河內越式料理

營業中

休息中

今日收工約咗朋友嚟尖沙咀試下呢間河內越式料理。極品牛三寶湯河($69)牛丸彈牙，牛肉都幾大片，仲係有厚度，唔係薄過張紙果type, 牛展十分入味，河粉夠順滑，湯底清清地唔會太油膩，湯河仲加上大量九層塔等地道香菜，為整個麵增添風味。順化蕃茄蟹肉扎肉湯檬($66)蕃茄湯底夠濃郁，同蟹肉嘅鮮味一拍即合，一啖湯一啖檬粉，啖啖滋味。飲品選擇多，鮮芒西米露($26) 西米露唔會太甜。羅望子冰($26) 酸酸甜甜，夏天飲特別醒胃。