影片
更多
2022-11-07
771 瀏覽
應該都有五六年冇入過嚟呢度食自助餐，成日都去沙田18食，但偏偏冇機會食呢個咖啡廳，見到身邊朋友呢排話有新嘅Menu，非常之吸引，於是就約埋朋友試一試，咁多年冇見，冇退步之餘反而更加吸引。先提下大家，記得呢個全新自助晚餐只係限定週末推介五六日先有，唔好訂錯呀。佢地提供全新未見過嘅即製菜式，三款重點菜式登場時就如Hyatt平時風格，敲鐘通知全場。白蘭地火炙芝士白汁焗龍蝦基本上全場都排，鋪上芝士白汁烤至金黃色，即場加上白蘭地後點火，我就係睇見呢個咁精彩嘅場面俾佢吸引到嚟呢度食自助餐。廚房仲有戶外個個都影個個都排嘅燒牛扒，戶外位置燒烤炭爐，燒個件斧頭扒真係超靚，而家溫度同肉嘅質感都係剛剛好，上次去過黃金海岸同樣都有戶外燒牛扒，呢到嘅更加好食，更加吸睛。中式廚房嘅花膠同鮑魚絕對有JW自助餐俾到我嘅感覺，如果你識食，你可以叫佢煮個蛋麵就可以造一個美味的鮑汁鮑魚花膠撈麵，呢個唔駛聽敲鐘就可以食到。仲有扣肉，牛仔骨，水煮牛肉都不能錯過。凍廚房除左凍海鮮又龍蝦又蟹腳又帆立貝又蝦又翡翠螺都一定食唔切之際，佢都有敲鐘，即場切油甘魚刺身，雖不是厚切但好肥美，搭配清新的紫蘇青醬好有omakase嘅感覺，當然除左
先提下大家，記得呢個全新自助晚餐只係限定週末推介五六日先有，唔好訂錯呀。
佢地提供全新未見過嘅即製菜式，三款重點菜式登場時就如Hyatt平時風格，敲鐘通知全場。白蘭地火炙芝士白汁焗龍蝦基本上全場都排，鋪上芝士白汁烤至金黃色，即場加上白蘭地後點火，我就係睇見呢個咁精彩嘅場面俾佢吸引到嚟呢度食自助餐。
廚房仲有戶外個個都影個個都排嘅燒牛扒，戶外位置燒烤炭爐，燒個件斧頭扒真係超靚，而家溫度同肉嘅質感都係剛剛好，上次去過黃金海岸同樣都有戶外燒牛扒，呢到嘅更加好食，更加吸睛。
中式廚房嘅花膠同鮑魚絕對有JW自助餐俾到我嘅感覺，如果你識食，你可以叫佢煮個蛋麵就可以造一個美味的鮑汁鮑魚花膠撈麵，呢個唔駛聽敲鐘就可以食到。仲有扣肉，牛仔骨，水煮牛肉都不能錯過。
凍廚房除左凍海鮮又龍蝦又蟹腳又帆立貝又蝦又翡翠螺都一定食唔切之際，佢都有敲鐘，即場切油甘魚刺身，雖不是厚切但好肥美，搭配清新的紫蘇青醬好有omakase嘅感覺，當然除左佢之外，仲有好多刺身俾你選擇，還有煙三文魚一定要食。
凍廚房仲有麻醬雞絲拌鮑絲，24 個月西班牙白毛豬有骨火腿同蜜瓜都係我食凍廚房首選，另外芝士selection比起一般餐一餐廳都多，芝士迷一定不能錯過，仲有凍肉，少啲食力都唔得。
熱廚仲有數之不盡咁多嘅串燒，又有羊架，香腸，豬，鴨肝，最愛海鮮汁北海道元貝長通粉，逐份即炒，飽都要試下。
甜品都好多元化，不過前段太飽我唔食得多，即製鯛魚燒，綠茶古早蛋糕，黑森林雪糕等等，我個人反而最愛即整嘅pancake，加上簡單朱古力花生醬，已經好好食，特別注意佢地係用上羅漢果糖，不含卡路里及零糖份的特質，令人覺得食自助餐都健康D。
張貼
