河內越式料理

營業中

休息中

今日收工約咗朋友嚟尖沙咀試下呢間河內越式料理。極品牛三寶湯河($69)牛丸彈牙，牛肉都幾大片，仲係有厚度，唔係薄過張紙果type, 牛展十分入味，河粉夠順滑，湯底清清地唔會太油膩，湯河仲加上大量九層塔等地道香菜，為整個麵增添風味。順化蕃茄蟹肉扎肉湯檬($66)蕃茄湯底夠濃郁，同蟹肉嘅鮮味一拍即合，一啖湯一啖檬粉，啖啖滋味。飲品選擇多，鮮芒西米露($26) 西米露唔會太甜。羅望子冰($26) 酸酸甜甜，夏天飲特別醒胃。

突然想食碗越南河粉，同朋友行開黎尖沙咀，見到餐廳都好食物款式可以選擇。河粉、撈檬、飯類都好多，仲有好抵食既2人餐或者4人餐。我地叫左個河內雞絲湯河粉，湯底湯甜，加上河粉份量都好多，相信男士黎食都好夠飽，配上大量嘅雞絲，雞絲醃得幾入味，而且肉質鮮嫩。越式香茅豬扒湯河粉，香茅豬扒煎得好香，豬扒咬落有肉汁，一啲都唔乾，鬆軟得來有口感，呢個湯底仲有大量嘅香蔥、加上薄荷葉，更加惹味。椰果椰汁西米露，清甜又解暑。想要清潤，有檸檬蜜糖薑茶。

尖沙嘴區來說不算貴，價錢合理抵食👍🏻餐廳餐牌選擇多元化，除了河粉有不同配搭的飯雞絲湯河$56河粉柔滑，分量大，湯底清甜，雞絲一絲絲的不會鞋口，肉質滑溜👍🏻越式香茅豬扒湯河$60湯底夠味，我本身都鍾意多青👍🏻👍🏻手掌這麼大的香茅豬扒豬扒夠味，不太鹹，又不太韌，肉質好味，有口感越式炸春卷（另加$20）春卷就比較遜色，有點炸過龍，普通這杯茶有驚喜原來不是普通的茶，是有椰子香味的茶好好飲，小妹都飲了幾杯👍🏻

呢個越南撈檬價錢合理，尖沙咀地段收$64元，撈濛既雞絲較少，但也似新鮮雞拆出來的雞肉，配菜好多，檬粉正常，可以在趕時間時吃一吃手。店內也不算多人，反而佢杯茶幾好飲，不是普通綠茶，很香。

牛展湯河粉$62個湯幾好，唔會太鹹。牛展大大塊，而且都算口，入口又香又林，味道唔錯。啲河粉都夠滑，而且份量足夠，一碗就夠晒飽。軟殼蟹撈檬$72特別嘅fusion 軟殼蟹趣卜卜好味，原來都幾夾撈檬粉，酸酸甜甜加上脆卜卜，夠晒香口又好味，夏天食好清新。椰汁紅豆冰$12呢度嘅飲品加$12就有，仲可以有呢類嘅特色飲品，真係好抵。椰汁紅豆冰大大杯，入邊嘅豆都煮得好好味，椰汁又夠香，真係飯後日好正嘅甜品。椰汁綠豆冰$12綠豆冰同樣咁出色，真係好正，一定要加錢飲。

尖沙咀區返工是但食之越南餐廳，尖沙咀食野貴就人人皆知，有既都想食平啲又平民啲（就黎糧尾，大家明既🙈），是但食都有啲要求既，起碼唔可以太難食同劣食，所以搵左間越南餐廳，貪佢種類多，價錢平。.▪️越式河內三寶飯$70 三寶係指雞翼/札肉/豬扒，雞翼同豬扒炸得好香脆且好重香茅味，幾鍾意佢炸到咁脆卜卜都保持內嫰。.▪️順化蕃茄蟹肉扎肉湯檬$66 好少越式餐廳有蕃茄湯底，蕃茄湯底好香濃蕃茄亦有粒粒蕃茄，唔似一般蕃茄湯底淨係落茄膏咁單調，蟹肉係面頭，足料又濃蟹味👍🏻.▪️越式炸蝦餅$29 and 豬頸肉$29 呢度炸野真心正（雖然好熱氣）但全部都炸到好脆又唔會太硬/乾身，尤其個蝦餅又Juicy又粒粒蝦肉。.▪️鹹檸檬可樂 and 青檸梳打 青檸梳打同可樂都係原罐上，真材實料，夏天咁熱無理由唔飲野，有少少美中不足係如果加晚市嘢飲可以收平啲就好囉☺️😂

星期六休閑地出走尖沙咀逛逛，順便食番個輕便午餐，剛好行到堪富利士道的一間越南菜館，滿座！好嘢一定要等，幸運也等了10分鐘左右。雞絲湯河粉份量頗大！河粉滑溜，湯底清甜。雞絲沒有想像中嚡口，滑溜有肉香。越式香茅豬扒湯河豬扒質感軟腍，入味十足。好喜歡有大量配菜....芽菜，洋蔥，薄荷葉，增加了口感。鮮芒果西米露粒粒又大又圓西米露有嚼口。清甜有椰香，不太甜膩。如果芒果粒粒再多少少就更加好。整體是一間不錯的越南菜館。

早幾日到尖沙咀接先生放工，就到了堪富利士道Pho河內越式料理晚餐，餐廳以木色為裝修主色，還有牆上那幅女仕戴住越南帽子，整體感覺很有越南地道氣息。晚市餐廳有不少食客，餐牌分越式湯粉類、越式撈檬、飯、小食、飲品及套餐。湯粉由$56起，更可加錢點選越南小食及以優惠價加飲品。我們點了兩個檬粉，一湯檬一撈檬，順化蕃茄蟹肉扎肉湯檬及會安雞絲撈檬以及兩杯特飲龍眼冰及椰汁紅豆冰。枱上已放有特色醬汁，店員先送上兩杯果香熱茶，順化蕃茄蟹肉扎肉湯檬一上枱已聞到蕃茄香味，非常大碗而且足料，蟹肉鋪在湯檬上，有幾片扎肉，扎肉味道香質感爽，整體口感豐富有層次，另外服務員也送上一小杯，內有一個小青檸及辣椒片，可自行加入湯檬中。會安雞絲撈檬也十分大碗，而且雞絲非常豐富，也有菜絲，配上越式甜酸汁一起吃非常醒位，最適合熱辣辣的天氣。龍眼冰及椰汁紅豆冰兩杯冰凍好味，甜度適中。

之前幫襯過嘅四川食店原來已變成呢間越南餐廳，見佢門口擺放餐牌主要都係提供大路越南嘢，價錢合埋，就試下啦去食越南嘢，通常都會叫火車頭，呢度都有但係供2人用，不過唔緊要，食極品牛三寶湯檬 ($69)都差無幾另有青檸及辣椒粒提供，唧D青檸汁提鮮，加D辣椒粒提辣，更豐富湯底層次先飲啖湯，唔油味道幾鮮甜，加埋有金不煥嘅香味牛三寶包括生牛肉，牛展及牛丸，差唔多舗滿成個碗面個人黎講覺得個牛展幾得，厚薄適中，筋肉比例好岩口感，食完唔會痴"牙啦"至於個檬粉就夠滑口，條條粉明無一餅嘢，份量相當足夠!友人係飯桶，根據"茄牛"從來都係朋友呢個"定律"，就叫左客順化蕃茄牛腩飯 ($62)擺盤有D心思，橙白綠三色，歡喜幾多醬汁就淋落白飯，微酸中帶點清新; 牛腩切成粒狀，有D嚼口，方便用匙一更與飯"畢"起黎食!幫襯飯類可以優惠價追加小食，就好似呢客越式炸春卷 ($20/2件)枱上有辣酸汁用黎點春卷食，即叫即炸，夠晒熱度，饀料有蝦肉，粉絲，木耳及蘿蔔絲等，春卷皮炸至脆中帶點嚼口，內裏餡料仍然保持綿口，雙重口感!  好味!飲得多青檸梳打，今晚改飲另一"飛佛"椰汁綠豆冰 ($26)，唔算好大杯，椰汁嘅香甜椰味一飲湧進，綠

喺尖沙咀行街，發現一間非常光猛整潔嘅越南餐廳。餐牌提供好多常見嘅越南粉麵，同埋飯、小食、飲品。侍應姐姐推介，佢哋嘅越南粉卷，同埋春卷都好有特色🤔🤔蕃茄蟹肉扎肉湯檬正👍🏼非常足料，除咗一啲肉碎之外，仲有蟹肉！啲湯好好飲，唔會太鹹，比我飲晒😆😆碗湯麵嘅份量都幾多，檬粉唔會太過林或者爛晒，食到最後都可以夾得起👍🏼👍🏼另外扎肉都唔錯，幾結實。到阿姐介紹嘅春卷，又真係幾好食喎！餡料非常豐富，夾雜左啲粉絲，所以口感幾好👍🏼👍🏼叫一碗粉麵，加$20 ，我覺得值得一試😎😎青檸梳打，夠晒爽，仲要係越南版嘅梳打水，幾得意😄😄整體感覺都唔錯，餐廳環境幾好，幾乾淨，每張枱上面除咗醬料之外，仲有一支消毒搓手液，體貼👍🏼👍🏼

抵食又好食，真係返工人仕lunch time 唔洗同人迫之好選擇。今日去到尖沙咀堪富利士道揾外賣食，見到河內越式料理這間食肆，尖沙咀分店未食過，一於食吓先😉入到去裝修好舒服，牆上面有越南特色嘅圖畫裝飾品等，好有越南fell 喔！我同朋友叫咗🌸粵式豬頸肉撈檬，豬頸肉好淋，唔會乾巴巴！凍檬粉加上酸甜汁，真係好醒胃，感覺好fresh🌸招牌越式豬扒飯，豬扒有淡淡嘅香茅味，而且juicy🌸椰汁珍多冰同椰汁三色冰，椰香味十足🌸越式炸蝦餅(細)，鮮甜彈牙

去完donki入貨，諗住醫埋肚先回家。見到呢間位於堪富利士道嘅河內越式料理價錢幾相宜就入去試試。晚餐都幾多選擇，飯餐、湯粉、撈檬，仲有二人套餐。最後都係決定叫兩碗湯粉再追加些小食。順化蕃茄蟹肉扎肉湯檬 $66蕃茄湯檬粉比較少見，蕃茄湯底天然夠濃郁，蟹肉量多無腥味，檬粉同豆卜非常吸汁，值得一試。越式香茅豬扒湯河 $60豬扒調味略甜，肉質爽彈唔韌。湯底濃郁牛骨同八角味，河粉質地夠滑，誇張嘅係河粉量多到一個女生係無可能食得完。追加豬頸肉小食$29 共5塊，調味跟豬扒一樣微甜，口感爽彈。雞翼$20 正常發揮。椰汁珍多冰 +$12 有紅豆、馬豆、同珍多冰必有嘅條條，飲落唔太甜。青檸梳打 +$12另有一罐梳打水俾客人自己加。兩人食甘多野二百有找以尖咀區黎講真係超抵！

星期五放工，通常出街食完飯行下街先返屋企，今個星期想去尖沙咀行Donki ，所以就係尖沙咀搵間近近地平平地餐廳食飯，咁岩河內係地鐵站口付近^_^好多都好平，雖然多人但又吾洗排隊小食炸蝦餅，好厚身，都好彈牙，岩岩炸起，熱辣辣，好味青檸梳打，幾大杯，差吾多成隻青檸朋友仔碟豬扒撈檬酸酸甜甜幾開胃豬扒大大塊蕃茄蟹肉札肉湯檬好濃蕃茄湯底蟹肉份量適中，仲有2塊札肉同豆卜材料都多，檬粉都好大碗，好抵食食完岩岩好出發去行街

今次係第2次幫襯啦， weekend周圍都多人， 經過見到佢地仲有位就唔諗咁多嚕！～～因為唔太餓， 就想舒服同朋友傾下計， 所以點左一個main share, 同埋d小食飲品。鋪頭同上次黎一樣， 好企理， 最怕d粉麵店成地油， 佢地連廚房都比你睇到少少， 對衛生方面好有信心！ 雖然已經黎過， 不過姐姐都有同我地講外個menu, 好用心😍 我地揀左牛3寶湯粉， 3寶都好食， 不過最抵錫係佢地青檸辣椒比得好大方！！  以前係外地食開， 全部都會比半個青檸一小碟辣椒， 番黎香港之後一直覺得d鋪頭好小氣， 無青檸辣椒點算係越南粉！！ 呢方面呢到完全識做😂, 成粒小青檸切開一個口仔比你， 唔會彈到周圍都係 😊😊😊另外小食我地叫左豬頸肉同炸蝦餅， 蝦餅超香， 上檯既時間仲見到面頭有“炸～”既小油泡豬頸肉都好香口入味， 小食跟餐唔會太大份， 岩岩好。飲品我地揀左咸檸七同芒果西米露， 朋友話芒西好椰， 好好味。 我個杯就覺得佢個咸檸比得好足， 咁熱飲好爽🤤🤤

冇得去旅行，唯有去食越南野，越南係我去得最多嘅地方🥺🥺今日嗌左越式咖喱牛腩飯，咖喱牛腩飯加了椰漿， 讓口味更加濃郁。米飯也很好吃牛腩份量好多，件件炆得軟腍入味，仲有多件薯仔，吸晒咖哩嘅精髓，好味道呀，咖哩汁淋在飯上好送飯呀❤️極品牛三寶湯河粉，有生熟牛肉、牛丸🤩牛腱，牛骨湯牛味濃，越南河粉特別好吃架，吸晒湯底嘅精華喔😋生熟牛肉肉香美味，好值得食，牛丸彈牙，牛腱，成碗湯熱辣辣，香濃越南味🥰越式香茅豬扒，豬扮外皮炸得香脆可口，內裏肉質鮮嫩多汁，重點豬扒份量超多，香茅味十足😍再嗌上湯田園蔬菜🥬清甜❤️套餐包埋飲品，嗌左檸檬蜜糖薑茶同椰汁珍多冰，珍多冰的綠色粉條口感清爽，班蘭葉和綠豆粉製成粉條 👅👅