泰樂小排檔

營業中

休息中

今日去左油麻地食泰國菜，呢到雖然位置唔算多，不過坐得都OK舒服。就算星期六日都有lunch set，好抵食。一坐底會有湯上，係胡椒味好重既雞湯。呢到既份量嚇親我! 每碟都裝到勁滿! 香葉肉碎蛋飯呢到既肉碎係偏乾身個款，唔會太濕，感覺好正宗。肉碎好惹味，唔會過辣，好岩香港人口味。香葉味道都好突出，食呢個會令我係咁食飯! 蛋係太陽蛋，撈埋蛋汁食真係一流。泰式香茅豬扒飯豬扒預先切好，所以好易口咬。豬扒煎到好香口，煎到有炸皮既口感。香茅汁淋上豬扒到，個汁酸酸辣辣好好食，好開胃。口另外跟餐加左炸雞翼，先$15， 雞翼炸得香脆熱辣辣。朋友叫左泰式黑咖啡 ， 平時出去飲親都係偏甜，但呢到staff有問洗唔洗走甜，好貼心!

✨ 泰式燒牛肉 $88🔥 必食招牌菜！牛肉燒得恰到好處，外層微焦脆口，內裡保持粉嫩多汁。特調泰式醬汁酸辣開胃，口感層次豐富到爆燈✨泰式炒通菜 $58🥬 鑊氣十足！通菜翠綠爽脆，用蒜片同辣椒爆炒，簡單卻極具泰國街頭風味。微辣程度啱啱好，係解膩最佳配菜🤞🏻✨醉貓炒河 $98炒得好有鑊氣，河粉好彈牙炒得好入味，加埋肉碎同埋鮮蝦炒好香口，仲有大量蔬菜配料，絕對推薦！✨Happy Thai排骨船麵配金邊粉 $88🍜 湯底濃郁到令人感動！用豬骨同多種香料熬製，配上軟嫩排骨、肉丸同炸豬皮。金邊粉吸盡湯汁精華👀✨泰式奶茶沙冰 $38🧋沙冰打得細緻綿密，唔會死甜👍🏻✨泰式蝶豆花梳打特飲加青檸 $28💙 打卡必點！天然蝶豆花嘅夢幻藍色，味道清新微酸，係解辣神器！由街頭小食到經典主食都做得相當出色，價錢合理，味道正宗，絕對係香港難得一見嘅高質泰國菜！

沙嘩Dee卡!!!今日同男朋友出黎拍拖，口旱旱咁想食啲開胃嘢，見到間泰國菜，性價比好似幾高所以入左去試一試佢。上openrice見到店鋪推薦既一道主打，香葉炒泰式脆腩肉，梗係要試一試，豬腩肉脆卜卜，九層塔辣椒等香辛料混和一齊既香氣，令人食指大動！食肉獸嘅我哋仲嗌咗泰式燒牛肉，牛肉軟腍滑溜，一口size方便食用，切面仲可以見到性感既粉紅色，尼個熟度啱啱好，dip埋個魚露汁，風味up up up!男朋友就最鍾意食pad thai，去泰國餐餐都食嘅，面條煙韌彈牙，甜甜酸酸既醬汁非常之開胃，同去食泰國食嗰啲有得揮，我都偷食咗幾啖。蒜蓉炒通菜爽脆新鮮，炸蒜有香氣，生蒜培滋味，食完咁多脂肪落肚，就整啲草當係自我安慰啦。加多杯淡淡斑蘭味既珍多冰，好好食嘅一餐，老土都要講句「泰」好「椰」！喺地鐵站隔離咁就腳，又唔使加一，又好食，下次經過都會再嚟！

買咗年底嘅機票去泰國，仲要等多成大半年先可以返家鄉🥹BFF知我好鍾意食泰國野，即刻send咗佢公司附近一間新開嘅泰國菜「泰樂小排檔」比我，佢話平時成日都去食lunch，趁住今日收工晏我就買咗外賣返屋企食😋泰式椒鹽脆腩肉必食招牌菜👍🏻滿滿一大盒嘅炸腩肉，裏面加入咗大量炸蒜、紅椒、青椒同香蔥，一打開個盒香氣撲鼻，每件腩肉肥瘦均勻，外皮脆卜卜勁香口，炸過之後一啲都唔會覺得肥膩，最啱就係用黎送啤酒🍺炸蒜再撈埋啲白飯真係令人食唔停口😋泰式燒豬頸肉外焦內嫩，爽口又唔乾身，火侯啱啱好，配上泰式甜酸醬就更加惹味香葉肉碎煎蛋飯（豬）正宗嘅泰式風味，鑊氣同份量都十足👍🏻我揀咗豬肉碎去炒，裏面加入金不換同辣椒去提升香味，辣辣地送黎用送一流，上面仲鋪上一隻燶邊糖心剪蛋，用蛋黃撈落米飯，再加上咸鮮香辣嘅肉碎，Prefect match👍🏻泰式炒金邊粉（虎蝦）大大盒我可以分到兩餐食，一打開有兩隻虎蝦鋪喺上面，鮮甜入味，甜甜酸酸嘅金邊粉彈牙有韌性，再加入芽菜、豆乾、花生碎令口感更加豐富，呢度嘅外賣真係抵食夾大件👍🏻📍泰樂小排檔 (油麻地)油麻地東方街8A號地舖人均消費：$100-200食物：⭐️⭐️⭐️⭐️⭐️環境：⭐️⭐️⭐️⭐️

呢間泰國餐廳喺油麻地地鐵站附近非常就腳午市套餐$58起抵食夾大件午餐有湯同熱肉送CP值好高-🔸泰樂雞配油飯($58)油飯粒粒分明唔會太油膩入口充滿椰香味！面頭鋪滿大大件雞肉認真充料抵食🩷雞件去骨入口嫩滑兼啖啖肉🔸泰式炒金邊粉($62)好大碟份量都幾多！金邊粉炒得酸辣香口可揀配搭雞/蝦雞肉大件軟腍幾好味😋🔸炸蝦餅（2件$18）香脆彈牙好香口外層炸粉金黃薄身讚👍🏻🔸豬肉串燒（2串$25）每串都幾大塊啖啖肉配搭沙嗲醬好惹味🔸凍泰式奶茶(+$8)唔會太甜奶味比較重但都飲到泰式奶茶獨得嘅茶香🔸椰青（$28）清甜解渴椰肉輕輕一刮就食到

今日朋友說想吃泰國菜，於是我們便來了這餐廳吃飯。泰式炸蝦餅（$68）：泰式炸蝦餅外層金黃酥脆，咬下去時能感受到鮮蝦的彈牙口感，餅內的蝦肉和香料混合，令整體風味層次豐富。香葉牛肉碎煎蛋飯（$88）：香葉牛肉碎煎蛋飯是一道充滿風味的家常菜，將香葉的清香與牛肉的鮮美結合，搭配煎蛋的滑嫩，讓整道菜色既有層次感又十分可口。牛肉的咸香與香葉的獨特氣味相輔相成，帶來令人愉悅的味覺體驗。香葉的加入使得整道菜增添了清新的香氣，適度的香味提升了牛肉的風味，讓人每一口都充滿驚喜。煎蛋外層微脆、內部柔軟，與米飯和牛肉碎搭配時，增添了一份滑嫩感，讓整個口感更加豐富。泰式炒金邊粉（蝦）$88泰式炒大蝦金邊粉具有酸、甜、鹹、辣的平衡感。蝦的鮮味與調味料的結合，能讓人一口接一口。大蝦肉質鮮嫩，搭配吸收了調味的金邊粉，口感十分可口。食材的新鮮度直接影響最終的味道。金邊粉的柔韌和大蝦的彈牙相互輝映，讓這道菜在口腔中產生多層次的口感。加上香菜、豆芽等配料，增加了菜品的脆感和香氣。

去旺角行街經過呢間細細地嘅餐廳，咁啱我哋想食泰國嘢就入咗去食。叫咗一個泰式鹹肉炒菜，咖喱軟殼蟹同埋一個椰汁雞湯。泰式鹹肉炒菜超級惹味，淨係一碟菜已經可以送到三碗飯。咖喱軟殼蟹整得好正宗，成個咖喱汁好香蛋味同埋好濃，我哋仲叫咗蒜蓉包點啲咖喱汁食。椰汁雞湯好大碗，差唔多係四人份量，我哋兩個人係食唔晒嘅，但係佢都整得好正宗，有椰香又有少少酸味，好好飲。我見佢哋仲有好多碟頭飯同埋碟頭炒粉麵，下次經過可以買外賣返屋企食。

途徑油麻地東方街，有家開了不久的泰國菜，與孩子5:30提早吃個晚餐，原來餐廳5:45前還有午餐同時可以點晚餐。 我們點了午市套餐的牛肉船麵包熱飲一杯還奉送冬瓜湯，船麵很好吃，牛肉生熟度恰到好處，湯底味道相當豐富。 另外我們叫了一個青咖喱雞、蒜蓉包、再追加一個泰式鳳爪沙律，孩子超級喜歡蒜蓉包，蒜蓉包加咖喱實在不得了。 性價比很高，菜單實在太多吸引的菜色，下次必須再來。 聽店員說，餐廳有預訂菜單，大夥兒訂座時可以問問店員。

復活節有幾日假期， 約左朋友出去旺角行街食飯。餐廳係油麻地，主打泰國菜。我哋叫左幾款食物, 泰式冬蔭功湯, 材料豐富, 有兩隻大蝦, 秀珍菇等蔬菜，有非常多香料，味道酸辣濃郁, 十分開胃。泰式排骨湯麵，排骨份量好多，炆得軟腍入味，湯底濃郁。泰式炒金邊粉, 金邊粉炒得乾身唔油膩, 口感煙韌, 大蝦爽口, 加入芽菜, 蝦米, 豆乾等配料等, 酸辣開胃。另外, 泰式蝦餅炸得香脆, 蝦肉好彈牙，配埋泰式辣醬食，十分惹味。最後叫左泰式檸檬茶，甜度適中，茶味香濃。

原來旺角YMCA 附近有間泰國人主理的泰式小店，店舖不大，但很有親切感😙😙午市套餐都幾多選擇，亦可追加小食🤤🤤泰樂雞配泰式撈麵…..初頭以為係海南雞，但原來不是去好多配菜又有紫洋蔥，炸豬皮等所以整個撈麵出來嘅味道好好味，而且雞件亦都唔少份量😙😙香葉肉碎蛋飯….個肉碎炒得好香口好惹味配飯一流！追加小食蝦餅即時炸香脆美味春卷亦都可口！個芒果糯米飯芒果份量唔少👍糯米飯夠煙靭👍個蝶豆花柚子梳打甜度適中不錯！

今日終於去咗位於油麻地嘅泰樂小排檔嗰度食嘢，聽個名就知道係泰式嘅大排檔，充滿鑊氣小炒同埋泰式美食，而且最難得嘅係價錢一啲都唔貴泰式鳳爪沙律 (ขาไก่) - $58這道沙律的鳳爪經過精心醃製，搭配新鮮的生菜、番茄和香菜。味道唔會太辣，淋上泰式酸辣醬，味道酸甜適中，既開胃又清爽🥗冬蔭功雞湯 (ต้มข่าไก่) - $98檸檬草、香茅和南薑熬製而成，湯底香氣四溢。裡面搭配了鮮嫩的雞肉、蘑菇和香菜，味道層次分明，酸辣的口感讓人回味無窮。湯嘅份量亦都非常之多，大概有五六碗。👍🏻👍🏻炒通菜 (ผัดผักบุ้ง) - $58所有炒菜都可以揀蒜蓉，泰式，蝦醬味道，我哋揀咗泰式，炒通菜選用了新鮮的通菜，搭配蒜蓉同埋泰式豆醬爆炒，保持了菜的原汁原味。🥬Happy Thai 排骨船麵嚟到今餐嘅重頭戲，排骨經過慢煮，肉質非常嫩滑，位置係類似火山骨嘅豬脊骨。搭配特製的甜醬和香料，可以選擇搭配金邊粉或米粉，而且仲有豬皮同埋豬肉丸等等，讓整道菜的味道更加豐富，十分滿足！🍖

泰式燒牛肉：牛肉味幾香，斜切食落有口感，配上泰式醬酸酸甜甜非常開胃。燒雞翼：現成即燒，熱辣辣沒有過多嘅調味，配上香茅，簡簡單單味道已經好唔錯，外皮焦香。豬肉金邊粉船面：湯底好香牛味，睇色水都知道足料，金不換令湯底更添層次。肉片好淋滑，加上肉丸，口感豐富。頗有驚喜。通菜炒泰式脆腩肉：脆腩份量唔少，薄切口感更佳，尚算香脆。通菜十分香口，落左唔少嘅馬介休醬，非常惹味，配埋脆腩食非常匹配。冬陰功媽媽麵：冬陰功湯底幾香，有唔少嘅香茅，湯底酸中帶甜配合香港人嘅口味，虎蝦大大隻非常有誠意，連埋媽媽面一齊食非常滿足，麵條充分吸收咗湯底嘅精華。凍泰式青檸茶：泰式茶底非常香濃，加埋青檸口感非常清新，有解油及油膩嘅作用，微甜而唔會搶走咗茶底嘅香味，必定要試下。

今次同朋友嚟到油麻地食咗一間泰國菜，一入到去環境好有泰國風味。我同朋友叫咗幾樣菜式，想推介俾大家。泰式炒雜菜呢道菜真係色香味俱全，雜菜炒得剛好，保持咗鮮嫩嘅口感，味道好正，仲有一啲泰式香料，加上有少少辣，食起上嚟又好過癮。蝦醬炒通菜蝦醬炒通菜就係我心目中嘅首選。蝦醬嘅香味同通菜嘅清脆感完全結合，有種特別嘅鮮味，炒到啱啱好，食落去真係好開胃！泰式炒金邊粉（蝦）呢碟炒金邊粉真係令人一試難忘，大蝦肉嘅鮮甜，粉條炒得夠入味，加上泰式調味，味道豐富，真係好過癮，簡直係泰菜粉絲必食嘅一道菜。Happy Thai 排骨船麵配金邊粉呢個組合真係無得輸，排骨肉質嫩滑，味道非常入味，而金邊粉就同樣吸咗肉汁，食完講真唔想停手！香蕉薄餅薄餅外脆內軟，啲香蕉味道香甜，食完非常滿足，亦係完美嘅甜品選擇！泰式奶茶（凍）呢杯凍泰式奶茶，奶香濃郁，茶味唔會太重，賣相亦都好吸引。柚子蜜（熱）呢杯熱柚子蜜暖暖地，喝落去既香甜又醇厚，啲柚子味道清新。

想食正宗泰國菜都唔一定要去九龍城嘅，無意之中發現喺油麻地新開咗一間由泰國人主理泰菜小店「泰樂小排檔」。餐廳的裝潢簡樸，讓人仿佛置身於泰國的街頭小吃攤，而且食物價錢相宜，份量十足，性價比極高👍🏻我哋叫咗幾款店員推介美食同泰式特飲，食完真係飽到要捧住個肚返屋企😆😆泰式椒鹽脆腩肉脆腩肉其實同港式燒腩仔相似，用上泰式風味配合到好處嘅椒鹽調味快炒，雖然燒腩仔較為乾身，但係相當惹味，用嚟送飯作為下酒菜，真心一流👍🏻蒜蓉炒通菜炒通菜可以揀蒜蓉/泰式/蝦醬等口味，我哋就揀咗唔辣嘅蒜蓉炒通菜🤭炒通菜相當有鑊氣，配合大量蒜蓉炒製而成，仍然保持通菜嘅爽脆度，真係有大排檔嘅風味😎香菜肉碎煎蛋飯哩道菜係店員私心推薦之選，上枱後首先被份量之大嚇親😆燶邊太陽蛋嘅蛋黃相當吸引🤩直直劃開蛋黃做成流心效果，搭配香菜和肉碎一齊食係絕妙組合。香葉炒肉碎辣度唔算高，配合泰式香料一齊烹調十分惹味，讓人忍不住想要多吃幾口，快速清碟🤭泰式炸蝦餅手打蝦餅用料十足，炸蝦餅外脆內嫩，蝦餅超級彈牙仲會食到蝦肉，搭配特製的醬汁💯，適合與朋友分享。飲品方面，我就選擇了「泰式碟豆花青檸🍋‍🟩梳打特飲」。這款飲品色彩繽紛，清新的青檸與碟豆花的搭配，

近期光顧了泰國人主理的泰樂大排檔，店內裝修簡潔，有泰國大排隊的風格！我點了幾樣經典菜式，包括燒雞全翼、Happy Thai排骨船麵配金邊粉、泰式大蝦炒金邊粉，以及泰式椰子雞湯。價錢抵食燒雞全翼兩大隻漲卜卜的燒雞全翼外皮焦香，肉質鮮嫩多汁，表面像有小小咖喱粉醬汁的調味。惹味！Happy Thai排骨船麵配金邊粉這道排骨船麵的排骨燉得非常入味，肉質軟滑，湯底濃郁而不油膩；第一次食唔係辣的火山排骨；金邊粉的口感也很滑順，吸收了湯汁的精華，讓每一口都充滿風味。而且配料勁足，好多炸豬皮！泰式炒大蝦金邊粉小炒穫氣十足，金邊粉煙煙韌韌，風味十足！ 泰式椰子雞湯最後的泰式椰子雞湯則是一道必試的經典。椰漿的濃郁與香茅、南薑的香氣交織在一起；而且泰式有點酸酸辣辣，讓湯品充滿層次感。雞肉煮得軟嫩，整體味道既清新又令人回味。