更多
2025-02-19
138 瀏覽
去居酒屋食嘢,款式都會相似,所以質素好重要。我哋就從幾樣經典嘅種類,去測試吓呢間鋪頭嘅食物質素。🍖前菜同小食,對於我嚟講前菜都會選擇新鮮嘅沙律,要做到refreshing嘅效果,蔬菜嘅質量就好重要,我哋揀咗原個凍蕃茄,出嚟嘅效果係一片片,但係其實系可以合成一個,睇得出成個蕃茄非常飽滿,裏面超多汁,而且,外皮相當完整,脹卜卜。居酒屋當然要叫酒,酒盗芝士就係最好嘅送酒佳品。芝士非常濃郁,配合上面嘅鹽辛,兩隻嘅鹹香,正正配合到清酒既芬香。🍖刺身同壽司,呢度每日都有飛機貨,我哋問咗今日嚟嘅係靖魚,所以我哋就叫咗個刺身,真係不得了,魚嘅味好出,肉質有彈性,唔會腥,加上佢嘅wasabi, 唔係, 應該係話新鮮磨出嚟嘅山葵,同埋薑蓉,真係非常襯到個魚嘅味道。壽司我哋叫咗北海道帆立貝,左口魚裙邊同埋赤蝦,新款嘅肉質都係非常豐厚,再加上佢本身係用上醋飯,唔使點醬油,已經好好食。我特別鍾意左口魚嗰種燒過之後嘅油香,真係好夾個醋飯。🍖煮物同串燒,黑豚露筍串同埋鹽燒白鱔,兩者都啖啖肉又非常香口,又係另一sake既良伴。但係我更鍾意汁煮牛舌,厚切嘅牛肉,用個甜嘅醬汁去煮非常入味,但係佢又甜中帶辣勁,所以你會越食
🍖前菜同小食,對於我嚟講前菜都會選擇新鮮嘅沙律,要做到refreshing嘅效果,蔬菜嘅質量就好重要,我哋揀咗原個凍蕃茄,出嚟嘅效果係一片片,但係其實系可以合成一個,睇得出成個蕃茄非常飽滿,裏面超多汁,而且,外皮相當完整,脹卜卜。居酒屋當然要叫酒,酒盗芝士就係最好嘅送酒佳品。芝士非常濃郁,配合上面嘅鹽辛,兩隻嘅鹹香,正正配合到清酒既芬香。
🍖刺身同壽司,呢度每日都有飛機貨,我哋問咗今日嚟嘅係靖魚,所以我哋就叫咗個刺身,真係不得了,魚嘅味好出,肉質有彈性,唔會腥,加上佢嘅wasabi, 唔係, 應該係話新鮮磨出嚟嘅山葵,同埋薑蓉,真係非常襯到個魚嘅味道。壽司我哋叫咗北海道帆立貝,左口魚裙邊同埋赤蝦,新款嘅肉質都係非常豐厚,再加上佢本身係用上醋飯,唔使點醬油,已經好好食。我特別鍾意左口魚嗰種燒過之後嘅油香,真係好夾個醋飯。
🍖煮物同串燒,黑豚露筍串同埋鹽燒白鱔,兩者都啖啖肉又非常香口,又係另一sake既良伴。但係我更鍾意汁煮牛舌,厚切嘅牛肉,用個甜嘅醬汁去煮非常入味,但係佢又甜中帶辣勁,所以你會越食越過癮,我最後忍唔住再飲埋啲湯汁。
當然,要突圍而出,餐廳除左質素之外,都要有一啲特色嘅地方,呢度最特別嘅係有隱藏menu,同埋竟然有卡啦ok。我呢日就試咗隱藏嘅酒menu,加500蚊島,就有一個好有儀式感嘅卜開個酒蓋嘅開酒儀式,個酒仲可以分俾好多人飲。另外,原來佢哋仲有卡拉ok包房,我下次都要嚟試吓,員工哥哥好好人咁帶我去睇間房,四四方方好四正,啲歌仲幾新添。
張貼