泰斗 (中達大廈)

我和朋友到尖沙咀的泰斗（泰國餐廳）享用了一頓滿足的晚餐，每一道菜都讓我們驚喜不已。而餐廳的環境很有feel，坐得舒適！炸軟殼蟹柚子沙律的外觀十分吸引！金黃色的軟殼蟹外酥內嫩，輕咬一口，蟹肉鮮美，搭配沙律中的柚子粒，酸甜的滋味讓人清新無比，是很好的開胃菜。接下來是串燒沙嗲豬和牛。香濃的沙嗲醬另上，可以按個人喜好添加。串燒外焦內嫩，沙嗲醬的辛香與豬牛肉的香嫩完美結合，讓味蕾感受到絕妙的享受。鹽燒牛舌芯是大力推介，必點！牛舌外表微微焦香，肉質彈牙，有牛香，調味恰到好處，讓我們回味無窮。泰式胡椒炒青口是一道色香味俱全的海鮮泰菜。青口的鮮甜在炒香的胡椒與香料中更顯突出，其他地方很少用胡椒這個炒法，值得一試。泰式香辣蝦膏海鮮炒河鑊氣充足，河粉與蝦膏的鮮香相得益彰，賣相也很精美。啖啖蟹肉蟹膏炒蛋配薄餅有驚喜，蟹肉超多呢！很大方！而味道很鮮甜，與蛋的嫩滑交融，搭配薄餅一起享用，無得頂！這頓晚餐讓我們感受到泰國菜的獨特魅力，無疑是一次美妙的用餐體驗，下次要再和家人來！…查看更多

晌香港有唔少泰國菜館，要突圍而出真喺唔容易，由在地老友推介，今晚我哋就嚟到位處尖沙咀嘅樓上泰菜店「泰斗」，佢話唔單止地方大，食物做得出色，更有不少新派嘅泰菜。加上小弟都好一段日子無食過泰菜，當然要回味吓啦！餐廳佔全層，一出電梯就喺餐廳，環境四四正正，有別傳統嘅泰國餐廳，無晒啲滿天神佛，裝修又幾骨子，尤其啲吊燈，最具東南亞風，而且，甚具氣氛。此外，另一賣點喺外出有一列露台位，望過對面就喺九龍公園，整片園林景，就算夜晚感覺都好唔錯，加上每枱都擺有一盞枱燈，氣氛十足；就算日頭嚟，相信幾有空中花園嘅感覺，予人一份休閒感。近排天氣涼番晒，坐出去就感覺一流，同埋我見店家有晌露台位加設冷氣設備，相信天熱嚟都一樣可以坐出去。平時食日本菜先會比較注意到啲餐具，但晌度所見，啲用餐碟都好靚。講番食，餐牌好大本，實在有啲難影，只喺影幾頁留個記錄。無論食物定飲品，選擇多多，而且，圖文並茂，相片亦影得吸引，真喺好多嘢都相試。順帶一提，星期日至四晚，晚市仲推出個兩小時任飲，$98就可以任飲紅白餐酒、手工氈酒、泰國啤酒、雞尾酒、泰式特飲……等等，飲兩杯都番本啦，所以，就算唔嚟食嘢，三幾個老死飲吓嘢，傾吓偈都好唔錯。芒果沙冰 $68不過，我哋就無揀晚市任飲，一來唔好酒，二來嗌一杯沙冰已經夠飲成晚到突。有相你睇，啲沙冰堅喺超大杯，以芒果肉嚟打，芒果味道濃郁，加上冰沙打得細滑，口感甚佳，甜度又啱啱好，正呀喂。奇異果沙冰 $68椰子沙冰、菠蘿沙冰都見得多，另外一位友人就試咗甚少見嘅奇異果沙冰，綠得嚟唔喺好誇張嘅綠色，但嗰份奇異果味叫人感覺清新，味道微微酸，但富奇異果香味，真喺有少少驚喜感。啖啖蟹肉蟹膏炒蛋配薄餅 $268小弟向來都幾鍾意食蟹，但就好怕拆蟹肉，麻煩嘛，但見到呢道新推廣菜式：「啖啖蟹肉」，合晒我心水啦。賣相確喺非常吸引，因為面頭放有一大堆生拆蟹肉，味道鮮甜到不得了，而下面就喺蟹膏炒蛋，炒得極之嫩滑，又富蛋香。至於晌薄餅之上，放上青瓜片，再加埋蟹肉、炒蛋，一次過入口，不單口感豐富，而且，味道有疊加效應，令食味更多元、更有層次感。燒牛肉沙律 $138為咗食得健康啲，點番一道沙律就最正路，燒牛肉用咗安格斯質素，自然唔差得去邊，咬落好軟腍，又有肉香，而沙律用上生菜、青瓜、紫洋蔥、甘筍絲、芹菜……等等，醬汁味道酸酸辣辣，而辣勁頗強，好泰式風味。清邁香酥酸辣魚 $248泰菜中有好多魚鮮嘅菜式，例如明爐烏頭，但睇見呢一道酸辣魚喺放晌餐牌中頭幾頁嘅新派泰菜中，就好有興趣一試。賣相比餐牌中嘅相片更靚、更立體，最窩心喺將原條魚鮮起成兩大片魚柳，食得更方便，而外皮炸得酥脆不膩，魚肉卻喺非常之嫩滑細緻，魚鮮味十足，唔喺雪藏貨可比，酸辣汁令人食落更加胃口大開。泰式蝦肉炒金邊粉 $128泰式嘅炒粉麵，以金邊粉最討歡心，亦食得比較多，就好似嗌乾牛河咁。碟金邊粉非常大碟，好似加底咁多，而且，金邊粉炒得濕潤，質感保持韌勁，味道酸酸甜甜，除有大大隻鮮蝦外，仲有啲豆腐乾、蛋花碎、怡保芽菜，旁邊佐以花生碎、青檸，令食味更豐富。芒果糯米飯 $68本來甜品中有兩款特色蛋糕，但已經無供應，老友話無甜品餐飯唔夠完整，所以，試埋個泰式經典，就喺芒果糯米飯。估唔到師傅咁有心，將糯米飯砌成心形，而椰漿以小兜放晌一旁，自行添多添少。暖呼呼嘅糯米飯好煙韌，椰漿味道濃郁，加上芒果十分清甜，為今餐劃有個完美終結。多謝老友推介，「泰斗」無論晌環境、招呼，定喺啲食物，都讓人好滿意，加上有露台位嘅加持，又提供多些新派泰菜，自然成為餐廳嘅賣點。…查看更多

熱到溶嘅天氣，專登走入「泰斗」呢間泰菜館涼冷氣。間舖頭幾有心思，裝修帶啲現代泰式風格，燈光暗暗哋幾有情調，坐得幾舒服。啲侍應哥哥姐姐幾好笑容，落單快手，服務貼心，抵讚！一坐低即刻嗌杯薄荷沙冰同椰汁沙冰降降溫。薄荷沙冰真係冇得頂，飲落個種冰涼感由條喉嚨直落個心口，爽到震！甜度適中，薄荷味好出，唔會似漱口水。椰汁沙冰就香滑啲，椰香味好濃，好似飲緊溶咗嘅椰汁雪糕，兩杯都咁正。前菜個柚子沙律好開胃，柚子肉爆汁清甜，同埋啲辣辣哋嘅醬汁、花生碎、同埋啲蝦乾好夾，口感豐富。跟住個豬肉生菜包一上枱就聞到好香，炒香咗嘅豬肉碎帶啲香茅同金不換味，用塊新鮮生菜包住食，一啖放入口，菜嘅爽脆同肉好惹味主菜方面，個咖哩雞南爪盅賣相已經贏咗，用成個南瓜上，好盞鬼。個咖哩係溫和嘅黃咖哩，椰香味重，雞肉幾嫩滑，最正係啲南瓜肉，炆到淋晒，索盡咖哩汁，甜中帶鹹，撈埋蒜蓉包食真係無得彈！啲蒜蓉包烘到脆卜卜，點咖哩汁係絕配。全晚高潮係個火焰新派老虎蝦，即場點火，成串火燄咁，視覺效果滿分！啲蝦大大隻，肉質爽口彈牙，好惹味。泰式燒牛肉配秘製醬汁夠晒粉嫩，加埋秘製醬汁就真係唔錯，酸酸地幾開胃。總括來講，「泰斗」無論環境、服務同食物質素都交足功課，尤其個火焰蝦同兩杯沙冰，印象深刻！一定會再嚟幫襯！…查看更多

🍲 原盅椰青冬蔭功湯一上枱就聞到椰青香氣，唔係普通冬蔭功咁酸辣咁簡單，係有層次、有溫度。啖啖湯都飲到椰青清甜，辣得啱啱好，唔會燒喉，反而係暖胃。🥩 泰式燒豬頸肉呢個係必食！燒得啱啱好，外脆內嫩，油脂香味勁出，配埋個酸辣醬，真係一件接一件，停唔到口。🍛 椰香紅咖哩配雞咖哩香濃但唔膩，椰香好突出，雞肉滑得嚟又夠味，撈飯一流。食到尾仲忍唔住用薄餅掃埋啲汁，真係冇得輸。🥙 烤薄餅薄餅微脆煙韌，唔會太厚，專登用嚟配紅咖哩。一撕一掃，咖哩汁黏住薄餅，食落口感豐富又滿足。🥬 生菜包清新解膩，啱晒中段轉口味。可以夾豬頸肉或者蝦，食落爽口又有層次。🦐 火焰新派老虎蝦上枱有火，視覺效果一流！蝦肉彈牙，醬汁係咖哩，同蝦幾夾。🥭 芒果沙冰甜度啱啱好，唔會假假地芒果味，係真材實料打出嚟，食完辣嘢飲返杯，爽！🍸 Sandalwood Sip呢杯真係有style，vodka唔會太搶，荔枝味清甜，仲滲出陣陣檀香味，飲落有層次，幾有禪意。🕕 重點推介：星期日至四（公眾假期前夕除外）1800–2300 $98 任飲2個鐘！有酒精又有非酒精泰式特飲，款式唔少，唔係得幾杯咁hea。鐘意cocktail可以試晒，唔飲酒都有啲特色飲品揀，真係幾抵！呢餐唔止食得開心，仲有得打卡、有得chill，啱晒同朋友聚會、拍拖、甚至一個人嚟都唔會悶。有啲fusion但唔失泰味，值得encore！…查看更多

泰國餐廳一向係我最愛，今次黎左呢間鬧市中嘅餐廳試一試啖啖蟹肉蟹膏炒蛋配薄餅生拆蟹肉，炒蛋嫩滑，將薄餅蘸上蟹肉+滑蛋一起吃尤其惹味～串燒沙嗲雞雞肉嫩滑，蘸上沙嗲醬汁一起吃，更有捉鮮作用鹽燒牛舌芯牛舌芯肉味香濃，基本上不用蘸任何醬汁，也可吃得出其鮮味！冬陰功大頭蝦湯（細）大頭蝦亦有啖啖鮮味的蝦肉及蝦膏好濃郁的椰汁香味及辣味，喝下去也很creamy非常開胃泰式生胡椒炒蜆（沙白）蜆肉新鮮彈牙，唔會有任何沙粒而且粒粒都好大隻，放上生胡椒一起炒，尤其惹味！飛天通菜通菜脆綠爽脆，放上蒜蓉一起炒，中和一下口腔的肥膩感椰汁西米糕椰汁味香濃，中間放上西米+馬蹄粒及粟米🌽粒甜度亦剛剛好, 適合一D食唔到太甜既朋友~Thai-beer mojito 好濃郁的酒味, 仲有微微苦瀝味的泰beer, 味道既新奇又特別~SANDALWOOD SIP喝下去有好濃烈的酒精, 旁邊再配上3粒清甜的荔枝可以中和一下濃烈的味道~…查看更多

今日同舊同學去咗尖沙咀一間泰式餐廳食飯，嗰度簡直係鬧市中嘅小花園，嘢食好睇又好食😋🌟啖啖蟹肉蟹膏炒蛋配薄餅 🌟 堆滿鮮甜生拆蟹肉，搭配嫩滑蟹膏炒蛋，薄餅裹上青瓜、蟹肉與炒蛋，口感層次豐富，鮮香交融，係懶人食蟹的絕佳選擇。🌟泰式胡椒炒青口🌟青口鮮甜喺胡椒與香料的烘托下更為突出，獨特的胡椒炒法賦予其獨特嘅風味，海鮮泰菜的香氣與口感俱足，值得一試。🌟泰式燒豬頸肉🌟豬頸肉經燒烤後油香四溢，口感爽脆，帶有濃郁烤香與惹味。搭配泰式酸辣汁，酸辣醒胃，完美凸顯泰式風味，係一道充滿異域風情的美味佳餚。🌟菠蘿海鮮炒飯🌟以原隻菠蘿盛載，炒飯粒粒分明且乾身，匯集鮮蝦、魷魚、青口等海鮮，搭配新鮮菠蘿粒、提子乾，酸甜開胃。拌上腰果與肉鬆，口感層次豐富，海鮮分量十足，鹹甜交融，風味獨特。🌟串燒雞肉🌟雞肉串熱辣辣，配上沙嗲醬十分惹味。🌟芒果沙冰🌟超大杯以新鮮芒果肉打製，芒果味濃郁，冰沙細滑，甜度適中，清爽解膩，是餐後消暑的優選。🌟White Temple 🌟Mocktail 由益力多、莓果同埋白酒調製，果味濃郁，配埋啲嘢食飲唔錯😆😁🌟芒果糯米飯🌟糯米飯煙韌暖心，椰漿濃郁，芒果清甜，心形造型別具心意，經典泰式甜品的甜蜜組合，為此餐畫上完美句點。…查看更多

朋友帶我來到尖沙咀海防道的「泰斗」食晚飯，晚飯時段坐滿客人，好彩朋友有訂位。餐廳氣氛很好，室外位置對著九龍公園，也可以望到熙來攘往的海防道。餐牌上見到食物款式非常多，每張相都非常吸引，有很多泰國新派菜。🦞啖啖蟹肉蟹膏炒蛋配薄餅 $268招牌菜當然要試，超多的蟹肉、蟹膏炒蛋放在碟中，無論配薄餅或青瓜，都一樣滋味無窮。🦞串燒沙嗲豬$38、串燒沙嗲$38、牛鹽燒牛舌心$48每款串燒都是即叫即燒，味道調配恰當，表面燒到微焦，肉質爽嫩多汁。🦞鹽燒馬友 $248另一招牌菜就是鹽燒馬友，馬友是休質的鹹水魚，肉質鮮嫩多脂，鹽燒的煮法更令味道提升，美味又營養價值高，強烈推薦。🦞泰式炒雜菜 $98雖然有多款菜，但每款菜的熟度剛好，可見廚師的用心。🦞菠蘿海鮮炒飯 $168經典泰菜菠蘿海鮮炒飯，用原個菠蘿盛載，差不多滿瀉，肉鬆和腰果都裝不落，要分開上🤣飯內收藏著不同的海鮮，有大蝦、魷魚、青口、蜆......豐富滿足。🍹Cocktail ： White Temple $108自家調製的Cocktail，用盡心思，酒精濃度不高，很易入口，加上靚靚的玫瑰花冰，很適合女士飲和打卡。🍹芒果沙冰 $68…查看更多

-📍泰斗 (中達大廈) (尖沙咀)地址：尖沙咀海防道38-40號中達大廈4樓📞：35655446今日要推介呢間超好味又抵食既泰式🇹🇭餐廳，呢度半露天座位勁有feel，成班朋友嚟聚會岩晒👍🏻而且又咁多款泰菜可以揀😋💎冬陰公湯底🥘清江烤魚🐟有唔同份量可以揀，冬陰功湯底香濃又唔會太辣，烤魚啖啖肉唔會太多骨😋之後仲要可以配唔同嘅火鍋配料雞肉件、豚肉片、沙白、牛丸、青口、札肉、生菜、粉絲😙💎飲料Sandalwood Sip呢款泰斗自行調配既特飲，以荔枝同檸檬🍋汁作基調配Vodka再加檀香花既cocktail😍味道好特別，值得一試👍🏻芒果🥭沙冰呢度嘅芒果沙冰係用新鮮芒果調配，而且仲超級大杯，打邊爐飲超正🥳—————————————————————-Overall Performance:味道😋：5/5環境🍀：5/5服務👯：5/5衛生👀：4/5抵食💵：5/5…查看更多

今晚呢餐泰菜好impressive，首先佢outdoor位佈置咗好多燈飾，好浪漫。食物方面都好出色。泰式啖啖蟹肉蟹膏炒蛋配薄餅，絕對係必食！$268但真心值。一上枱就聞到超濃蟹膏香，炒蛋又滑，面頭仲有一大堆蟹肉，啖啖都係料，用薄餅捲住食，好好味😋半隻泰式雞（$188）皮脆肉嫩，個汁酸甜開胃，好入味。炸軟殼蟹柚子沙律（$138）好有驚喜，軟殼蟹炸得酥脆，配清新柚子同酸辣汁，口感層次好正。泰式蝦醬炒飯（$128）鑊氣十足，蝦醬味香濃唔會太鹹。飲品試咗White Temple（$108）同玫瑰洛神花茶，前者清爽，後者酸甜解膩，Perfect池！總括嚟講，價錢中上但份量同質素對板，個蟹膏炒蛋真心必encore，食完飽到上心口！…查看更多

環境我好鍾意 泰國餐我也鍾意呢間唔錯 有室內有室外 呢味泰式啖啖蟹肉蟹膏炒蛋 印象最深刻不止賣相靚 分量又多蟹膏蟹肉好香 配麻青瓜口感中和 無咁流 不過叫多份薄餅 / 飯配送清邁香酥酸辣魚-有水準 魚肉滑香口 外脆 炸得恰當🙌🏻配送酸辣汁 好味炸野再加上Thai beer 🍺 就一流炒䙺 - 有鑊氣又野味 分量一般個汁好多 可以點薄餅配送另外 泰國當然要食 椰菜苗 朋友杯薄荷沙冰 都几耐飲 😂最後試麻佢cheese cake 😆其間我見好多情呂飲下野談心😂…查看更多

今次喺尖沙咀「泰斗」試咗佢哋個招牌「啖啖蟹肉蟹膏炒蛋配薄餅」，真心要同大家分享下！一上枱已經聞到超香蟹膏味，賣相金黃燦爛，睇見都流口水！首先講個炒蛋，真係冇改錯名——「啖啖蟹肉」！一啖入口，雞蛋滑到不得了，仲要每啖都食到一絲絲鮮甜蟹肉，完全唔會孤寒。最正係混咗濃郁蟹膏，鹹香鮮味爆棚，食落唔會腥，反而有種奢華感，好似係度食緊高級海鮮大餐咁！個薄餅都係精髓！薄身帶少少煙韌，烘到微脆，點埋個蟹肉炒蛋一齊食，凍咗都仲keep到口感。我覺得佢哋個配搭好聰明，薄餅中和咗蟹膏嘅濃膩，但又唔會搶咗主角風頭。呢個菜絕對係誠意之作，分量同質素都抵讚。如果你係蟹控，或者想同朋友食餐好嘅，泰斗呢碟真係必點！快啲約腳試下啦，保證你食到「嘩嘩聲」！…查看更多

今晚試咗起尖沙咀海防道中達大一間泰國菜"泰斗" ，真係驚喜無限！ 第一驚喜就係環境真係無得頂！裝修華麗半露天望住戶外樹林加上閃閃燈光，簡直置身泰國一樣，非常好feel! 再來驚喜係食物方面都冇得輸。**鹽燒牛舌串**（2串） 牛舌燒得啱啱好，外層微焦，咬落去超彈牙！鹽燒調味簡單但突出到牛舌嘅鮮味，唔會太鹹，食完仲想encore～ **串燒沙嗲雞**（2串） 沙嗲醬香濃帶花生香，雞肉嫩滑唔乾柴，微微炭燒香好惹味。**泰式生胡椒炒蜆/沙白** 蜆肉飽滿冇沙，生胡椒嘅辛辣勁過癮！仲有香茅同蒜片爆炒，酸辣開胃，汁都撈埋！ **爆炸大頭蝦**真係「爆炸」大隻！蝦頭爆膏, 炸到連殼都脆到可以食，帶冬陰公嘅香辣好野味，正！ **泰式啖啖蟹肉蟹毫炒蛋配薄餅** 蟹肉多到唔使錢咁，炒蛋滑溜仲有蟹膏香。薄餅熱辣辣，包住食超滿足，口感豐富 **龍眼冰少甜** 清甜解膩，龍眼肉多多，少甜剛剛好飲完透心涼～ 總結：性價比高，串燒同海鮮都夠鑊氣，一定會再嚟掃menu！…查看更多

平時行海防道都會見到呢間好有氣氛有露台的餐廳，天氣涼涼地，終於book左位上嚟試吓。好彩有book位，平日晚飯時間露台位全full!泰式生胡椒炒沙白，沙白粒粒都大大隻好飽滿，胡椒汁唔會太辣，剛剛好，我一個人都可以食晒全碟～泰式香辣蝦膏海鮮炒河，配料海鮮非常豐富，有大蝦，魷魚，青口等等。食得出落左幾種香料，九層塔去炒，口感豐富有層次。蒜香軟殼蟹，蒜蓉多到滿瀉，非常香口的一道菜，軟殼蟹炸得脆口，鐘意食香口野的不容錯過。啖啖蟹肉蟹膏炒蛋配薄餅，近期蟹季，蟹肉蟹膏炒蛋配熱辣辣薄餅及青瓜，每啖都食到濃濃蟹膏蟹肉，非常滿足。小食拼盤，有蝦餅，冬蔭功魚餅，春卷及雞卷，一次過滿足晒喜歡小食的我。飲品點了一杯芒果沙冰及椰子沙冰，大大杯，非常好飲又解膩。原來餐廳做緊$98 任飲2小時，有多款酒精飲品及泰式特飲，不過今日唔方便飲酒，唯有下次約一大班fd上嚟飲嘢。…查看更多

尖沙咀收工，約左朋友來食泰菜，七點幾來到已經坐滿9成，超爆棚。泰式酸辣鳳爪一上枱，酸香同辣勁即刻撲鼻而來，入口爽脆，膠質感十足，酸度帶出鳳爪嘅清新，辣味唔算過火，反而令人愈食愈開胃。呢道菜好適合做前菜，刺激味蕾之餘又唔會太重口，為後面嘅主菜鋪好路。新派火焰老虎蝦就係全場焦點，侍應點火一刻，火光映照蝦殼，帶出一種戲劇效果。蝦肉厚實彈牙，火焰令表面帶少少焦香，配層次感好豐富，絕對係打卡同味覺雙重享受。泰式燒牛肉配秘製醬汁，燒到外層微焦，肉汁仍然保留。秘製醬汁酸甜平衡，帶少少魚露鹹香，令牛肉味道更突出。呢道菜最令人欣賞嘅係火候掌握得好，牛肉唔會過熟，保持柔嫩。馬莎文咖喱牛坑腩配薄餅就係重口味代表，咖喱香料濃郁，些小椰奶嘅甜香同牛坑腩嘅油脂融合，入口軟腍，滲出深厚香氣。用薄餅包住牛坑腩同咖喱汁一齊食，口感同味道都好立體，係一種滿足感爆棚嘅組合。泰式蝦肉炒金邊粉係經典街頭風味，炒得乾身，唔油膩，蝦肉鮮甜，粉條吸晒醬汁精華，酸甜鹹辣四味齊備。芽菜同蛋絲令口感更有層次，食落有家常感覺。飲品方面，thai beer mojito將啤酒同薄荷、青檸融合，清爽解膩，帶少少氣泡感，飲落好舒服。至於 cobalt blossom，顏色夢幻，入口花香同果香交織，酒精感唔算強，反而有種輕盈浪漫氛圍。餐廳仲有晚市任飲，長達2小時，而且好多選擇，最啱就係收工同一大班朋友來happy hour。…查看更多

泰斗 (尖沙咀中達大廈) 地址: 香港尖沙咀海防道38-40號中達大廈4樓在煩忙架尖沙咀，享受一頓豐富架泰菜， 咁多年幫襯都依然受歡，次次訂了位上去都係爆場坐滿客！雞肉同豬肉串燒$38 兩串，有甜甜的satay 醬，燒完油香十足，肉質彈牙爽口！$108 香葉肉碎炒豆腐 ，幾下飯有香草，豆腐又嫩仲有羅勒香！$328 新派火焰老虎蝦，淋上rum 酒點火，專登叫份蒜蓉包來點個醬汁食，好香滑$208 鹽燒盲曹魚，要撕開皮同層鹽，唔小心沾到太蛋鹽會好鹹架！魚中心塞了香草去腥，魚肉好嫩又多肉！我order 了奇異果沙冰，涼透心$98 任飲，只要飲到兩杯就賺左啦…查看更多