泓・西日料理

營業中

休息中

過兩日情人節，但唔想同人迫，提早兩日去大圍一間小店食情人節套餐。餐單好豐富，燒物、刺身、壽司、料理樣樣有齊。兩款牛舌一個薄燒，連大蔥同蛋漿食可以混和油膩感；另一款牛舌心串燒，軟硬程度啱啱好，連埋露筍豚肉串同免治豬肉串，口感同味道都好豐富。炸雞份量好多，外脆內有肉汁，同他他醬好夾。重點係刺身同壽司呀！！！絕對係高級食材，全部都好新鮮，而且厚切，一啲都唔慳皮。首推海膽好鮮味，亦好大舊，食完好耐個口都有浸鮮味。我哋點多份日本生蠔，勁大勁creamy, 處理得非常仔細，加埋三文魚子更有口感。料理主食有肥牛烏冬，肥牛肥瘦均勻，湯底清而不膩，有飽足感。成餐唯一左口魚邊壽司略咸，可能醬汁重手咗啲...餐廳仲有二樓，我八卦上去望下，原來係超大一個廳，有埋電視音響，可以唱K, 好少有咁正嘅party venue, 如果有十個八個朋友食飯就最啱...（老細話食到天光都得）餐廳仲有好多日本酒，多款精緻靚酒杯配月桂冠，完美！☺️咁多嘢食只係$798，淨係刺身壽司都值回票價！

去居酒屋食嘢，款式都會相似，所以質素好重要。我哋就從幾樣經典嘅種類，去測試吓呢間鋪頭嘅食物質素。🍖前菜同小食，對於我嚟講前菜都會選擇新鮮嘅沙律，要做到refreshing嘅效果，蔬菜嘅質量就好重要，我哋揀咗原個凍蕃茄，出嚟嘅效果係一片片，但係其實系可以合成一個，睇得出成個蕃茄非常飽滿，裏面超多汁，而且，外皮相當完整，脹卜卜。居酒屋當然要叫酒，酒盗芝士就係最好嘅送酒佳品。芝士非常濃郁，配合上面嘅鹽辛，兩隻嘅鹹香，正正配合到清酒既芬香。🍖刺身同壽司，呢度每日都有飛機貨，我哋問咗今日嚟嘅係靖魚，所以我哋就叫咗個刺身，真係不得了，魚嘅味好出，肉質有彈性，唔會腥，加上佢嘅wasabi， 唔係， 應該係話新鮮磨出嚟嘅山葵，同埋薑蓉，真係非常襯到個魚嘅味道。壽司我哋叫咗北海道帆立貝，左口魚裙邊同埋赤蝦，新款嘅肉質都係非常豐厚，再加上佢本身係用上醋飯，唔使點醬油，已經好好食。我特別鍾意左口魚嗰種燒過之後嘅油香，真係好夾個醋飯。🍖煮物同串燒，黑豚露筍串同埋鹽燒白鱔，兩者都啖啖肉又非常香口，又係另一sake既良伴。但係我更鍾意汁煮牛舌，厚切嘅牛肉，用個甜嘅醬汁去煮非常入味，但係佢又甜中帶辣勁，所以你會越食

在情人節這個浪漫的日子，來一頓特別的晚餐真是太正了！這次的菜單不但好看，還特別美味，每道菜都讓人感到驚喜。首先，蕃茄沙律清新又開胃，紅紅的蕃茄搭配特製醬汁，吃一口就讓人心情愉悅。接下來的芝士酒盜，濃濃的芝士味加上酒香，讓人一吃就愛上，特別適合開胃。配埋酒 簡直係一流。主菜方面，雞翼串燒、黑豚腩串燒和大蔥雞串燒簡直是完美的組合！炭燒的香氣讓人忍不住想多吃幾串，尤其是黑豚腩，肉質滑嫩，油脂恰到好處，真是美味。刺身拼盤是這頓餐的亮點，三文魚和油甘魚的新鮮搭配，還有深海池魚壽司和赤蝦壽司，讓人食指大動。帆立貝壽司的鮮甜搭配士佐豆腐的清爽，讓整體口感更上一層樓，最後的鰻魚炒飯則是完美的收尾，讓人心滿意足。這頓情人節晚餐不僅美味，更充滿了愛意，讓人感受到浪漫的氛圍，真是難忘的一晚！在情人節這個浪漫的日子裡，享受一頓精緻的晚餐無疑是最好的選擇。這次的餐單充滿了新鮮與創意，每一道菜都為這特別的日子增添了不少色彩。

話咁快又一年一度情人節今晚同老公去咗大圍食情人節飯我哋搵咗一間日式+西式料理餐廳門口掛左啲燈籠好有日本餐廳嘅feel餐廳裝修到同居酒屋一樣亦有好多唔同嘅清酒杯選擇我哋叫咗個情人節二人餐，選擇都有好多前菜嘅蟹籽沙律，切得好幼細，醬汁好多好開胃五款魚生都切得好厚，好豐富炸雞腿肉好多Juice， 炸到熱辣辣脆卜卜，加上佢嘅自製醬汁，配合得好好壽司都好大件，個飯亦都整得好，夾起啲飯唔會跌落嚟，海膽都好新鮮免治雞肉棒配上雞蛋，都係居酒屋一定要嗌嘅食物牛舌芯燒得啱啱好，一啲都唔會韌蘆筍卷啲蘆筍切到好幼細，有口感之餘，仲唔會咬到有渣臨走前去洗手間，發現樓梯上面仲有個閣樓上面有個位置可以適合好多人一齊飲酒食嘢，仲有得唱K，下次可以多d 人去食

今日同朋友係大圍食日本野，呢到環境幾好，位置都好方便。鯖魚剌身鯖魚食落冇魚腥味，脂質含量適中，鮮滑可口，入口之後，魚油味道更突出!海膽吞拿魚腩蓉反卷上枱時都有D驚喜，吞拿魚腩蓉既份量好多! 吞拿魚蓉入口即溶，好好食。中間既海膽都好新鮮，食落係鮮甜，唔會苦，呢個真係一啖滿足。日式炒雜菜有多款菜類，調味適中，唔覺唔覺都食曬! 雞翼串燒燒得唔乾身，咬落去雞翼仍然係肉嫩多汁，而且原先少少鹽既調味已經好足夠! 燒雞皮比起一般既燒雞皮，呢到更加有厚度同埋嚼勁，脆得黎又有肉汁。牛肉烏冬牛肉份量都好多，牛肉唔係全熟，保持肉質嫩滑，湯底帶少少甜味，配搭烏冬好食!

經店家介紹時令刺身❤️魚味極濃代表嘅目仁奈 ，亦有人叫眼仁奈，學名係瓜子鱲。出沒係南部九洲一帶嘅海域，魚身呈白色，係白身魚入面，屬於魚腥味比較重嘅一派。魚肉腍嫩，鍾意食魚嘅人一定會鍾意佢。而因為魚肉本身彈力十足，所以更適合以薄切嘅方式配柑橘汁食🍊🤎拖羅蓉海膽卷奢華嘅代表，唔係講笑好好食🥲🫶🏻🫶🏻一次過滿足晒我食吞拿魚蓉同海膽嘅願望，但呢個係用拖羅！完全食唔出魚腥味🧡汁煮牛尾牛尾軟腍，湯汁充滿蔬菜清甜，蘿蔔同紅蘿蔔入晒味，口味帶微辣接近胡椒粉嗰種辣，食完成身暖粒粒🥰💛自家製炸雞炸雞香脆，自家製醬汁酸酸哋，都多青爪絲有助解膩！🖤牛肉稻庭烏冬個湯都調得好好味，好多牛肉（靚牛嚟🥲）肉味濃，入口即溶～～埋單$600，價錢走親民嘅路線，吸引唔少街坊幫襯，係間值得支持嘅小店❤️🤎🧡💛

位於大圍嘅🌟泓・西日料理🌟，走親民嘅路線，吸引唔少街坊幫襯😋！🐟黑松露鯛魚刺身 $178鯛魚薄切，加咗少少黑松露油，令淡雅鮮甜嘅魚味，多咗一份清香！🧡鮟鱇魚肝 $98超厚切嘅魚肝，入口香郁綿化，勁肥美！配搭酸汁都幾開胃！🍣炙燒拖羅壽司 $58/1貫｜北海道帆立貝壽司 $32/1貫炙過嘅拖羅，油香突出，肥美可口，柚子胡椒帶出鮮味！帆立貝好大粒，厚身鮮甜！🍣魚生太卷 $108包住三文魚、鯛魚、油甘魚、蟹柳等嘅太卷，有少少黑松露香！👅汁煮牛舌 $98牛舌軟腍，連同蘿蔔同埋紅蘿蔔都入晒味，口味帶微辣，正！🍗炸雞腿肉配自家製醬汁 $78炸雞香脆，自家製醬汁酸酸哋，有助解膩！

赤羽太係高級白肉魚,係石斑魚科既魚類,魚肉細膩、透明，脂肪豐富同甘甜,所以做刺身一流,點左醋醬汁,提升咗石斑魚既鮮甜。海膽吞拿魚蓉卷,日本海膽份量十足,拖羅蓉油脂滿滿,每啖口感豐富,好享受。炸雞腿肉配自家製醬汁,雞腿肉腌完再拿去炸,腌汁令到個肉好酥脆,炸完香氣撲鼻，點埋自家製既醬汁,有平時唐揚炸雞既口感,又有自家既特色。汁煮牛舌,呢道菜經過長時間燉煮,非常軟嫩多汁。同埋牛舌脂肪適中，口感獨特，鮮美多汁,個汁有少少椒香。牛肉烏冬,又好大片既肥牛,又有幼身既烏冬,個烏冬同個湯真係好好味,肥牛仲一d都唔老添,正呀!

今日收工嚟大圍附近食嘢，行吓行吓見到呢間裝修得幾舒服嘅日本餐廳，所以就入咗嚟～原來有兩層，樓上仲可以有個私人包廂，可以預先book枱，仲可以唱K！餐廳每日都有唔同嘅新鮮刺身可以叫～八爪足刺身 $188 呢個真心要食，老闆介紹睇翻張相，條八爪魚好長，今日新鮮到貨😍 將八爪魚分成兩個部份，八爪魚片部份，口感非常滑溜；而中間係八爪魚吸嘴嘅部份，就比較爽口彈牙！ 記得要點上旁邊嘅柚子醋，將佢嘅鮮味提升到另一個層次😋 呢個係今晚大讚嘅菜式！鮟鱇魚肝 $88 我係第一次食，魚肝本身偏鹹，但係撈埋酸酸甜甜嘅醋同埋海藻食，味道中和返，又唔錯喎😌 日式炒烏冬 $78 烏冬+豚肉炒得好惹味，份量夠，兩人食都幾飽肚！ 雞翼串燒 $28 正常水平發揮，燒得香脆，入邊Juicy～ 鹽燒活白鱔串燒 $58 呢個都特別推介，白鱔味道好鮮甜，皮脆，肉彈牙！吞拿魚蓉卷 $88 吞拿魚蓉佈滿成個卷物嘅上面，份量好足，味道新鮮👍 月桂冠- 一扑入魂 呢個酒開箱方法幾特別 要用錘仔敲開面上嘅竹片🤣

想介紹鱸魚刺身，質素非常高，魚肉鮮嫩，口感滑溜，搭配上少許醬油同山葵，提升咗整體味道，令人回味無窮。燒大拖羅壽司，每一口都散發著濃郁嘅油脂香氣，米飯亦恰到好處，令整體平衡得宜，實在係一絕，絕對值得一試。北海道帆立貝壽司同樣唔可錯過，貝肉鮮甜，質感緊實，配合清新嘅檸檬汁，令味道更加清爽，係夏日嘅最佳選擇。魚生太卷我覺得係亮點，內裡包住新鮮嘅魚生同脆口嘅蔬菜，外層嘅紫菜亦保持住香脆，口感層次分明。汁煮牛舌嘅味道濃郁，重薑味，肉質軟嫩，咬落去非常滿足，搭配上特製嘅醬汁，令人一試成主顧。日式蟹粥蟹肉鮮甜，粥底滑順，大大碗，好抵食，係一碗暖心嘅美味。

大圍內街的一間日式居酒屋，旺中帶靜。入到店內，裝修係簡約日式風格。以為座位唔多，但原來係內有乾坤，樓上仲有一層，非常寬敞，可以早啲預約，過黎開party都得呀！黑松露深海池魚刺身池魚刺身切得均勻，每片都見到肉質晶瑩剔透，鮮嫰易入口。估唔到佢加了黑松露，2者味道好夾，魚嘅鮮美，黑松露嘅濃香，好有驚喜。海膽吞拿魚腩蓉卷吞拿魚腩蓉好似小山丘咁，幾吸睛喎。海膽的順滑，吞拿魚腩蓉的鮮嫰，口感細膩，非常美味。汁煮牛舌一鍋熱辣辣嘅牛舌，一上枱已經香氣撲鼻，厚切牛舌煮得非常軟稔，蘿蔔亦非常入味，味道有啲似惹味牛腩煲，食完成個人暖笠笠。串燒雞翼 和串燒黑豚肉串燒燒得金黃色，微微的焦黃色，賣相吸引。雞翼燒得啱啱好，雞肉還是嫩滑。黑豚肉層次分明，但肉質比較乾。泓炒飯炒飯比較濕潤，配料簡單，有牛舌，豬肉，小蝦乾等，味道正常。日本清酒酒友應該都知道月桂冠清酒本身帶有隱隱果香和花香，不嗆喉，同日本料理好夾。呢個月桂冠仲好有儀式感，要用鎚打破上方嘅蓋，再舀出清酒，可使用餐氣氛更歡愉。

今日哥哥生日，嚟到大圍呢間新開嘅日式餐廳食飯，餐廳裝修充滿日本風情，食物質素都唔錯店員服務好好，最令人驚喜嘅係原來有2樓㗎， 2樓係可以當party Room咁樣一大班人唱K又食嘢，都幾正😙😙1. 第一道菜叫左個刺身黑松露鯛魚 $178 　👍🏻👍🏻👍🏻👍🏻👍🏻👍🏻刺身份量都幾多，魚充滿鮮味，好新鮮，口感好好，個刺身充滿咗黑松露嘅味道，食落都好夾。😚😚2.鮟鱇魚肝 $88 👍🏻👍🏻👍🏻👍🏻👍🏻👍🏻 呢個魚肝，一啲都唔腥，配合埋酸酸甜甜嘅醬汁，好適合做前菜開下胃😋😋😋3. 海膽吞拿魚魚蓉卷 $158 👍🏻👍🏻👍🏻👍🏻👍🏻👍🏻👍🏻嘩😋😋一上到枱，賣相都好吸引，好足料，食落都好好味，層次好豐富卷入邊有滿滿嘅海膽，卷上面亦都好足料，有滿滿嘅吞拿魚蓉，兩者配合埋啲飯，好有層次入口即溶，吞拿魚蓉同埋海膽都好新鮮，真係好好食呀，呢個大推💕💕💕💕4. 炸雞腿肉配自家醬汁 $78 👍🏻👍🏻👍🏻👍🏻👍🏻炸雞腿，外脆內嫩，肉質彈牙☺️☺️好食，炸得岩岩好，個醬汁都幾特別😋😋 酸酸甜甜👍🏻👍🏻4. 黑豚蘆筍卷串燒 $ 48 雞翼串燒$ 28食咗咁多冷盤，食埋雜物都想食吓熱嘢就試吓佢個串燒，燒物燒得啱啱好，香口得來又

隱世高質日本居酒屋🎐「泓・西日料理」@wang.wjc.tw #大圍在大圍搵到呢間隱世小店，食物高質😋餐廳環境好有日本居酒屋嘅feel🎎餐廳開到凌晨，岩曬夜收工嘅朋友，亦適合同好友聚餐🍽️或獨自享受美食🍻甲羅燒🦀 $8x必點甲羅燒‼️甲羅燒將蟹膏🦀、鮮嫩蟹肉🦀、蟹籽🦀和蛋汁🍳混合後用火燒制，風味十足🔥搭配香脆的細多士一起吃，口感豐富，好睇又好味，推薦⭐️⭐️⭐️👍泓•刺身六點🐠🦑$29x刺身拼盤有海膽、帆立貝、劍魚、油甘魚、池魚和三文魚，每款有2片，每件都係厚切😍，十分鮮甜😋，抵食👍海膽吞拿魚腩蓉卷🍣 $15x壽司卷包住鮮甜的海膽🍘外層滑嫩的吞拿魚腩布滿在壽司卷上🐟飯粒粒分明，口感細膩。啖啖散發住海膽的鮮甜，值得一試💯！月見京蔥薄燒牛舌🐂 $8x牛舌燒得岩岩好👅，肉質嫰滑，沾上蛋黃汁🥚，令牛舌更加滑膩，再搭配京蔥的香氣，帶來清新的口感✨日式煲仔飯🥘 $17x新鮮的魚片和魚頭同米飯搭配，散發出濃郁的海鮮香氣👍米飯吸收了豐富的魚湯汁，口感軟糯🍚魚新鮮🐠，最緊要冇咩細骨，又健康又好味👍👍燒雞軟骨串🐥🍡 $1x燒烤過後，雞軟骨串呈現出金黃色🔥，吃起來充滿鹹香味，軟骨的特有嚼勁令每一口都充滿了滿足感😋免治

住咗沙田咁多年，間唔中會去大圍覓食，今日就去到一間隱世居酒屋。入面裝修好和式，好似番咗日本咁，即刻啦啦臨嗌番啲嘢食先！### 海膽吞拿魚反卷 🍣呢個海膽吞拿魚反卷真係好好味！海膽嘅鮮味同吞拿魚嘅口感搭配得啱啱好。一啖咬落去，海膽嘅甘甜同吞拿魚嘅油香即刻充斥住成個口，真係令人回味無窮！😋### 魴鮄刺身 🍥呢個魴鮄刺身真係唔可錯過！每片魴鮄都切得薄薄透亮，色澤鮮艷，口感滑嫩。咬落去即刻感受到魚肉嘅鮮甜，配上少少芥末同佢地特製嘅醬油，味道更加提升。### 黑豚泡菜鍋 🍲呢個黑豚泡菜鍋真係好正！黑豚肉質鮮美，泡菜帶嚟嘅酸辣味同湯底嘅香濃完美融合，每一啖都係享受。而且鍋入面嘅蔬菜都煮得啱啱好，吸收咗湯汁嘅精華，食落去好開胃！🥬總嘅嚟講，呢間餐廳嘅嘢食質素真係好高，每樣嘢都做得好出色，值得一試再試！🌟泓・西日料理 📍大圍積福街8號地舖

在**泓・西日料理**，每道菜都讓人感受到地道的日本風味🍣。我首先嘗試了**芝士納豆**，那濃郁的芝士與納豆的獨特口感結合，讓人驚喜，既香濃又滑順，讓人愛不釋口🧀。 接著是**黑核露深海池魚刺身**，新鮮的魚肉切片薄透，鮮美的味道讓人彷彿置身於海洋之中，搭配醬油和芥末的調味，簡直是完美的搭配🌊。 然後，我品嚐了**雞翼串燒**，外皮烤得香脆，內裡肉質鮮嫩，每一口都充滿了美味的汁液，讓人忍不住想再點一串🍗。 最後是**汁煮牛舌**，那柔軟的牛舌在嘴裡化開，湯汁的鮮美與牛舌的肉質相得益彰，簡直是美味的享受🥩。 如果你想要享受這些令人垂涎的美食，別忘了來**泓・西日料理**！ **泓・西日料理** **地址：大圍積福街8號地舖**📍