影片
更多
2021-05-01
8843 瀏覽
出國旅遊似乎今年內都係無望, 唯有發掘下香港有冇d特色美食, 先滿足一下味蕾吧!得知大學站附近一間Hyatt Regency Hotel, 推出限定主題以"台灣風味"嘅Dinner buffet, 幾年冇去台灣, 今晚同丫妹去食番餐!餐廳樓底高, 設室內同室外座位, 室內還掛上了"天燈", 滿有台灣氣氛。呢度嘅防疫措施都做得嚴謹, 除左入餐廳前需scan安心出行、量體溫、到自助區需佩戴口罩外, 有職員駐守於自助區入口, 監測所有食客需消毒雙手方可進入自助區, 無論是一口氣螞蟻搬家, 每次都需要消毒雙手。自助區分四個區, 分別為"台灣風味"主題區: 款式多多, 有如一個小小台灣夜市, 包括有傳統紅燒牛肉麵、台式滷肉飯、地道蚵仔煎、鹽酥雞、炒米粉、台灣腸、台灣糯米腸等等....特別推介麻辣鴨血, 味道真係好地道!!仲有刀削麵, 自己揀齊配料同份量, 廚師協助煮理, 份量同配搭岩哂自己心水。 雖說台灣主題, 也有不少酒店一向供應嘅食物款式。冷盤區: 多款沙律、凍肉拼盤、冷盤海鮮 (波士頓龍蝦、長腳蟹、凍蝦、青口、海螺), 日式刺身、壽司、冷蕎麥麵等等...呢度嘅冷盤海鮮都很新鮮, 尤其波士
得知大學站附近一間Hyatt Regency Hotel, 推出限定主題以"台灣風味"嘅Dinner buffet, 幾年冇去台灣, 今晚同丫妹去食番餐!
餐廳樓底高, 設室內同室外座位, 室內還掛上了"天燈", 滿有台灣氣氛。
呢度嘅防疫措施都做得嚴謹, 除左入餐廳前需scan安心出行、量體溫、到自助區需佩戴口罩外, 有職員駐守於自助區入口, 監測所有食客需消毒雙手方可進入自助區, 無論是一口氣螞蟻搬家, 每次都需要消毒雙手。
自助區分四個區, 分別為
"台灣風味"主題區:
款式多多, 有如一個小小台灣夜市, 包括有傳統紅燒牛肉麵、台式滷肉飯、地道蚵仔煎、鹽酥雞、炒米粉、台灣腸、台灣糯米腸等等....特別推介麻辣鴨血, 味道真係好地道!!
仲有刀削麵, 自己揀齊配料同份量, 廚師協助煮理, 份量同配搭岩哂自己心水。
雖說台灣主題, 也有不少酒店一向供應嘅食物款式。
冷盤區:
多款沙律、凍肉拼盤、冷盤海鮮 (波士頓龍蝦、長腳蟹、凍蝦、青口、海螺), 日式刺身、壽司、冷蕎麥麵等等...
呢度嘅冷盤海鮮都很新鮮, 尤其波士頓龍蝦、長腳蟹, 鮮甜彈牙, 至於海螺同埋凍蝦都已被去殼, 食得方便。
刺身款式亦不少, 三文魚有魚香, 甜蝦、帆立貝、希靈魚鮮甜, 正!
另外要推介一下, 煙三文魚仲係超厚切!!!!
熟食區:
想不到就連花膠、鮑魚都係任食! 食到鮑魚本身嘅甜味。另外更有薄餅、羊架、香煎鴨肝多士、燒烤菜式等等...
其中很喜歡椰菜花忌廉湯, 椰菜花跟忌廉味平均, 我encore左兩round。
甜品區:
四面都有透明板圍執, 需向入面職員示意遞出, 夠哂衛生。
台式跟西式甜品同時供應,
有蛋糕、即製窩夫、banana pancake、水果杯;
至於台式甜品就有黑糖薑芋圓糖水、自家製鳳梨酥、大甲芋泥卷蛋等....
飲品方面, 就只有凍檸水任飲, 每位包一杯coffee/tea/台式特飲(百香果多多爆珠綠茶/水蜜桃蜂蜜綠茶/檸檬薑母茶),
另外可order 台灣手工啤 ($45+10%)
眼闊肚窄, 最後飽得甜品我都只能食到一款----表面微脆有蛋香嘅即製窩夫,
所有食物refill 頻率好高, 雖然只係平日晚, 室內全場坐滿食客, 但自助區未見出配過搶食/吉碟
台灣主題期間限定至31/5, 下次帶埋屋企人黎食先!
張貼
