沙田凱悅酒店咖啡廳

營業中

休息中

聖誕自助餐性價比高種類好多，甜品多選擇，環境尚可，魚生刺身，唔夠好，咖啡機操作不正常，中西湯都好飲，服務員收碟太快，餐後飲品種類多花茶以茶壺上👍整體上都合格！

概覽：$400 一餐，一舨食量較難回本。海鮮缺高價種類，刺身亦講唔上出色。熱葷不。雪糕出色，一貫 Hyatt 水準！刺身：解凍處理一般，味道亦一般，令人不再 encore，不推介。蝦刺身連殼上，進食不便不吸引。火雞：肉唔乾，啖啖肉，有唔同醬汁配襯，不錯。螺：質感&味道不錯，彈牙，整體不錯。羊架：完全冇膻味，肉質按每次師傅處理生熟度不同，鍾意啖啖肉可試。焗魚：質感太硬，鮮味欠奉，有腥味，不推介。連皮魚塊：似是營養豐富，味道唔錯。正餐+甜品碟：蝦：質感&味道合格，啖啖肉，推介。蛋白餅：中間有吉士，整件甜品中各食材之配搭好好味，雖蛋白餅本身太甜，仍推介。紅酒汁煮牛肉：肉質&味道合格，啖啖肉，推介。青口：味道、質感唔錯下為淨甜品部份：Tiramisu：Mascarpone cheese 非常濃厚，推介！但怕「漏」人士可能怕怕。曲奇 & 咖啡雪糕：好味，一貫 Hyatt 水準！Bread pudding：暖身，加上適量雲呢拿醬可口。雪糕（味道：綠茶、士多啤梨、朱古力、芒果），全部奶味香濃。士多啤梨乳酪蛋糕：少甜，蛋糕中間有果肉，重乳酪味，推介。合桃批（圖片下方）：合桃經烤製，香，曲奇餅底薄，推介

睇YouTube 有片介紹，特別推介每晚有特別叮叮叮🔔時段，分別有龍蝦🦞、斧頭扒等。特意訂座和太太來試吓。餐廳環境好大盤花膠鮑魚，但味道一般，不算太好食。凍海鮮比較弱，蟹腳🦀️及螺好淡味，反而啲蝦🦐就幾爽口。燒牛🐂肉一般，鵝肝及三文魚好好味😋吞拿魚好唔掂，其他刺身ok.熱食都幾多選擇，條魚好滑。最後食埋甜品🍮，都等唔到叮叮叮🔔🤣。有啲失望，但咪我誤會咗只是星期六日及公眾假期才有，平日沒有。人均消費$600，都合理。

瞓醒突然想食自助餐，雖則係平日但要搵間有位嘅自助餐一啲都唔易🤦🏾‍♂️ 最終依間沙田凱悅有位即Book. 十二點食到三點，我自己就十二點半先去到，去到竟然半個場係空嘅，心諗係咪太耐冇食過中左伏🤔半個鐘後，放飯時間就爆滿。先講回本位凍海鮮，酒店好細心螺肉同元貝起哂殼，有海水味新鮮冇得彈。長腳蟹就差啲，冇味乾身，感覺上係隔夜自助晚餐食剩，收乾哂水，同埋比較偏細仔。燒味係凱悅嘅招牌貨，專登叫師傅砍隻鴨腿試吓，正正常常，唔算太鞋口。叉燒就推薦嘅好香好食。個塊西冷出其地白身，好咸唔好食。沙律菜好新鮮好多凍盤可以選擇。甜品🍮都算多，自己就試左幾款，除左葡撻外其餘都麻麻地總結，兩個人加埋85折都要四百蚊位，食完明白點解會即日有位，好嘅係佢泊車有四個鐘可以慢慢食。

之前食過兩次都有波龍，冇諗過佢做咗即席烹調週末主題就連平日波龍都冇埋😓價錢都600幾蚊一位，冇諗過龍蝦都食唔到半隻，好失望真心奉勸想食波龍嘅朋友唔好星期一至四過嚟短期內都唔會再過嚟食

一間並不想大家平日去的洒店，昨天晚上去了吃自助餐，以為除了一些斧頭扒要在星期六或日才有，原來平日都冇凍波龍，也沒有油甘魚刺生，只剩普通食物，唯一係好過一些放題及時間長些，食物方面行二轉已經不想再去。我都係看左YouTube 介紹才去，又冇講清楚平日有的什麼食物，居然連普通嘅涷波龍及好一點啊牛扒也沒有，既然吾想客人星期日至星期四去吃自助餐，酒店不如取消平日只做星期五，六，現在弄到去完一次有被騙的感覺，以後也不會去同集團的洒店。

咩叮叮都無平日依個自助餐真係唔使去，禮拜五六日有三場叮叮叮。這係佢最大嘅特色，但係星期一至四竟然乜嘢都冇，一場都冇, 龍蝦又冇，啲嘢食普通到不行。令人極之極之極之失望啲湯有凍，特色嘅牛扒完全唔見。行咗10個圈都唔知食乜，海鮮得四款普通嘢，最好食反而係Pizza。雪糕連特色，cone 都冇埋。所有人喺度食嘅都好失望，好失望。

應該都有五六年冇入過嚟呢度食自助餐，成日都去沙田18食，但偏偏冇機會食呢個咖啡廳，見到身邊朋友呢排話有新嘅Menu，非常之吸引，於是就約埋朋友試一試，咁多年冇見，冇退步之餘反而更加吸引。先提下大家，記得呢個全新自助晚餐只係限定週末推介五六日先有，唔好訂錯呀。佢地提供全新未見過嘅即製菜式，三款重點菜式登場時就如Hyatt平時風格，敲鐘通知全場。白蘭地火炙芝士白汁焗龍蝦基本上全場都排，鋪上芝士白汁烤至金黃色，即場加上白蘭地後點火，我就係睇見呢個咁精彩嘅場面俾佢吸引到嚟呢度食自助餐。廚房仲有戶外個個都影個個都排嘅燒牛扒，戶外位置燒烤炭爐，燒個件斧頭扒真係超靚，而家溫度同肉嘅質感都係剛剛好，上次去過黃金海岸同樣都有戶外燒牛扒，呢到嘅更加好食，更加吸睛。中式廚房嘅花膠同鮑魚絕對有JW自助餐俾到我嘅感覺，如果你識食，你可以叫佢煮個蛋麵就可以造一個美味的鮑汁鮑魚花膠撈麵，呢個唔駛聽敲鐘就可以食到。仲有扣肉，牛仔骨，水煮牛肉都不能錯過。凍廚房除左凍海鮮又龍蝦又蟹腳又帆立貝又蝦又翡翠螺都一定食唔切之際，佢都有敲鐘，即場切油甘魚刺身，雖不是厚切但好肥美，搭配清新的紫蘇青醬好有omakase嘅感覺，當然除左

每次去沙田凱悅酒店，總係令人諗起熱辣辣既火焰叉燒，皮薄香脆既烤鴨同埋別出心裁既中式甜品，當然，仲有佢既蜜糖蛋糕。訂遲少少都要明天請早。上星期就同太太及囝囝去了 Staycation 充電，原先諗住食沙田18既名物，但有大食囝囝一齊，即刻轉軑食Buffet。其實酒店內既自助餐都有好一段日子無去，之前都已經覺得不錯，最近有嘴刁朋友食過，竟然大讚，更加令人心思思。先講下重中之重，係每晚有三個特別時段，當然會有服務員提示大家。第一個重點［即劏油甘魚］，每人有三片，新鮮自然美味。再來是［火焰芝士龍蝦］，因為要放火，大家就算想影相，都要注意安全企開少少。帶有酒香的龍蝦，仲要熱辣辣，半溶的芝士令龍蝦更添香氣。第三道是個人覺得最吸引的［火焰澳洲斧頭扒及牛柳］，澆上烈酒的牛扒，烤得吱吱作響，陣陣肉香在夜空中四溢，真是令人食指大動。海鮮波士頓龍蝦當然係任食，仲要隻隻爆膏，肉質又非死實，有質素。仲有已褪殼的螺肉、爽彈的凍蝦、啖啖肉既扇貝以及甜美的長腳蟹爪。刺身竟然有我鍾意既帶子，肉質幼嫩不在話下。太太就喜歡甜蝦，不過就要替佢剝殼。加上囝囝最愛的三文魚，仲有吞拿魚、八瓜魚同希靈魚。熱葷好少見熱葷的陣容勁度有點

平日中午日子到來感覺非常舒適，人唔多，環境光光猛樓底又高！食物方面，雖然唔算太多選擇亦冇生蠔，但有長腳蟹、羊架、魚生、唔同嘅芝士及多款甜品、又有我鐘意食既有千層酥，唔錯！最驚喜係留枱時備註左有人生日，結果侍應送上一個生日小cake，生日嘅媽咪都非常開心整體用餐體驗非常良好，一讚是侍應們非常有禮！

真係N年冇食過自助餐喇！老婆大人話帶我去食我一定like爆嘅自助餐，肯定喱晚我一定食得爽皮。原來佢帶我嚟沙田凱悅酒店嘅咖啡廳，食全新即時烹調自助餐究竟有乜嘢咁老定話我實like爆？第一次嚟喱道發覺都幾正，樓底勁高地方大攞嘢食唔使迫到死。嗱食自助餐有任飲真係特别受歡迎，喱道有凍冰冰嘅蘋果伯爵茶任飲唔會好甜好過飲汽水多多聲啦。老婆大人話我like爆嘅就係喱晚有三個時段嘅敲鐘限定正菜，第一樣係六點半嘅即切油甘魚刺身配加州卷，油甘魚刺身淋咗啲紫蘇青醬味道都幾特别。跟住到七點手推車放喺户外嘅門口前面，喱次係堂弄火炙芝士白汁焗龍蝦，兩大盤龍蝦預備接受火焰嘅洗禮。師傅淋下白蘭地後再放火打卡就趁手喇。喱隻火炙芝士白汁焗龍蝦樣就very good喇唔知正唔正呢！嘩食落去芝士面頭好焦香，龍蝦肉啱啱熟好爽甜仲鬼咁多膏，唔得掂要去排多轉先。重頭戲終於嚟喇七點半喺餐廳戶外忽然烽烟四起，原來喺師傳炭燒緊斧頭扒同埋牛柳，嗰種炭香真係引死人呀唔怪之得老婆大人話我一定like爆啦。師傳會比三件正牛比排隊嘅客人，兩件係牛柳一件係斧頭扒，配汁係香濃嘅黑松露燒汁，牛柳勁淋又嫩滑肉味超濃香，炭香味十足嘅斧頭扒比較有趙口牛香超正

車媽媽已很久末有吃自助餐了！近來沙田凱悅酒店推出了全新即時烹調自助餐，一於跟好友訂檯進行自助減肥法哈哈哈！自助餐就在酒店內的咖啡廳供應，良久未訪那綠意盎然及超高的樓底依舊這麼舒適。甫踏進餐廳自助餐區便是琳琅滿目的精選甜品，雖然現在仍處於戒甜當中但我發現有數款吃了沒有負擔的甜品真係超開心。由草莓吉士撻介紹起緊接著是荔枝玫瑰乳酪蛋糕、意大利芝士餅、法式千層酥及冬甩。然後有適合我品嚐以羅漢果糖代替砂糖炮製的甜品，皆因羅漢果糖不含卡路里及零糖份所以吃多點也可以對於keep Fit中我便最適合享用，當中包括有雲石芝士蛋糕、朱古力車厘子蛋糕及芒果開心果慕絲蛋糕等。轉過彎便到即製Crepe、Waffle、鯛魚燒及黑森林雪糕杯的位置，前面還有多款配料例如朱古力碎、杏仁片、花生醬、煉奶及朱古力醬，自己喜歡怎樣配搭也可。說到甜品當然少不了雪糕那份兒！這天總共有八款口味那麼多包括有夏威夷果仁、牛奶、朱古力、抹茶、曲奇、雲呢拿、焦糖脆餅、藍莓及檸檬雪葩，我相信總有一款合大家口味的，然後還有葡撻、麵包布丁、焗杏脯焦糖牛油蛋糕、另外還有不少新鮮水果當中包括有我喜歡的菠蘿、西瓜、香蕉及柿，喜歡吃熱辣辣甜品的還有番薯

三年了、濶別 Buffet 三年之多了！終於在 Happy Friday 的黃昏來到沙田凱悅酒店的 「Cafe」，誓要與友人重拾 Buffet 之樂！首次到訪，這裡樓底高、餐桌間距寬闊，大部份食客六時已入座，卻沒有人聲鼎沸，令人倍覺悠閒舒適，暗地裡已粵劇紅令上身高唱合尺合尺 ！凍龍蝦燴牛面肉凍海鮮 / 刺身紅燒五花腩烤豬髀、焗盲曹魚中式蒸魚各式火腿肉腸各式甜品Buffet 固然不乏琳瑯滿目、中、西、日等多國的食品，但這頓全新 Buffet 晚餐的獨突之處在於可享即時烹調和新鮮製造，馬上分享吧！美食當前，重中之重是要留意三個不同時段的叮叮叮叮噹的敲鐘聲！叮叮叮叮噹 ....... 1830 的敲鐘在壽司刺身的位置，原來是極之吸引的即切油甘魚刺身配紫蘇青醬與及柚子蛋黃醬加州卷   ！先來品嚐十分新鮮的油甘魚刺身，新鮮魚刺身與新鮮感的紫蘇青醬結合，酷愛紫蘇的我認為紫蘇比重可多增加一點，可有鮮上更加鮮的效果。而外層卜卜脆蟹籽的一口加州卷，當然是老少鹹宜！第二回的叮叮叮叮噹來了 ....... 1900 的敲鐘位置在落地大玻璃的前方，是非常吸睛的火灸芝士白汁焗龍蝦！廚師在龍蝦山上淋上白蘭地燃火，

沙田𝙃𝙮𝙖𝙩𝙩 𝙍𝙚𝙜𝙚𝙣𝙘𝙮 自助晚餐🍽️𝘾𝙋值挺不錯耶🧏🏻‍♀️週末到訪 客人差不多滿座耶～服務方面職員都很勤力清理枱面的吉碟!服務態度很不錯✨食物方面款式也算多～主要以熱食為主 唯一美中不足係壽司同剌身款式比較少呢～熱食中西款式齊備 味道也不錯！另外當日有𝟹轉敲鐘(特別食物登場)🪄室外位置有炭爐燒製牛肉🔥另外有芝士焗龍蝦和油甘魚刺身～每次敲鐘全場一起移動 場面很搞笑😂我就屬於隨緣派 等大家排完隊我才去拿(最後只有油甘魚沒有排到 很快就搶光了😂)師傅即席表演火燒龍蝦 食落芝士味很濃郁🦞甜品方面因為已經很飽 就只試了鯛魚燒可惜沒有紅豆 只能以雪糕當餡料🍦但熱辣辣的鯛魚燒還是好吃的!!