泰樂小排檔

今日收工又叫男朋友陪我去食我好鍾意嘅泰國菜 今個月都仲未食～😼呢間泰式餐廳好似新開冇耐有朋友食過介紹 我見幾抵食 所以試吓小店嚟講 位置都算幾多 環境都新淨整齊叫咗2人餐 再加船麵(主要係男朋友想食😂)結果係食到好飽好飽 仲要食唔晒🤣原本諗住食飽晚飯去食雪糕最後太飽雪糕都冇食😆2人餐幾抵食 而且份量超級足!!絕對夠飽!!前菜: 泰式鳳爪沙律鳳爪沙律酸酸地 超級開胃無骨鳳爪啖啖肉😍主食: 黃咖喱軟殼蟹 原本我哋係想食脆腩肉 不過是日已售罄唯有下次再過嚟試🤣 由於係咖喱嘅關係 我哋加咗份薄餅配嚟食軟殼蟹炸得啱啱好 唔會偏油 配埋咖喱汁食 正個咖喱汁好濃郁 味道好香😌 泰式乾炒河粉(雞肉) 超級好食嘅炒河粉!! 係今餐我覺得最好食嘅😋除咗雞肉 炒河粉嘅配料好多 有我最鍾意嘅粟米芯食落口感層次豐富😙😙河粉非常煙靭 鑊氣十足 好入味!!甜品:香蕉薄餅 呢個香蕉薄餅同我想像中有啲唔同我以為係泰國夜市嘅嗰款但係佢就比較似平時嘅薄餅 比較厚身配埋香蕉 煉奶 超好味🤤另外我哋加咗個船麵(揀咗肥牛)船麵份量好多 上枱勁滿😍個湯底超級濃郁 不過我就覺得偏鹹但係我個人好鍾意佢嘅金邊粉食落唔會太腍比較煙靭爽口😳飲品方面 我就揀咗椰汁沙冰唔係太甜 淡淡嘅香味 係我鍾意嘅味道 口感比較綿密～食物整體味道都幾好😌👍🏻份量都算多 如果2個人食 就咁叫套餐都夠食～…查看更多

突然老婆話後晚約咗朋友食飯，咁得番一支公，就當然乘機搵老友出嚟食飯聚一聚。老友發辦，搵咗呢間晌東方街嘅「泰樂小排檔」，真喺唔嚟唔知，呢條街可謂旺中帶靜，而老友話佢哋啲菜式都特別，比較家庭式經營，值得一試。餐廳環境唔大，小弟就未去過泰國，所以，唔知當地啲「大排檔」喺點樣，但呢度嘅觀感就好有種大眾食堂嘅感覺，最特色喺地下嘅花磚同牆身嘅牌仔裝飾，有啲懷舊風。食物選擇，一張A4呎吋餐牌就羅列晒所以菜式，由沙律、香脆小食、惹味時蔬、泰式咖喱、泰樂招牌菜、泰式湯品、泰式粉麵、泰式甜品……等等，可謂麻雀雖小，五臟俱全，夠多樣化。飲品方面，除咗一啲港式飲品之外，就仲有多款特色沙冰同泰式飲品。本來好想飲沙冰，但今晚竟然無，都唔緊要，泰式特飲都有好多選擇。順帶一提，呢度唔收加一架，讚！泰式蝶豆花梳打特飲加青檸 $28、泰式龍眼冰 $28近來天氣酷熱，先嚟兩杯凍飲。朋友未試過蝶豆花喺乜嘢嚟，就試試看。其實蝶豆花無咩味，但亮點喺倒落梳打度會變成紫色，令賣相變得夢幻漂亮，加咗新鮮青檸汁，佢就話入口好清爽。小弟就稍稍偏愛龍眼冰，貪其清潤，而一邊飲住凍飲，一邊食住啲辣嘢，喺幾過癮。泰式豬頸肉生菜包 $88平常會揀個泰式沙律嚟先開開胃，今見有生菜包喺配豬頸肉，反而想試吓佢。從餐牌所見，佢都已有個火焫焫標記，原來，又真喺幾有辣勁，但包咗生菜食，就幾有減辣效果，再者，啲豬頸肉似用燒烤方式製作，有焦香感，切得厚薄均一，口感爽爽哋，又帶有少少油脂香，別具風味。虎蝦青咖喱 $128+薄餅 $20向來泰式咖喱都有一手，又紅、又黃、又青，亦討唔少人歡心，配虎蝦，再襯一份薄餅就最好不過。啲咖喱汁推得真喺幾唔錯喎，辛辣唔嗆喉，又滲出微微香料味，啲虎蝦食落好爽口，喺嫌份量唔多食得唔夠喉；咖喱內仲有啲豬紅同豆角，而薄餅本身做得好有牛油香，再沾上咖喱當然更加好食。Happy Thai 排骨船麵配金邊粉 $88用得店名作為菜式起頭，必然喺招牌嘢，單睇名字以為就咁喺碗排骨湯粉，嚟到先喺有種震撼感，大大嚿火山排骨實在夠霸氣，再伴有好多炸豬皮，立時變得好泰式，此外，仲有啲肉丸、通菜，喺一道非常豐富嘅湯粉。而排骨好好味，肉質鬆化，豬皮嗦滿湯汁，好食，再者，湯頭濃香不膩，差啲就飲光晒，金邊粉亦好滑溜。小店越夜越多人，而且，有唔少外賣單，幾時都話，食物做得好，有實力就唔怕無生意。總結而言，食物嘅性價比高，招呼又好，食堂感覺，輕鬆自在。…查看更多

呢間泰國餐廳喺鬧市中心，位置方便裝修好企理，而且冷氣好足夠，最啱天時暑熱嘅時候過嚟泰式炸蝦餅 $68我哋先叫咗一客蝦餅，炸得金黃鬆脆而且蝦肉部份都好飽滿每食一舊都覺得好滿足通菜炒泰式脆腩肉$98鍾意呢款脆腩肉係炒菜，感覺會冇咁膩而脆腩肉炸得好香口，切得細細舊，食落非常過癮，辣辣地嘅泰式香料亦都好惹味香葉肉碎煎蛋飯（牛）小辣$88叫咗小辣，已經足夠惹味牛肉碎用咗唔同嘅香葉去炒，好有泰式風味！而流心煎蛋鋪喺飯上面，賣相已經100分，蛋汁撈埋落啲飯度更加美味Happy Thai 排骨船麵 配金邊粉 $88呢個賣相真係好浮誇！第一次見要用個架嚟撐住嘅船麵船麵湯底極濃郁，有啲似肉骨茶嘅湯汁排骨份量都多，亦都炆得好腍，金邊粉吸收晒啲肉汁精華，格外好食而麵上亦有好多配料，味道層次更加豐富泰式奶茶 少冰、少甜 $28嚟泰式餐廳當然要飲一杯泰式奶茶叫咗少甜少冰，甜度適中，解暑一流椰青 $38另外又點少得椰青呢？大大個椰青鮮甜多汁，即刻好似去咗泰國咁…查看更多

餐廳有名你叫小排檔，地方真的不是很大，比較像快餐店的感覺，但菜式又比較有大排檔風味，而且性價比挺高的，可以試試看！泰式肉碎生菜包（７８元）份量挺足的，滿滿的肉碎，調味非常泰式，鹹香帶點辣微酸，有香矛味，配上清爽的生包一起吃，滿滿肉香。泰式椒鹽脆腩肉（１２８元）脆腩肉的皮是鬆化的，肉質彈牙有油香，雖然跟港式的不一樣，但味道不錯，跟椒鹽一起炒香，調味也是泰式風味，帶點酸辣的，挺惹味。肉的份量也挺足。泰式酸子炸雞（１１８元）很少地方能吃到泰式的酸子，味道是挺特別的，酸中帶甜，又不會太搶味的，這裡調味比較濃烈的，配上炸得外脆內嫩的炸雞，剛好中和了油膩感。泰式炒金邊粉（８８元）這個性價比真的不錯，用的是大大隻虎蝦，口感彈牙，經過炸香，再配上酸酸辣辣的醬汁，吃起來特別香。底下的金邊粉也炒得有鑊氣，酸甜開胃。配菜有炸豆腐挺特別。豬頸肉炒飯（７８元）炒飯挺大碟的，豬頸肉的份量也給得挺足的，差不多每一口都能吃到，口感爽滑彈牙有油香，炒飯粒粒分明，也很有鑊氣，滿滿豉油的焦香。…查看更多

Fafafoodblog為食花太郎 🍴泰式椒鹽脆腩肉128 蚊🐖D皮炸得好香脆 椒鹽味香 正🍴香葉肉碎煎蛋飯 牛肉88 蚊🥚🍛蛋汁撈埋肉碎白飯 牛肉軟滑彈牙 醃得好入味 🍴排骨船麵配金邊粉88 蚊🍜金邊粉好爽口 排骨好入味 仲有彈牙魚蛋 排骨吸哂甜湯汁 正🍴泰式奶茶沙冰 38 蚊奶茶沙冰茶夠足料冰夠綿 正🍴炸雞軟骨48 蚊🐥好香脆既雞軟骨 夠惹味#泰國菜 #泰式奶茶 #船麵 #肉碎 #椒鹽Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#泰樂小排檔油麻地東方街8a號地鋪~~~~~~~~~~~~~~#fafafoodblog #為食花太郎 #fafafoodblog油麻地====================任何美食😋歡迎inbox 我 , 等我食完開心share！🤓…查看更多

嘩！最近俾我發掘到間勁正嘅泰國菜小店，簡直係我嘅新寵！就係位於油麻地嘅「泰樂小排檔 Happy Thai」啦！話說佢真係超方便，油麻地A2出口行兩分鐘就到，唔使點搵。一踏入店，即刻感受到嗰種泰國街頭嘅Chill vibe，雖然係街頭風，但環境勁舒服又企理，光線充足，打卡都一流！最貼心係，店員一見你入嚟，即刻送上一碗暖笠笠嘅冬瓜湯，暖胃又窩心，未食嘢已經加晒分！講到嘢食，我哋試咗幾款都無得輸！泰式豬頸肉炒飯：真心要俾個Like！豬頸肉嘅皮係堅脆卜卜㗎，食落去好有口感，啲飯粒粒分明，炒到香噴噴，每一啖都充滿鑊氣，食到我停唔到口！泰式船麵：都係必叫！個湯底真係勁香濃，飲落去有少少甜，但又唔會太鹹，味道調得啱啱好，完全係香港人嘅口味！配料都好足，有肉丸、芽菜、菜，最正係加咗脆卜卜嘅豬油渣，令到成碗麵嘅層次感提升晒！泰式奶茶：冰凍又甜度適中，食完熱辣辣嘅嘢飲返啖，即刻解渴又舒服。總結嚟講，呢間「泰樂小排檔」真係CP值超高，食物質素好，環境又舒服，服務又貼心，絕對係我會N訪嘅泰國菜小店！有時間經過油麻地，記得去東方街8A號地舖試吓啦，包你唔會失望！…查看更多

係油麻地A2出口一出、第一個街口轉右，橫街開咗呢間新嘢。我尋晚同friend食完都感覺唔錯😌 share吓呢啲好食。黃咖喱炸軟殼蟹🦀 yellow curry soft crab 軟殼蟹都算炸得幾香脆，保留到裏面蟹肉有少少嘅水份。個黃咖哩都幾值得加多$20 叫 roti 🫓 配搭埋一齊食。但Roti 又唔算好大塊，算係小食開心吓。都要另外再叫碳水化合物之類嘅我地另外叫咗個炒Pad Thai，不過第一次見人係用米粉（？）之類嘅粉麵炒。感覺新奇😮 兩隻虎蝦新鮮～ 佢餐飲轉椰青都係加$28，其實都幾平。（我見過最平嘅，都係加$25 ） 清甜好飲。不過芒果糯米飯的芒果下晝已經賣晒，下次要早啲再嚟！所以我哋甜品叫咗呢個 香蕉 pancake 🥞 有煉奶可可粉，再加roti …查看更多

見油麻地新開咗間泰國菜🇹🇭，緊係要試吓啦！餐廳環境比較細，冷氣唔係好夠，一坐低已經覺得有啲熱🫠…唔通呢種熱辣辣嘅感覺，就係想令我哋好似置身泰國街頭咁？😂〰️〰️〰️〰️〰️〰️〰️〰️ 我哋叫咗個$298二人套餐試咗四款菜： 🔹蝦醬炒通菜 🔹泰式椒鹽脆腩肉🔹泰式炒金邊粉(虎蝦) 🔹芒果糯米飯🦐 蝦醬炒通菜 🥬 一上枱已經聞到超香蝦醬味！咸香味十足，通菜炒得啱啱好，保持到爽口又唔會太淋，好有鑊氣！🇹🇭 泰式椒鹽脆腩肉 椒鹽味好香，但腩肉真係偏肥，食落有啲痴牙🥴。如果鍾意食肥肉嘅可能會鍾意，但怕膩嘅就要注意啦🍤 泰式炒金邊粉 (虎蝦) 虎蝦幾新鮮，佢配埋泰式酸辣醬幾好食！不過金邊粉就爭啲，有啲漿口，感覺唔夠油同埋蛋落得唔夠，可以再改善一下。🥭 芒果糯米飯 糯米飯椰香味濃，芒果都好甜！但個椰汁醬真係太咸了，有啲破壞成個甜品嘅平衡😅。🫧🫧🫧🫧🫧🫧🫧🫧🫧環境比較擠逼同熱🥵食物有讚有彈🙈其他菜式就有進步空間😶‍🌫️…查看更多

去完街，想系地鐵沿線搵食，最後選擇哩間油麻地地鐵出來行1分鐘。12點前去到差不多無人，感覺環境乾淨清潔服務(5分)-坐低馬上奉上例湯-問餐牌上邊d吾辣，照片中waiter真系好有禮貌，一個個餐介紹辣吾辣，之後佢用英文同外傭對答如流，咁先系好客之都應該有的。-外賣幾多，但每次都對單對得好清楚同有禮貌味道(4分)泰樂雞配油飯(4分)$58- 應該即系海南雞，用白雞，皮薄吾系爽，重要系有雞味，比較熟但吾鞋。- 油飯好香，- 分量非常夠- 泰式燒豬頸肉飯(5分)$58-表面都脆-肉吾乾同嫩，有肉味。油菜(4分)餐加$12-菜系應該吾系整定或者煮熟就算，有心。咖啡(2分)-哩個系比較失分的，有香味，飲落吾後奶，苦得厲害。…查看更多

今晚想食泰國嘢，於是就去咗呢間book mark咗一段時間嘅餐廳。本身見舖頭唔大、驚冇位，但平日7:00去到，餐廳仲有三份二位置。望望餐牌，價錢唔算貴，因為唔係太肚餓，兩個人叫咗一個泰式炒金邊粉（蝦）、泰式炒通菜、燒豬頸肉同一杯凍泰奶。嚟到就發現每樣嘢都幾細碟，除咗嘢飲係正常份量。尤其豬頸肉$88，但細細碟，同出邊比真係好大分別。炒金邊粉有兩隻大蝦算幾好，但我自己覺得太濃味太多醬，所以我食咗少少就冇食。炒通菜好惹味，份量係偏少至正常。Btw啲嘢食一嚟齊，已經覺得唔夠食，於是想叫多個雞飯（因為睇相幾吸引），但店員話賣晒。7pm就賣晒，唔知有幾好食呢？總括而言，味道OK，但性價比唔高，食泰國菜有好多選擇，呢間唔會再去。…查看更多

🇹🇭🥣🥢油麻地抵食泰式小排檔✨星期六都有午市套餐，包熱飲+湯，免加一✅泰式炒金邊粉 （蝦） -$62呢個金邊粉可以揀蝦或者雞，價錢一樣。金邊粉炒得好有鑊氣好乾身，份量足夠，配料亦都好多，除咗有三隻彈牙嘅蝦，另外亦都有好多大豆芽、豆腐粒、蛋絲、蔥、花生碎。而且個味道都幾好。店員好快會送上送嘅餐湯，係冬瓜湯。個湯幾好味，鹹鹹地有少少胡椒香，幾暖胃。呢個午餐包飲品，我叫咗唔使加錢嘅港式熱奶茶，飲品就真係麻麻哋，奶味茶味都唔濃，我飲咗半杯就冇飲。枱面有個調味架，想加辣嘅可以自己嚟。…查看更多

一講泰式美食,有好多人都會鐘意食地道既金邊粉，今晚我同朋友2個見到喱間好似好地道既「泰樂小排檔」，一於入去試試。今次我們叫了一份2人餐，價錢298。泰式炒椰菜苗首先前菜係椰菜苗，菜葉鮮嫩爽脆，配上獨特的泰式汁，酸甜辣中帶香。黃咖喱軟殼蟹咖喱濃郁香醇,軟殼蟹鮮甜多汁,鮮甜的蟹肉配上濃郁順滑的咖喱,好易入口🦀🍛大蝦炒金邊粉金邊粉Q彈,大蝦唔係雪藏蝦黎既，非常大隻，成個金邊粉炒得恰到好處,絕對係高分既泰式主食。🍤🍝芒果糯米飯喱個都係我非常鐘意既甜品，糯米飯香甜軟糯，芒果新鮮，配埋咁好味既椰奶，超級滿足。說到服務,店員都非常親切友好,不僅會主動介紹每道菜式的特色,還會提供適量的推薦,讓我們這些泰食新手也能快速上手。👨‍🍳👩‍🍳…查看更多

最近泰式大排檔小炒類別相當盛行，今天便和朋友去試了泰樂小排檔這間泰式大排檔餐廳，可以一嘗泰式大排檔熱炒的獲氣與風味。內面的食物選擇相當豐富，餐廳環境也很有大排檔的特色。點了一份二人餐，餐內選擇也頗多，可以嘗試不同食物。泰式炒通菜惹味又很香辣的炒通菜，用了非常豐富的辣椒及炸蒜，落油爆香，非常濃郁又非濃。香葉炒泰式脆腩肉味道很足的香辣炒豬肉，配有非多泰式香料和香葉，更有辣椒乾加重香辣味道，脆腩肉極豐富的油脂再吸收醬汁味，非常邪惡。香葉肉碎煎蛋飯很香的飯，煎蛋非常焦香，肉碎經過香葉炒香後，非常香口，很有獲氣，味道吸引，香口的內碎粒，加上各種香料，很適合配飯。甜品: 香蕉薄餅滿滿的香甜煉奶和朱古力粉蓋在香蕉和煎餅上，是螞蟻人的享受。…查看更多

應該係新開嘅餐廳，似家庭式營業，環境幾乾淨，夠晒冷氣😆二人套餐好抵食 $298有一個菜，兩個主食，連飲品同甜品，整體食物都大碟，仲可以追加小食🥢泰式炒通菜 夏天就係要食當造嘅通菜 炒得惹味夠鑊氣 🥢泰式炒金邊粉 係炒河同金邊粉兩者之間爭扎，最後加$10揀左金邊粉，事關睇openrice嘅相見到有兩大隻蝦好吸引！大蝦新鮮實淨，金邊粉就係傳統泰式味道，略帶甜味🥢香葉炒泰式脆腩肉又係好鬼大碟！叫左少辣唔算好辣，豬皮好脆，記得要食埋精粹嘅香葉🥢串燒追加左雞肉串，朋友食第一啖就話：好味喎😆雞肉串好滑仲好大串，點沙嗲汁食夠晒惹味🍌香蕉薄餅 跟餐甜品有香蕉pancake同芒果糯米飯揀，我地怕太飽就揀左pancake🧇估唔到都ok，薄餅煎得幾好 香蕉迷必食…查看更多

最近去咗油麻地嘅泰樂小排檔食泰國菜，真係好有驚喜！成間鋪頭俾人感覺好樸實無華，但出品真係樣樣都好有誠意，難怪平日夜晚嚟到都咁好生意😆我哋點咗個二人餐，同追加咗串燒。🥢炒泰式椰菜苗椰菜苗炒得好嫩又爽口，帶有蒜香同魚露味，簡單但非常惹味👍🏻🥢泰式椒鹽脆腩肉呢道菜真係不得了，外層炸得乾身白脆，但入面仍然保留住腩肉嘅嫩滑同油香，配埋椒鹽食，鹹香中帶少少辣，好邪惡又好滿足😋🥢泰式炒金邊粉（虎蝦）金邊粉炒得乾身入味，唔會好濕或者黏埋一舊，調味啱啱好，唔會過重，虎蝦又大又新鮮，咬落去超彈牙，真心推介🤤🥢芒果糯米飯芒果夠甜，糯米飯帶有淡淡嘅椰奶香，口感軟糯，甜而不膩，係泰餐必食嘅經典甜品。 🥢凍泰式青檸茶、熱柚子蜜青檸茶清新解膩，酸酸甜甜好開胃，配搭重口味嘅泰國菜真係一流！ 🥢雞肉串燒、豬肉串燒雞肉嫩滑，豬肉多汁，點埋沙嗲醬食冇得輸😋…查看更多