泰斗 (中達大廈)

營業中

休息中

泰斗 (尖沙咀)尖沙咀海防道38-40號中達大廈4樓坐船好浪漫架，由中環來回尖沙咀，時間充裕去乘船，體驗是大不同。日落到傍晚更有兩涯海境！漫無目的由中環過尖沙咀，也接近晚餐時間，沒預訂餐廳隨意入了間泰國餐$128 小食拼，有雞，蝦餅，魚餅同炸春卷每樣兩人和，兩個人每種都食到。蝦餅加甜酸醬，打到起膠彈牙富蝦香，雞卷入味成塊是肉，春卷炸起脆，蘸醬食更現出泰國風味，魚餅香料味道濃郁。$88馬拉盞炒通菜，成日都過馬拉盞同中式xo醬一樣香濃好食，任何東西加了它，簡單如炒菜亦是滋味無窮。咖喱大蝦，個咖哩汁落了椰奶帶甜，杰身濃厚，蝦大隻固然多肉，蝦頭有含大量膏。$128 鐵板蠔仔煎蛋，一個愛吃蛋，另一個愛吃蠔，大家喜好向佔一半。蠔仔蛋餅香脆，我鍾意利落乾身，唔會有重粉漿，是實實在在蛋加蠔，底下有大量芽菜，上臺時熱鐵板加上油滋滋響，直流口水，蠔仔量多肥美不欺場。泰式奶茶落了煉奶,個杯同匙羹好fancy泰國菜怎能沒芒果糯米飯呢！瘋狂食呀

尖沙咀泰斗座落係海防道旁商廈，位置方便環境舒適乾淨，而且食評口埤唔錯，啱哂附近工作朋友放工後刷返餐。今日正正相約附近收工嘅朋友，試下呢間人氣餐廳。餐廳設有戶內，戶外座位。雖則係戶外座位，但餐廳戶外位置設有大形膠布圍封，而且提供冷氣。喺舒服嘅環境之下進食仲可以望下室外九龍公園景觀，夠哂CHILL。▪️　新派美味老虎蝦店員將老虎蝦上枱後即席加上酒精點火，燃燒期間散發香氣，蝦身亦逐漸燒到焦脆，氣味觀感一流。老虎蝦肉質結實有嚼勁，醬汁亦非常美味，整到菜式稱得上色香味俱全。▪️　手打炸蝦餅蝦餅雖小但口感爽口彈口，肉質有咬頭唔會溶溶爛爛，配上泰式辣汁或者上一道老虎蝦醬汁同樣絕妙。▪️　椰香紅咖哩（雞） + 蒜蓉包紅咖哩椰香味非常濃郁，辣道適中唔會過辣。紅咖哩入面有番茄仔，青檸，菠蘿等等，辣中帶甜，加上雞肉非常嫩口，用蒜蓉包配埋紅咖哩一齊食，一流。▪️　串燒沙嗲豬 + 串燒沙嗲牛 (各2串)紅色為沙嗲豬，豬肉串燒到好似叉燒般，肉質煙韌。深色為沙嗲牛，牛肉味道濃郁，味道好似牛肉乾味。最重要就係個沙嗲醬，好濃郁花生香，佳作。▪️　泰式蝦肉炒金邊粉蝦肉爽口，金邊粉撈埋花生碎，味道酸酸甜甜夠哂醒胃。我個人鐘意加上紅咖

< 泰斗 > 📍尖沙咀前幾晚同朋友慶祝生日 去咗食泰國嘢🇹🇭 佢地嘅環境同食物都有質素 仲有室外同室內嘅座位 同朋友聚會啱晒🥰🦐泰式生蝦刺身擺盤好靚 生蝦有8隻 每隻都好大隻 生蝦幾新鮮 肉質彈牙鮮甜 每隻生蝦上都有蒜片同辣椒 唔會好辣😋🔥新派火焰老虎蝦見到差唔多每枱都叫 一於試下😋 上枱前仲會淋酒 打卡一流😆 老虎蝦大大隻 肉質彈牙 燒得好香 醬汁好惹味 有啲似椰汁咖喱 味道有層次👍🏻🧆小食拼盤拼盤有有泰式雞卷、魚餅、蝦餅同素春卷🧆 每樣有四件 兩個人share一定夠😛 全部都炸得好香口 蝦餅彈牙重膠質 泰式雞卷炸得好香脆 雞肉仲好juicy😆 香茅魚餅好重香茅味 點埋泰式辣醬好夾🤤🍚泰式香葉肉碎炒飯呢個炒飯有少少辣 怕辣嘅朋友仔要留意❣️肉碎份量好多 加埋香葉辣辣地好惹味 炒飯炒得好香口 唔錯😛

星期日晚飯選了尖沙咀一家樓上泰國餐廳，為美好的假期作結。燒老虎蝦賣相吸引，上桌後店員會澆上一點酒，再以火槍燒大約一分鐘，香氣四溢。老虎蝦厚肉非常，肉質爽口彈牙，啜一口蝦頭的蝦膏，更添鮮味，一點點酒香也令大蝦更香口。點了一個小的小食拼盤，有雞卷，魚餅，蝦餅和素春卷各四件。四款當中最欣賞魚餅，冬蔭公口味再配一點泰式辣醬，酸酸辣辣能刺激味蕾。豬肉生菜包調味甚有泰式風味，羅勒葉和香茅的香氣令豬肉碎味道有層次。生菜新鮮爽脆，和豬肉碎配搭一起吃清新而不覺膩。咖喱海鮮有青口，蝦和魷魚，加上三色椒和洋蔥等蔬菜配料，不算辣，炒得入味。吃咖喱當然要配薄餅，酥脆得來不失鬆軟，把配菜放上薄餅一口吃下去最滋味。泰式炒雜菜以蒜蓉調味，多款蔬菜預計兩和西蘭花都爽脆清甜。芒果沙冰好大一杯，芒果味濃，淡淡的奶香令口感更細滑，夏日透心涼之選。

近排都冇點食過泰菜，今晚嚟咗TST見到呢間泰斗，個menu望落都好吸引，於是決定去食餐好😍新派美味老虎蝦(2pcs) ($198)- 老虎蝦好大隻，肉質結實彈牙，同埋好鍾意個sauce，甜甜哋cream味濃郁，最有印象當然係一上檯就點著火，微微燒過嘅香氣更令人著迷❤️泰式蝦肉炒金邊粉 ($108)- 金邊粉炒得幾香口，酸甜醬汁完美沾滿每條金邊粉，仲有滿滿嘅配料，有芽菜、蛋碎、蝦，蝦肉足料，Q彈有咬口，簡直係滋味滿溢😝泰式燒豬頸肉 ($118)- 豬頸肉都燒得好有質素，表皮香脆，內裏嫩滑唔柴，醬汁香鹹微辣，份外惹味，配搭完美，味道層次好多元😚小食拼盤(細) ($128)- 小食拼盤好正，一個拼盤滿足你4個願望，有齊豬頸肉、素春卷、泰式雞卷、魚餅，樣樣都好足料，口感好豐富啊😆椰青 ($48)- 椰青果然係泰菜頭號飲品，椰青水清甜解膩，椰肉雪白軟滑，甜甜嘅椰香味喺口腔爆發，幸福指數爆登💯Rose Bailey ($98)- Rose Bailey入口甜甜哋，酒味都ok明顯，但有奶味嘅加持，幾易入口，係高質嘅cocktail 😍餐廳內部設計都好有氣氛，坐得舒服，啱晒朋友聚一聚食餐好😆

今晚去了尖沙咀食泰國菜，餐廳有室外露台，但已蓋上帳篷且有冷氣，所以都幾舒服。原盅椰青大頭蝦冬蔭功湯的大頭蝦肉質較結實及爽彈，蝦膏鮮味及椰青清甜合二為一，加上泰式香料味道，冬蔭功湯比平時少了分酸辣味，反而帶點清甜。鹽燒牛舌燒至表面帶焦，比較有咬口；沙爹汁有粒粒花生碎，雞肉嫩腍。小食拼盤有雞卷、魚餅、蝦餅、春卷，足二至三人分享，雞卷是免治雞肉做，入口較腍；蝦餅彈牙；春卷香脆配酸甜醬可減輕油膩感。火焰老虎蝦淋上烈酒後點火，陣陣蝦殼的焦香味，虎蝦新鮮彈牙，加上濃郁咖喱汁香及椰汁甜味，蝦肉惹味。泰式香辣蝦膏海鮮炒金邊粉因無河粉所以轉了金邊粉，金邊粉不糊口且帶點爽，蝦膏味略淡，不過配料豐富，有三色椒、蝦及青口等。

火辣辣的夏日最適合食泰國料理，酸甜香辣夠開胃。選坐在餐廳露台位置，有防熱膠布和冷氣，又能望向九龍公園，也挺舒適的。來了第一道菜「鐵板鮮胡椒芒果牛柳」熱騰騰的賣相很好吸引，鐵板的熱力迫出了鮮胡椒和芒果的香味，牛柳嫩口，很誘人。「海南雞」雞味十足，醬料配搭得宜，有泰汁和姜蓉。咖哩雜菜，盡顯泰式料理，薯仔吸收了咖喱汁更混和了雜菜的甜味。經理推薦了一個新菜式「火焰蝦」，兩隻大老虎蝦浸透了紅咖喱,上菜時用冧酒和秘制泰國白酒，火焰上枱，酒香燒起了蝦殼，香氣四溢。甜品要了一個地道的芒果糯米飯，時令的芒果可口宜人，有出走清邁的感覺，一頓滿意的晚餐。

唔知點解食泰國菜好似坐室外會特別好feel，叫埋支泰象啤就更完美喇！嚟到尖沙咀嘅泰斗，特意book咗室外嘅位置，好寫意咁嘆吓我哋嘅晚餐，同樓下繁忙嘅海防道相映成趣。如果你怕熱嘅，其實餐廳亦有室內冷氣位置。大頭蝦冬蔭功湯冬蔭功係一樣我哋少有極端嘅嘢食，因為我就好鍾意，相反A姐一向都唔太鍾意。不過，其實酸酸辣辣嘅冬蔭功確實好開胃，份量非常多，足足有成4碗！更重要係材料十足，入面有唔少泰式香料，所以味道好豐富好有層次，但就略嫌蝦肉有少少梅。小食拼盤拼盤有有泰式雞卷、魚餅、蝦餅、素春卷。全部炸得好香口，我哋一致鍾意蝦餅，入面勁多蝦肉，夠晒彈牙；泰式雞卷炸得勁脆，入面雞肉勁多肉汁。記住要點埋泰式辣醬，就更加惹味。鹽燒牛舌兩串牛舌，燒得啱啱好。一串有四塊，鹹香味十足，肉質軟腍，勁香牛肉味，加埋秘製醬汁，又香又辣，好好味呀！新派美味老虎蝦餐廳嘅招牌菜之一，上枱前仲會淋上酒，形成火艷燒蝦。老虎蝦大大隻，夠晒彈牙，至於醬汁香濃，除咗帶有微微嘅酒香，仲有焦香味，味道好有層次。泰式蝦肉炒金邊粉呢個泰式蝦肉炒金邊粉新鮮炒起，炒得好有鑊氣，味道酸酸甜甜，記住撈埋花生粒同青檸汁呀！另外一讚係勁多鮮蝦，非常抵食。

通常去海防道只是匆匆的過客，細看之下原來有熟食街市及很多餐廳，今日與朋友去了中達大廈4樓的泰斗。.環境好正，有一個密封式的露台，光猛通透，開揚舒服，又有冷氣覆蓋，可以見到樓下海防道人來人互的熱鬧。香港這種露天餐廳越見越少。嘆著椰青、青檸七喜hea下，清涼透心呢，爽呀！.新派美味老虎蝦（2PCS）- 上菜時用火焰燒，烈火熊熊之老虎蝦，簡直可以當一個藝術品。如果晚一點去深夜更看得到火焰呢。經火燒一燒，更點焦香，也keep到溫度。老虎蝦肥美大隻啖啖好，鮮甜，加上醬汁好好食。.汁燒安格斯小排 - 牛肉味香濃，燒到很香，又保留到肉汁，鮮嫩可口，肥瘦適中，加上泰式辣醬，酸辣酸辣更加開胃。.咖哩南瓜盅（海鮮）- 原個南瓜，材料豐富，有青口、魷魚、鮮蝦、薯仔、洋蔥等，咖哩煮得入味，更加可以刮南瓜肉來食，伴飯食一流。.想不到在人來人往的海防道，也有個恬靜露台泰式餐廳，很是享受呢。

今日約咗朋友去尖沙咀海防道泰斗食泰國嘢，已經唔係第一次嚟，之前印象嘢食好新鮮。今次order咗新派美味老虎蝦、海南雞、濕炒海鮮河、汁燒魷魚筒、蒜蓉包、烤薄餅、泰式蝦肉炒金邊粉，另外叫咗椰青。新派美味老虎蝦係兩大隻虎蝦煎香，再加上秘製冬陰功汁，然後上臺前再落酒喺表面，然後點火燒一陣，完全係打卡之選，而且做法特別，食落有酒香特別惹味。海南雞就絕對肉質嫩滑，而且一啲都唔肥，同埋特製三款海南雞汁將雞嘅味道推上另一層次。濕炒海鮮河及泰式蝦肉炒金邊粉 就夠曬泰式傳統味道，特別係個炒金邊粉第二度好難食到。汁燒魷魚筒就夠曬爽口彈牙，魷魚夠曬新鮮。蒜蓉包及烤薄餅即叫即整嘅關係，熱辣辣所以夠香口好好味。椰青係食泰國嘢必要之選，為呢餐畫上完美句號。

坐係露台望住海防道車水馬龍好休閒除左有3部冷氣機仲有兩把大風扇吹住傍晚時分入坐不會太熱 加杯芒果沙冰透心涼主打新派泰國菜 味道改良下幾有驚喜服務好nice不時都會問我地夠唔夠風餸菜上枱仲會幫手分湯及串燒起竹簽$128 秘製紅咖哩牛舌 （必叫原本預計味道較辣 但加左菠蘿增加甜酸度椰汁及花奶相伴下令咖哩少辣得嚟又易入口每片不算大但厚身既牛古爽脆浸耐左都不會老蒜蓉多士手撕成小塊沾埋咖哩汁超正$128 原盅椰青大頭蝦冬陰功用左大量椰汁及椰肉既冬陰功辣得嚟又帶清甜除左有成隻大頭蝦可以食 切成片既椰肉有趙頭$108 泰式蝦肉炒金邊粉用左大量蝦仁同芽菜 炒得幾有鑊氣味道幾正宗而且好飽肚下$38/2串 串燒沙嗲豬 串燒沙嗲雞每串都算大件 特別係豬肉面層香口燒得靚

泰斗在尖沙咁海旁道，餐廳半開放式，望出去是翠綠既樹林景，份外有天然感！像到了泰國一樣，還播放輕快泰國流行曲！menu超多選擇，圖文並茂非常清楚！員工服務都幾好，還推介了我時令燒馬友！新派老虎蝦，醬汁帶點微辣又惹味！帶點椰香咖哩香辣感！店員再將酒放上蝦點火，做出火灸感，賣相一流！老虎蝦夠大隻，肉質爽口又有彈牙感，醬汁將虎蝦包圍，味道夠哂惹味。泰式香辣蝦膏海鮮炒河，海鮮非常豐富足料，青口，蝦，魷魚，還有青紅黃椒，夠鑊氣又惹味，好有質數。泰式香料味好重！堅好食。鹽燒馬友，新鮮既鮮真係幾好食，肉質鮮甜又夠滑，剛剛熟，還滲出香茅味道，超香！旁邊既香辣汁好出色，更帶起魚既鮮味！魚又夠大條，店員招招得好！

放暑假想去泰國渡假？今日去了位於尖沙咀A出口附近的泰斗，感覺猶如去了陽光與海灘的泰國！.有一個很大的露台，見到下面繁忙的海防道，透光感十分，不會壓迫。用窗簾圍著，keep到空氣，所以即使坐露天位都好涼爽。.新派美味老虎蝦（2PCS) - 上枱用火再燒一燒，熊熊烈火令晚餐增添光彩。老虎蝦好新鮮厚肉，爽甜好食。加上秘製泰式醬汁，非常exotic。.大頭蝦冬陰功湯（細）- 去泰國餐廳當然要飲冬陰功湯，酸酸辣辣好開胃。細份的夠4個人飲。.咖哩雞南瓜盅 - 又是可以打卡的作品，原個南瓜入面是咖喱雞，也有洋蔥、薯仔粒、車茄蕃，很豐富，沾上咖喱汁食天易入口。.泰式鮮蝦炒金邊粉 - 金邊粉炒到好入味，條條都柒上醬汁的色，香口好食！.再慢慢嘆杯青檸梳打，relax 的程度令我覺得好似去了泰國。

- 繁華既尖沙咀食肆林林總總，想搵一間唔係太貴但又有feel既餐廳真係唔容易。- 但今次搵到間鬧市中有園景，仲合乎哂我要求既泰式餐廳，有Feel既露台，望到出邊公園啲樹有靚靚燈光，仲要有冷氣（好重要🤣）。- 今次我地前菜叫左炸軟殼蟹柚子沙律🦀🥗，清新得來又健康，泰式汁酸酸地少少辣，勁開胃。而且軟殼蟹好大隻，炸到脆卜卜。另外，加埋腰果、椰子脆脆同炸蒜片，味蕾大爆炸。- 因為夏天唔係好想食咁多野，所以主菜我地叫左個冬陰功湯同新派美味老虎蝦。- 冬陰功湯造型十足，係用椰青裝住🥥，二人份量入面仲有蝦，味道夠哂酸但唔會太辣，飲完仲可以刮埋啲椰肉食🤤。因為我地果日落住雨，所以飲完個湯暖笠笠🥰。- 新派美味老虎蝦其實就係用咖哩汁黎整，味道好特別，啲蝦又大隻，上枱又係表演💯。無錯！佢同樣都係有著火嫁🔥！- 飲品方面，我地果日太口渴啦🤣。所以我地叫左椰青、龍眼冰同椰汁冰。飲品價錢好實惠，椰青仲要好大個，勁推薦啊❤️！- 我地仲忍唔住叫左芒果糯米飯🥭🍚，我就覺得幾正宗。因為佢個糯米飯係熱上，而芒果就凍冰冰，雙重感覺再配搭椰汁🥥，真係無得輸！而且芒果仲要好甜，糯米飯整成心形🧡，有泰式風情又吸引。

中午時段，行經呢一間泰國菜，一於入嚟堂食，試一下佢哋嘅手勢先。.見到餐單，有好多經典嘅泰國菜式。今次點咗3樣餸，泰式無骨鳳爪，泰式辣椒膏炒花甲，同埋蝦醬炒通菜。點樣少不得佢哋嘅招牌凍飲薄荷青檸，哩個好有泰式風情。青檸嘅酸甜喚醒咗夏日嘅感覺，有埋薄荷葉更加清新。.蝦醬炒通菜嘅蝦醬好香，😍係我最鍾意嘅泰國炒法，通菜同樣好鮮嫩，非常滋味。.泰式辣椒膏炒花甲。少見嘅特色辣椒膏，微辣之餘更加可以帶出花甲嘅鮮甜。