛋，入邊嘅配料都好充足，上面隻炸蝦擺盤精緻，食得又睇得。脆肉炒椰菜苗 $70菜肉有少少似我哋廣東人嘅燒腩肉，加落去炒菜尤其香口，椰菜苗爽脆，每一次食泰國菜都係必食。芒果沙冰 $32食咗咁多辣野飲番杯沙冰，芒果香甜，大大杯。

一直想試好耐，就預book左都要等一等。個晚等左一個鐘，但都值得既因為天氣太熱啦，要飲返杯芒果沙冰涼一涼先，大大杯好味，有少少香葉加左落去，令到成杯飲品個感覺更加fresh先黎個開胃冬陰功海鮮湯，因為我自己食開大辣，覺得個湯可以再辣啲，不過呢個湯唔會過咸，都幾惹味。上埋個安格斯牛真係不得了！勁好食！同個汁好岩，肉質軟熟，外皮又煎香晒真係食唔停口。叫左個大蝦咖喱，因為唔想食得太飽就配個蒜蓉包點咖喱汁食，蝦肉新鮮彈牙，仲有膏添 不過... 啲咖喱都係唔辣既平時係潮州鋪食螄蚶多，估唔到係泰菜都可以見到佢既蹤影，呀螄蚶都好新鮮，配埋泰式辣汁成件事提鮮晒，怕腥既朋友都可以初嘗試一下最後叫埋芒果糯米飯做一餐完美既總結

今次黎到小泰國之稱嘅九龍城重溫泰國旅行嘅感覺(雖然貴幾倍)都有唔少黃泰國菜選擇(✌︎˙˘˙✌︎)但都提醒大家呢排黨鐵宋皇臺站開張 附近餐廳都比較爆滿 建議避開食飯時間我平時唔會等位食飯 但當日史無前例地等左個幾兩個鐘( o̴̶̷᷄ ·̫ o̴̶̷̥᷅ )雖然等左咁耐 但食完怨氣都冇曬 餐廳有良心之餘 食物質素都唔錯🤣唔洗等咁耐嘅話會encore🤤´•ᴥ•`蛋包鮮蝦金邊粉($75)好掛住布吉街邊10蚊Pad Thai番到香港每次食泰國野就算貴幾倍都會叫( o̴̶̷᷄ ·̫ o̴̶̷̥᷅ )我偏好花生味重嘅Pad Thai 呢度Pad Thai 花生味唔算重 而金邊粉比較濕身同多汁 直程用蛋包住金邊粉賣相幾特別 蝦就有三隻 覺得可以比多少少蝦( ･᷄ὢ･᷅ )不過份量超大份 兩個人分都食到好飽🤤我認為係水準之上( ˊ꒳ˋ ) ᐝ´•ᴥ•`椰汁大蝦湯($78)我自己唔特別好冬蔭公 但一切椰製品都非常喜歡 首先冇諗過個湯賣相咁隆重 呢個設計都真係幾保溫 飲到一半都仲幾熱( ˊ꒳ˋ ) 你睇個鍋就知份量又係好巨大兩個人都飲唔曬(๑ ｰ̀εｰ́ ๑)ﾁｯ味道其實都有冬蔭公味做基礎 再加椰汁同蝦味嘅感覺 鍾意椰汁都應該會鍾意飲呢個湯！(∩´∀`

朋友知我喜歡吃泰國菜，第一時間就想起我！哈哈問我想去邊度食，二話不說梗係去九龍城啦！黃咖哩配牛肉加薄餅香濃黃咖哩少許微辣，牛肉足料入味還有配菜青椒薯仔洋蔥等好滋味。沙爹串燒半打 (雞腎、雞肉、墨魚丸)平常都是吃雞肉、牛肉、豬肉串燒等，但這裡很特別，會有雞腎、墨魚丸等，雞腎爽脆鮮甜有嚼勁而墨魚丸很彈牙煎得外脆內軟很好味。蛋包鮮蝦金邊粉這款金邊粉超級大碟很足料，大大隻鮮蝦很鮮甜爽脆，金邊粉炒得夠乾身，每啖都掛滿醬汁。芒果沙冰這個不得了超級大杯的芒果沙冰，滿滿芒果鮮甜多汁夠冰凍，一啖喝下超爽又解渴。

想在地鐵開通前來食下，開通後相信有更多人慕名而來，等位時間更長。這晚上落雨，八點來到竟然不用等位。餐廳內的裝潢令人感覺舒服😌，慰藉了一點心靈。青咖哩豬 | $78先來青咖哩，咖哩不太辣，有很多片肉片、菇、豆角。醬汁比較稀，媽媽把它當湯飲。炸蝦餅拼春卷 | $76上次食過魚餅，今次改拼春卷試試。蝦餅爽口彈牙，炸得脆。兩件蝦餅一開二，有四份，春卷內有些粉絲，點泰式辣醬一流。柚子沙律 | $76沙律有幾隻大蝦，爽口的，柚子清新。加了蝦米仔及蔥粒、洋蔥，味道幾香。蒜蓉包 | $26蒜蓉包真的做到外脆內軟，有蒜蓉在上面的麵包位特別鬆軟，食起來真的吃到滿口蒜蓉香味。點些咖哩又有另一番風味。椰青 | $33椰清水好多，冰涼清甜，又解熱氣。椰肉好容易刮到出來食。走的時候仲有報紙派💛