影片
港鐵大圍站 A 出口, 步行約6分鐘
繼續閱讀
電話號碼
91734734
附加資料
1月28日(星期二)照常營業
營業時間
今日營業
11:45 - 15:00
17:00 - 01:30
星期一
11:45 - 15:00
17:00 - 01:30
星期二
全日休息
星期三至日
11:45 - 15:00
17:00 - 01:30
公眾假期
11:45 - 15:00
17:00 - 01:30
公眾假期前夕
11:45 - 15:00
17:00 - 01:30
以上資料只供參考, 請與餐廳確認詳情
在大圍較地鐵站偏離一點點的位置有間居酒屋，地方不算大，但座位安排尚算舒適，讓人感到放鬆，有時我覺得反而呢啲比較偏少少嘅舖子有他們的特色，有不一樣的體驗。《太刀魚刺身》平時很少見這款刺身，所以叫來品嚐，這道刺身的魚肉爽口，油脂冇三文魚咁多，感受到新鮮海水味，啱清淡口味的人。《雞皮串燒》這道菜燒得香口，外脆內嫩，無疑是邪惡之作，一試難忘。《牛舌心串燒》牛舌心的部位口感特別，咬下去有一種彈牙的感覺，搭配燒烤的香味，實在不錯。《芝士酒盗》這道菜滿滿粒粒芝士，口感滑溜，如果搭配飲酒絕佳，一口接一口停不下來。《日式炒烏冬》炒烏冬的香味四溢，麵條炒得煙韌十足，份量也足夠，絕對值得點來分享，如果唔夠飽食呢碟嘢就實足夠。《汁煮牛舌》牛舌燉得淋搭配入味的蘿蔔，那個汁也很濃郁，啱哂濃郁口味嘅人。《魚生太卷》這款太卷用不同魚生配搭而成，口感層次豐富，絕對比一般配搭的太卷精彩。用餐接近尾聲時，注意到隔離桌點了一瓶大酒，還滿有儀式感地用錘子一擊蓋子，詢問服務員得知，店內不時會有一些隱藏菜單，這款叫做「月桂冠（一扑入魂）」的酒，特別適合一班朋友聚會時享用。講開又講，服務員仲特意帶我參觀了二樓的派對房，一眼見晒空間容納十位左右的朋友，並且現場提供卡拉OK，自成一閣，啱一班朋友聚會時可以唱歌、吃小食，氣氛非常開心。
繼續閱讀
大圍呢間隱世居酒屋，食材鮮美，酒嘅選擇種類多，係一個適合同朋友暢聚暢飲暢談嘅好地方。一扑入魂～月桂冠（隱藏Menu：可請店員推介）呢個真係玩味十足，成呈酒咁呈上，然後仲有個扑酒儀式，要扑開先飲得，既好玩又打卡able，為我地增添左樂趣。月桂冠亦係店員向我地推介， 呢隻酒充滿住芬芳嘅花香味同果香味， 味道甜甜地好容易入口，完全唔嗆口，好啱女仔飲，口感亦都好順滑，配日式料理非常合適。芝士酒盜（$58）自從上次食過一次之後就愛上了呢款下酒菜。 一嚿嚿濃郁嘅芝士，啖啖奶蘇香氣係口腔入面停留，上面加上咗鹽漬物，令芝土嘅乳香味提升，送酒簡直一流。大刀魚刺身（$178）店員向我哋推介大刀魚刺身，話係刺身中嘅魚王！難得當做，當然要一試。 師傅刀工好好，每一片刺身都係同樣厚度，一口一片。 大刀魚刺身嘅魚味非常濃郁鮮甜， 油脂非常豐腴， 魚嘅濃厚油脂甘香味十足， 令人欲罷不能。吞拿魚蓉卷（$88）呢個係我食過最好食嘅吞拿魚蓉卷， 唔單止小卷裏面， 小卷上面亦鋪咗滿滿嘅吞拿魚蓉， 重點係啲吞拿魚蓉好新鮮， 口感非常嫩滑， 味道鮮甜鮮味，油脂豐富。炸雞腿肉配自家製醬汁（$78）淡淡鮮嫩雞肉，表皮炸到脆卜卜，但內裏雞肉依然保持住肉汁，咬落鮮嫩多汁。自家製蛋黃醬亦好有心思，真係食到新鮮蛋白同洋蔥，可以減低油膩感。泓炒飯（$98）呢個炒飯嘅材料真係不得了， 材料包括有牛舌、牛柳粒、豚肉等等，真係真材實料， 每一啖飯都食到好多食材， 口感同味道都非常豐富。 炒飯炒至粒粒分明，而且份量非常多，性價比較高。燒雞翼（$28/1）＆燒雞皮（$28/1）燒雞皮較其他餐廳肥厚同有嚼勁，燒雞翼就正常發揮，無太大驚喜。
繼續閱讀
呢間位於大圍嘅泓・西日料理，位置比較隱蔽，但係食物質素絕對唔馬虎。環境舒適，燈光柔和，簡約木系裝潢營造出一個寧靜舒適嘅用餐空間，適合想靜靜嘆吓嘢食嘅朋友。唔會嘈吵，可以同朋友慢慢傾計，享受悠閒嘅用餐時光。我哋叫咗幾樣嘢試吓：首先係深海池魚薄切($178)，魚片薄切得嚟好新鮮，入口即溶，鮮味十足，完全無腥味。之後嘅鮟康魚肝 ($88)，口感滑溜，鮮味濃郁，入口即化，絕對係高質之選。壽司方面，油甘魚壽司（$28/件) 魚肉爽口彈牙，醋飯酸甜適中，整體平衡感一流；而中拖羅壽司（$48/件) 嘅肥美程度令人驚喜，入口即溶，油脂豐富，鮮甜味美。燒物方面，鹽燒告白鱔（$58/串) 外脆內嫩，火候掌握得恰到好處，鹹香適中，完全唔會過鹹。另外，鹽燒雞皮（$28) 係我嘅驚喜之選，脆卜卜嘅雞皮，油香四溢，口感層次豐富，絕對係送酒佳品。我哋仲叫咗杯清酒，配埋呢啲小食，簡直係完美組合。主食方面，汁煮牛舌（$98) 牛舌炆得非常淋，味道濃郁，醬汁滲透入牛舌之中，口感軟嫩，完全唔會韌。而牛肉稻庭烏冬（$88) 嘅稻庭烏冬麵條彈牙爽滑，牛肉片分量十足，湯底清甜，整體味道平衡，非常滿足。飲品方面，我哋仲叫咗杯青森蘋果梳打，蘋果味香濃，梳打嘅氣泡感令成杯飲品更清爽解膩，係一個唔錯嘅配搭。
繼續閱讀
眼仁奈日本直運新鮮刺身呢款刺身真係新鮮得嚟又美味，魚肉滑嫩，口感極佳。搭配少少醬油，味道更添層次，令人一口接一口，絕對係海鮮愛好者嘅首選！深海池魚壽司深海池魚壽司每一口都充滿海洋嘅鮮味，米飯軟熟、醋味適中，魚片厚實，咬落去有種滿足感。搭配薑片，簡直係完美配搭，值得一試！金目鯛壽司金目鯛壽司色澤誘人，魚肉鮮甜，口感柔滑，食落去有種海洋嘅清新感。每一口都令人懷念，實在係唔可錯過嘅美味！牛舌蕊串燒牛舌蕊串燒外焦內嫩，香味四溢，肉質鮮美，咬落去有種酥脆感，真係一口接一口停唔到。搭配特製醬汁，更加提升味道，無論聚會或小食都好啱！自家製免治雞肉棒呢款自家製免治雞肉棒肉質鮮嫩，口感滑順，味道香濃，配上特製醬汁更加好味。每一口都充滿滿足感，適合做小食或派對小食，值得推薦！汁煮牛舌汁煮牛舌軟嫩入味，醬汁濃郁，牛舌嘅肉質非常滑，完全吸收咗醬汁嘅香氣，食落去令人心滿意足。配飯食更加美味，實在係肉食愛好者嘅夢想！ 牛肉稻庭烏冬牛肉稻庭烏冬麵條滑順，湯底清甜，牛肉質地鮮嫩，整體味道和諧。每一口都充滿滿足感，暖心又暖胃，特別適合寒冷嘅日子，令人回味無窮！
繼續閱讀
去大圍圍方買啲野，然後晚飯想搵嘢食嘅時候，就諗起大圍站附近有好多小店，想食日本嘢嘅時候就搵到呢間泓。從外面裝修覺得入邊好特別，就決定入去試，叫左個鷹羽鯛，佢係日本直運新鮮刺身，非常鮮甜美味，另外叫咗個鉬鯛壽司同埋深海池魚壽司，除咗兩個刺身好鮮甜外，我仲覺得嗰舊壽司飯都好好食，日本炒雜菜令我朋友唔鍾意食菜嘅人都覺得佢炒得好好味，味道係甜得來不影響蔬菜嘅新鮮味道，仲叫咗個炸雞腿肉配埋佢哋新鮮自家製嘅醬汁，炸雞脆而嫩滑，內面非常多汁，而且佢個醬汁係唔會太濃味，我估應該係驚影響雞肉嘅鮮味，所以成件事係好好食，最後要講返佢嘅泓.炒飯，呢個飯真係好特別，佢有一種好香嘅油香味，但係又講唔出係咩味，超讚，有水準。
繼續閱讀