泰樂小排檔

營業中

休息中

泰式燒牛肉：牛肉味幾香，斜切食落有口感，配上泰式醬酸酸甜甜非常開胃。燒雞翼：現成即燒，熱辣辣沒有過多嘅調味，配上香茅，簡簡單單味道已經好唔錯，外皮焦香。豬肉金邊粉船面：湯底好香牛味，睇色水都知道足料，金不換令湯底更添層次。肉片好淋滑，加上肉丸，口感豐富。頗有驚喜。通菜炒泰式脆腩肉：脆腩份量唔少，薄切口感更佳，尚算香脆。通菜十分香口，落左唔少嘅馬介休醬，非常惹味，配埋脆腩食非常匹配。冬陰功媽媽麵：冬陰功湯底幾香，有唔少嘅香茅，湯底酸中帶甜配合香港人嘅口味，虎蝦大大隻非常有誠意，連埋媽媽面一齊食非常滿足，麵條充分吸收咗湯底嘅精華。凍泰式青檸茶：泰式茶底非常香濃，加埋青檸口感非常清新，有解油及油膩嘅作用，微甜而唔會搶走咗茶底嘅香味，必定要試下。