泰皇閣泰國菜館

營業中

休息中

帶媽媽嚟九龍城食泰國菜，今次揀咗泰皇閣泰國菜館嘅原因係早排喺FB見到佐敦嘅「糖X雄」極力推介，所以就一早Book mark定要試呢間餐廳。今次就點咗四樣嘢食，包括：- 柚子沙律- 炸蝦餅拼春卷- 蝦醬炒椰菜苗- 泰式乾炒海鮮河而媽媽就點咗杯香茅青檸茶個柚子沙律嘅柚子好香甜多汁，夠哂新鮮。炸蝦餅拼春卷就即炸夠哂香脆，而蝦餅就好彈牙。蝦醬炒椰菜苗嘅椰菜苗就比想像中年紀大咗少少，不過蝦醬味夠哂補救返泰式乾炒海鮮河一食就真係覺得似喺泰國食嘅一樣，特別係河粉嘅闊度，香港好多所謂嘅泰式炒河都只係用普通河粉炒就扮泰式，但呢到係用超闊嘅河粉嚟炒，可以沾到更加多嘅醬料味道，真係搞到越嚟越想去返轉泰國。