泰濃麵 (樂道)

營業中

休息中

公司附近有間【泰濃麵】是一家以泰國船河為主題的餐廳。今次品嚐了卜卜蜆船湯河、海南雞飯、唐生菜配秘製腐乳醬、龍眼冰和柚子蜜。😍❤️卜卜蜆船湯河泰式船湯底更甜美，蜆肉鮮嫩多汁，配上彈牙的河粉，口感豐富。湯中還加入了新鮮的蔬菜和香料，充滿泰式風味，非常推薦🧡海南雞飯海南雞飯有正宗的香滑口感和味道。雞肉嫩滑，米飯蒸得香氣四溢，配上特製的醬汁，令人滿足💛唐生菜配秘製腐乳醬唐生菜配秘製腐乳醬夠哂開胃，唐生菜的脆爽與秘製腐乳醬的濃郁相融合，極之美味💚龍眼冰龍眼冰充滿粒粒龍眼果肉，非常甜美吸引💙柚子蜜熱柚子蜜的柚子酸甜和蜜的香氣結合在一起，味道柔和暖胃值得再去嘅泰式船河小店！🥰

呢度嘅船麵嘅種類都有好多，有豬肉雞肉牛肉，我就今次比較特別啲叫咗廣島蠔～ 廣島蠔脹卜卜，好肥美，有三大隻！船麵嘅湯底好濃郁，但又唔會話好鹹，飲完一啖都再繼續飲落去🫣炸芝士雲吞，呢個幾特別，脆卜卜嘅外皮入邊係軟腍腍嘅芝士🧀烚唐生菜配秘制腐乳醬~ 唔好睇小呢碟生菜，其實個腐乳醬先係個重點～ 腐乳醬唔會係死鹹，而係有香味，點多點少都唔會確喉嚨～夠健康幾好再加埋個原個泰國椰青 $48 呢啲椰青喺舖頭嘅門面已經擺咗一個陣勢咁樣所以都吸引到我嗌擺到上碟，成個椰青好大😵😵 飲落口好清甜，好適合食完船麵咁濃郁嘅湯底

快閃尖沙咀一轉，食左正宗泰式船麵，泰式拼盤，炸物新鮮炸起，脆卜卜，又好味道……嘆番杯泰式特飲，非常之有滿足感！#煙鴨胸船麵配船湯 ： 炸豬皮好脆卜卜，船湯濃而不咸……熱呼呼吃麵最開心……，蘿蔔甜爽……最有趣是有條秋葵……很有新鮮感！#泰式小食拼盤（炸蝦餅，炸雞翼，炸芝士雲吞）：炸物新鮮炸起，脆卜卜，又好味道……#炸蝦餅：軟綿綿又有啖啖肉……很香蝦肉味！#炸雞翼：炸起雞翼真係冇得輸……一定要炸起就立即吃，好味道……皮肉分開，好正！#炸芝士雲吞 ：第一次吃有芝士脆雲吞……口感內外脆內軟！#泰式蝶豆花 ：幾時飲蝶豆花都很有清新怡人感，解渴之選。#泰式香茅斑蘭梳打梳打#泰式香茅斑蘭梳打梳打 ： 第一次飲香茅斑蘭梳打，更加清新及解膩之感，濃濃的香茅加點斑蘭，比例剛好，梳打水配什麼配料都很可飲，推薦！嘆番杯泰式特飲，非常之有滿足感！

第一次來到這家♥︎泰濃麵♥︎，中午路過這泰濃麵，被這店的船麵吸引便來試一試。這家店的麵看起來頗地道，我們二人同行，選了一碗安格斯牛肉船麵和一碗黑豚船麵，還有炸雞翼，船湯底非常濃郁很香很夠味道，船湯底內有炸豬皮，豬油渣，秋葵，白蘿蔔等等配料，安格斯牛肉真係非常嫩滑，口感一流，好有牛肉味道，可惜分量比較少。這家店雖然面積不算大，但裝修也算特別，環境也十分企理，整體感覺不錯，坐位寬闊，而且環境不算嘈，非常享受進餐。

呢間船麵好耐之前食過，嗰時新開張無耐，同舊同事喺附近做完嘢試吓，當時覺得味道都唔錯～ 呢日喺尖沙咀諗緊食咩好嘅時候search到，於是再encore ～呢間店舖位置都方便，正正喺iSquare後面街，容易搵到，喺地鐵站行上去都近～叫咗碗 #頂級美國肥牛 #船湯 #黃麵 （$72）個湯底好濃，我覺得得都拍得住泰國食嗰啲，唔錯，不過價錢就唔似泰國🤪。佢仲跟咗舊白魚蛋、蘿蔔、炸豬皮、秋葵，份量都幾足，賣相又唔錯～

今晚喺尖沙咀 iSquare 睇戲，時間唔喺好充裕就近近地係樂道揾間舖食少少野。我地就撞手神入咗“泰濃麵”食泰國船麵，估唔到味道很好性價比幾高。湯底方面可以揀冬陰功，船湯或者清湯。麵嘅選擇都好多，可以揀河粉，金邊粉，黃麵同薯粉或者湯飯都得，任君選擇。我同朋友都不約而同地揀左船湯配黃面。72蚊仲可以配搭多一個餸。我就揀左肥牛，朋友揀左豚肉，兩個都很不錯。船湯味道濃郁，無好重味精，同黃麵好夾，而且仲有原條秋葵，泰式魚旦等等，食落都好丰富。我地仲嗌炸蝦餅$49，每件都大大件，入口每一啖都有滿滿的蝦膠，點埋泰式辣醬無得輸。我就加多左一杯龍眼冰 $28少甜少冰。睇相都見到有海量嘅原粒龍眼肉，又有得飲又有得食。鍾意麵食嘅朋友有時食嫌咗米線等等，不妨試下呢個選擇。

尖沙嘴惹味泰式船麵🍜 餐廳裝修有d 懷舊感覺，餐牌方面可以自選湯底、麵條、配料！另外仲有唔同小食同埋飲品可以選擇👍🏻今次試左兩碗船麵，分別係黑豚肉($72)同埋頂級美國肥牛($72)船湯味道好濃郁，配搭有咬口嘅薯粉一流！除左肉之外，每碗麵都有魚蛋、白蘿蔔、秋葵🥰非常足料👍🏻 除左船麵之外，仲試左佢個小食拼盤($78)，性價比幾高！雞翼好juicy，炸蝦餅外脆內彈牙，炸芝士雲吞都幾有趣，其實就係炸芝士片🤣 飲品就試左龍眼冰特飲($28)，味道清甜，入面有好多龍眼肉🤩

今晚去I square 買嘢順便係附近搵下有咩好食，最後揀咗呢間「泰濃麵」。餐廳主打正宗泰北風味船麵同冬陰湯麵。餐廳環境裝修新淨企理。食客都多，等咗一陣先有位。🔸 卜卜蜆冬陰功湯薯粉麵。 $92冬陰功湯辣度，酸度啱啱好，味道濃郁，辣中帶酸，非常開胃，配料有蜆、鮮蝦、山葵，蟹柳肉，鮮甜美味，超讚！😍🔸 黑豚肉金邊粉船湯。 $72黑豚肉金邊粉配料有炸豬皮、秋葵、蘿蔔等等。船湯底源自泰國北部一種喺河道上販賣嘅船麵，店員話佢哋嘅船湯用豬肉熬製，味道香濃，食嘅時候有八角嘅香味🧉原隻泰國椰青 $48🧉泰式青檸梳打特飲$28 新鮮清甜，爽👍！

🐮頂級美國肥牛船湯河 $72肥牛船湯河散發出濃郁牛肉香氣肥牛片嫩滑多汁 搭配上嫩滑口感而且份量麵好多 非常滿足😌仲有白魚蛋+泰式炸豬皮加持更加正🤤湯底濃郁鮮美 但唔會過分油膩帶有濃郁牛肉風味 味道賣相俱佳加上增添風味嘅炆蘿蔔+青辣椒🫑讚‼️🐚卜卜蜆冬陰公湯金邊粉 $92湯金邊粉散發出清新嘅海鮮香氣金邊粉條煮得有嚼勁 吸晒啲湯汁😋😋配上5大隻新鮮蜆肉 鮮甜又冇沙仲有彈牙爽口嘅大蝦🍤/青口/菇🍄等湯底以冬陰公等海鮮熬煮而成偏甜帶點微辣 令人胃口大開絕對能滿足海鮮愛好者嘅味蕾🐔炸雞翼 $39雞翼炸得金黃酥脆 外層酥脆 內裏嘅肉夠晒多汁 夠晒滋味啦☺️☺️🍹泰式龍眼冰特飲 $28龍眼果肉鮮甜多汁 搭配上冰涼飲料飲料帶有淡淡甜味 非常適合夏日飲用 👍🏻

📍「泰濃麵」- 尖沙咀今次食食食之旅黎到尖沙咀😌好耐無食過泰國野lu～今日行街行到攰，就同👦🏻入咗間專食泰式船麵嘅餐廳，估唔到又幾有驚喜喎❗️📷餐廳位於尖沙咀I Square 隔離，地點非常方便😀餐廳裝修係港式風味帶點泰國裝飾，幾特別😌🍴日本廣島蠔/船湯/薯粉💰HK$99✨推薦指數：7/10呢度有三款湯底選擇，分別係船湯、冬陰功湯同清湯，麵底亦都有四款，分別係河粉、薯粉、金邊粉同黃麵，主打嘅船麵配薯粉😛本身嘅配料有4粒日本廣島蠔、魚蛋、炸豬皮、芽菜、蘿蔔同秋葵，份量唔多勝在種類多😆廣島蠔都幾大粒，不過唔算好入味，蘿蔔就入味好多😗豬皮炸到好脆口，魚蛋都幾彈牙😌船湯湯底幾濃郁，鹹度適中，聽講用咗超過20種材料熬製而成，無加任何味精🤗薯粉食落煙煙韌韌，但相對無咁掛汁，建議揀返其他吸汁啲嘅麵底🤣🍴卜卜蜆/冬陰功湯/金邊粉💰HK$92✨推薦指數：8/10卜卜蜆有大約6-7粒蜆肉、青口、大蝦做配料，都幾多種類😗蜆肉無沙，大蝦用咗新鮮蝦👍🏻今次揀咗冬陰功湯配金邊粉，估唔到個冬陰勁湯咁好飲，酸酸辣辣好開胃😍金邊粉幼長扁身幾掛汁，如果份量再多啲就更好🤤🍴龍眼冰💰HK$28✨推薦指數：8.5/10龍眼冰飲落

【🇹🇭泰濃麵｜芫荽控🌿簽到😂】近期煲開泰劇又睇見啲朋友狂飛曼谷，搞到我都心思思，但未有假期嘅我暫時留港搵食都成日有驚喜㗎！今日去到一間泰式船麵店，嘩！勁震撼嘅場面呀！🫨🫨🫨身為芫荽控嘅我，跟！打打卡簽簽到😬食咗咩🌿芫茜山（300g)真名嚟架，真係300g芫茜堆滿一大湯碗🥣，底下有黃麵，仲有青口、鮮蝦、菇、秋葵等配菜。有最多人鍾意嘅船麵湯底，我點咗冬陰功湯底，酸酸地又唔算好辣。食嘅時候我將芫茜都浸入熱湯中，好快就半熟，我加咗少少魚露吊味，想食辣啲仲有泰式辣椒粉可以加。芫茜連埋湯麵食，真係啖啖都好清新！🌿龍眼冰特飲泰國名物，我好鍾意龍頭冰嘅清甜，呢間餐廳嘅龍眼冰仲有成半杯龍眼，大滿足！🇹🇭泰濃麵 (尖沙咀) 📍尖沙咀樂道7號嘉樂大廈地下A舖#泰濃麵 #銅鑼灣 #船河 #船麵 #SiamNoodles #ThaiNoodle #尖沙咀 #泰國菜 #香港美食 #尖沙咀美食

岩岩係泰國🇹🇭番黎仍然好掛住佢啲嘢食所以今日黎食船麵🤭⭕️ トト蜆船湯薯粉湯底選擇有三款 (船湯/冬陰功湯/清湯)我哋今日揀咗船湯 湯底非常濃郁😍但又唔會過咸 好惹味😋卜卜蜆都幾大隻 同數量都唔少配料仲跟配秋葵/蘿蔔/魚蛋/芽菜/炸豬皮 非常豐富👏🏻⭕️ 頂級美國肥牛船湯薯粉另外一款係美國肥牛 食落重牛味 幾唔錯👍🏻薯粉比較幼身 軟硬度適中個人第一次食炸豬皮 好有驚喜😍 煙煙韌韌咁 浸埋落湯度索下湯仲正😏另外叫咗兩款泰式特飲⭕️ 泰式香茅班蘭梳打特飲 第一次試香茅梳打 估唔到效果都唔錯幾易入口 ⭕️ 泰式青檸梳打特飲青檸梳打比較常見 飲落清新而且梳打水都幾大樽 refill哂有大約杯半份量👏🏻

><落完單好快有得食好正用返合十🙏🏻 Sawasdeeka作推薦emoji頂級美國肥牛金邊粉配船湯(72)麵款湯底都有得揀 金邊粉很掛湯 湯頭濃郁食完唔口渴泰色海南雞飯(69)海南雞已經去骨 所以啖啖肉炸魚餅(39)九層塔味較出 魚餅厚身有彈性仲有幾塊大大片蝦片香茅斑蘭梳打(28)清爽解渴之選熱薑蜜(18)個底有成1/4都係薑粒 唔怪得飲完個胃好暖好舒服><><><><><><><><><><泰濃麵尖沙咀樂道7號嘉樂大廈地下A號舖

呢排好似比較多係尖沙咀出沒，早兩日又係Isquare行完街搵野食，行行下入左呢間泰濃麵醫肚#泰式海南雞飯-d雞岩岩熟，保留住最鮮最嫩最多肉汁，仲可以點佢個甜酸醬，增加多d風味，飯就係標準油飯，無欺場👍🏻#卜卜蜆船湯金邊粉-我朋友話有少少辣，我就覺得好輕微，反而仲惹味，卜卜蜆好新鮮，店家都算幾大方，比左大約10隻，蜆肉幾鮮甜，伴碟有一堆炸豬皮，浸下湯，又軟又脆既口味好豐富#炸芝士雲吞-呢個有驚喜，唔好以為係普通炸雲吞咁，芝士內餡炸完無變硬，反而留有水份，外脆內軟，一定要點佢個甜酸醬，好好味，力推#烚唐生菜配秘制腐乳醬-最好餐餐有菜，所以菜類唔少得，不過腐乳醬配唐生菜就好似少見d，幾特別

係isquare行完街，出到到附近就見到呢間泰國餐廳，主打泰式粉面! 呢到可以自己簡配料，有卜卜蜆，有安格斯牛肉等等，感覺都係偏高級少少既食材! 湯底有3款，有船湯，有冬陰公，有清湯。雞髀肉 金邊粉 船湯雞髀肉份量比得好多，而且唔會乾柴。其實成配粉都好大碗，金邊粉吸曬湯汁，好好食。船湯味道好濃郁，有少少帶甜，仲配埋豬皮同埋羅勒食，更加香口。而且仲有墨丸，好多配料。肥牛 冬陰公湯河冬陰公湯比較辣，酸味都突出，岩偏重口味人士😍 配料仲有海鮮，有蝦 、 青口等等。肥牛片唔係平時打邊爐個d黎架，食落比較重牛味！蝦餅仲有蝦片附上，上台時熱辣辣。