沙田凱悅酒店咖啡廳

營業中

休息中

今天是我兩位朋友的生日，由於他們都很喜歡吃自助餐，而最近亦有很多 staycation 的優惠，剛巧看見這間酒店的雙人 staycation 套餐只需$1400，所以我們便選擇來到這間酒店吃自助晚餐+住宿一晚了晚市自助餐的供應時間是6：00~10：30，用餐時間相當充裕，可惜作為一間五星級酒店自助餐，食物選擇種類卻非常少，而且味道亦不算特別出色，大部分都是不過不失而已，感覺上只是四星自助餐的水準...No.1【凍海鮮】海鮮分別有龍蝦、蟹鉗、長腳蟹、大蝦、青口和小龍蝦供應但在眾多海鮮中，只有龍蝦的味道較為出色，肉質不單止爽脆彈牙，鮮美多汁，每一口更嚐到龍蝦淡淡的鮮甜味，以自助餐的水準來說算是相當不錯了可惜長腳蟹卻充滿著濃濃的海水味，而大蝦則沒有任何味道，淡而無味的，最後蟹鉗的味道更十分怪異，所以我通通都只吃了一小口便放棄了由於刺身看起來只是元氣/爭鮮的貨色，而本人亦對冷盤，沙律，芝士不感任何興趣，所以我便省略了，只拍了幾張照片供大家參考現在我便直接來到了熟食區域，可惜食物選擇依然不多No.2【熟食】熟食比較出色的就只有羊架和鴨肝，羊架的肉質十分柔軟嫩滑之餘，亦充滿著濃濃的羊膻味至於鴨肝的

食物味道很一般，紅色絲絨座椅有污漬及食物碎屑，食物少種類少，只有燒味3款，熱暈5-6碟，味道偏咸，牛肉炒得過熟過老，奇怪的是每樣食物都有蓋子蓋住，唯獨中式湯品及羌醋沒有蓋子蓋住，在疫情之下，甚是奇怪，甜品方面只有6-7-樣左右，但卻有膠圍板圍封，但雪糕卻不是獨立包庄要人手分配，唯此種種，不能暢快取用品嘗，湯麵檔口方面未見有人招乎，唯有忍手，另外，厠所的清潔也非常有待改進，在以4-5星酒店來說是多麼令人失望，盼日後多所改善。

性價比不高。食物選擇不多，作為一間應該算5星級酒店，唯一推介是龍蝦，其他非常普通。另外由晚上七點半入座到九點一直是一條魚骨，沒有更換過。問經理就說蒸緊，就快出，一會拿了一小碟給我＂兩個人＂食，食完想再出去攞，奇怪又係一直那排魚骨，唔知佢哋去邊度攞一碟出嚟打發我！叫嘅奶茶是一杯沒茶包的淡茶。最後連開車走都唔可以順利，俾嘅泊車卡去到閘機讀卡有問題，把車停好上返去問，前台換咗另一張卡又揸到閘機又係相同問題，又再上去叫經理落去停車場自己試！攪了20分鐘才出閘！一個完全＂難忘＂的經歷竟然發生在意想不到的Hyatt 集團酒店內！

尚記得2019年，社會充滿動盪嘅一年。而小妹嘅公司都經歷異常忙碌嘅一年！所以老闆為咗慰勞大家，決定帶我地去沙田凱悅酒店食返個自助午餐順道慶祝聖誕啊啊啊！餐廳佈置得非常有聖誕氣氛，好吸引我地一行十幾人嘅眼球！坐低咗之後，就即刻彈起身出去攞嘢食喇！嚟五星酒店食自助餐，第一時間梗係衝去冷盤部攞長腳蟹、刺身嗰啲啦！呢度有吞拿魚、三文魚同甜蝦，我每樣都攞咗少少嚟品嚐。另外仲有我最愛嘅巴馬火腿配哈蜜瓜。燒烤Bar有香草燒羊架、燒牛肉咁、串燒、Pizza等可以滿足一眾食肉獸嘅胃口。而中菜部則有蔬菜、中式點心叉燒包、蝦餃之類。湯類有中有西，仲有胡椒豬肚湯添！食到好飽，飲返杯附設嘅熱檸水消吓滯先～～

比較同级酒店用料比較高级，無論任何食物也有一定質素，蛋非常有蛋味，芝士也是中上貨色，果jam也用上瓶裝成本較高，店員服務也加分，清理碟的速度也非常快，是值得推介的自助早餐。

期待已久嘅自助餐，一心諗住食龍蝦🦞，唔知咩原因，只得手掌咁大嘅龍蝦仔提供，非常失望😞因為喺OpenRice訂位，亦都冇寫明係冇平時嘅龍蝦提供，用龍蝦仔代替😭

老公生日，想搵間唔係✔紙嘅自助餐，睇到最近嘅食評同有龍蝦食都好吸引，訂位有78折，每位500大元，正所謂希望越大就失望越大，一入到去就被安排坐二人枱，無問題，但係張櫈後面就係梳化位，一見到咁已經問可唔可以安排第二個位，我話坐咗呢度會阻住出入，但啲工作人員擺出一副睬你都傻嘅態度，唯有坐後啲等啲人過唔到以為得喇，點知啲人見到有小小位就係咁貪方便行出行入，又踢到你張櫈，連啲侍應都係咁，捧住啲碟係你頭上經過，差差差諗住食番啲好野補數，點知款式少成咁，啲蟹腳咸到死，魚生無味，真係無言了。之前成日去尖沙咀嗰間食烚龍蝦，而家變咗寫紙仔，以為呢間嘅質素無八成都七成喇，唉五成都比多，如果大家未試過嘅可以慳番。我發覺啲引人去幫襯嘅食評，好多都係高級會員寫嘅，唔通佢地去會有特別招待？

女朋友知我鐘意食海鮮，所以生日就揾咗呢間自助餐同我慶祝 😍 酒店交通十分方便，鄰近火車站，步行五分鐘就到，而且又可以揸車，消費滿 $280 蚊就有一小時免費泊車，如此類推。餐廳環境寬敞，而且樓底亦幾高，枱與枱之間都有適當嘅距離，依家網上訂座重有 78 折優惠添 👍🏻 入座前基本程序，探熱加搓手液，之後侍應就會安排座位，酒店為安全起見，將攞食物既地方圍成一個圈，變成得一個入口兩個出口，而係入口處就會有一位侍應全天候咁企係度，每位顧客入去攞嘢食前，都要領教下侍應枝搓手液先可以入場，如是者呢晚我大大話話都洗咗三，四十次手。海鮮區有蝦、長腳蟹、青口、小龍蝦等等，不過竟然冇龍蝦同翡翠螺，有點失望呀 😞 特登每款都試試睇下味道如何，長腳蟹見好多人攞，不過自己食咗兩隻左右就無食，因為真係超級咸 🥴 小龍蝦亦係好咸 🥴 蝦雖然好大隻，但係啲肉好實，唔知係咪衛生問題，所以特登整熟啲，如果食多幾隻真係會頂胃。刺身區更加係慘不忍睹，三文魚、八爪魚、北極貝通通都無，淨係得赤蝦、希靈魚同吞拿魚，相反熟食區就好啲，款式種類都幾多，而且有啲重幾特別，例如葡汁焗海鮮，好好味所以都食咗幾碗。另外鮑魚，花膠都係任攞，而且

呢星期放大假，又係我搵食時間，我都好耐無食自助餐，見呢間近近地又就腳。。。星期一至五 $360/位，而家有78折，埋單約$320/位 Buffet時段11:30am至2:30pm消費滿$280 免一小時泊車，如此類推今日一黎到有少許失望，刺身竟然連三文魚都冇，以下呢幾款，真係唔多吸引 熟食就普普通通，款式唔多，最好食就係燒羊架燒蝦甜品方面，質素幾高😍好多款都好好味👍冰鎮生果杯好冰涼，菠蘿西瓜都好甜環境好濶落，樓底高，落地大玻璃，坐Sofa幾舒服

自助晚餐有任食鮑魚、花膠等矝貴食材，能品嚐鮮味極限，一定滿足海鮮控的要求。海鮮自助餐由晚上6時至10時，現在經官網預訂，於星期一至四、日及公眾假期享78折 ; 於星期五及六享85折 (父親節期間亦享折扣優惠)。我跟朋友為了海鮮盛宴，慕名而來。海鮮Corner放滿琳琅滿目的珍品，龍蝦、雪蟹腳、鮑魚、小龍蝦、海蝦及青口。龍蝦十分巨型，肉質潔白爽彈，用叉子挖出蝦膏享用，更加香滑鮮甜! 蟹腳如前臂般長，沿著骨節位剪開，看見粉嫰的蟹肉，入口一絲絲。小龍蝦Size雖小，但蝦膏連同蝦肉享用，十分滿足。青口肉質挺身，口感帶嚼勁，十分新鮮。原隻鮑魚厚肉，口感煙韌、滑溜，極為鮮味，滋味停不了。花膠炮製出黏糯、細滑的口感，每口如綿花般彈牙，充滿骨膠原，適合滋補養顏的女士。到了壽司Corner，有三文魚、吞拿魚、鯛魚及帶子刺身等，還有林林總總的壽司: 甜蝦、三文魚、炸蝦反卷及加州卷等，款式不算太多，但味道新鮮，再配一口冰涼的蕎麥麵，滋味清爽。熱盤區有即點即製的煎鵝肝醬多士，是我的心水首選。脆卜卜的多士，配上豐腴細膩的鵝肝，入口油香滿佈，沾上香甜的黃梅醬，啖啖誘惑。Pizza以烤爐即時燒製，十分香脆。還有葡式焗

與家人到酒店吃下午茶，到達才知道已暫停了供應自助餐，唯有跟menu 點餐。四個人點了一份tea set $380 兩位，加兩個牛肉漢堡，另加兩杯Latte。三層Tea set 賣相不錯，但可惜味道太令人失望 最底層的鬆餅最好吃，中層的咖哩雞肉撻非常乾，肉亦鬆散，最上層的甜品更是甜到不能接受，味道亦很奇怪⋯最終沒有吃完⋯還好兩份漢堡都味道不錯，五成熟，剛剛好。整體而言兩份漢堡挽救了今次的體驗，下次再來應該不會再吃tea set⋯ 又貴又難食

星期六突然想食自助餐，趁大學站開返，所以就去大學站呢度食啦～食過好幾次，一向都覺得呢度ok，嘢食種類繁多，味道方面ok準時6:00到，已經有幾枱，一開始當然係食凍海鮮🦞啦～今日除咗有平時嘅海鮮，仲多咗鮑魚，數量好多，補貨好快，唔會吉咗個位出來。魚生沙律🥗pizza意粉🍝燒烤一如既往，正正常常，pizza細細件好食～熱盤選擇不多，有魚，花膠鮑魚等等～最正係個中湯，我飲咗4,5碗。佢次次都不同款嘅，今晚係蟲草花煲龍骨，好好味😋甜品🍮款式多，應有盡有，係蛋糕款式唔算太多，其餘有即製窩夫🧇班戟，仲有迷你葡撻，中式糖水，雪糕，涼粉，生果，巨型可樂糖🍬。。。。順便一提服務態度非常好👍超讚～星期六晚$630一位，經openrice訂位有9折，一定會再去～

同屋企人黎食lunch buffet ！！！❤相當唔錯 食物選擇多 款式多 中西日式乜都有 甜品又靚又好食 。服務最好！！！大大加分 另外重叫左支白酒飲 唔錯 價格合理 總體黎講 食得好開心 加上聖誕裝飾全部都好靚 賞心悅目 成餐飯大滿足 預祝埋新一年！！

22/12 是我的生日，我先生book了這間自助餐同我慶祝，第一次黎，環境不錯，餐員質素也很高，非常貼心客人需要，而且也很有禮貌，環境很舒服，食物質素也非常新鮮美味，有長腳蟹，龍蝦， 鵝肝 ，鮑魚， 海參，花膠等等，，如果可以有生蠔就錦上添花了😁，甜品款式都算ok，係聖誕節日裡，這個價錢，我真係覺得超值，唯獨係飲品就差了一點，因為現場咖啡機壞了，只有水及檸檬特飲，想飲熱飲係無，不過食完每人都有1個自選飲品，整體真係不錯，以後一定會再來，希望一路都保持到水準就好了😊

今日想揸車四圍去，盡量搵啲遠少少而又有泊車嘅酒店食自助餐搵到呢間平時諗都唔會諗嘅地方，又適逢大學站唔開，諗住冇乜人，跟住揸車過去，佢280蚊可以free一個鐘，咁我見樓下好多街邊位，我泊咗喺街邊就算，所以唔知佢係唔係真係幫襯280蚊free 一個鐘另外我揀呢度嘅原因我喺相片裏面見到佢有部咖啡機，不過嚟到原來每人只有一杯，任飲即磨咖啡對於我嚟講係一個好重要嘅元素，呢度冇生蠔，亦都冇任飲咖啡，連茶都無，只有檸檬水，所以我覺得返轉頭嘅機會率實在係冇乜不過呢度嘅落地玻璃亦都係我揀呢度嘅其中一個原因，令到感覺 free D，呢度樓底夠高，枱之間亦都有足夠空間，環境唔錯嘅，可以加分呢個凍海鮮有龍蝦仔，好大隻凍蝦，蟹腳，青口同埋一啲蝦仁蝦仁就食得方便，但係味道就完全唔及大大隻嘅凍蝦龍蝦仔冇特別正常蟹腳偏瘦偏細隻青口亦都唔係藍青口重點！係佢冇生蠔Cheese 正常自己撈嘅沙律我幾乎冇食過，佢調咗味嘅沙律亦都唔係特別好食，所以可以忽略佢嘅配菜有法邊豆，橄欖之類，但係都係一般般，可以忽略不過佢嘅parma ham我覺得好味唔太鹹佢嘅哈密瓜都非常之甜，非常之香佢嘅煙三文魚望落去唔似煙三文魚，但係食落去煙燻味