河內越式料理

營業中

休息中

我有一位朋友都非常熱愛越南野，同佢出去飲酒之前都要醫下個肚，經過尖沙咀堪富利士道，見到有間越南餐廳入邊裝修得好精緻，睇完嗰張牌都好想入去食下。順化蕃茄蟹肉扎肉湯檬：蕃茄湯底好傑身，有咬口，蟹肉鮮甜，扎肉爽口，檬粉掛哂啲湯，正。越式香茅豬扒湯河：河粉好滑，湯底牛肉味好濃厚，好接近系越南食嗰度，厚切豬扒好鬆軟，好入味，超級大塊。龍眼冰：從未飲過有咁多粒龍眼嘅龍眼冰，龍眼水好鮮甜，好大杯，抵飲。蜜蜂柚子梳打水：整罐梳打水，蜜糖柚子配合得好好，夏天飲會更加一流。喺尖沙咀E個價錢，E個份量，好抵食，我建議一大班人因為種類真係好多，可以食多啲唔同嘅嘢。

接近兩點黎到尖沙咀揾食，今日胃口一般想食返啲清淡啲嘅嘢，最後黎到呢間有飯又有粉麵嘅餐廳。餐廳位於鬧市中，差不多兩點黎到餐廳都坐滿人，好彩等咗五分鐘就有位。一坐低服務員就奉上菠蘿熱茶，散發出香甜嘅菠蘿香氣。🍜極品牛三寶湯河粉 $69Raw Beef, Beef Brisket Slice, Beef Shank Pho有生牛肉、牛展、牛丸，生牛肉好滑，牛展好軟腍，河粉鋪滿芽菜、洋蔥，河粉浸得耐都無發脹，湯底清清地，係食之前落咗少許青檸汁，感覺開胃。🍛西貢咖哩牛腩飯 $62Beef Brisket curry with lemongrass with rice咖喱一啲都唔辣，小朋友都啱食，牛腩好腍，仲有薯仔都好入味。🧋飲品叫咗冰鎮凍奶茶 Iced Milk Tea（跟餐 +$10）都幾大杯

As I have a sudden craving for Vietnamese food, I decided to walk around nearby to see if there is one. While walking past, I chanced upon this restaurant and they were quite busy during dinner time. Ha Noi Vietnamese Cuisine was located at Humphreys Avenue, couple of minutes walk from Tsim Sha Tsui MTR.  Their menu was comprehensive, offering a wide range of dishes such as pho, cold rice vermicelli, snacks, sandwiches, rice paper rolls, banh hoi, salad and drinks etc. Longan ice - Longan drink

琴晚食🇹🇼牛腱牛筋麵，今朝食🇭🇰沙爹牛肉公仔麵，今晚食🇻🇳牛三寶🤣 我係牛魔王🐮🐂 極品牛三寶湯河粉 $69牛三寶包括生牛肉、牛展、牛丸。返到屋企生牛肉已經變成熟肥牛😂 口感帶韌性～ 牛展軟腍好食，牛丸都彈牙。配埋青檸自己唧，辣椒真係超級辣🌶️ 香菜味好出，一打開就聞到🇻🇳嘅味道～🥥 椰汁三色冰 +$12我去東南亞餐廳必叫嘅特飲❗️最鍾意食綠色粉條，加埋紅豆、糯米，口感豐富，飲完好飽肚😂

 好想去旅行呀～經過呢間越南餐廳，見個餐牌啲食物都啱胃口，就入咗去！止止去旅行嘅口癮～我地叫左2個湯面，河內牛腩片湯河粉（$64）及河內牛肉丸湯檬粉（$59）2碗麵都好大碗～ 牛腩片好爽，又唔會太un👍🏻👍🏻～而牛肉丸就切左一半咁上～最啱啲咀細細嘅ladies🤣🤣另外，追加咗2個小食：酥香軟殼蟹（$42/隻）脆口、香口～仲有啲蟹膏係度👍🏻，yummy!!!越式豬頸肉（$29/細）燒得很香😙，還有些炸蒜脆脆喺面，風味十足！嘢飲方面就叫咗凍咸檸七喜（$26）同 青檸梳打（$26）～ 明明都係一罐飲品，但竟然沖到2次🤣🤣 仲要飲唔哂🙈下次加多啲辣都唔怕呀🤪

越南外賣 今晚放工去完尖沙咀做嘢，順便買個外賣返屋企食， 唔使煮咁麻煩，電腦附近有間越南餐廳呢排少食越南嘢，就一於試下。越式蝦餅煎蛋飯 $62 今晚比較肚餓呀所以唔食平時會點嘅湯粉或者撈檬，點咗個蝦餅煎蛋飯，蝦餅炸得幾脆同彈牙， 而且配有泰式甜酸汁同豉油， 煎蛋唔會太大搶咗主角蝦餅嘅光芒， 白飯份量夠多好襟飽。 酥香軟殼蟹（1隻） $42 跟餐加配小食，所以加咗一隻軟殼蟹， 驚喜嘅係蟹內有不少蟹膏同蟹肉。椰汁珍多冰（+ $12）珍多條夠滑易入口，唔太甜，椰汁香濃香滑。

我地點了2個下午茶餐，分別雞絲湯河粉，蕃茄蟹頭膏扎肉湯檬。蕃茄湯底非常濃郁，加上有蟹膏令湯底再升華起來，配料除了扎肉，還有豆卜，索晒個湯汁超好食。全碗都佈滿蟹肉，啖啖都可以吃到，正。 朋友吃的雞絲湯河粉，偏咸左少少如果下午茶餐來說，唔包飲品，價錢略為偏貴。

朋友介紹話這間幾好，咁就去試吓。門面唔算起眼，一去門口，侍應即刻上前問我幾多位。佢哋下午茶時間係2:00開始，所以睇吓下午茶有乜岩食，另外，佢哋有2人及4人餐👍🏻我今日揀雞絲湯河配熱檸，配熱飲要+$5。雞絲湯河湯底好味濃，佢跟左1杯仔的辣椒+小金桔，小金桔好香同埋甜酸味真係好配合個湯底👍🏻雞絲好多，唔算嚡，河粉份量都多，河粉係正常越南河粉，唯一係如果湯再熱少少就更加好。熱檸茶就冇乜特別，正常果種。

這間河內越式料理之前在大圍分店食過，而尖沙咀這間的位置則相對比較方便，舖面亦比較大。兩點半來到都需要等位。餐牌選擇都頗多，都是傳統越式的飯類，湯粉及撈檬，價錢在尖沙咀區算是平民吧。老世推介餐廳的香茅豬扒配上撈檬($60)。份量大大碗，豬扒比我的手掌還要大，醃得好入味，香茅味濃，肉質鬆軟，的確做得不錯。撈檬配上青瓜絲，紅蘿蔔絲，生菜絲，炸蒜及魚露，清新又好味。另外一碗順化豬肉卷湯河粉($62)，份量一樣大碗，湯底香濃，第一次食越式的豬肉卷，賣相及味道跟台式小香腸有點相近。可加錢配埋飲品

疫情有轉好，心情都唔同d, 晚市開番又可約下朋友仔食番餐😋，佢推介呢間越南餐廳，咁係尖沙咀又就腳，gogo go 🥳。#極品牛三寶湯河粉一碗有集齊生牛肉, 牛丸跟牛展，湯類第一時間要嘗一口湯先, 味道清淡中帶有鮮甜，自行加辣椒🌶️跟青檸，使湯味更特出，生牛肉偏瘦啱晒我怕肥人士，牛丸同牛展都爽口，份量大碗很飽肚。#蝦餅叫主菜可用特價加配一款小食，我叫了炸蝦餅，不會炸得過於重手，帶點輕脆更覺好味，肉質爽彈感十足，一份有4件，呢個價錢好抵食!#蟹肉扎肉番茄湯檬（友人叫）試了佢一口湯，濃厚足料夠味，唔錯啊！食到很飽🤭肚，叫番杯越南咖啡慢慢嘆☺️。地方乾淨企理，店員勤快有禮👍。

河內越式料理位於尖沙咀，主打越南菜，款款份量十足，價錢公道，而且無加一服務費，好抵食！順化牛肉煎蛋飯 $62洋蔥炒肥牛再加隻煎太陽蛋，撈飯一流！金不換豬扒炒檬粉$88超大碟，份量十足！豬扒亦都大大塊，炸至金黃香脆！檬粉加入洋蔥絲、紅蘿蔔絲、金不換、芽菜等一齊炒，好有風味！越式豬頸肉（細）跟餐加$29豬頸肉烤至面層微微焦脆，內裡爽嫩多汁，點少少甜酸醬，好滋味！熱越南滴漏咖啡 跟餐加$18越南滴漏咖啡香味濃郁醇厚，略帶苦澀回甘！加入煉奶，煉奶甜味能中和越南咖啡豆嘅苦澀及酸味，有特色！凍鹹檸七 跟餐加$12

晏就喺尖沙咀The One買完新衫準備過新年，落到樓又忽然覺得有啲肚餓想坐低食下野坐下，行過兩條街見到中銀同建行對面有間越南野，價錢正正常常就入咗去啦。見餐牌選擇都係一般越南菜式，當然唔少得有牛肉粉同撈檬嗰啲啦。我就食開湯檬嘅，鍾意濕濕地入口😌所以叫咗一碗順化蕃茄蟹肉扎肉湯檬，要多杯凍椰汁冰🥛🥛一個人等緊嘢食期間，四圍望吓，舖頭唔算大但望落都幾乾淨企理，枱面都有唔同嘅越南醬料擺咗喺度，有紙巾又有搓手液提供，衛生都做得幾足👍🏻侍應仲俾咗杯熱茶我添，幾貼心☺️椰汁冰（主食配特飲加$12）椰汁冰先來，飲落又無出面果d咁甜喎，唔錯唔錯👍🏻叫一個主食加$12就有啦，仲想點😁順化蕃茄蟹肉扎肉湯檬 （$66）檬粉上嘅時候配埋有一小杯青檸同辣椒粒，目測係幾大碗，比其他餐廳食嘅份量多，有蟹肉有扎肉又有啲肉碎仲有兩粒豆卜，真係好多材料😍😍個蕃茄湯底唔會太酸同埋太鹹，食唔出有茄膏味，本人覺得個湯底真係唔錯😋😋我仲竟然食唔晒成碗粉添，因為份量實在太多，男仔一定夠飽😉食完就真係當去咗河內啦😂😂疫情下有排都冇得去旅行，唯有幻想一下，真係有得去旅行嘅時候我都想去河內玩吓😎😎

今日同朋友去完一間喺尖沙咀嘅cafe打卡，都食得有啲飽最後習慣咗喺出面食埋野先番屋企。諗起都幾耐冇食過越南菜，其他菜式平時都算系成日食，咁啱經過呢間越南餐廳都有啲想試吓4點幾去到，吾洗等位，好快就入咗去。位置十分方便，離地鐵站好近。主菜有飯類、湯粉、撈檬類。小食嘅種類都幾多👍🏼有法包、米紙卷、濱海類等等。自己向來好中意食扎肉，食越南菜就當然系食扎肉湯河粉☺️扎肉嘅數量啱啱好吧，每一塊嘅厚薄度都恰到好處，咬落幾有口感呀😁呢樣野真系做得幾好。湯底吸收咗扎肉嘅精華，都飲到啲豬肉味。朋友向來好中意食生牛肉🐮今日由於本身真系肚餓，吾可以淨系叫生牛肉河。叫咗個牛三寶湯河，有生牛肉、牛𦟌、牛丸，牛全部都系牛，夠曬豐富🤩生牛肉當然吾會話太生啦，半生熟嘅狀態系令人不得不愛上🤤牛丸爽口彈牙。有冇人同我一樣都幾中意食牛𦟌😁次次食親都好中意佢嘅厚度，厚厚哋，食落口絕對吾會話太硬，反而系淋淋哋，牛肉味新鮮香濃。熱情果梳打，或者有啲cafe都會有呢款飲品，真系未喺越南餐廳飲過😹梳打同熱情果一開頭系分開嘅，倒完梳打落去啲熱情果度就變咗兩截色，好靚呀✨成日都覺得有親熱情果嘅飲品都會偏甜，呢度嘅就還好，酸酸甜甜幾開胃。最

當日同男朋友經過尖沙咀好想食一間真正的越南餐廳。我同男朋友一向都喜愛豬扒同埋豬頸肉尤其是撈檬真係覺得分外醒神。顧名思義就是越南的特色有生菜蘿蔔絲同埋豬扒同埋白蘿蔔。蘿蔔絲用醋浸過分外醒神而且開胃。加上好食的炸豬扒真是一流非常好的配搭。而且餐廳內有其他唔同特色嘅飲品例如椰汁冰涷奶茶真的應有盡有。加上越南特色炸中卷,下晝食一食真係好過做元帥。炸春捲裏邊有好多唔同嘅菜。地點適中鄰近地鐵站而且裝修非常簡潔整齊乾淨。令人食得安心。

尖沙咀集合商業、購物及娛樂的心臟地帶，多不勝數的百貨公司、大型購物中心與滿街的時尚商店，交織出令人怦然心動的血拼地圖，姊妹約定到尖沙咀潮聖，再去附近的尖沙咀堪富利士道覓食，行經見到「河內越式料理」的美食好吸引，地點好方便，交通四通八達，尖沙咀地鐵站出口，幾分鐘巳經到達，用餐輕鬆暢快的好地方。進入河內越式料理，環境很雅緻舒適，佈置和擺設都十分美觀，餐廳服務細心，充滿越式的格調。店內空間感很好，環境整齊優美，舒適很寫意，乾淨整潔，氣氛輕鬆。餐牌上設有菜式的圖片，美食當前無法抵擋，放縱一下自己，吃得滿足一點。美味的菜色，我們都很鐘意，價錢都很相宜。今次我選了幾款食品，軟殼蟹撈檬、香茅豬扒湯河粉、越式炸蝦餅、熱蜂蜜柚子茶及龍眼冰，上菜速度頗快，食物質素很好，享受越式美食的滿足滋味。軟殼蟹撈檬軟殼蟹熟度拿捏得很好，蟹很彈牙脆口，入面很多青瓜絲及紅蘿蔔絲，加入魚露拌勻便可進食，特別美味，我都很喜歡食。香茅豬扒湯河粉香茅豬扒未食都聞到很香的豬扒味，豬扒咬落去啖啖肉，口感脆口細膩，河粉軟硬適中，嫰滑有彈性，我食不停口，正合我的口味。越式炸蝦餅炸蝦餅香脆可口，肉質很鮮嫰爽滑，紮實彈牙，香氣撲鼻，芳香的味