沙田凱悅酒店咖啡廳

營業中

休息中

實在很久沒有吃自助餐了, 心情倍覺興奮。沙田凱悅酒店位於沙田中文大學附近, 位置有啲隔涉, 酒店咖啡廳環境不俗, 感覺悠閒。餐廳推出由［仟國水產］提供魚類菜式系列, 食客可以品嚐不同方法烹調嘅味道。壽司刺身是必然選擇, 最喜愛希靈魚爽脆口感, 金黃色嘅魚子非常鮮甜。三文魚刺身新鮮又肥美, 軟綿有清甜, 吃起來充滿油香。長腳蟹, 龍蝦, 大蝦和扇貝等新鮮又清甜, 多吃都唔會飽滯。熱葷中以炒蝦球最為美味, 蝦球爽脆又有鑊氣, 還有燒賣和牛肉等中式點心。西冷牛扒肉味濃郁, 肉質嫩滑, 醬汁又惹味。甜品非常吸引, 柚子芝士蛋糕, 麵包布甸, 焗杏脯焦糖牛油蛋糕, 葡撻等多款美味可口。

又係介紹自助餐的時間，通常母親節大家都會一家人開開心心食，如果你未訂，可以諗下香港沙田凱悅酒店咖啡廳嘅lunch buffet，當然好似下星期都爆爆地，不過未必一定係正日食嘅，但呢排個theme都好值得過黎試吓。咖啡廳嘅野食不嬲唔錯，上周就試左buffet lunch，今次同本地魚場「仟國水產」合作，佢地為酒店及沙田 18 提供碳足跡較低的本地海鮮，減少外地海鮮遠程運送的不必要能源使用，環保概念已經滿分。如果你鐘意食魚，一定好喜歡呢個自助餐，好多唔同嘅魚類食，燕魚、白花魚及黃立鯧，全部肉質都非常有彈性，骨又少，清蒸本地養殖燕魚肉質鮮甜。白花魚就用上青芒果絲、車厘茄、洋葱絲及秘製泰式沙律汁做左個好開胃嘅魚。另外，香煎辣味本地養殖白花魚用上西式做法，香煎後再加上車厘茄、乾葱頭、羅靭等，最後澆上滾油，魚味濃郁。炸本地養殖黃立鯧炸魚餅，同你平時食嘅口感完全唔同。另外，另一煎黄立鯧起肉後， 加入西式辣肉腸、冬菇粒、陳皮絲打成魚膠，煎至金黃色，外脆內軟。中式嘅原條黃立鯧蒸剁椒，參考了湖南剁椒大魚頭的方式，做左個辣子魚，呢個係我最愛的菜式之一。除咗呢個主題之外，佢嘅四大open kitchen co

今晚在沙田凱悅酒店吃自助晚餐, 酒店咖啡廳地方寬敞舒服, 侍應服務也不錯。食物款式眾多, 海鮮, 壽司, 刺身, 熱葷, 水果, 甜品, 應有盡有。這間酒店向來支持本地企業, 推廣本地飲食文化, 期間限定推出的「仟國水產」海鮮菜式系列, 在今晚自助晚餐也有供應。又可以品嚐幾種魚類海鮮, 黃立鯧, 白石花魚和燕魚等, 有幾款不同嘅烹調方法。焗燕魚肉質滑溜, 配以薑蔥芫茜, 鮮甜可口。白花魚配以青芒果絲, 車厘茄,洋葱絲和秘製泰式沙律汁, 酸酸甜甜, 惹味又有層次, 魚肉外脆內軟, 口感清新。黃立鯧有幾種烹調方法, 煎, 宮保, 剁椒蒸等, 以 剁椒蒸黃立鯧最為美味, 香滑魚肉夾著剁椒和香葱, 可口鮮甜。鮮帶子, 長腳蟹和凍蝦等海鮮肉質鮮甜。甜品種類也很多, 當中喜歡葡撻仔和焗杏脯焦糖牛油蛋糕, 味道很不錯。還有蘋果汁和伯爵茶供應, 食物都幾豐富。

今晚朋友生日，我特別揀左沙田凱悦酒店嘅晚餐buffet 同佢好好慶祝，咁啱凱悦同本地魚場「仟國水產」合作，將燕魚、白花魚及黃立鯧入饌。今晚嘅魚類菜式以黃立鯧為主，小妹都係第一次見識到黃立鯧有咁多種煮法！😳開胃菜有泰式黃立鯧青木瓜沙律，酥炸左嘅黃立鯧配青木瓜沙律，酸酸甜甜，好fresh好開胃！😍西式煎黃立鯧，有d似平日三文魚嘅煮法，可能兩者嘅肉質相似，食落又幾match，加埋車厘茄同香草，都幾有地中海風情🤩中式就有清蒸同黃金香蒜2種煮法，前者清清地，只加蔥同豉油，最能突顯出魚嘅鮮味，魚味好濃！後者就好有避風塘風味，將炸到金黃嘅鯧魚夾埋少少炸蒜同酥炸金不換一齊食，口感層次仲好豐富❣️食魚都食飽左一半😂小妹當然無放過其他食品，必食嘅蟹腳、魚生我都食左好幾碟，蟹腳夠鮮夠粗，啖啖肉！仲有紅燒鮑魚同花膠，花膠好厚身，膠質滿滿，女仔真係要食多幾塊！仲有即叫即煎嘅羊架！甜品方面亦都好多選擇：窩夫、雪糕、各色小蛋糕，值得一提嘅係有幾款羅漢果糖蛋糕，感覺健康d，可以食多幾件🫢

今次嚟到沙田食自助餐，做緊期間限定主題，聯乘西貢「仟國水產」養殖魚場 有三大優質本地魚入饌，期間限定「仟國水產」海鮮菜式系列，為酒店咖啡廳提供碳足跡較低的本地海鮮。海產類方面，龍蝦、長腳蟹、凍大蝦、螺肉扇貝等等應有盡有，每款都好新鮮，而且肉質鮮甜。另外以「仟國水產」海鮮菜式做主題，有三大優質魚，炮製多款美食，以燕魚、白花魚及黃立鯧入饌，配合埋唔同嘅烹煮方法，令到每款菜式都好特別吖。 鍾意食海鮮魚類嘅朋友，真係唔好錯過呀。沙律菜，芝士，水果等等供應都好充足，款式豐富。值得一提嘅係呢一餐俾我食到好多唔同款式嘅魚，清蒸燕魚搭配葱、蒜頭等清蒸，口感滑溜，食得出魚肉鮮甜。而配上白酒汁焗本地養殖燕魚，亦都好鮮甜呀。另外，另外，酒店餐廳用左本地養殖嘅白花魚配以酸菜辣椒煮成酸菜魚，真係好好食呀。另外，白花魚原條起肉切件再炸，加入泰式青芒果沙律，配搭清新惹味。另一味值得一提嘅係，香煎辣味白花魚，配搭埋車厘茄、乾葱頭等等，煎得香脆惹味而juicy. 鍾意食魚嘅朋友，真係唔好錯過原條黃立鯧蒸剁椒，配埋蒜蓉、辣椒醬等鋪滿清蒸，入口肥而不膩、肉質滑嫩，入味。另外，宮保黃立鯧魚，又係惹味，煎得香脆可口，真係好特別

平時吃下午茶離不開三層架的款式，吃得多又想轉轉感覺的話去嘆下午茶半自助餐也是個不錯的選擇。這天約了好友來到Hyatt Regency Hong Kong, Sha Tin的咖啡廳，跟她於週末嘆了個休息的下午茶半自助餐。這個下午茶半自助餐包括了位上的頭盤、主菜，另外配任吃的自助窩夫甜品吧！基本上豐富得像個晚餐吃得我們超滿足。自助窩夫甜品吧內有多款甜品可以無限任吃，對甜品迷來說絕對是超級引的下午茶。款式包括有以牛角包炮製的麵包布甸配雲尼拿汁、焗杏脯焦糖牛油蛋糕、迷你葡撻、時令中式糖水紅豆沙、即焗窩夫及班戟。最後還有黑森林杯和精選8款Haagen-Daz的雪糕任君選擇。返回座位時侍應隨即送上熱騰騰的麵包，塗上牛油一起品嚐總教令人吃得滿足。接下來上檯頭盤是位上的經典大蝦帶子咯嗲沙律，用上可持續的海鮮來製作內裡有大蝦、帶子及沙律菜，配以大廚自家製的Cocktail Sauce。賣相美美的Seafood Cocktail很吸晴，放在通透的馬天尼杯中就更加誘人。雪白的帶子富咬口有鮮味而大蝦更是爽口彈牙，另外沙律菜配上酸香的Cocktail Sauce好清新味美。來到位上的主菜香煎鵝肝、烤牛西冷扒配黑

放假就係想食返餐豐富嘅𝐛𝐫𝐮𝐧𝐜𝐡🍳🥓🍴沙田凱悅酒店最近推出咗假期下午茶半自助即日起逢星期六、日、公眾假期都食到😚2位或以上就可以食齊前菜/主菜/自助甜品吧🍮.𝐖𝐞𝐞𝐤𝐞𝐧𝐝 𝐀𝐟𝐭𝐞𝐫𝐧𝐨𝐨𝐧 𝐓𝐞𝐚 𝐒𝐞𝐦𝐢-𝐛𝐮𝐟𝐟𝐞𝐭🍴 ($𝟑𝟐𝟖/𝐩𝐩𝐥)① 𝐂𝐥𝐚𝐬𝐬𝐢𝐜 𝐩𝐫𝐚𝐰𝐧, 𝐬𝐜𝐚𝐥𝐥𝐨𝐩 𝐜𝐨𝐜𝐤𝐭𝐚𝐢𝐥🍸//不論係帶子定係蝦都好新鮮🤤，帶子大大粒好軟腍肥美💛，加埋大廚自家製嘅𝐜𝐨𝐜𝐤𝐭𝐚𝐢𝐥 𝐬𝐚𝐮𝐜𝐞酸酸甜甜好開胃！//② 𝐆𝐫𝐢𝐥𝐥𝐞𝐝 𝐀𝐮𝐬𝐭𝐫𝐚𝐥𝐢𝐚 𝐁𝐞𝐞𝐟 𝐒𝐢𝐫𝐥𝐨𝐢𝐧, 𝐛𝐥𝐚𝐜𝐤 𝐭𝐫𝐮𝐟𝐟𝐥𝐞 𝐬𝐚𝐮𝐜𝐞𝐏𝐚𝐧-𝐟𝐫𝐢𝐞𝐝 𝐟𝐨𝐢𝐞 𝐠𝐫𝐚𝐬, 𝐛𝐫𝐨𝐜𝐜𝐨𝐥𝐢𝐧𝐢, 𝐛𝐚𝐛𝐲 𝐜𝐚𝐫𝐫𝐨𝐭𝐬, 𝐩𝐨𝐭𝐚𝐭𝐨 𝐦𝐨𝐮𝐬𝐬𝐞𝐥𝐢𝐧𝐞// 澳洲西冷牛扒煎得啱啱好，外層微焦香港中間肉心粉嫩🥩，表面淋咗黑松露醬好香口~香煎鵝肝入口即化好軟綿綿♥︎ 而且煎得恰恰好 油脂感爆發✨//③ 𝐀𝐥𝐥-𝐲𝐨𝐮-𝐜𝐚𝐧-𝐞𝐚𝐭 𝐝𝐞𝐬𝐬𝐞𝐫𝐭 𝐛𝐚𝐫// 自助窩夫及甜品吧可以任吃約10款甜品♥︎ 有以牛角包作基底嘅麵包布甸🍞🍮 仲有即叫即做嘅窩夫🧇、𝐜𝐫𝐞𝐩𝐞𝐬同埋雞蛋仔✨ 可

環境舒服，服務態度良好，要求職員比卡位坐都比，但大多數野食真心麻麻地，例如長腳蟹好咸，螺肉好多沙甘，所有虾都無虾味😂好既係甜品都吾錯，刺生都ok,平日可能客少，d食材去吾到擺到吾多新鮮

冷盤:長腳蟹、龍蝦鉗、帶子在鮮、味正常，不太咸……長腳蟹's鉗有大隻不太多，但隻長腿有肉、肉質鮮，供應超足。龍蝦鉗:不得不快快夾多兩隻…有肉鮮味…到中期時段就轉罪翡翠螺肉(轉咗自己冇夾)！帶子:大大隻肉、兩隻都冇帶便腸。熱食:秋葵三杯雞:雞滑水煮鴨:用燒味……渣流灘(用粉麵的燒鴨胸來做)黃酒雞……味道濃炒飯:味道淡了DD、都炒到一粒粒燒羊架:冇so味、冇over cook到，還有火燻味……壽司:三文魚主打……小卷也是三文魚……大家食自助餐D個位置不會多留意……不如去食放題甜品:有D用咗羅漢果糖製、小小件……難夾水果部:冇咩選擇……火龍果、波羅、哈蜜瓜雪糕:多選擇……但員工太忙又飽……又減小食甜嘢冇等………………………………因為自助餐多炒散企……唔講服務，但清碟快手正常，有禮……

媽咪生日，一大班人食飯，又有大人又有小朋友， 最好的選擇當然是自助餐。 大朋友食餐飽，小朋友又可以自由走動。 自助餐有晚上六時開始，可以食到10點，無分時段。 其實酒店5點九已經準備好可以隨時開始。 開餐～食物種類相當豐富，琳瑯滿目。涷櫃有牆長腳蟹、帶子和蝦。 供應充足。 日式刺身有多款選擇，三文魚吞拿魚、喜靈魚與赤貝等，還有特別時段可以取當日最新鮮的刺身。師傅會敲起手鈴，大家一齊排隊很有氣氛。 當然都有芝士、沙律涷櫃和cold cut 可以自由選擇。 熟食方面有羊架， 德國香腸、鵝肝多士、現場即煮帶子意粉、Pizza。。。中式選擇都不少， 湯麵區、 燒味、中湯。。但今日沒有平時最愛豬腳薑令～令～令～ 又可以出去取芝士龍蝦啦～ 每人半隻， 大量供應， 人人有份， 不用擔心。 食到好飽好開心。 令～令～令～ 又有即場燒好既牛扒。 小朋友們又有任務， 牛扒燒得剛剛好。最開心的應該是小朋友了，可以行來行去，幫手排隊。 甜品種類十分多，葡撻很出名哦！即叫即整pancake, waffle... 自由配搭雪糕同生果。仲有8款雪糕雪芭，最特別的是黑森林雪糕杯，可以自選兩款雪糕，再加朱古力碎、蛋糕、

今次第三次來食。第一次週末中午自助餐，第二次星期五晚自助餐，第三次即系今次平日中午自助餐。平日人比較少，感覺好舒服，好悠閒，唔駛爭嘢食😂。感覺上週未中午自助餐好似比較豐富啲，食物依然唔錯。佢哋既燒味做得都唔錯。今次經openrice訂有折，抵。款式晚上是比較多一些。訂坐時主題是生日，估唔到酒店最後有個Mini cupcake, 有誠意😁

680蚊嘅自助餐， 當然係好高期望。 之前喺openrice睇到有好豐富嘅食物，仲有精彩嘅表演。 今次就有啲失望， 雖然食物嘅品種都唔少 ，鮑魚花膠任食 ， 仲有鵝肝多士， 而且質素幾好。 但係都有啲好失望嘅位， 就係羊架同牛扒都好差， 羊扒好乾，燒到好燶，牛扒冇鮮味仲有啲好鹹 。凍海鮮都幾多，有長腳蟹，蟹鉗，帶子同埋大蝦，新鮮程度及格，且供應不斷。最好嘅可能係甜品，麵包布甸，葡撻，雞蛋仔非常搶手，不停咁樣出新貨，仲有提拉米蘇都非常受歡迎。 而且全場滿座，大家消費意欲滿滿。環境幾好，坐得好舒服，值得一讚嘅係服務 ，侍應姐姐們非常友善，而且仲會提議我哋記得要食葡撻，又真係幾好味。 熱葷嘅供應唔係好多，而且質素都普通。魚🐠生部分幫襯嘅人都唔係好多， 可見過質素平平。以680蚊嘅價錢來計，呢個自助餐就有點遜色了。😅

五星酒店的dinner buffet，一般食物款式、質素都有一定水準。今次公司預定了Hyatt 夜晚自助餐，大家滿心期待和歡喜今晚食大餐，利申，當天是平日星期二。行匀全場，失望不矣！ 刺身區普通刺身，三文魚、吞拿、希靈、小甜蝦。如想主攻貴價食品的話，我只能說只有香煎鴨肝多士、花膠扒、鮑汁鮑魚，三款！甜品區，甜品質素頗差，款式小，味道淡。小泡芙，小件芝士餅、麵包布甸、雞蛋仔、pancake、腐竹雞蛋糖水。生蠔、龍蝦、拖羅無，如 $700/ head 吃這類質素之食物，不值一顧！

在快樂的假期，見好友，就是美麗。尋找可以好好休息談天的地方，凱悅酒店也是不錯的選擇。午餐人流旺，但座位闊，唔會覺得迫，每間隔都有足夠空間。食物類型多元化，冷，熱隨心。當然朋友愛冷盤，長腳蟹鮮，刺身蝦好爽。牛舌超厚，入味，易咬開……比羊架更佳。蒜心西芹雲耳炒蝦仁的奇景係，蒜心等俾人取盡，餘下只有蝦仁（好在，我取走最後六條）。甜品有六類口味雪糕，有pancake，有腐竹旦糖水，麵包布丁，水果，最開心係用羅漢果糖製芝士蛋糕，朱古力蛋糕，令人可多吃兩口。

聖誕自助餐性價比高種類好多，甜品多選擇，環境尚可，魚生刺身，唔夠好，咖啡機操作不正常，中西湯都好飲，服務員收碟太快，餐後飲品種類多花茶以茶壺上👍整體上都合格！