泰皇閣泰國菜館

營業中

休息中

哇 想俾100個讚添！為咗食泰國菜排咗就黎一個鐘，好彩呢間d野食都好出色 值番哂好開心今次多人食 可以嗌好多嘢食🔸蛋邊鮮蝦金邊粉個粉嘅份量都幾多 一個人會食唔晒🔸生蝦刺身有6隻 睇落唔大隻但食落都幾大啖肉 如果生蝦市價冇咁貴就好🔸生菜包超喜歡呢勁香 諗起都流晒口水 一定要叫生菜包試啊咁多位🔸黃咖喱雞咖喱味都好香，雞嘅份量都唔算少🔸薄餅用嚟點咖喱食 如果份量大少少會好啲🔸芒果糯米飯🍚芒果夠哂甜 但個醬有少少甜

想食泰國菜，一想就會聯想到九龍塘，所以今天又來九龍塘搵好西食。今次已第二次來食，無他的，因為好味。炸蝦餅首先叫小食吃先，蝦餅一如以往，蝦味重，而且彈牙，份量也多，配上啤酒，談心可以開始。豬頸肉再來又是香口豬頸肉，又是一大碟的，味道很重豬味，皮脆肉香，配上特色的醬汁又是讓人頂不了口的一道菜。明爐鰽魚鰽魚肉質香而且嫩滑，配上青檸和其他調味料，另魚肉很入味，讓人停不了口，非常開胃的一道菜。馬拉盞炒通菜最後叫咗一碟炒通菜，通菜新鮮，而且馬拉盞野味，份量也大碟，真是飽上心口。

因為係我生日，朋友一早安排同我食呢間泰菜😍生蝦好好食！好新鮮！冇雪味🤤超爽甜！之後就係我最愛嘅燒豬頸肉喇！😍😍😍燒得剛剛好！一D都唔鞋口，好味呀😋🤤另外叫咗個菜 同 蝦餅！蝦餅份量夠多😍啖啖蝦肉👍🏻👍🏻個菜都唔錯！唔算好多油😋好食！最後加多個甜品，芒果糯米飯，我朋友自己帶咗個生日牌嚟😂😂😂同我慶祝呀😂好食！芒果甜，椰香味皇😍好好食😋😋😋唯一扣分係D位好窄，好迫😅

同同事係附近做完嘢 仲有一個鐘就冇堂食 想食泰菜同黃店 同事知道附近有間良心店 好彩又唔駛排隊 就拿拿臨入左去食個裝修非常泰式 仲有好多文宣同義賣Corner一坐底就即刻點菜 唔駛5分鐘就新鮮熱辣咁上菜蛋包鮮蝦金邊粉 $75一黎到賣相好靚 蛋邊焦香 夠曬鑊氣 氣味都好香 蛋包上面兩隻蝦都新鮮 入口彈牙金邊粉份量好大方 好似食極都唔完咁🤣 裏面都有炸豆腐干增加口感 調味偏甜 炒得都比較濕潤 如果個調味冇咁甜嘅話就會好啲 如果唔係就會食到最後幾啖比較膩 同埋鮮蝦得兩隻覺得如果可以多啲就好 始終$75我會expect多啲啲蝦肉不過味道唔錯 下次會再encore食多啲唔同嘅嘢👍🏻

係九龍城食泰國野，成街都係點簡呀😩#選擇困難症 唔洗怕，今次有介紹！呢間泰國菜貼合香港人口味，價錢相宜，份量都夠食。最鐘意佢既冬蔭功🤩，酸辣得宜又夠香，細份已經有6碗份量添。炒飯既調味亦唔錯，#識食一定加青咖哩 一齊食，望望下我又肚餓啦😋———🥗酸辣鳳爪沙律 $68🥘冬蔭功(小) $78🍚泰皇閣招牌炒飯 $90🥬泰東豬肉生菜包 $78🍲青咖哩(雞) $78🫓薄餅 $26🍋青檸沙冰 $32

疫情之後已經少左去街食飯，咁耐傍晚去左探朋友就順便喺九龍城食晚飯，竟然入咗去一間好有氣氛嘅泰國餐廳，一坐低姐姐就好熱情咁招待同埋介紹有咩好食..我哋叫咗幾款食物，上菜速度快，食物上枱嗰是熱辣辣有鑊氣！芥蘭炒鹹肉,平時泰國菜都係配椰菜苗居多，但芥蘭炒都好香脆，咸肉分量亦很多之後叫咗一個黃咖喱牛肉配蒜蓉法包，蒜蓉包點咖喱汁夠惹味，咖喱唔太辣，配法包甚至白飯都百吃不厭! 然後點了一個生菜包，泰國生菜包係我泰國餐必點的食物，餐廳有兩款生菜包一款比較辣一款比較唔辣，我都點了不太辣嗰款，配上爽脆的生菜，令人回味非常❤️最後我們點了半隻海南雞，雞茸質地唔會太鞋而且配上餐廳的海南雞醬，令味道更配合👍🏻我和寶寶都很喜歡呢間黃•泰菜店!

黎九龍塘食泰菜是常識吧，可能太耐冇出國實在好掛住泰國嘅風情，淨係食完飯周圍行吓，都好掛念依間餐廳好多人排隊，又💛，一定要去幫襯下。冬陰公湯 (小)－冬陰公湯細都有成個爐上，4個人飲都夠曬，唔太辣，最愛菇因為吸收晒啲精華炸蝦餅拼春卷－淨蝦餅同雙拼都係一樣價錢，我哋梗係食雙拼啦試多啲樣嘢吖嘛，蝦餅大件，有蝦味又彈牙，春卷多料炸到金黃又脆口原隻菠蘿海鮮炒飯－超級多海鮮，淨係睇表面真係睇唔出，一路食一路有驚喜，有蝦就基本野啦，仲有魷魚同蠔，炒飯好香，加上菠蘿，甜甜地泰式燒羊架 2件－兩件羊架真係好大件，又厚肉，泰式食法唔辣又入味芒果沙冰－鮮芒果打成冰，清涼解渴重點係免加一

畀個「武肺」玩足年半，上年大家瘋狂搶購，連廁紙都有炒價，今年冇得外出用膳，晚晚食飯盒，餸菜都變得難食⋯⋯約咗朋友嚟屋企閒聊飲酒，我哋4人，少少哋叫咗泰皇閣嘅到會，我哋揸車自取，大約45分鐘後先食，都擔心味道有變，咁老闆娘溝通後，佢就建議食 🥗柚子沙律、🥩燒安格斯配青檸辣汁，🥭芒果糯米飯，呢三樣食物質素應該冇咁快變。果然味道都仲keep 到，老闆娘好細心呀！有問有答，毫無架子。我哋4人，叫三人份量，飲吓酒，都好夠食，開開心心又一晚 1）柚子蝦沙律🥗 平時都係叫木瓜絲沙律，但老闆娘話我放成45分鐘先食，木瓜絲沙律易出水，建議試吓柚子蝦沙律，雖然用椰糖做，但配埋柚子酸甜又青香，唔會甜到漏嘅感覺。放咗成晚，沙律果然都係乾身，好好味！2）芒果糯米飯🥭好靚好精美，出面好多椰漿都係分開，但泰皇閣係會淋埋落去糯米飯上面，希望舊飯冇咁快乾身。我試過喺城南道鋪仔買現成盒裝芒果糯米飯，本身椰漿分開，飯係涼嘅，淋椰漿後D飯都唔會索到椰漿，飯已經偏硬。 （個袋椰漿係我另外要求，本身冇）3）燒安格斯配青檸辣汁🥩燒到7成熟，返到屋企仍然粉嫩，每片Angus都索盡辣汁，連埋半片青檸放入口，好豐富好正呀！無窮無盡泰國風

九龍城泰國味道餐廳。食物質量可以，環境好多人，位置都足夠。九龍城聖德勒撒醫院出返黎接近候王道附近街巷都有唔少餐廳。泰國菜式好多馬拉盞方面的青菜，肉類都會主要豬牛羊雞。今次主要系晚餐，不得不點泰國菠蘿炒飯。原隻菠蘿海鮮炒飯成個菠蘿上臺，起晒肉，系屬於留起菠籮作裝飯用具。整個鮮甜味道的泰式炒飯，菠蘿當然系新鮮，裡面還藏有鮮魷，菠蘿肉、臘腸、火腿、雞肉切粒，蝦仁或雞肉，雜豆等等，肉鬆同腰果同樣點綴了成個炒飯的味覺。馬拉盞炒椰菜苗酸酸甜甜，開胃小菜。其實都係用蝦仔類同廣東蝦醬發酵而成。通常炒通菜，芥蘭。今次有菜苗又可以試一試。另外飲品就啤酒試了一試系泰國啤酒singha，勝獅啤酒其實屬於百搭，可搭幾乎所有泰式料理。爽口，搭配之後上臺的炸蝦餅拼春。酸酸辣辣1惹味又夠喉。其實主打的餐牌內容都會在餐廳顯示。任君選擇。色香味俱全。

<地道泰國菜💛>~~🐟泰王秘製鰂魚沙律 $180呢個賣相真係冇得輸🤩 造型砌返一條魚嘅形狀 打卡💯呢個沙律功夫都幾多 將原條鯽魚起骨 再拎去炸🔥 中間魚塊食落冇骨啖啖肉☺️ 外皮亦都炸得好酥脆沙律🥗係青木瓜沙律 調味好惹味 加咗青檸同香茅 味道酸酸辣辣 食完好開胃😌.🥩燒安格斯牛肉 $90呢個都係餐廳招牌之一 但食落有少少失望🙊牛肉好老 燒得過晒火☹️ 有一啲邊位好靭😣但牛肉肉味幾濃 青檸味道亦啱啱好😌~~評分📈味道 7/10環境 7/10性價比 7/10

食過好多好多次，但都係咁值得推薦既泰國菜。九龍城本身就好出名泰國菜，但我最愛都係呢間！你見咁多人就知啦，舖頭細細，但就長期坐滿人，價錢合理，味道正宗。打開餐牌見到廚師推介，泰皇閣拼盤，即刻叫左一份黎食，點知原來咁大份＞０＜＂＂３層高，第一層係蝦片，脆口濃味，好有蝦味，第二層係酸甜鳳爪，都幾辣，鳳爪爽口彈牙，有小小酸味，超開胃！最低層係小食併盤，有炸蝦餅，炸魚餅，炸春卷，蜜糖雞翼，每樣都有４件，款款都有得試下，唔錯炸到金黃酥脆，外觀又靚，內裡又夠足料，值得一試！！另外仲叫左個青咖哩雞，叫多個白飯！青咖哩辣度岩岩好，獨特既味道只有青咖哩先有，通常叫雞肉，會比較嫩滑，咁好味既汁，當然要配返碗白飯，食到盡呀！！份量仲要唔細，食唔曬拎返屋企仲可以食多餐Tim。香港人既飯堂，一定要支持！！

在疫情下，我很久都没有出街食飯了。我見近日感染個案下落，所以约了朋友去九龍城泰皇閣泰國菜館試試。位置是在九龍城街市附近，在即將開通的宋皇臺站隔離，交通算是方便。在泰國菜館內，雖然座位不多，但坐得舒適。我六點半左右到，菜館內坐得差不多滿了。一進去，服務員就叫我們要掃瞄安心出行及測體温，做足防疫措施，食得安心。虾餅拼春卷（ ＄76），春卷內有粉絲，红羅白及木耳等，加上脆脆的皮，特別好味。至於虾餅是100％蝦肉，表面也炸得金黄入味。泰式燒羊架 2件（＄74）十分野味，味道濃而好食，燒得剛剛好，帶點羊的酥味，大大件。虾醬炒通菜 （＄64）濃郁的虾醬味,不太辣，通菜爽甜，配合得很好。蒜蓉包 （＄26）放咗蒜蓉在法包上，蒜蓉味好濃，法包烤得香脆，我朋友至愛。芒果糯米飯（＄55）糯米飯熱辣辣的，濃郁的椰汁不太甜。至於芒果也甜，只帶有一點酸。椰青 （＄33）椰青肉嫩，椰青水清甜，一般在超市難買到這種貨式。整體而言,這裏佈置很有泰國風格感覺，環境舒適，交通方便,食物味道也不錯，我們會不久的將來再次光顧。

個日去開九龍城做massage就順便去食泰國菜因為只有同朋友二人所以都唔夠膽叫太多但d份量好多都係食唔曬要打包！ 第一樣野要講既係呢個椰青 原本想飲芒果沙冰但賣曬所以姐姐推介我地飲椰青話今批椰青好靚本身平時會prefer 椰皇> 椰青因為椰青大部分味道都偏淡似溝稀左既椰皇水但今晚一飲真係超好飲好重椰味又夠甜飲完第一啖已經忍唔住想食佢d椰肉👍🏻👍🏻👍🏻冬蔭公海鮮湯 (小) $76味道上就同普通冬蔭公湯差唔多偏辣少少 （平時唔食辣既朋友都話可接受) 但呢個湯七十幾蚊黎講就好足料 海鮮有蝦、魷魚(爽口）、青口同蜆入面亦有秀珍姑同車厘茄起碼裝到5碗左右 好抵叫👍🏻明爐青檸蒸盲鰽 $180食落去酸酸地辣辣地幾開胃重點係條魚唔多骨魚肉唔算好滑但都好食底個到仲墊左椰菜放到最後食吸曬d汁好入味同好好食食到最尾好飽既時候先上呢個東北炸魚生菜包 $180但都照試試佢除咗生菜佢另外都比左辣椒粒，蒜同粉絲比你按個人口味夾住食d魚塊酥脆唔厚粉連埋個酸辣汁同生菜食一d都唔膩🙌🏻 整體黎講樣樣野食都好大份(岩4人)而且樣樣都好食下次會再黎試亦會推介朋友👍🏻👍🏻

農曆年後放寬了晚市，心情立即解放，於是約了朋友到九龍城嘆我最喜愛的泰國菜。聞說「泰皇閣」的口碑不錯，特到來一試。看過餐牌，便點了幾個喜愛的泰式菜嚐嚐。“黃咖哩牛”，咖哩是我到泰國餐廳必選的菜式之一。爽口而又帶點質感的牛肉，浸在香噴噴的咖哩之中，一入口已經非常醒胃，而且薯仔也很入味。“蛋包鮮蝦金邊粉”,招牌菜之一，一試果然名副其實。酸酸甜甜的醬汁，爽滑的金邊粉，再加上大大隻的鮮蝦和炒蛋，口感非常好，值得推薦。“燒安格斯牛肉（青檸）”,是廚師推介菜式。七成熟的安格斯牛肉切成片，上面放上泰式香料，肉質鮮嫩，香辣適中，入口令人回味無窮。最後來個東南亞特色甜品,“椰汁西米糕拼千層糕”,兩款糕點都有我最喜愛的椰香味，滿足了我在放寬晚市後的第一個晚餐。「泰皇閣」的水準不錯，而且免收加一，期待很快便再來試其他的菜式。

冬蔭功(小) $78蛋包鮮蝦金邊粉 $75-金邊粉賣相吸引👀加上炒得好香 上碟時都聞到少少香味金邊粉份量多 兩個人Share啱啱好！蛋皮煎得好薄 金邊粉食落幾煙韌同味道酸酸地幾開胃！-我本身幾中意飲冬蔭功湯 雖然中伏嘅多🤣但Keep住食親泰菜都會叫！呢度個湯都幾足料 仲好多菇🤣而且夠酸酸辣辣 係我飲過覺得好飲同味道夠濃嘅一間！-星期六就冇Lunch Set不過呢間係冇加一 同埋價錢適中 散叫都覺得唔算貴！不過散叫始終都係人多先可以叫得多款同食得開心啲 所以遲吓有機會約朋友過嚟先😆